Saturday, June 20, 2015

NLD အမတ်လောင်းတွေ ပိုင်ဆိုင်မှု အကုန်ချပြရမယ်


*****************************************************
NLD ပါတီကနေ ဝင်ရောက်အရွေးခံမယ့် လွှတ်တော်အမတ်လောင်းတွေဟာ ကာယကံရှင်နဲ့ ခင်ပွန်းဇနီးသည်တို့ရဲ့ ပိုင်ဆိုင်မှု၊ ၁၈နှစ်အောက် သားသမီးတွေရဲ့ နာမည်နဲ့ရှိတဲ့ ပိုင်ဆိုင်မှုအပါအဝင် ဘဏ်စာရင်းတွေ၊ စီးပွားရေးလုပ်ငန်းတွေနဲ့ပတ်သက်ပြီး ပြည်သူကို ပွင့်ပွင့်လင်းလင်း ချပြရမယ်လို့ ၂ရက်ကြာ ကျင်းပနေတဲ့ ဗဟိုကော်မတီအစည်းအဝေးမှာ မြန်မာ့ဒီမိုကရေစီခေါင်းဆောင်က ပြောလိုက်ပါတယ်။
လွှတ်တော်ကိုယ်စားလှယ်လောင်းတစ်ယောက်ဟာ မိမိကိုယ်ကျိုးအတွက်မဟုတ်ဘဲ တိုင်းပြည်အကျိုးစီးပွားအတွက်လုပ်ရတာဆိုတာ အမတ်လောင်းတွေ သိဖို့လိုပြီး ပိုင်ဆိုင်မှုအပြောင်းအလဲတွေရှိလာလို့ NLD ပါတီက စစ်ဆေးတဲ့အခါမှာလည်း မှန်မှန်ကန်ကန်ပူးပေါင်းပါ့မယ်ဆိုတဲ့ ကတိလက်မှတ် ရေးထိုးရမှာဖြစ်ပြီး အမတ်လောင်းကိုတော့ တကယ်တော်ပြီး အလုပ်လုပ်တဲ့သူကိုသာ ရွေးမယ်လို့ ပါတီဥက္ကဌ ဒေါ်အောင်ဆန်းစုကြည်က ပြောပါတယ်။
အမျိုးသားဒီမိုကရေစီအဖွဲ့ချုပ်ရဲ့ ၅ကြိမ်မြောက် ဗဟိုကော်မတီအစည်းအဝေးကို ရန်ကုန်မြို့ တော်ဝင်နှင်းဆီမှာ ဇွန်လ ၂ဝနဲ့ ၂၁ရက်တွေမှာ ကျင်းပနေတာဖြစ်ပြီး ပါတီဥက္ကဌက အဖွင့်မိန့်ခွန်း ပြောခဲ့ပါတယ်။
အချို့တွေက ရွေးကောက်ပွဲအောင်နိုင်ရေး အမတ်လောင်းရွေးကြပေမယ့် သူတို့ပါတီကတော့ ရွေးကောက်ပွဲလွန်ကာလ တိုင်းပြည်အောင်နိုင်ရေးကို အဓိကထား စဉ်းစားတယ်လို့ ဆိုပါတယ်။ ဒါ့ကြောင့် NLD ပါတီဝင်မဟုတ်တဲ့ အပြင်က တကယ်တော်တဲ့သူတွေကိုလည်း အမတ်လောင်းအဖြစ် ဖိတ်ခေါ်သွားမယ်လို့ ဒေါ်အောင်ဆန်းစုကြည်က ပြောပါတယ်။
ရွေးကောက်ပွဲကာလ တည်ငြိမ်မှုအရေးကြီးတာမို့ မတည်ငြိမ်ဘူးဆိုတဲ့ အကြောင်းပြချက်နဲ့ လမ်းကြောင်းပြောင်းတာမျိုး မဖြစ်စေချင်တဲ့အပြင် ရွေးကောက်ပွဲနဲ့ ရွေးကောက်ပွဲလွန်ကာလ တည်ငြိမ်အေးချမ်းပြီး ပြည်သူ့မျှော်လင့်ချက်ကို ထုဆစ်ချင်ပါတယ်လို့ လူထုခေါင်းဆောင်က ဆိုပါတယ်။
.
Photo : NLD Chairperson

News : Kamayut Media

0 အကြံပြုခြင်း: