Tuesday, March 10, 2015

အခြေအနေတွေက ကျနော်တို့ ထင်ထားတာထက် ပိုဆိုးသွားပြီ။

video
ဖြိုးဖြိုးအောင်

 စောစောပိုင်းကပဲ လက်ပံတန်းမှာရှိတဲ့ သပိတ်မှောက်ကျောင်းသားတွေကို ရဲက စပြီး အကြမ်းဖက် ဖြိုခွဲတယ်။ ဘုန်းကြီးကျောင်းတွေ၊ အရပ်သားအိမ်တွေထဲအထိ ဝင်ပြီး ရိုက်နှက်ဖမ်းနေပြီ။ သတင်းထောင် သုံးယောက် အဖမ်းခံရတဲ့အထဲမှာ ပါသွားတယ် လို့ အဲဒီနေရာရောက်နေတဲ့ The Voice သတင်းထောက်ဆီက သိရတယ်။

တကယ်တော့ ပဲခူးတိုင်း နယ်/လုံဝန်ကြီးနဲ့ သပိတ်မှောက် ကျောင်းသားတွေနဲ့ မနက်စောစောပိုင်းက သဘောတူထားတဲ့ အချက်တွေကို ထွက်ခါနီးကျမှ နယ်/လုံဝန်ကြီးဖက်က ပြန်ပြောင်းသွားတဲ့အတွက် အခြေအနေက ပိုတင်းမာသွားခဲ့တာပါ။ သပိတ်မှောက်ကျောင်းသားတွေက လက်ပံတန်းကနေ တာဆုံအထိ လမ်းလျှောက်ချီတက်မယ်၊ အဲဒီကနေမှ ရန်ကုန်ကို ကားနဲ့ လာမယ်လို့ စောစောက ပြောဆိုချက်ကို သဘောတူထားတာ။ အဲဒါကို ထွက်ခါနီးကျမှ အလံမထောင်ရဘူး၊ ကားတွေ စီတန်းမသွားရဘူးလို့ နယ်/လုံဝန်ကြီးက စည်းကမ်းချက် အသစ်ထုတ်ပြီး တားတယ်။ အဲတော့ သပိတ်မှောက် ကျောင်းသားတွေက အတားအဆီးတွေကို ချိုးဖျက်ပြီး စထွက်ဖို့လည်းလုပ်ရော ရဲတပ်ဖွဲ့က နှိမ်နင်းတော့တာပဲ။

အရပ်သားတွေရော၊ ကျောင်းသားတွေရော၊ သတင်းထောက်တွေရော တွေ့ကရာ အကုန်ဖမ်းနေတာမျိုးက ဥရောပသမဂ္ဂ(အီးယူ)က ပေးထားတဲ့ အထိကရုဏ်း နှိမ်နင်းနည်းသင်တန်းမှာ ပါသလား။ သတင်းထောက်ဆိုတာ ဖြစ်ပျက်နေတဲ့ ကိစ္စတွေကို အချိန်မဆိုင်းပဲ အရင်းအတိုင်း ပြည်သူကို သတင်းတင်ပြပေးဖို့ တာဝန်ထမ်းနေတဲ့သူတွေ။ ဘေးနားက ဒေသခံ ပြည်သူတွေကလည်း ကျောင်းသားတွေကို မေတ္တာနဲ့ စောင့်ရှောက် အားပေးနေကြတာ။ ကျောင်းသားတွေကလည်း အကြမ်းဖက် ဆူပူနေကြတာမဟုတ်ဘူး။ ဒါဖြင့် ဘာလို့ ဒီလို အကြမ်းနည်းနဲ့ နှိမ်နင်းတာလဲ။

အစောကြီးကတည်းက အားလုံးကပြောနေကြတယ်၊ အေးအေးချမ်းချမ်း ညှိနှိုင်းဖြေရှင်းလို့ ရနေတဲ့ တောင်းဆိုချက်တွေဖြစ်နေရဲ့သားနဲ့ ဘာလို့ ဒီလောက်အထိ ဖြစ်သွားအောင် တမင်လွှတ်ပေးသလို လုပ်ခဲ့တာလဲလို့။ ကျောင်းသားတွေတောင်းဆိုချက်ထဲမှာ ဘယ်အချက်ကများ တိုင်းပြည်ဆူပူအောင်လှုံ့ဆော်နေသလဲ၊ ဘယ်အချက်ကများ အချုပ်အခြာ အာဏာကို ထိပါးနေသလဲ၊ ဘယ်အချက်ကများ မဖြစ်နိုင်တာကို အလွန်အကျွံ တောင်းဆိုနေသလား မေးစမ်းပါရစေ။ ကျောင်းသားလူငယ်တွေ မသိနားမလည်တို့ ရပြီးသား ကိစ္စတွေ တောင်းနေရင်တောင် သူတို့တွေ နားလည်အောင် စိတ်ရှည်လက်ရှည်နဲ့ ရှင်းပြရမှာ မဟုတ်ဘူးလား။ အခုဟာက ဒီလိုတွေ ဖြစ်လာအောင် တမင်အကွက်ဆင်ထားသလိုကြီး ဖြစ်မနေဘူးလား။

သပိတ်မှောက် ကျောင်းသားတွေနဲ့ အစိုးရကို ဘယ်ဖက်က မှန်တယ်၊ မှားတယ်ထား။ ဖြစ်နေတာကို ဖြစ်နေတဲ့အတိုင်း သတင်းတင်ပြပေးနေတဲ့ သတင်းသမားတွေကိုပါ မကြာခဏ ဖမ်းနေတာတော့ တစ်ဆိတ် လွန်သွားပြီလို့ ပြောချင်တယ်။ ဖမ်းတာမှ ရိုးရိုးဖမ်းတာမဟုတ်ဘူး။ သပိတ်မှောက်ကျောင်းသားတွေရဲ့ စည်းဝိုင်းအပြင်ဖက်ကနေ သတင်းဓာတ်ပုံရိုက်နေတဲ့ သတင်းထောက်တွေကို ရဲတွေက နောက်ကနေ ဝင်ရိုက်ပြီးတော့ကို ဖမ်းတာ။ သတင်းထောက်အများစုကတော့ ရိုက်နေတုန်း ထွက်ပြေးလို့ လွတ်သွားကြပေမယ့် တချို့ ဖမ်းခံလိုက်ရတယ်။ ဒါကျတော့ ဥပဒေနဲ့အညီ တာဝန်ယူထိန်းသိမ်းရမယ့် ပြည်သူ့ဝန်ထမ်းဖြစ်တဲ့ ရဲတပ်ဖွဲ့ဝင်တွေက ဥပဒေချိုးဖောက်တာ မဟုတ်ဘူးလား။

သတင်းသိခွင့်ရှိတဲ့ နိုင်ငံသားတွေကို ဒီနိုင်ငံမှာ ဘာတွေဖြစ်နေတယ်ဆိုတာ သတင်းတင်ပြပေးနေတဲ့ သတင်းသမားတွေကို ဖမ်းတာ တကယ်တော့ နိုင်ငံတကာမှာ ပြဋ္ဌာန်းထားတဲ့ သတင်းသမားတွေကို အကာအကွယ်ပေးတဲ့ ဥပဒေတွေ၊ မြန်မာနိုင်ငံမှာ ပြည်ထောင်စုလွှတ်တော်က အတည်ပြု ပြဋ္ဌာန်းထားတဲ့ သတင်းမီဒီယာဥပဒေပါ သတင်းသမားအခွင့်အရေးတွေ၊ ဖွဲ့စည်းပုံအခြေခံဥပဒေပါ နိုင်ငံသားအားလုံးရဲ့အခြေခံရပိုင်ခွင့်တွေကို ပြောင်ပြောင်တင်းတင်း ချိုးဖောက်တဲ့သဘော သက်ရောက်တယ်။

ဖြစ်ပျက်သမျှကို ပြည်သူဆီ သတင်းတင်ပြပေးနေတဲ့ သတင်းသမားတွေကို ရိုက်နှက်ပြီး ဖမ်းတာက သူတို့လုပ်ရပ်တွေ ပေါ်အောင်လုပ်တဲ့အတွက် တမင်နှိပ်ကွပ်တယ်လို့ ယူဆစရာဖြစ်နေတယ်။ ရဲတွေရဲ့ လက်ရှိလုပ်ရပ်က ကျောင်းသားတွေနဲ့ သတင်းသမားတွေကို ကမ္ဘာမကြေဖြစ်အောင်၊ မကြေနပ်ချက်တွေ၊ အညှိုးအတေးတွေ၊ မုန်းတီးမှုတွေ၊ နာကျည်းမှုတွေ တနင့်တပိုးရသွားအောင် တမင်လုပ်လိုက်သလိုပဲ။ ဒီကိစ္စအပေါ် အေးအေးချမ်းချမ်း ကိုင်တွယ် ဖြေရှင်းကြဖို့ မေတ္တာရပ်ခံနေကြတဲ့ လူကြီးသူမတွေ၊ ပြည်သူတွေရဲ့ မျက်နှာကိုလည်း တံတွေးနဲ့ ထွေးလိုက်သလိုပဲ။

နံပါတ်တစ်က သက်ဆိုင်ရာ တိုင်းဒေသကြီး ရဲတပ်ဖွဲ့နဲ့ နယ်/လုံဝန်ကြီးမှာ တာဝန်ရှိတယ်။ နံပါတ် နှစ်က ပဲခူးတိုင်း ဒေသကြီးအစိုးရမှာ တာဝန်ရှိတယ်။ နံပါတ်သုံးက ဒီလိုကိစ္စမျိုးတွေဆို အထက်က တိုက်ရိုက်အမိန့်ပေးတတ်တဲ့အတွက် ပြည်ထဲရေးဝန်ကြီးဌာနမှာ တာဝန်ရှိတယ်။ နံပါတ် လေးကတော့ အစိုးရအဖွဲ့ထဲက ဘယ်ဝန်ကြီးဌာနကပဲ လုပ်လုပ် ဝန်ကြီးဌာနအားလုံးရဲ့ ကိုယ်စား ပြည်ထောင်စု အစိုးရအဖွဲ့မှာ တာဝန်ရှိတယ်။ နံပါတ်ငါးကတော့ ပြည်ထောင်စုအစိုးရတစ်ဖွဲ့လုံး ကိုယ်စား အဓိကတာဝန်ခံရသူ နိုင်ငံတော်သမ္မတမှာ တာဝန်ရှိတယ်။


နှစ်ပေါင်းမနည်းကြီး ပျက်ယွင်းထားတဲ့ အပြန်အလှန် နားလည်မှု၊ ယုံကြည်မှု၊ လေးစားမှုကို ကြိုးစားပမ်းစား တည်ဆောက်နေတာ ဘာမှ မကြာသေးဘူး။ အဲဒါတွေ အားလုံးကို မတ်လ ၅ ရက် အကြမ်းဖက်မှုနဲ့ ဒီနေ့ ဖြစ်ရပ်နှစ်ခုက အမြစ်ကနေ လှန်ပြီး နှုတ်ပစ်လိုက်သလိုပဲ။ ဒီအတွက် ဖြစ်ပေါ်လာမယ့် အကျိုးဆက်အားလုံးကို တာဝန်ရှိတဲ့နေရာမှာ တာဝန်ယူထားတဲ့သူတွေ တာဝန်သိစိတ်နဲ့ ဖြေရှင်းနိုင်မလားပဲ စောင့်ကြည့်ရတော့မယ်။ ဒီလိုမှမဟုတ်ရင်တော့ သန်းခြောက်ဆယ်သော ပြည်သူလူထုရဲ့ ကံကြမ္မာကိုပဲ ယိုးမယ်ဖွဲ့ရမယ်။

Kyaw Min Swe

0 အကြံပြုခြင်း: