Saturday, July 18, 2015

NLD မှ စိန်ကောင်းတစ်ပွင့် ထိုက်တန်စွာရရှိခဲ့ပြီ


 ပြည်မြို့အတွက် လွှတ်တော်ကိုယ်စားလှယ် ဝင်အရွေးခံမည့်ဒေါက်တာခင်စိုးစိုးကြည်

ကျွန်တော်ဆယ်တန်းကျောင်းသားဘဝ အမေစု ပေါင်းတလည်ကိုလာတော့ ကျောင်းကဆရာ ဆရာမတွေက တစ်ကျောင်းလုံးဘယ်သူမှမသွားရဘူးဆိုပြီးတားမြစ်ခဲ့ပါတယ် သူတို့ကိုယ်တိုင်လဲမသွားခဲ့ကြပါဘူး ဒါပေမဲ့ကျွန်တော်ကတော့ရောက်အောင်သွားခဲ့ပါတယ် အမေစု ကားတန်းကို ဆိုင်ကယ်နဲ့ လက်ပံတော ရွာကနေသွားကြိုခဲ့ပါတယ် အဖေပေးထားတဲ့ပင်နီလေးဝတ်ပြီးတော့ပေါ့ အမေစု ကားတန်းရှေ့ကနေ ဂုဏ်ယူဝင့်ကြွားစွာနဲ့ ပေါင်းတလည်ကိုဝင်လာတဲ့အချိန်မှာပဲ များပြားလှတဲ့လူအုပ်ကြီးက အမေစု သက်တော်ရာကျော်ရှည်ပါစေ စစ်အာဏာရှင်စနစ်ကျဆုံးပါစေ ဆိုပြီးကြွေးကျော်ခဲ့ကြပါတယ် အမေစု ဟောပြောပွဲ စင်မြင့်ပေါ်တက်လာတဲ့အချိန် မှာပဲ ကျွန်တော်ထင်မှတ်မထားတဲ့ဖြစ်ရပ် ကိုမြင်တွေ့ခဲ့လိုက်ရပါတယ် အဲ့တာကတော့ ကျွန်တော်တို့နယ်မြို့ကလေးကို တိုက်နယ်ဆရာဝန်အဖြစ်တာဝန်ကျခဲ့တဲ့ ဒေါက်တာခင်စိုးစိုးကြည် က လက်ထဲမှာပန်းစည်းကိုကိုင်ပြီးစင်မြင့်အထက်ကအမေစုလက်ထဲကိုယ်တိုင်သွားပေးခဲ့ပါတယ် ကျွန်တော်လည်းအံသြသွားပြီးဆရာမဆင်းလာတာနဲ့ မေးခွန်းထုတ်လိုက်မိပါတယ်
ဒေါက်တာ ကျွန်တော်တို့ကျောင်းကဆရာ ဆရာမတွေကတော့ သူတို့ထမင်းအိုးကွဲမှာစိုးလို့ဘယ်ကျောင်းသားမှမသွားရတဲ့အပြင်သူတို့ကိုယ်တိုင်လဲမလာရဲခဲ့ဘူး ဒေါက်တာရောအလုပ်ပြုတ်မှာမကြောက်ဘူးလားဆိုတော့ ဒေါက်တာပြန်ပြောလိုက်တဲ့စကားက
သားရယ်ဘာလို့ကြောက်ရမှာလဲကွယ် သူတို့ဖြုတ်ချင်လည်းဖြုတ်ပါစေ ကိုယ့်မှာ ပညာရှိနေတာပဲ ကိုယ့်ပညာကိုတော့ ဘယ်သူမှလာဖြုတ်လို့မရပါဘူးကွယ် တဲ့ ကျွန်တော်လေးစားလိုက်တာဒေါက်တာရယ် နောက်မှထပ်သိလိုက်ရတာက ဒေါက်တာအဖေက တပ်မတော်အရာရှိ ဗိုလ်မှူး အငြိမ်းစား တဲ့လေ ဒေါက်တာရဲ့ထူးချွန်ထက်မြက်မူကြောင့်ငယ်ငယ်ရွယ်ရွယ်နဲ့ တိုက်နယ်ဆရာဝန်ကနေ ပြည်ဒုဆေးရုံအုပ်အဖြစ်တာဝန်ထမ်းဆောင်ခဲ့ရပါတယ် အဲဒီကနေမအူပင်ဆေးရုံအုပ်ကြီးအဖြစ်ရာထူးတိုးပြီး အလုပ်ကနေ ထွက်လိုက်ပါတယ် ယခု ပေါင်းတလည်အမျိုးသားဒီမိုကရေစီအဖွဲ့ချုပ်အမေ့နှလုံးသားကျန်းမာရေးကွန်ယက်မှာ တတပ်တအားပူးပေါင်းပါဝင်ဆောင်ရွက်ပေးလျက်ရှိပါတယ်
ဆရာမအားအမြဲလေးစားချစ်ခင်လျက်
ရဲစွမ်း

0 အကြံပြုခြင်း: