Monday, March 9, 2015

မင်းသွေးသစ် ၏ တောင်းပန်နှုတ်ဆက် စကား


ကျောင်းသားတွေ ချီတက်ဖို့ ပြင်ဆင်နေပြီ
ဒီနေ့မနက်(10:10)နာရီမှာလက်ပံတန်းမြို့မှာတားဆီးပိတ်ဆို့ခံထားရတဲ့ဗကသများအဖွဲ့ချုပ်ကဦးဆောင်တဲ့ကျွန်တော်တို့ပင်မသပိတ်စစ်ကြောင်းကသပိတ်မှောက်ကျောင်းသားတွေဟာအစိုးရအာဏာပိုင်များကတားဆီးထားတဲ့အတားအဆီးများကိုဖြတ်ကျော်ချီတက်ကြတော့မှာဖြစ်ပါတယ်။

မနက်ဖြန်ဘယ်လိုဖြစ်လာမယ်မသိရသေးတဲ့အခြေအနေကြောင့်ကျွန်တော့်စိတ်ထဲမှာကျွန်တော်တန်ဖိုးထားမြတ်နိုးသူများကိုနှုတ်ဆက်ချင်တဲ့ခံစားချက်ဖြစ်ပေါ်လာမိတယ်။ဒါကြောင့်စာရေးပြီးတောင်းပန်နှုတ်ဆက်စကားပြောတာဖြစ်ပါတယ်။အခုလိုတောင်းပန်နှုတ်ဆက်စကားပြောဆိုဖို့အခွင့်အရေးရခြင်းဟာလဲအရင်ခေတ်အဆက်ဆက်ကအနစ်နာခံတိုက်ပွဲဝင်ပေးခဲ့ကြတဲ့ကျောင်းသားမျိုးဆက်ဟောင်းနောင်တော်အမတော်တို့ရဲ့ပေးဆပ်မှုတွေကြောင့်ဆိုတာကိုလဲမမေ့မလျော့မှတ်တမ်းတင်အပ်ပါတယ်။

ရတနာသုံးပါးနဲ့မိဘဆရာသမားတို့ရဲ့ဂုဏ်ကျေးဇူးကြောင့်ယခုအချိန်အထိခလုပ်မထိဆူးမညိသေးတာမို့အနန္တောအနန္တငါးပါးအပေါ်ကိုယ်၊နှုတ်၊စိတ်သုံးပါးမှတခုခုနဲ့ပစ်မှားမိခဲ့သည်ရှိသော်ကျေအေးပါစေကြောင်းတောင်းပန်ကန်တော့အပ်ပါတယ်။

ကျွန်တော်ဆူပူသမျှမငြီးမငြူသည်းခံပေးတဲ့ရဲဘော်ရဲဘက်များအားလုံးကိုလဲမမေ့မလျော့ကျေးဇူးတင်ကြောင်းပြောလိုပါတယ်။အထူးသဖြင့်ကျေးဇူးတင်ဂုဏ်ပြုရမှာဖြစ်တဲ့သပိတ်စစ်ကြောင်းချီတက်စဉ်လမ်းတလျှောက်မှာကျွန်တော်တို့သပိတ်မှောက်ကျောင်းသားတွေအပေါ်သားသမီးရင်းနဲ့မခြားစောင့်ရှောက်ဝန်းရံကျွေးမွေးပြုစုပေးခဲ့ကြတဲ့မိဘပြည်သူများနဲ့ကျွန်တော့်အပေါ်သည်းခံနားလည်ပေးရှာတဲ့ 'သူ့' ကိုကျေးဇူးတင်ပါကြောင်းနဲ့ကျွန်တော်တို့
ခေတ်သမိုင်းမှာခေတ်ကြီးကကျွန်တော်တို့ပုခုံးပေါ်တင်ပေးလိုက်တဲ့တာဝန်ကိုကြိုးစားထမ်းရွက်ရင်းရည်ရွယ်ချက်မပြည့်မြောက်သေးခင်တာဝန်ဆက်လက်ထမ်းဆောင်ခွင့်မရခဲ့သော်နားလည်ခွင့်လွှတ်ပေးကြပါလို့ကိုယ့်ကံကြမ္မာကိုယ်မသိသေးတဲ့စနစ်ဆိုးအောက်ကကျောင်းသားလူငယ်တစ်ဦးအနေနဲ့တောင်းပန်ခဲ့ပါတယ်ခင်ဗျာ........

.
မင်းသွေးသစ်
ဗကသများအဖွဲ့ချုပ်

0 အကြံပြုခြင်း: