Monday, July 28, 2014

ဂျေလိုတင်ပါးနဲ့ အစိတ်သားပဲ မှန်းသူ


 ကြံ့ဖွံ့ပါတီရဲ့ ၂၀၁၅ ရည်မှန်းချက်ကို ထုတ်ပြောလိုက်ပုံကတော့ အတော်ဆိုးပါသဗျာ။ ၂၀၁၅ မှာ ကြံ့ဖွံ့ အာဏာမရမှာလည်း ပူစရာမလို၊ ဒီလူထဲက ပဲ သမ္မတ ဖြစ်ဦးမှာလို့ ဆိုလိုက်တာလေ။ အဲဒီ မှာတွက်ချက်ပြပုံက “လွှတ်တော်ထဲမှာ တပ် က ၂၅ ရာခိုင်နှုန်း ရှိနေပြီ၊ ကြံ့ခိုင်ရေးက ၂၆ ရာခိုင်နှုန်းပဲ မဲနိုင်ပါစေ၊ ၂၅ ရာခိုင်နှုန်း နဲ့ ပေါင်းရင် ၅၁ ရာခိုင်နှုန်းဖြစ်ပြီပေါ့၊ ဒါဆို ကိုယ့်သမ္မတနဲ့ ကိုယ့်အစိုးရ အဖွဲ့ နဲ့ ဖြစ်ပြီပေါ့၊ မိတ်ဖက် ပါတီတွေ ထည့်တွက်ရင် ၂၆ ရာခိုင်နှုန်းက ပြေးမလွတ် ပါဘူး”ပါတဲ့။

ဒီနေရာမှာ ယူနီဖောင်းဝတ် တပ်မတော်သား ၂၅ ရာခိုင် နှုန်းဟာ ယူနီဖောင်းချွတ် သူတို့ စီနီယာဟောင်း ကြံ့ဖွံ့များနဲ့ တစ်သင်းတည်း တစ်ဖွဲ့တည်းရယ် လို့ လူတွေက အမြဲမြင်ခဲ့ကြပြီး ဒါဟာ ဟုတ်တယ်ဆိုရင် ကြံ့ဖွံ့အတွက် ရှက်စရာကောင်း လှသလို တပ်မတော်အတွက်လည်း သိက္ခာကျစရာဖြစ်ပါတယ်။ .... .....

ဦးလှဆွေ အခုပြောတဲ့လေသံက ငါးစိမ်းသည်တစ်ယောက်က ““ဒီမှာ၊ ဒီဈေးမှာ ငါ တစ်ယောက် တည်းရောင်းဖို့ စည်ပင်နဲ့ ညှိထားပြီးသား၊ ငါ့ဆီမှ မ၀ယ်ရင် မရဘူး၊ ငါ့ဆီမှာ ၀ယ်ရင်လည်း အစိတ်သား အလေးခိုးထားတဲ့ ချိန်ခွင်နဲ့ပဲ ရောင်းမှာ၊ နင် ၅၀ သား ၀ယ်ရင် ငါအဆစ်ထည့်မှ နင် ၂၆ ကျပ်သားပဲ ရမယ်၊ ၀ယ်ချင်ဝယ်၊ မ၀ယ်ချင်နေ၊ မကျေနပ်ရင် တိုင်ချင်ရာတိုင်” လို့ ပြောတဲ့ လေသံပေါက်နေတယ်လို့ ခံစားရပါတယ်။

ဆရာရီနေနိုင်၏
ဘီလူးသဘက်ကြားက ဘူးလက် (သို့မဟုတ်) ဂျေလိုတင်ပါးနဲ့ အစိတ်သားပဲ မှန်းသူ

0 အကြံပြုခြင်း: