Thursday, October 23, 2014

ဖွဲ့စည်းပုံအခြေခံဥပဒေမပြင်နိုင်ဘူးဆိုရင်ထိခိုက်နိုင်(ကိုမင်းကိုနိုင်)




88 Generation - Public Relation

“ ဖွဲ့စည်းပုံအခြေခံဥပဒေမပြင်နိုင်ဘူးဆိုရင် နိုင်ငံရဲ့အသွင်ကူးပြောင်းရေး
လုပ်ငန်းစဉ်တွေကို ထိခိုက်နိုင်တဲ့အတွက် ပြင်ဆင်နိုင်ရေးအတွက် ပြည်သူ
အားလုံးပူးပေါင်းပါဝင်ဖို့လို ”
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
[၂၀၀၈ ဖွဲ့စည်းပုံ အခြေခံဥပဒေပြင်ဆင်ရေးနှင့်ပတ်သက်ပြီး RFA သတင်း
ဌာန၏မေးမြန်းချက်အပေါ် ၈၈မျိုးဆက်( ငြိမ်းချမ်းရေးနှင့် ပွင့်လင်းလူ့အဖွဲ့
အစည်း)မှ ကိုမင်းကိုနိုင်၏ဖြေကြားချက်အား တင်ပြအပ်ပါသည်။ ]
.
RFA မေး - ၂၀၀၈ ဖွဲ့စည်းပုံအခြေခံဥပဒေပြင်ဆင်ရေးအကောင်အထည်
ဖော်မှုကော်မတီက မနေ့က ပြည်ထောင်စုလွှတ်တော်မှာ အစီရင်ခံစာ
တင်ပါတယ်။ အဲဒီအစီရင်ခံစာထဲမှာ ပုဒ်မ(၄၃၆) (က)၊ (ခ)ကို
မပြင်ပဲနဲ့... ဒီတိုင်း မူလအတိုင်းပဲထားဖို့ဆိုပြီးတော့ တပ်မတော်သား
ကိုယ်စားလှယ်တွေက အကြံပြုထားပါတယ်။ ဒီအပေါ်မှာ ကိုမင်းကိုနိုင်ရဲ့
သဘောထားအမြင် သိချင်ပါတယ်...။

ကိုမင်းကိုနိုင် ▬ “ ဒါကို...ဒီလိုဖြစ်နိုင်ချေတွေအားလုံးကို ကျနော်တို့
ဘက်က တွက်ဆထားပြီးသားပါ။ တစ်ခုပဲရှိတယ် ကျနော်တို့ရဲ့သမိုင်း
တလျှောက်ကိုပြန်ကြည့်လိုက်...ဘယ်သောအခါကမှ လွယ်လွယ်ကူကူ
လျောလျောရူရူနဲ့ ပြည်သူ့ဆန္ဒကို လိုက်လျောခဲ့တာမရှိဘူး။ ပြည်သူတွေ
ဘက်က လက်မှတ်ထိုးထားတဲ့ အရွယ်ရောက်ပြီးတဲ့ပြည်သူတွေ၊ မဲဆန္ဒ
ပေးခွင့်ရှိတဲ့ပြည်သူတွေ (၅)သန်းကျော်ရဲ့သဘောထားဆန္ဒကို
ဘယ်လောက်လေးစားသလဲ၊ ဘယ်သူတွေလေးစားသလဲဆိုတာကို
ကျနော်တို့ ထင်ရှားပေါ်လွင်စေချင်တာပဲ။ လွတ်တော်ထဲမှာ ပြည်သူ
ရွေးချယ်တင်မြှောက်ထားတဲ့ ကိုယ်စားလှယ်တွေကဘယ်လိုသဘောထား
ပေးလဲဆိုတာလဲ ကျနော်တို့ပေါ်လွင်စေချင်တယ်။

အဲတော့ ရွေးချယ်တင်မြှောက်ခြင်းမရှိပဲနဲ့ ၀င်လာတဲ့သူတွေကတော့
ဒီလိုသဘောထားမျိုးပေးတယ်ဆိုတာကတော့ မဆန်းဘူးပေါ့ဗျာ။
ကျနော်တို့ဘက်က ဘာကိုလိုနေပြီလဲဆိုတော့...ဒီထက်ပိုပြီးတော့
ရုန်းကန်ရဦးမယ်ဆိုတာကတော့ သေချာတာပေါ့။ ကျနော်တို့ စိတ်ပျက်ခြင်း
မရှိပါဘူး။ ”

RFA မေး - ပုဒ်မ ၄၃၆ (က) နဲ့(ခ)မှာ အဓိကက ၂၀၀၈ ဖွဲ့စည်းပုံကို ပြင်မယ်
ဆိုရင် ပြည်ထောင်စုလွှတ်တော်ကိုယ်စားလှယ်အားလုံးရဲ့ (၇၅)ရာခိုင်နှုန်း
ကျော်ဆန္ဒနဲ့သာ ပြင်ရမယ်ဆိုတော့ ဒီလွတ်တော်မှာက တပ်မတော်သား
လွှတ်တော်ကိုယ်စားလှယ်က (၂၅)ရာခိုင်နှုန်း ရှိတယ်ဆိုတော့ ...ဒီ၂၀၀၈
ဖွဲ့စည်းပုံပြင်ဆင်ရေးအလားအလာ ဘယ်လိုများသုံးသပ်နိုင်မလဲ။

ကိုမင်းကိုနိုင် ▬ အဲဒါအားလုံးဟာ ကျနော်တို့ ပြည်ထောင်စုသားအားလုံးရဲ့
စိတ်ရောကိုယ်ပါ ၀င်ရောက်ပူးပေါင်းဆောင်ရွက်မှုပေါ်မှာပဲ မူတည်ပါလိမ့်
မယ်။ အထူးသဖြင့်တော့ တိုင်းရင်းသားဒေသတွေက တိုင်းရင်းသားခေါင်း
ဆောင်တွေ လက်နက်ကိုင်သည်ဖြစ်စေ၊ လက်နက်မကိုင်သည်ဖြစ်စေပေါ့ဗျာ။
ဒီနေ့မြန်မာနိုင်ငံရဲ့ကိစ္စက နှစ်ခုဖြစ်နေတယ်။ ပြည်တွင်းငြိမ်းချမ်းရေးရယ်၊
ဖွဲ့စည်းပုံပြင်ဆင်ရေးရယ်။ အဲဒီနှစ်ခုလုံးကို အညီအမျှ အားစိုက်ရမယ်။
တစ်ခုခုကို ချန်ထားလို့မရဘူး။ အဲဒါကိုသဘောချင်းညီတယ်ဆိုရင် ကျနော်တို့
အလုပ်လုပ်လို့ရပါတယ်။

RFA မေး - အခြေခံဥပဒေပြင်ဆင်နိုင်ဖို့က ဒီပုဒ်မ၄၃၆က အဓိက ကျတယ်
ဆိုတော့...အခုလွှတ်တော်မှာမပြင်ဆင်နိုင်ဘူးဆိုရင် ဘာဆက်လုပ်ဖို့ဖြစ်
နိုင်မလဲ၊အခြေအနေတွေ ဘယ်လိုဖြစ်လာနိုင်မလဲ။

ကိုမင်းကိုနိုင် ▬ “ ဒီကိစ္စကို ဆက်ပြီးတော့ ရင်ဆိုင်ရုန်းကန်ရမှာ ကျနော်တို့
တစ်ဖွဲ့တင်မဟုတ်ဘူးဗျ။ အဲဒီတော့ ပြည်သူလူထုသဘောထားဆန္ဒကို
အလေးအနက်ထားကြရမယ့် အင်အားစုတွေအားလုံး ပူးပေါင်းကြရမှာပါ။
အဲဒီအခါကျရင်တော့ ဒီထက်လှုပ်ရှားမှုအရှိန်အဟုန်တွေ မြှင့်တင်ရဦးမယ်
ဆိုတာတော့ ဆုံးဖြတ်နိုင်ပါလိမ့်မယ်။ ”
.
RFA မေး - ၂၀၀၈ ဖွဲ့စည်းပုံအခြေခံဥပဒေကို ပြင်ဆင်နိုင်ဖို့အတွက် အဓိက
ဘာလိုအပ်မယ်လို့ ကိုမင်းကိုနိုင် မြင်ပါလဲ။

ကိုမင်းကိုနိုင် ▬ “ သူတို့က မ.ဆ.လ လက်ထက်ကတည်းက ဒီအတိုင်းပါပဲ။
အဲဒီတုန်းက တပ်မတော်ကိုယ်စားလှယ်က ၀င်ပြောခဲ့တာ ကောင်းကောင်း
မှတ်မိပါသေးတယ်။ ပါတီစုံဒီမိုကရေစီကို သဘောမတူဖူးပေါ့ဗျာ။ သဘော
မတူဖူးပေါ့။ တပ်က သဘောထားပေးတာပေါ့။ ဒါပေမယ့် ကျနော်တို့ပြည်သူတွေ
ဒီထက်ပိုပြီးတော့ ရုန်းကန်ကြရတာပဲ။ ဒီထက်ပိုပြီးတော့ ပေးဆပ်ခဲ့ကြရတာပဲ။
အဲဒီအပေါ်မှာ နောက်ဆုံးကြတော့ မပေးလည်းမရတဲ့ အနေအထားကို
ရောက်လာတာပေါ့။ ဒီဥပမာပါပဲ...ကျနော်တို့သမိုင်းတလျှောက်လုံးမှာ
ပြည်သူတွေရဲ့လွတ်မြောက်ရေး၊ ပြည်သူတွေရဲ့သဘောထားဆန္ဒဟာ
လွယ်လွယ်ကူကူနဲ့မရခဲ့ဖူးဆိုတာကို ကျနော်တို့သဘောပေါက်ထားပြီးသားပါ။ ”
.
RFA မေး - ၂၀၀၈ ဖွဲ့စည်းပုံအခြေခံဥပဒေကို မပြင်နိုင်ဖူးဆိုရင်ပေါ့။ အများ
တောင်းဆိုနေတဲ့ ဒီမိုကရေစီနည်းကျ မပြင်ဆင်နိုင်ဘူးဆိုရင် နိုင်ငံရဲ့အလား
အလာ ဘယ်လိုရှိလာနိုင်မလဲ။ ကိုမင်းကိုနိုင် ဘယ်လိုများ သုံးသပ်နိုင်မလဲ။

ကိုမင်းကိုနိုင် ။ “ အခုလည်း.. ကျနော်တို့တိုင်းပြည်ကဗျာ.....အသွင်ကူးပြောင်း
ရေးလို့သာကြွေးကြော်နေတာ...တကယ်ကျတော့လည်း...သူတို့ဖြေလျှော့
တာလောက်ပဲရှိပါသေးတယ်။ အဲဒီတော့ အဲဒီလုပ်ငန်းစဉ်တွေအကုန်
လုံးကို ထိခိုက်နိုင်တာပေါ့။

ကျနော်တို့ပြည်သူတွေဘက်ကလည်း ဒါကို သူများပေးမှရမယ့် သူတွေလို့
ဘယ်သောအခါကမှ နှလုံးသွင်းခဲ့တာမဟုတ်ပါဘူး။ ကျနော်တို့ဆက်ပြီးတော့
ရင်ဆိုင်ရမှာ၊စိန်ခေါ်မှုတွေ တွေ့ကြုံရဦးမှာပေါ့ဗျာ။ ”
.
RFA မေး -၂၀၀၈ ဖွဲ့စည်းပုံအခြေခံဥပဒေပြင်နိုင်ရေးအတွက်ကို ဘာတွေ
ဆက်လုပ်ဖို့ရော...အစ်ကိုတို့အနေနဲ့ ရည်မှန်းထားပါသလဲ။

ကိုမင်းကိုနိုင် ။ ကျနော်တို့အဖွဲ့အစည်းတစ်ခုတည်းနဲ့အလုပ် လုပ်မှာမဟုတ်
ပါဘူး။ကျနော်တို့နဲ့သဘောထားတူတဲ့ အင်အားစုတွေအားလုံးနဲ့လက်တွဲ
ပြီးတော့မှ တိုင်ပင်ပြီးတဲ့အခါမှာ ဆုံးဖြတ်ရမှာပါ။ ပြီးတော့မှ အကောင်
အထည်ဖော်ရမှာပါ။
.
အသံဖိုင်နားထောင်ရန် Link : soundcloud.com/burmeserfa/bowquhulezbk
- လူထုဆက်ဆံရေးဌာန -
၈၈မျိုးဆက်(ငြိမ်းချမ်းရေးနှင့်ပွင့်လင်းလူ့အဖွဲ့အစည်း )

0 အကြံပြုခြင်း: