Sunday, March 22, 2015

(DKBA) နှင့်ပတ်သက်၍ ပြည်တွင်းပြည်ပရှိ ကရင်အမျိုးသားများ စိုးရိမ်မှုဖြစ်


ကရင်အမျိုးသား- မီဒီယာ
မတ် - ၂၂ - ၂၀၁၅

သတင်း - ကရင်အမျိုးသား(မီဒီယာ)
ဓာတ်ပုံ (မူပိုင်) ကရင်အမျိုးသား(မီဒီယာ)
လက်ရှိဖြစ်ပေါ်နေသည့် ဒီမိုကရေစီအကျိုးပြု ကရင်တပ်မတော် (DKBA) အနေအထားများနှင့်ပတ်သက်၍ စိုးရိမ်ပူပန်မှုဖြစ်မိသည်ဟု နိုင်ငံတကာရောက် ကရင်အမျိုးသားများက သုံးသပ်ပြောဆိုကြသည်။

အမေရိကန်နိုင်ငံမှ စောထိခေါင်က " အခုကြားသိနေရတဲ့အနေအထားတွေက သူတို့အထဲမှာ မကြေလည်မှုတွေ ဖြစ်ပေါ်နေတယ်လို့ယူဆရတယ် အဖွဲ့အတွင်းမှာ စည်းလုံးညီညွတ်မှုမရှိတော့ဘဲ ဖြစ်ချင်ရာတွေဖြစ်ကုန်မှာကိုဘဲ စိုးရိမ်မိတယ်"ဟု ပြောဆိုသည်။

ဒိန်းမတ်နိုင်ငံမှ စောကျော်က အကယ်၍ ဒီကေဘီအေ ကို ဦးဆောင်လုပ်နေသည့် ခေါင်းဆောင်များ ကိုင်တွယ်မှုချို့ ယွင်းချက်များ ရှိခဲ့မည်ဆိုပါက ကြားလူကသာ အကျိုးဖြစ်ထွန်းနိုင်သောကြောင့် ဦးဆောင်မှုကို မှန်မှန်ကန်ကန် ကိုင်တွယ်ရန်လိုအပ်သည် ဟုလည်း ပြောဆိုသည်။

ကရင်ပြည်နယ် ဘားအံအခြေစိုက် ကရင်အရေးဆောင်ရွက်နေသည့် ဘုန်တော်ကြီးတပါးက " လိုအပ်ချက်ဆိုတာမျိုးက အပြင်ကလူကြည့်ရင် ပိုပြီးထင်သာမြင်သာရှိတတ်တယ် ဘာဘဲဖြစ်ဖြစ် အခုကြားနေမြင်နေရတဲ့ အနေအထားတွေကိုတော့ အားမရတာတော့အမှန်ဘဲ ကရင်လက်နက်ကိုင်အဖွဲ့အစည်းတွေ အရင်ကဖြစ်ခဲ့ကြတဲ့ အနေအထားတွေကို ပြန်လည်သတိမူကြဘို့ ဒီလိုကာလမျိုးမှာ အရေးကြီးတယ်"ဟု မိန့်ကြားသည်။

ကရင်အမျိုးသားအစည်းအရုံး KNU မှ အဆင့်မြင့်ခေါင်းဆောင်တဦးက ဗိုလ်ချုပ်မိုရှေးကို ယမန်နေ့က တာဝန်ပေးအပ်သည့်ဖြစ်စဉ်ကို အခြားဒီကေဘီအေ ခေါင်းဆောင်အချို့က ကျေနပ်မှုမရှိအကြောင်း သိရှိရသည်ဟုလည်း ပြောဆိုသည်။

ကရင်ပြည်နယ်မှ ပြည်သူလွတ်တော် ကိုယ်စားလှယ်တဦးက "သူတို့အဖွဲ့အစည်းအနေနဲ့ စည်းလုံးညီညွတ်မှုကို အပျက်ခံမယ်လို့တော့ မထင်ဘူး ဒါပေမဲ့ လက်ရှိအနေအထားတွေအပေါ်မှာတော့ ဘာဘဲဖြစ်ဖြစ် ညီညွတ်မှုကို ဦးစားပေးတည်ဆောက်ကြ ဘို့တော့ ပြောချင်ပါတယ်" ဟု ဆိုသည်။

မလေးရှားရောက် ကရင်လူငယ်တဦးက " ကိုယ့်ကိုဖြို ခွဲမယ့်လူတွေက အရံသင်ရှိနေတဲ့အတွက် ကရင်အဖွဲ့အစည်းတွေအနေနဲ့ ညီညွတ်မှုမပြို ကွဲအောင်တော့ အထူးသတိရှိရမယ် အဲလိုမဟုတ်လို့ကတော့ အားလုံးသိကြတဲံအတိုင်းဘဲ (KNU) လိုမျိုး အဖွဲ့ကြီးတောင် ကွဲထွက်သွားရသေးတာဘဲ ကရင်တွေအချင်းချင်း နားလည်မှုတွေပေးကြဘို့ ကရင်အမျိုးသားထုရဲ့ မျက်နှာကိုထောက်ရှုကြဘို့ ပြောချင်တယ် "ဟု ဆိုသည်။

ဧရာဝတီတိုင်းဒေသကြီး ပန်းတနော်မြို့ မှ ဘုန်တော်ကြီးတပါးက " ကရင်အမျိုးသားအရေး ဆောင်ရွက်နေသူတွေအနေနဲ့ မိမိကိုယ်မိမိ ဆင်ဦးစီးလိုအမြဲ သတိရှိရမယ် ဆင်ဆိုတဲ့သတ္တ၀ါဆိုတာက ဆင်ဦးစီးကိုပြန်ပြီးလုပ်ကြံဘို့ တနေ့သုံးကြိမ် ကြံစည်တတ်တယ် ဆိုတော့ ကိုယ့်အမျိုးသားတွေ ကိုယ်ကျိုးနည်းရမဲ့ အဲပြု အမှုတွေကို မလုပ်ဆောင်မိကြဘို့ အရေးကြီးတယ် "ဟု မိန့်ကြးသည်။

ပြည်တွင်းပြည်ပရှိကရင်များက စိုးရိမ်ပူပန်သည့် အချက်များထဲတွင် ဗဟိုမှထုတ်ပယ်ထားသည့် ဗိုလ်ဆန်းအောင်ကို ကလို့ထူးဝါး အခြေချစစ်ဗျူ ဟာမှ ဗျူ ဟာမှူးဗိုလ်မှူးချုပ်ကျော်သက်က အဖွဲ့ဝင်အဖြစ် ပြန်ခန့်လိုက်သည့်ကိစ္စနှင့် ယမန်နေ့က ဒုစစ်ဦးစီးချုပ်ကို ဦးစီးချုပ်တာဝန် လွဲပြောင်းလိုက်သည့် ဖြစ်စဉ်များ ပါရှိသည်ဟုလည်း သုံးသပ်ပြောဆိ်ုကြသည်။

(DKBA) ဌာနချုပ်မှ တပ်မှူးကြီးတဦးက " ကျနော်တို့အဖွဲ့အစည်းမှာတော့ စိုးရိမ်ပူပန်စရာဖြစ်လောက်တဲ့ အနေအထားတွေ မရှိပါဘူး " ဟု ကရင်အမျိုးသား(မီဒီယာ)ကို ပြောသည်။


ပုံစာ - လက်ရှိ (ဒီကေဘီအေ) ထိပ်တန်းတပ်မှူးများ ။



 ဗျူဟာမှူး ဗိုလ်မှူးချုပ်စောဘိ ကလို့ထူးလား အခြေချစစ်ဗျူဟာ

ဗျူဟာမှူးစောဆန်းအောင် (ယခင်) ကလို့ထူးဘော အခြေချစစ်ဗျူဟာ

 ဗိုလ်ချုပ်စောမိုရှေး ဒုတိယစစ်ဥိးစီးချုပ်



ဗိုလ်ချုပ်ကြီးစောလားပွယ်

 ဗျူဟာမှူး ဗိုလ်မှူးချုပ်ကျော်သက် ကလို့ထူးဝါး အခြေချစစ်ဗျူဟာ

0 အကြံပြုခြင်း: