Monday, September 1, 2014

ဥုံဖွ ... မြို့သစ်နှင့် ဟပ်ချလောင်းကုမ္ပဏီ



    Sunday, 31 August 2014 11:24


ရှာပုံတော် ဖွင့်နေရဆဲ ရန်ကုန်မြို့တော်ဝန်သည် မြို့တော်နေ ပြည်သူများကို သာမက တိုင်းဒေသကြီး လွှတ်တော် ကိုယ်စားလှယ် များကိုပါ ပါးစပ်အဟောင်းသား ဖြစ်စေမည့် သဝဏ်လွှာတစ်ခုကို ယခုလ ၂၂ ရက်နေ့က တိုင်းဒေသကြီးလွှတ်တော် အစည်းအဝေးတွင် ဖတ်ကြားလိုက်သည်။

သဝဏ်လွှာအရ ရန်ကုန်မြို့တော်၏ လူဦးရေ ကျပ်တည်းမှုကို ဖြေရှင်းရန်အတွက် မြေဧက သုံးသောင်းပေါ်တွင် မြို့သစ်တစ်ခု တည်သွားမည်ဟု ဆိုလိုက်ခြင်း ဖြစ်သည်။ တစ်ဆက်တည်းမှာပင် ယင်းစီမံကိန်းကို အကောင်အထည်ဖော်မည့် ကုမ္ပဏီကိုပါ ထုတ်ဖော် ပြောကြားသွားသည်။
အမည်က မြန်မာ့စေတနာ မြို့သစ် အများပိုင်ကုမ္ပဏီ။

ယင်းမှာ ယမန်နှစ် ဒီဇင်ဘာလတွင်မှ အများပိုင်ကုမ္ပဏီအဖြစ် မှတ်ပုံတင်ထားသော ရှစ်လသား ကုမ္ပဏီတစ်ခုသာ ဖြစ်သည်။ ၎င်းကို ရန်ကုန်မြို့တော် အကျယ်အဝန်း၏ ခြောက်ပုံတစ်ပုံခန့်ရှိ မြို့သစ်စီမံကိန်း တည်ဆောက်ရေးအတွက် ဝကွက်အပ်ခြင်းမှာ ပဉ္စလက်ဆန်လှသည်။

ရန်ကုန်မြို့တော်နေ ပြည်သူများ၏ အသံကို ထင်ဟပ်ပေးမည့် တိုင်းဒေသကြီး လွှတ်တော် ကိုယ်စားလှယ်များပင် တစ်လုံးတပါဒမျှ ပြောခွင့်မရလိုက်ဘဲ မြို့သစ်စီမံကိန်း အကောင်အထည်ဖော်မည် ဖြစ်ကြောင်း ရန်ကုန်တိုင်းဒေသကြီး အစိုးရက ဆုံးဖြတ်လိုက်သည်။

“လူနည်းစု တစ်စုတည်းက ဆုံးဖြတ်တဲ့ စီမံကိန်း။ လွှတ်တော် ကိုယ်စားလှယ်တွေကို အသိပေးရုံ သက်သက်ပဲ။ ဒါဟာ လွှတ်တော် ကိုယ်စားလှယ်တွေကို မထီမဲ့မြင် လုပ်တာ။ လွှတ်တော်ကို မထီမဲ့မြင် လုပ်တာပဲ” ဟု ရန်ကုန်တိုင်းဒေသကြီး လွှတ်တော် ကိုယ်စားလှယ် ဒေါက်တာညိုညိုသင်းက ဆိုသည်။

ရန်ကုန်မြို့တော်သည် အကျယ်အဝန်း အားဖြင့် ၃၀၆ ဒသမ ၇၃ စတုရန်းမိုင်ရှိပြီး မြန်မာနိုင်ငံ လူဦးရေ စုစုပေါင်း၏ ၁၂ ရာခိုင်နှုန်းခန့် နေထိုင်ရာမြို့၊ တစ်နိုင်ငံလုံး ဂျီဒီပီ စုစုပေါင်း၏ ၂၂ ရာခိုင်နှုန်းခန့်ရှိသော မြို့ဖြစ်ပြီး အာရှတိုက်၏ မြို့ကြီးတစ်မြို့အဖြစ် နောက်ဆုံးပေါ်ထွန်းလာမည့်မြို့ ဖြစ်သည်။

မြို့တွင်းသို့ ပြောင်းရွှေ့လာသည့် လူဦးရေ နှစ်စဉ်တိုးတက်နေသည့် အတွက်လည်း ဂျပန်နိုင်ငံ အပြည်ပြည်ဆိုင်ရာ ပူးပေါင်း ဆောင်ရွက်ရေး အေဂျင်စီ (JICA) က မဟာရန်ကုန် မြို့ပြစီမံကိန်း ရေးဆွဲပြီး မြို့သစ် တည်ဆောက်သင့်သော နေရာသုံးခု အဆိုပြုထားသည်။ ယင်းတွင် ယခုစီမံကိန်းလည်း တစ်ခုအပါအဝင် ဖြစ်သည်။

စီမံကိန်းကို ပန်းလှိုင်မြစ်နှင့် တွံတေး တူးမြောင်းကြားနေရာ၊ လှိုင်မြစ်နှင့် လှိုင်သာယာမြို့နယ်ကြား မြေနေရာများတွင် တည်ဆောက်သွားမည် ဖြစ်ပြီး ယင်းနေရာတွင် လုပ်ကိုင် နေထိုင်ကြသည့် အိမ်ထောင်စု၊ လူဦးရေ၊ စီးပွားရေးစစ်တမ်း စသည်တို့ကိုလည်း အသေးစိတ် ထုတ်ဖော်ပြောကြားခြင်းမရှိ။

မြို့သစ်စီမံကိန်း တည်ဆောက်ရန် ကျပ်ခုနစ်ထောင်ဘီလီယံ (အမေရိကန်ဒေါ်လာ ရှစ်ဘီလီယံ) သုံးစွဲမည်ဖြစ်ပြီး တန်ဖိုးနည်းအိမ်ရာ အခန်းပေါင်း နှစ်သောင်း၊ စာသင်ကျောင်း နှစ်ကျောင်း၊ ဘိုးဘွားရိပ်သာ နှစ်ခုနှင့် မြစ်ကူးတံတားငါးစင်းကို နိုင်ငံတော်သို့ ပြန်လည် လှူဒါန်းမည် ဖြစ်ကြောင်းသာ ရန်ကုန်တိုင်းဒေသကြီး အစိုးရနှင့် မြန်မာ့စေတနာမြို့သစ် အများပိုင် ကုမ္ပဏီတို့က ကြေညာထားသည်။
မြို့သစ် လို၊ မလို


ရန်ကုန်မြို့တော်၏ လက်ရှိလူဦးရေနှင့် နောင်တိုးပွားလာမည့် ခန့်မှန်းလူဦးရေ ကိန်းဂဏန်းများအရ မြို့သစ်စီမံကိန်း အမှန်တကယ် လိုအပ်ကြောင်း ပညာရှင်များက ထောက်ခံကြသည်။

JICA ၏ ခန့်မှန်း လူဦးရေအရ ၂၀၄၀ ခုနှစ်တွင် ရန်ကုန်မြို့တော် လူဦးရေ ၁၁ သန်းကျော်ထိ ရှိလာမည်ဟု ခန့်မှန်းထားရာ လက်ရှိ ရန်ကုန်မြို့တော် စည်ပင်သာယာရေး နယ်နိမိတ်ဧရိယာ ၃၀၆ ဒသမ ၇ စတုရန်းမိုင် အကျယ်အဝန်းကို မတိုးချဲ့ပါက ထိုအချိန်တွင် တစ်စတုရန်းမိုင်လျှင် လူဦးရေ သုံးသောင်း ငါးထောင်ကျော် (လက်ရှိလူဦးရေ၏ နှစ်ဆအထိ လူနေထူထပ်စွာ) နေထိုင်ရမည် ဖြစ်သည်။ ထို့ကြောင့် မြို့သစ် တည်ဆောက်ခြင်းနှင့် မြို့ကွက်တိုးချဲ့ခြင်းတို့ မဖြစ်မနေ လိုအပ်ပြီး ရန်ကုန်မြို့တော် စည်ပင်သာယာရေး ကော်မတီနှင့် JICA တို့ပူးပေါင်းကာ ၂၀၄၀ မဟာရန်ကုန် မဟာဗျူဟာ မြို့ပြ ဖွံ့ဖြိုးတိုးတက်ရေး စီမံကိန်းကို ရေးဆွဲခဲ့ခြင်း ဖြစ်သည်။

“မြို့သစ်လုပ်တယ် ဆိုတာကတော့ ကောင်းပါတယ်။ လုပ်လည်း လုပ်ရပါမယ်။ ဒါပေမဲ့ အခုလုပ်မယ့် မြို့သစ်စီမံကိန်းနဲ့ ပတ်သက်လို့ ဘာမှမသိရပါဘူး” ဟု မြို့ပြ စီမံကိန်း ရေးဆွဲမှုပညာရှင် ဒေါက်တာ ကျော်လတ်က ဆိုသည်။

မြို့သစ် တည်ဆောက်ရာတွင် ဒေသခံ ပြည်သူများနှင့် ပူးပေါင်း ဆောင်ရွက်ခြင်း၊ မြို့သစ် တည်ဆောက်မည့် ပတ်ဝန်းကျင် အနေအထားနှင့် ဒေသခံများ၏ လူမှုစီးပွား စစ်တမ်းများကို သုတေသန ပြုစုခြင်းတို့ကို အသေးစိတ် ဆောင်ရွက်ရမည် ဖြစ်သော်လည်း ယခုမြို့သစ် စီမံကိန်းနှင့် ပတ်သက်၍မူ ယင်းအချက်များ လုပ်ဆောင်ခြင်း ရှိ၊ မရှိကို ရန်ကုန်တိုင်းဒေသကြီး အစိုးရ၊ ရန်ကုန်မြို့တော်ဝန်နှင့် မြန်မာ့စေတနာမြို့သစ် အများပိုင်ကုမ္ပဏီတို့က ထုတ်ဖော် ပြောကြားခြင်း မရှိပေ။

မြို့သစ်တစ်ခု တည်ဆောက်ရာတွင် ဘက်စုံထောင့်စုံမှ ပညာရှင်များ အများအပြား ပါဝင်ရန် လိုအပ်ပြီး မြို့အင်္ဂါရပ်နှင့်အညီ လိုအပ်သော အခြေခံ အဆောက်အဦများကို အချိန်ယူ တည်ဆောက်ရန်လိုကြောင်း ဒေါက်တာကျော်လတ်က ဆိုသည်။
မြို့သစ်စီမံကိန်း ဘယ်သူ့အတွက်လဲ


ယခုမြို့သစ် စီမံကိန်းကို တိတ်တဆိတ်၊ လျှို့ဝှက်စွာ ဆောင်ရွက်ခဲ့ခြင်းမှာ မလိုလားအပ်သည့် ပြဿနာများ မဖြစ်စေရန်ဟု ရန်ကုန်မြို့တော်ဝန် ဦးလှမြင့်က ပြောကြားသည်။
မလိုလားအပ်သည့် ပြဿနာ ဆိုသည်မှာ စီမံကိန်းကို အနှောင့်အယှက် ဖြစ်စေမည့် အကြောင်းအရာများကို ဆိုလိုခြင်း ဖြစ်ပြီး မည်သည့် အချက်များက စီမံကိန်းကို အနှောင့်အယှက် ဖြစ်စေသနည်း။

မြေဈေးနှုန်း ကစားခြင်းနှင့် မြေဈေး ကြီးမြင့်ခြင်းတို့ မဖြစ်ပေါ်စေရန် မြို့သစ် စီမံကိန်းကို တိုးတိတ်စွာ ဆောင်ရွက်ခဲ့သည်ဆိုပါက လျှို့ဝှက်စွာ တိုင်ပင်ခဲ့သော ရည်ရွယ်ချက် မအောင်မြင်ဟု ဆိုရမည် ဖြစ်သည်။

ယခုအချိန်တွင်ပင် မြို့သစ်စီမံကိန်း တည်ရှိရာ မြေဈေးမှာ ဒေသခံပြည်သူများ တစ်သက်နှင့်တစ်ကိုယ် မကြားဖူးသည့် ဈေးနှုန်းများအထိ မြင့်နေပြီး မြေတစ်ဧကလျှင် ကျပ်သိန်း ၁၂၀၀ အနည်းဆုံးခေါ်ဈေး ရှိနေသည်။

မြို့သစ်စီမံကိန်း အသံမကြားရခင်က အဆိုပါ မြေဈေးသည် မြေကွက်တစ်ကွက်လျှင် ကျပ် ၃၅ သိန်းနှင့် သုံးကွက်ကို ကျပ်သိန်းတစ်ရာနှင့် ဝယ်ယူနိုင်သည့် အနေအထားသာ ဖြစ်သည်။

ယခုမူ လူနေရပ်ကွက် အတွင်းရှိ မြေဈေးမှာ ၁၅ ပေ×ပေ ၆၀ (မြစ်ကမ်းပါးဘက်ခြမ်း) ကို ကျပ်သိန်း ၁၅၀၊ လှိုင်သာယာ - တွံတေး ကားလမ်းမနှင့် ချိတ်ဆက်ထားသော လမ်းပေါ်ရှိ မြေဈေးမှာ ပေ ၂၀×ပေ ၃၀ ကို ကျပ်သိန်း ၃၅၀ မှ ၄၀၀ အထိ ဖြစ်နေသည်။

“ဒီမြေနေရာဆိုရင် သူဌေးတစ်ယောက် ဝယ်ထားတာ။ သူဝယ်တုန်းက သိန်း ၅၀ လောက်ပဲ ရှိတယ်။ အခု (ကျပ်သိန်း) ၁၂၀၀ ဖြစ်နေပြီ။ ဝယ်တဲ့သူက ရှိတယ်။ မရောင်းတော့ဘူး၊ ကိုင်ထားတယ်” ဟု မြို့သစ်စီမံကိန်း ဧရိယာတွင် ပါဝင်သော ကြည့်မြင်တိုင် တစ်ဖက်ကမ်း အေးရွာမှ ရွာခံတစ်ဦးက ဆိုသည်။

မြို့သစ်စီမံကိန်းအကြောင်း တရားဝင် ထုတ်ဖော်ပြောကြားပြီး နောက်ပိုင်းတွင် စီမံကိန်း ဧရိယာအတွင်းရှိ မြေနေရာများကို လာရောက် ဝယ်ယူသူ အများအပြားရှိပြီး ဒေသခံ အတော်များများမှာလည်း အလိုအလျောက် အိမ်ခြံမြေပွဲစားများ ဖြစ်လာကြသည်။ သို့ရာတွင် ယင်းမြို့သစ် စီမံကိန်းကို ရန်ကုန်တိုင်းဒေသကြီး လွှတ်တော်တွင် မပြောကြားမီကပင် မြေဝယ်ယူမှုများ ရှိနေပြီး ၂၀၁၁-၂၀၁၂ ခုနှစ်များတွင် မြေနေရာ အများအပြား ဝယ်ယူထားကြပြီး ဖြစ်သည်။

အငြိမ်းစားယူခါနီး မြို့နယ်အုပ်ချုပ်ရေးမှူး တစ်ဦး၏ ပြောဆိုချက်အရ မြို့သစ်စီမံကိန်းအတွင်း ပါဝင်သော မြေကွက်များကို အစိုးရနှင့် နီးစပ်သူများ၊ ရပ်ကွက်အုပ်ချုပ်ရေးမှူး တစ်ချို့နှင့် မြေကစားလိုသူများက သိမ်းပိုက်ထားပြီး ဖြစ်ကြောင်း မြေကွက်သုံးကွက်ကို ကျပ်သိန်းတစ်ရာနှင့် ဝယ်ယူထားသူ ကြည့်မြင်တိုင်မြို့နယ် ရပ်ကွက် အုပ်ချုပ်ရေးမှူးတစ်ဦးထံ စုံစမ်းသိရှိရသည်။

ထို့ကြောင့် မလိုလားအပ်သည့် ပြဿနာ ဆိုသည်ကို အစိုးရနှင့် နီးစပ်သူများ၊ လက်သင့်ရာ စားတော်ခေါ်သူများနှင့် ပူးပေါင်းကာ ကျိတ်ဝိုင်းလုပ်ခြင်းကို အနှောင့်အယှက် မပေးနိုင်စေရန်ဟု အဓိပ္ပာယ် ဖွင့်ဆိုရမည်ကဲ့သို့ ဖြစ်နေသည်။ လွှတ်တော်အမတ် ဒေါက်တာ ညိုညိုသင်းကလည်း “တစ်ဦးတစ်ယောက် အဖွဲ့အစည်းတစ်ရပ် အကျိုးကျေးဇူးအတွက် လုပ်တယ်လို့ မြင်တယ်။ ကြိုတင် ကြံစည်တာ။ ပွင့်လင်းမြင်သာမှု မရှိဘူး” ဟု ထောက်ပြသည်။

အမေရိကန်ဒေါ်လာ တစ်ဘီလီယံ ရင်းနှီးတည်ဆောက်ရသည့် သီလဝါ အထူးစီးပွားရေးဇုန် စီမံကိန်းမျိုး အတွက်ပင် ရင်းနှီးတည်ဆောက်မည့် ကုမ္ပဏီ၊ အစိုးရ တာဝန်ရှိသူများနှင့် ဒေသခံများသည် တွေ့ဆုံ ဆွေးနွေးပွဲများ၊ တရားဝင် သတင်းစာ ရှင်းလင်းပွဲများနှင့် စီမံကိန်းဆိုင်ရာ သတင်းအချက်အလက် ထုတ်ပြန်ခြင်းများကို အကြိမ်ကြိမ် ပြုလုပ်ခဲ့ရပြီး ယခုအချိန်ထိ ပြန်လည် နေရာချထားရေး အစီအမံနှင့် ပတ်သက်၍ ဒေသခံများ၏ ကန့်ကွက်မှုများ ကြုံတွေ့နေရဆဲ ဖြစ်သည်။

မြန်မာကျပ်ငွေ ခုနစ်ထောင် ဘီလီယံ (အမေရိကန်ဒေါ်လာ ရှစ်ဘီလီယံ) ကုန်ကျမည့် ယခုမြို့သစ် စီမံကိန်းနှင့် ပတ်သက်၍မူ အများပြည်သူသို့ တရားဝင်ရှင်းလင်းပွဲ (လွှတ်တော်တွင် သဝဏ်လွှာဖတ်ခြင်းမှ လွဲ၍) တစ်ခုမျှ ပြုလုပ်ခဲ့ခြင်း မရှိပေ။ နောင်တွင် ပြုလုပ်မည့် အစီအစဉ် ရှိ၊ မရှိလည်း မသိရ။

ယခုမြို့သစ် စီမံကိန်းကို တိတ်တဆိတ်၊ လျှို့ဝှက်စွာ ဆောင်ရွက်ခဲ့ခြင်းမှာ မလိုလားအပ်သည့် ပြဿနာများ မဖြစ်စေရန်ဟု ရန်ကုန်မြို့တော်ဝန် ဦးလှမြင့်က ပြောကြားသည်။

မလိုလားအပ်သည့် ပြဿနာ ဆိုသည်မှာ စီမံကိန်းကို အနှောင့်အယှက် ဖြစ်စေမည့် အကြောင်းအရာများကို ဆိုလိုခြင်း ဖြစ်ပြီး မည်သည့် အချက်များက စီမံကိန်းကို အနှောင့်အယှက် ဖြစ်စေသနည်း။
လက်ညှိုးညွှန်ရာ မြို့ဖြစ်စီမံကိန်းလား


လူနေတဲတစ်လုံး တည်ဆောက်ရာတွင် ခိုင်ခံ့မှုရှိရန် ပြင်ဆင်ရခြင်းထက် လူနေအိမ်တစ်လုံး တည်ဆောက်ရာတွင် ပြင်ဆင်ရချိန် ပိုပြီး လူနေတိုက်တာ တည်ဆောက်ခြင်းဆိုလျှင် ပိုမိုအချိန်ပေး ပြင်ဆင်ရပေလိမ့်မည်။

ထို့အတူ လူနေအိမ်ရာ တိုက်ခန်းတွဲများ တည်ဆောက်ချိန်တွင် ထိုနယ်မြေအတွင်း လက်ရှိ နေထိုင်သူများ၏ လူမှု-စီးပွား အခြေအနေ၊ ပတ်ဝန်းကျင် အနေအထား၊ ရာသီဥတုနှင့် မုန်တိုင်း၊ ငလျင်ကဲ့သို့သော သဘာဝ ဘေးအန္တရာယ်ဆိုင်ရာ များကိုလည်း ထည့်သွင်းစဉ်းစားရမည်။

မြို့သစ်တစ်ခု တည်ဆောက်ခြင်းမှာ လူနေအိမ်ရာ တည်ဆောက်ခြင်းထက် များစွာရှုပ်ထွေးပြီး အစကောင်းမှ အနှောင်းသေချာမည့် ကိစ္စရပ်တစ်ခုဖြစ်ရာ မြို့သစ်တွင် နေထိုင်မည့် သူများအတွက် အိမ်ရာ၊ လျှပ်စစ်မီး၊ လမ်းပန်းဆက်သွယ်ရေး၊ ရေသန့်ရရှိမှု၊ ရေဆိုးစွန့်စနစ်၊ မြောင်းစနစ် စသည်တို့ လိုအပ်သည်။

ပင်လယ်ဝ ထွက်ပေါက်နှင့် လှိုင်မြစ်၊ ပန်းလှိုင်မြစ်တို့ စီးဆင်းရာ မြို့သစ်တည်မည့် နေရာတွင် သဘာဝ ဘေးအန္တရာယ်ဆိုင်ရာ စစ်တမ်းများ၊ ဒေသခံပြည်သူများ၏ သဘာဝ ပတ်ဝန်းကျင်နှင့် လူမှုရေး ထိခိုက်နစ်နာမှု စစ်တမ်းများကို စနစ်တကျ ကောက်ယူရန် လိုအပ်ကြောင်း ဒေါက်တာကျော်လတ်က ရှင်းပြသည်။

ကောင်းမွန်သည့် မြို့ပြတစ်ခု ဖြစ်လာရန် အချိန်ယူ ပြင်ဆင် တည်ဆောက်ရမည် ဖြစ်သော်လည်း ယခုမြို့သစ် စီမံကိန်းကိုမူ သုံးနှစ်အတွင်း ၇၀ ရာခိုင်နှုန်းပြီးစီးရန် ဆောင်ရွက်သွားမည်ဟု ထုတ်ဖော် ပြောကြားထားသည့်အတွက် တကယ့်မြို့သစ်လား၊ စက္ကူမြို့သစ်လား၊ ဥုံဖွမြို့သစ်လား၊ မည်သည့် မြို့သစ်အမျိုးအစား ဖြစ်လာမည်ကို မသိရပေ။

သမိုင်းကြောင်း ပြန်ကြည့်မည်ဆိုလျှင် မြန်မာနိုင်ငံ၏ လက်ရှိအုပ်ချုပ်ရေး မြို့တော်သစ် နေပြည်တော်ကို ကမ္ဘာ့စံချိန်တင် အမြန်ဆုံး တည်ဆောက်ထားနိုင်သည့် မှတ်တမ်းတစ်ခုတော့ ရှိထားသည်။ သို့သော် လူနေကျဲပါးပြီး တစ်နေရာနှင့် တစ်နေရာ သွားလာရန် ခက်ခဲသောမြို့၊ လမ်းခရီး ယာဉ်ထိခိုက်မှု အန္တရာယ်အများဆုံးမြို့၊ ခရီးသွားလာစရိတ် မြင့်မားသော မြို့အဖြစ် တည်ရှိနေသည်။
စီမံကိန်း နောက်ကွယ်


ယင်းစီမံကိန်း နောက်ကွယ်တွင် မြန်မာလူမျိုး မဟုတ်သည့် လူမျိုးခြား စီးပွားရေး လုပ်ငန်းရှင်များ ပါဝင်နေပြီး မြို့သစ် တည်ဆောက်ရာတွင် သုံးစွဲမည့် ငွေကြေးနှင့် ပတ်သက်၍လည်း သတင်းမီဒီယာများတွင် ဝေဖန်မှုများ ရှိနေသည်။

တိတ်တဆိတ် စီစဉ်ထားသော မြို့သစ် စီမံကိန်းသည် သမ္မတဦးသိန်းစိန် အစိုးရ၏ ပွင့်လင်းမြင်သာမှု အဆိုအမိန့် အတိုင်းအတာများအရ ကြည့်မည်ဆိုလျှင် မေးခွန်းထုတ်စရာ အများအပြား ရှိနေသည်။

မြို့သစ်စီမံကိန်းကို အကောင်အထည် ဖော်မည့် ကုမ္ပဏီ သက်တမ်းရှစ်လသား မြန်မာ့စေတနာမြို့သစ် အများပိုင်ကုမ္ပဏီက သုံးစွဲမည့် မြန်မာကျပ်ငွေဘီလီယံ ခုနစ်ထောင်နှင့် အမေရိကန်ဒေါ်လာ ရှစ်ဘီလီယံရှိသော ငွေကြေးပမာဏကို မည်သို့ ရှာဖွေကာ သုံးစွဲမည်နည်း ဆိုသည့် ငွေဖြူ၊ ငွေမည်း အရေးကလည်း ပြည်သူများအတွက် စိတ်ဝင်စားစရာ ဖြစ်နေသည်။

ရုတ်တရက် ပေါ်လာသော အများပိုင် ကုမ္ပဏီကို ဦးသက်ဦး ဆိုသူက ဥက္ကဋ္ဌအဖြစ် ဆောင်ရွက်နေပြီး ကျန်ရှိသည့် ဒါရိုက်တာအဖွဲ့များမှာ မည်သူမည်ဝါမှန်း မသိရ၊ အစုရှယ်ယာ မည်မျှထည့်ဝင်ထားမှန်း မသိရပေ။ အများပြည်သူသို့လည်း တစ်ခါမျှ မိတ်ဆက် ထုတ်ပြန်ခြင်း မရှိပေ။

ယင်းကုမ္ပဏီ၏ နောက်ကွယ်တွင် တရုတ်လူမျိုး လုပ်ငန်းရှင်များ ပါဝင်နေကြောင်း စီးပွားရေး လုပ်ငန်းရှင် အသိုင်းအဝိုင်းတွင် ထုတ်ဖော် ပြောနေသော်လည်း နောက်ကြောင်းလိုက်ရန် ခက်ခဲဆဲ ဖြစ်သည်။

ယင်းစီမံကိန်း အမှန်တကယ် အကောင်အထည်ပေါ်လျှင် ရန်ကုန်မြို့တော်၏ လူဦးရေ သိပ်သည်းမှုကို ဖြေလျှော့နိုင်မည်လား ဆိုသည်ကိုလည်း ယတိပြတ် မပြောနိုင်။ အတတ်ပြောနိုင်သည့် အရာမှာ ယခုစီမံကိန်းသည် ဥုံဖွစီမံကိန်း တစ်ခုဖြစ်ပြီး ဟပ်ချလောင်း ကုမ္ပဏီက အကောင်အထည် ဖော်မည့် စီမံကိန်းတစ်ခု ဖြစ်နေခြင်းပင်။

ကုန်ကျစရိတ် များပြားလှသည့် မြို့သစ် စီမံကိန်း အကောင်အထည် ဖော်ရေးကို ရန်ကုန်မြို့တော်နေ ပြည်သူများကို ကိုယ်စားပြုထားသည့် ရန်ကုန်တိုင်းဒေသကြီး လွှတ်တော် ကိုယ်စားလှယ်များပင် မသိလိုက်ရခြင်းကပင် ယင်းမြို့သစ် စီမံကိန်းမှာ မည်သူ့ကို ကိုယ်စားပြုနေသနည်း ဆိုသည့် မေးခွန်း၏ အဖြေကိုရှာနိုင်မည့် တွေးဆချက်တစ်ခု ဖြစ်နိုင်ပေသည်။

စစ်ငြိမ်းသူ
- See more at: http://thevoicemyanmar.com/index.php/article/item/2368-opm#sthash.dDQykxxA.dpuf

0 အကြံပြုခြင်း: