Monday, June 16, 2014

သန္တိသုခတွင် ပီနန်ဆရာတော်ကြီး လမ်းညွှန်ချက်ဖြင့် ဖွင့်မည့် သာသနာပြုသင်တန်း ကြော်ငြာ နိုင်ငံပိုင်သတင်းစာများတွင် ဖော်ပြ



 Mon, 2014-06-16 11:47

အငြင်းပွားဖွယ်အခြေအနေဖြင့် ချိတ်ပိတ်ခံခဲ့ရသည့် မဟ သန္တိသုခကျောင်းတိုက်တွင် ပီနန်ဆရာတော်ကြီး၏ လမ်းညွှန်ချက်ဖြင့် သာသနာပြုသင်တန်း ဖွင့်လှစ်မည်ဟု  ဇွန်လ  ၁၅ ရက်ထုတ် နိုင်ငံပိုင်သတင်းစာများတွင် ကြော်ငြာများ ပါဝင်လာသဖြင့် လူအများ အံ့အားသင့်ခဲ့ရသည်။

ကျောင်းတိုက်ကို   ညအချိန် ၀င်ရောက်စီးနင်းအပြီး ငါးရက်အကြာတွင် ထွက်ပေါ်လာသည့် အဆိုပါကြော်ငြာ၌   သင်တန်းအတွက် ဆက်သွယ်ရန်ထည့်သွင်းထားသည့် ဖုန်းနံပါတ်များတွင် လူဝတ်လဲပြီး ထိန်းသိမ်းခံထားရသည့် ဆရာတော်ဦးဥတ္တရ၏ ဖုန်းနံပါတ် ပါဝင်ခဲ့ခြင်းကြောင့် လူအများအတွက် ပိုမိုအံ့အားသင့် စေခဲ့သည်။

အဆိုပါကြော်ငြာကို သတင်းစာများတွင် ယခင်ကတည်းက ထည့်သွင်းခဲ့ဖူးကြောင်း၊ သုံးကြိမ်သုံးခါထည့်ရန် သတင်းစာတိုက်နှင့် သဘောတူထားသောကြောင့် ထပ်မံဖော်ပြခံခဲ့ရခြင်း ဖြစ်ကြောင်း   သင်တန်းအတွင်းရေးမှူး ဦးသိန်းဦးကပြောသည်။

‘‘သတင်းစာတစ်စောင်မှာ သုံးကြိမ်ထည့်ဖို့ စီစဉ်ထားတာ။ သုံးခါမပြည့်သေးလို့ ဆက်ပါနေတာ’’ဟု   သင်တန်းအတွင်းရေး မှူး ဦးသိန်းဦးကပြောသည်။

ဇွန်လ ၁၅ ရက်ထုတ် နိုင်ငံပိုင်သတင်းစာများတွင် ကြော်ငြာများ ထည့်သွင်းထားသော်လည်း ယင်းသင်တန်းကို ရက်အကန့်အသတ်မရှိ ရွှေ့ပြောင်းလိုက်ကြောင်း ဦးသိန်းဦးကပြောသည်။

‘‘(ပီနန်)ဆရာတော်ကြီးရဲ့ ရည်ရွယ်ချက်က နိုင်ငံခြားမှာရှိတဲ့ ကျောင်းတွေက မြန်မာဘုန်းကြီးတွေမရှိရင် သိမ်းခံရတာတွေရှိတယ်။ နိုင်ငံတကာက မြန်မာကျောင်းတွေကို ထိန်းသိမ်းဖို့ရည်ရွယ်တာ’’ဟု ဦးသိန်းဦးကပြောသည်။

နှစ်နှစ်မှ လေးနှစ်အထိ ကြာမြင့်မည်ဖြစ်ပြီး သံဃာတော်နှင့်သီလရှင်များအတွက် ရည်ရွယ်သည့် အဆိုပါ သာသနာပြုသင်တန်းသို့ စိတ်ဝင်တစား လာရောက် လျှောက်ထားမှုများရှိခဲ့ကြောင်း ဦးသိန်းဦးကပြောသည်။

http://www.7daydaily.com/story/13327#.U57OZyg1D9s

0 အကြံပြုခြင်း: