Thursday, April 24, 2014

ကော်ဖီမစ်အိတ်ခွံဖြင့် ဖျာရက်လုပ်ပြီးစီး



Yangon Media Group

မင်းကွန်း မင်းဧကရီအိမ်တွင်းလက်မှုလုပ်ငန်းမှ ကော်ဖီမစ်အိတ်ခွံဖြင့် ဖျာရက်လုပ်ပြီးစီး
*********************************************
ရန်ကုန်တိုင်းမ် ဂျာနယ် အတွဲ (၁၀) အမှတ် (၁၅)

လှိုင်ထွေးအောင် ၊ မန္တလေး၊

စစ်ကိုင်းမြို့နယ် မင်းကွန်းရှေးဟောင်း ယဉ်ကျေးမှုဒေသပုထိုးတော်ကြီးအနီး စစ်ကိုင်း- မင်းကွန်းသွားလမ်းဘေးရှိ မင်းဧကရီအိမ်တွင်း လက်မှုအခမဲ့သင်တန်းမှ စူပါကော်ဖီမစ်အိတ် ခွံဖြင့် ဖျာတစ်ချပ်ရက်လုပ်ရာ သင်္ကြန်အကြို နေ့က ရက်လုပ်ပြီးစီးကြောင်း အဆိုပါဖျာရက် လုပ်သူ ဒေါ်ယဉ်ယဉ်ထွန်းက ပြောသည်။

စူပါကော်ဖီမစ်အိတ်ခွံ ၁ဝ၁ဝ၄ ခွံကိုစု ဆောင်း၍ ဒီဇင်ဘာလမှ စတင်ရက်လုပ်ရာ အလျားခြောက်ပေ၊ အနံသုံးပေရှိ ချိတ်ဒီဇိုင်း ဖျာကို ပစ္စည်းစုဆောင်းမှုအပါအဝင် ငါးလ ကြာ ရက်လုပ်ရခြင်းဖြစ်ကြောင်း သိရသည်။

''ကျွန်မအနေနဲ့ သဘာဝပတ်ဝန်းကျင်ထိန်း သိမ်းရေးကို ပြသချင်လို့ စွန့်ပစ်ကော်ဖီမစ် အိတ်ခွံတွေကို စုဆောင်းပြီး လက်ကိုင်အိတ်၊ ရေဘူးအိတ်၊ လွယ်အိတ်၊ ဆလင်းဘက်အိတ်၊ ဦးထုပ်တွေ ရက်လုပ်ရောင်းချခဲ့ပါတယ်။ ရေ သန့်ဘူးခွံများကိုလဲ ပန်းအိုး၊ ပန်းစိုက်ခြင်းတွေ ရက်လုပ်ခဲ့ဖူးပါတယ်။ အခုရက်လုပ်တဲ့ စူပါ ကော်ဖီမစ်အိတ်ခွံဖျာက ဒုတိယမြောက် ဖျာ ပါ။

ပထမဆုံးကော်ဖီမစ်အိတ်ခွံဖျာကို အိတ်ခွံ တံဆိပ်မျိုးစုံ ၁၁၄ဝဝ နဲ့ စတင်ရက်လုပ်ခဲ့ပါ တယ်။ ပစ္စည်းစုဆောင်းချိန်နဲ့ ရက်လုပ်ချိန် တစ်နှစ်ကြာမြင့်ခဲ့ပါတယ်။ မင်းကွန်းလာတဲ့ နယူးဇီလန်နိုင်ငံသား ခရီးသည်တစ်ဦးက ကော် ဖီမစ်အိတ်ခွံဖျာကို ဒေါ်လာ ၂ဝဝနဲ့ပေးဝယ် တာ ကျွန်မတစ်နှစ်ကျော် အချိန်ယူရက်ခဲ့တာ မို့ မရောင်းဖြစ်ခဲ့ပါဘူး''ဟု ဒေါ်ယဉ်ယဉ်ထွန်း ကပြောသည်။

ဒုတိယမြောက် ရက်လုပ်ပြီးစီးသည့် စူပါ ကော်ဖီမစ်အိတ်ခွံဖျာကို မန္တလေးမြို့ရှိမိတ်ဆွေ တစ်ဦး၏မှာကြားချက်အရ ရက်လုပ်ခဲ့ရာ ပထမ ပြီးစီးသွားသည့် ကော်ဖီမစ်အိတ်ခွံတံဆိပ်မျိုးစုံ ပါသောဖျာထက် ရက်လုပ်မှုခက်ခဲသော်လည်း လက်ရာမှာ ပိုမိုကောင်းမွန်လာကြောင်း သိရ သည်။

အဆိုပါဖျာကို ရန်ကုန်မြို့ရှိ စူပါကော်ဖီ မစ်ကုမ္ပဏီသို့ မန္တလေးမိတ်ဆွေမှ တစ်ဆင့် ပေးပို့မည်ဖြစ်ကြောင်း သိရသည်။

1 အကြံပြုခြင်း:

Anonymous said...

အမကြီးရေ...စူပါက sponsor ကောင်းတွေပေးတာရမှာပေါ့..BELTA ဆလွန်းတို့, တိုက်ခန်းတို့ပေါ့..ဒါရိုက်ကြီးတွေ က သ ဘောသိပ်ကောင်းတာ...သမီးက တော့ စူပါမှစူပါဘဲ..စူပါနဲ့မှဘဲရှင်