Sunday, March 23, 2014

NLD တိုင်းရုံးတည်ဆောက်ဖို့ Iron Cross ရန်ပုံငွေဂီတပွဲ ပရိသတ်ထောင်ပေါင်းများစွာ အားပေး



ကိုလေးဖြူက NLD အတွက် ကူညီခွင့်ရလို့ ဝမ်းသာဂုဏ်ယူတယ်တဲ့။

ကိုမျိုးကြီး က သူတို့လုပ်ပေးနိုင်တာ နည်းနည်းလေးပါ။
ဒါပေမဲ့ အုတ်တချပ် သဲတပွင့် ပါဝင်ခွင့်ရတာ ဝမ်းသာတယ်။

ကိုချစ်စန်းမောင်က သူရှိုးတွေမှာ စကားပြောလေ့ မရှိပေမဲ့ ဒီပွဲမှာ ပြောပါရစေ။
အန်တီစု ဘယ်အခြေအနေ ရောက်ရောက် သူတို့မိသားစု ထောက်ခံခဲ့တယ်။
ဆုတောင်းပေးတယ်တဲ့။ ကျနော်တို့ အိုင်စီတဖွဲ့လုံး ထောက်ခံကြောင်း
 ပရိတ်သတ်ကြီး သိစေလိုပါတယ်တဲ့။ နိုင်ငံ့ခေါင်းဆောင်ကြီး အန်တီစု ကျန်းမာပါစေတဲ့။

(ကြက်သီး ဖြန်းခနဲ ထသွားတယ်ဗျာ)
 Lynn Hpone Thant

Posted by Kamayut Media on March 23, 2014 at 5:59 pm
NLD တိုင်းရုံးတည်ဆောက်ဖို့ Iron Cross ရန်ပုံငွေဂီတပွဲ ပရိသတ်ထောင်ပေါင်းများစွာ အားပေး

တာမွေမြို့နယ်က NLD ပါတီ တိုင်းရုံး ပြုပြင်တည်ဆောက်ရေးအတွက် ရွှေထွဋ်တင်ကွင်းမှာ Iron Cross အဖွဲ့နဲ့ ရန်ပုံငွေရှာဖွေပွဲကို ခြိမ့်ခြိမ့်သဲကျင်းပခဲ့ပါတယ်။ ပရိသတ် အနည်းဆုံး ၅ထောင်ကျော်လောက်ဟာ ရန်ပုံငွေဂီတပွဲကို အားပေးခဲ့ကြပါတယ်။

နိုင်ငံကျော် ရော့ခ်အဆိုတော်တွေဖြစ်တဲ့ လေးဖြူ၊ အငဲ၊ မျိုးကြီး၊ ဝိုင်းဝိုင်းတို့က ပရိသတ်ထောင်ပေါင်း များစွာကို ဖျော်ဖြေခဲ့သလို လေးဖြူကလည်း အဖေဆိုတဲ့သီချင်းနဲ့ လွတ်လပ်ရေး ဗိသုကာကြီး ဗိုလ်ချုပ်အောင်ဆန်းရဲ့ ရုပ်ပုံတွေနဲ့ ဖော်ပြတင်ဆက်ခဲ့ပါတယ်။

ရန်ကုန်တိုင်း NLD ရုံးချုပ်အသစ်ကို တည်ဆောက်ဖို့အတွက် ရန်ပုံငွေရှာဖွေတဲ့ ပထမခြေလှမ်းအဖြစ် ကျင်းပတဲ့ ဒီဂီတပွဲမှာ ၂၁ရာစုမှာ သတင်းအချက်အလက်နဲ့ နည်းပညာကိုအသုံးပြုပြီး အတိုက်အခံ ပါတီတစ်ခုအနေနဲ့ အစိုးရတာဝန်တွေ မထမ်းဆောင်ခင် အဆင်သင့်ဖြစ်အောင် ကြိုးစားနေတယ်လို့ ဆိုပါတယ်။

လာမယ့် ပွင့်လင်းရာသီမှာပြုလုပ်မယ့် ဒုတိယမြောက် ကြားဖြတ်ရွေးကောက်ပွဲရဲ့ မဲဆန္ဒနယ်မြေ ၃ဝ စလုံးမှာ ဝင်ရောက်ယှဉ်ပြိုင်မှာဖြစ်တာမို့ တိုင်းရုံးခန်းတိုးချဲ့မှုက အထောက်အကူဖြစ်မယ်လို့ ဆိုပါတယ်။

တာမွေမြို့နယ် ရွှေထွဋ်တင်ကွင်းမှာကျင်းပတဲ့ ဒီရန်ပုံငွေ ဂီတပွဲကို ပါတီနာယက သူရဦးတင်ဦးကိုယ်တိုင် တက်ရောက်အားပေးခဲ့ပါတယ်။ ရန်ပုံငွေပွဲက ရရှိတဲ့ငွေတွေကိုတော့ ရက်ပိုင်းအတွင်း ထုတ်ပြန်ကြေညာ သွားမယ်လို့ ဆိုပါတယ်။
ဗွီဒီယိုကြည့်ရန်

0 အကြံပြုခြင်း: