Friday, March 7, 2014

ခရိုင်မီးယား ရောဂါ မြန်မာပြည်သို့ ရောက်လာလေမည်



Minmaha Bagan

ယနေ့ နိုင်ငံတကာမှ လူမှု့ အသိုင်းဝိုင်းတခုလုံး ပြောနေကြသော အကြောင်းမှာ ရုရှားတပ်များ အဓမ္မ၀င်ရောက်လာသော ယူကရိန်းတိုင်းပြည်အကြောင်းဖြစ်သည်။
ရုရှားတပ်များ ယူကရိန်းနိုင်ငံ နယ်စပ် ပြည်နယ်တခုဖြစ်သော ကိုယ်ပိုင် အုပ်ချုပ်ခွင့်ရ ခရိုင်မီးယားသို့ အလုံးအရင်းဖြင့် ၀င်ရောက်လာခြင်းမှာ အချုပ်ခြာအာဏာ အာ ထိပါး ဖဲ့ချွေမှုတခုဖြစ်ကြောင်း အမေရိကန်အစိုးရမှ လေလုံးကြီးများဖြင့် ပင့်ပေးနေလေသည်။

လက်ရှိ မြန်မာ နိုင်ငံတွင်းနေထိုင်ကြသူများ သိသာရန် စာရေးသူ ထောက်ပြရသော် ကိုယ်ပိုင်အုပ်ချုပ်ခွင့်ရ ၀ ဒေသနှင့် တထပ်တည်းနည်းပါးမျှ တူနေသော အခြေနေဖြစ်လေ၏။ အကြောင်းမှာ ယူကရိန်းလက်ရှိနိုင်ငံသည် တချိန်က ရုရှားခေါ် ဆိုဗီယက်ပြည်ထောင်စု၏ ပြည်နယ်တခုဖြစ်ခဲ့လေသည်။ သို့သော် ၁၉၉၀ ခုနှစ် ဂျူလိုင်လ ၁၆ ရက်နေ့တွင် Declaration of State Sovereignty of Ukraine ကိုယ်ပိုင်အချုပ်ချာပိုင် အုပ်ချုပ်ရ ဒေသအဖြစ် ယူကရိန်းမှ ရုရှားက ခွဲထွက်ရန် ပထမဆုံး ကြေငြာနိုင်ခဲ့လေသည်။ တထပ်တည်းဆိုရသော် ၂၀၀၀ ခုနှစ် မေလ ၅ ရက်နေ့တွင် မြန်မာနိုင်ငံနှင့် တရုတ်ပြည်နယ်ချင်းထိစပ်နေသော ၀ ဒေသအား အထူးအုပ်ချုပ်ခွင့်ရ ဒေသအဖြစ် ကြေငြာခဲ့သော အနေထားနှင့် ထပ်တူနီးပါးမျှ ဆင်တူနေလေသည်။

သို့သော် ယူကရိန်းမှာ ၁၉၉၁ ခုနှစ် သြဂုတ်လ ၂၄ ရက်နေ့တွင် Act of Independence လွတ်လပ်ရေး ဆိုင်ရားကိုယ်ပိုင်ပြဌာန်းခြင်း ဥပဒ အား အသက်ဝင်အောင် ဆောင်ရွက်ခဲ့ကြပြီး ရှုရှားနိုင်ငံရေး အတွင်းပိုင်း ရှေးရိုးစွဲဝါဒီများ၏ အာဏာသိမ်းရန် ရုရှားသမ္မတ မီခေးလ် ဂေါဘာချောပ့်အား ကြံစည်ကြိုးပမ်းကြသော အရှုပ်ထွေးကာလမှာပင် ၁၉၉၁ ခုနှစ် ဒီဇင်ဘာလ ၁ ရက်နေ့မှာပင် လုံးဝလွတ်လပ်သော အချုပ်ခြာပိုင်နိုင်ငံအဖြစ် ဆန္ဒခံယူပွဲ ပြုလုပ်ခဲ့ရာ ခရိုင်မီးယား ဒေသတွင်းမှ အနည်းငယ် ကန့်ကွက်သည်မှလွဲ၍ ၉၀ ရာနုံန်းကျော်ဖြင့် လကရှိ ယူကရိန်းလက်ရှိနိုင်ငံသည် ကိုယ်ပိုင်အချုပ်ချာ ပိုင်နိုင်ငံတခု ဖြစ်ကြောင်း နှင့် ပထမဆုံး ယူကရိန်း သမ္မတ Leonid Kravchuk to serve as the first President of the country လီအိုနက် ကရာချေ့က ကုလသမဂ္ဂ တွင် အတည်ပြုခံရပြီး နိုင်ငံတခုအဖြစ်သို့ ခွဲထွက်ရောက်ရှိခဲ့လေ၏။

ယနေ့ ယူကရိန်းနိုင်ငံတွင် လူဦးရေ ၅၁ သန်းခန့်၇ှိပြီး အဆိုပါလူဦးရေ၏ ၁၇ ရာနုံန်းမှာ ရုရှား လူမျိုးစု ရုရှားစကားပြောသူများဖြစ်ကြ၏။ မြန်မာနိုင်ငံတွင်လည်း ယနေ့ လူဦးရေ သန်းပေါင်း ၅၀ ခန့်ဟု ခန့်မှန်းပြောဆိုထားသော်လည်း လက်ရှိ ကိုယ်ပိုင် ၀ အထူးအုပ်ချုပ်ရေးဒေသမှ ၄င်းတို့၏ ထုတ်ပြန်ချက်အတိကျအရ ၀ လူမျိုးများ ၅ သိန်းမျှလောက်ရှိသောကြောင့် လက်ရှိတိုင်းပြည်၏ (မြန်မာပြည်) ၏ ၁၀ ရာနုန်းမျှ လူဦးရေဖြစ်ရပြီး ၄င်း ၀ ဒေသ၏ လူဦးရေ ၉၆ ရာနုံန်းမှာ တရုတ်ဘာသာစကားနှင့် တရုတ် စာပေးများ သင်ကြားရေးဖတ်ပြောဆိုကြောင်း ဖေါ်ပြထားလေသည်။

လက်ရှိ ယူကရိန်းတွင် ဖြစ်ပေါ်ခဲ့သော အရေးခင်းမှာ ရက်ပေါင်း ၄၀ မျှအကြာ အပြင်းထန် လူထုမှ ဆန္ဒပြတောင်းဆိုခဲ့ရသော အခြေနေတွင်း ရုရှားအစိုးရမှ နောက်ကွယ်တွင် ကြိုးကိုင် မောင်းနှင် ထိန်းကျောင်းနေသော သမ္မတ ယာနူကိုဗစ်ခ်ျက ယူကရိန်အကျိုးစီးပွါးတွေထက် ရုရှားအကျိုးစီးပွါးကို ဦးစားပေးလွန်နေတာကြောင့် ယူကရိန်နိုင်ငံ၏ အနာဂတ်တွင် ဥရောပ သမ၈္ဂ နိုင်ငံများနှင့် ပူးပေါင်းနိုင်ဖို့ရော နေတိုး စစ်မဟာမိတ်နိုင်ငံတခုအဖြစ် အဖွဲ့ဝင်ဖြစ်လာနိုင်ဖို့ကိုရော နောက်နှေးအောင် ကန့်သတ်ချုပ်ချယ်ထားပြီး ရုရှား ထောက်လှမ်းရေးများဖြင့် တတိုင်းတပြည်လုံးအား ချုပ်ကိုင်ချယ်လှယ်နေတာကြောင့်လို့ ဖေါ်ပြကြပါတယ်။

သို့တင်မက သမ္မတ ယာနူကိုဗစ်ခ်ျက ယူကရိန်းအစိုးရရဲ့ အများပြည်သူပိုင်ဆိုင်တဲ့ ငွေပေါင်း အမေရိကန်ဒေါ်လာ (၇၅) ဘီလီယံကျော်ကို ရုရှား အစိုးရပိုင် ဘဏ်တွေထဲမှာ လွဲပြောင်းထည့်သွင်းထားကြောင်းကို လက်ရှိ ယူကရိန်း အစိုးရသစ်၏ ၀န်ကြီးချုပ် မစ္စတာ ရာဆန်ယွတ်က အတိလင်းထုတ်ဖေါ်ပြောဆိုပြီး တရားစွဲဆိုထားခဲ့ပါတယ်။ ထို့အပြင် တိုင်းပြည်မှ ရစရာရှိ၍ ရရှိလာသော နိုင်ငံခြားအကြွေးမြီ အမေ၇ိကန်ဒေါ်လာ ၃၇ ဘီလီယံကိုလဲ ရှုရားရုပ်သေး အဖြစ်သရုပ်ဆောင်ခဲ့တဲ့ ထွက်ပြေးသွားသော သမ္မတ ယာနူကိုဗစ်ခ်ျက တပါတည်း ယူသွားကြောင်း သက်သေခံထားကြပါတယ်။ မြန်မာပြည်မှာလဲ မြန်မာစစ်အာဏာရှင်နှင့် ၄င်းမိသားစုအပြင် အဆင့်မြင့် မြန်မာ စစ်ဗိုလ်ချုပ်ကြီးတစုမှာလည်း နိုင်ငံတော်ပိုင် ငွေကြေးအတော်များများနဲ့ အဖိုးကြီးမားသော တွင်းထွက် ကျောက်မြက်ရတနာများကို တရုတ်ပြည်မှာ အဓိက အပ်နှံထားကြတယ်ဆိုတာနဲ့ တိုက်တိုက်ဆိုင်ဆိုင်ကိုပင် ဆင်တူလွန်းလှပါတယ်။

ရုရှားရဲ့ ရုပ်သေးလေးဖြစ်ခဲ့သော ယူကရိန်း သမ္မတ ယာနူကိုဗစ်ခ်ျက ၄င်း အာဏာမစွန့်လွှတ်ရေးအတွက် ရုရှားလက်ဖြောင့်စနိုက်ဘာသမားများကိုခေါ်ယူပြီး ဆန္ဒပြနေကြတဲ့ ပြည်သူများကို အမှည့်ကြွေ ပစ်ခတ် ချွေချခဲ့တဲ့ လူဦးရေမှာ (၅၀၀) ကျော်မျှလောက် ရှိနေပါတယ်လို့ ယနေ့တက်လာတဲ့ ယူကရိန်း အစိုးရရဲ့ ယာယီ စုံစမ်းစစ်ဆေးမှုတွေက သက်သေခံထားကြပါတယ်။ မြန်မာနိုင်ငံမှာလဲ အချို့သော တိုင်းရင်းသားလက်နက်ကိုင် အဖွဲ့စည်းများကို ချေမှုန်းဖို့ရာမှာလည်း မြန်မာ့တပ်မတော်က တရုတ်ပြည်မှ လက်နက်ခဲယမ်း ယာဉ် ပစ္စည်း ကရိယာများကို အသုံးပြု နေခဲ့ကြတာတင်မက ၀ ဒေသမှ ၀ လက်နက်ကိုင် အင်းအားများကိုပါခေါ်ယူပြီး ရှမ်းပြည် လက်နက်ကိုင် အဖွဲ့စည်းများကို တိုက်ခိုက် ချေမှုန်းရာမှာ အသုံးပြုခဲ့ကြပုံများနှင့် ထပ်တူနီးပါးမျှ တူနေပြန်ပါတယ်။

မနက်ဖြန်တွင် ဆက်လက်၍ နိဂုံး ဒုတိယပိုင်းအား လက်ရှိ မြန်မာ့တပ်မတော်နှင့် ၀ တပ်မတော်တို့၏ သတင်းအချက်လက်များနှင့်အတူ တင်ဆက် နိုင်ယှဉ် တင်ပြပေးပါမည်

ဆက်လက် စောင့်မျှော် ဖတ်ရှု့မည်ဟု ယုံကြည်ပါသည်

ဂိုလ်ရှယ်လေး



ခရိုင်မီးယား ရောဂါ မြန်မာပြည်သို့ ရောက်လာလေမည်
=============================

နိဂုံးပိုင်း

ဂိုလ်ရှယ်လေး

တပ်မတော် အကြီးကဲများ ဖြစ်ခဲ့သော ထောက်လှမ်းရေး ဗိုလ်ချုပ် ယခု (ဦးခင်ညွန့်)မှ ၀ ဒေသ ကိုယ်ပိုင် အုပ်ချုပ်ရေး အတွက် ဆောင်ရွက်ပေးခဲ့သော ကြောင့် ယနေ့တိုင် ၀ ပြည်သွေးစည်းညီညွတ်ရေး တပ်မတော်၏ ခေါင်းဆောင်များ သဘောကျ နှစ်သက်နေလျက် ရှိနေသည့်အပြင် ဦးခင်ညွန့်ထံသို့ ပုံမှန် ၀င်ထွက်လျက်၇ှိနေသည်ကို စာရေးသူ သိရသည်။

တချိန်က အာဏာသိမ်းခဲ့သော န၀တ(နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့) ပြီးနောက် နအဖ (နိုင်ငံတော်အေးချမ်းသာယာရေး အဖွဲ့) တို့မှ ၄င်းတို့ အနေဖြင့် အပြစ်မဲ့သော ကျောင်းသားပြည်သူ ရဟန်း တို့ပေါ် ကြူးလွန်ထားသော ရာဇ၀တ်မှုမြောက်သည့် ဖိနှိပ်ရက်စက်မှုတို့အား နိုင်ငံတကာမှ အရေးယူ ဒဏ်ခတ် ၀င်ရောက်ပတ်သက်လာလျှင်..တရုတ်ပြည်အစိုးရ၏ စစ်ရေး နိုင်ငံရေးအထောက်ပံ့များ လွယ်လင့်တကူ ရယူနိုင်ရန်အလို့ငှာ ယခင် ကချင်၊ ရှမ်းနှင့်တင်မက တရုတ် မြန်မာ နယ်ခြား ၀န်းကျင်မှ အခြားသော တိုင်းရင်းသားတို့နှင့် တဖက်လှည့် ငြိမ်းချမ်းရေးလုပ်ငန်းများလုပ်ခဲ့ပြီး တရုတ်ပြည်ကြီးနှင့် ရွှေလမ်းငွေလမ်းဖေါက်နိုင်ရန် ၀ ဒေသတခုလုံးအား ကိုယ်ပိုင် အုပ်ချုပ်ခွင့်နယ်မြေအဖြစ် သတ်မှတ်ပြထားပေးထားပြီး အနှောက်ယှက် မရှိအောင် ယာယီ ချွေးသိပ်ခဲ့ရာမှ ယနေ့ ၀ တို့၏ ပြင်ဆင်မှုသည် ၁၉၈၉ ခုနှစ် စက်တင်ဘာလတွင် အဆုံးသတ်သွားသော မြန်မာပြည်ကွန်မြူနစ်ပါတီ၏ ချုပ်ကိုင်ထားမှု နောက်ပိုင်း ကြီးမားသော တရုတ်ပြည်မှ ကျားကန် အထောက်ပံပေးထားသည် အဖွဲ့ကြီးဖြစ်နေလေသည်။

လက်ရှိ ယနေ့ ၀ ဒေသ၏ စစ်အင်အားမှာ တဖြေးဖြေးနှင့် ကြီးသထက် ကြီးလာနေလေပြီ…လက်ရှိအခြေနေမှာပင် ၀ တပ်မတော်၏ စွမ်အင်အပြည့် လက်နက်အပြည့်စုံဖြင့် အဆင်သင့်ရှိနေသော အင်အားမှာ လေးသောင်း ငါးထောင်မျှ ရှိသည်ဟု အမေရိကန် စိအိုင်အေမှ တင်သွင်ထားသော အစီ၇င်ခံစာတွင် ဖေါ်ပြထားလေသည်။

ဝဒေသ တွင်းရှိ နေထိုင်နေသော လူမျိုးများမှာ မြန်မာနိုင်ငံ ၀ လူမျိုးများအဖြစ်ဟု ပြောဆိုနေကြသော်လည် တကယ့်လက်တွေ့မှာ ၀ဒေသမှတ်ထုတ်ပေးထားသော ၀ လူမျိုးရေး၇ာ မှတ်ပုံတင် နှင့် တရုတ်ပြည် မှတ်ပုံတင်များကိုင်ဆောင်ထားကြသော နိုင်ငံနှစ်ခု လူမျိုးတခုအဖြစ် လက်ရှိတည်၇ှိနေသော အခြေနေမှာ ၀ ဒေသ တခုလုံး၏ ၅၇ ရာနုံန်း ခန့်၇ှိသည်ဟု သိရ၏။

ဝ ကိုယ်ပိုင် အုပ်ချုပ်ရေး ဒေသမှ လက်ရှိ စစ်အင်အား လေးသောင်း ငါးထောင်အပြင် ပြည်သူ့စစ် နှင့် နယ်မြေလုံခြုံရေးအရံတပ်ဖွဲ့များလည်း ရှိသေးသည်ဟု သိရပြန်သည်။ အဆိုပါ အရံတပ်ဖွဲ့ ဆိုသော ပြည်သူ့စစ် နှင့် နယ်မြေလုံခြုံရေးအင်းအားမှာ တစ်သောင်းဝန်းကျင်မျှ ရှိကြောင်း ၀ ဘက်ဆိုင်ရာ စစ်ရေးထောက်လှမ်းမှုများ ပြုလုပ်ခဲ့သော မြန်မာ နဆက မှ နောက်ဆုံး ၄င်းတို့ ဌာန ဖျက်သိမ်းခြင်း မပြုခင် တင်သွင်းသော အစီရင်ခံချက်တွင် ဖေါ်ပြထားလေသည်။

ဝ ဒေသတလျောက်တွင် လုံခြုံရေးနှင့် ခံစစ်စခန်းပေါင်း ၂၄၈ ခုအား ခေတ်မှီ ခိုင်မာစွာ တည်ဆောက်ထားသည့်အပြင် ၀ ဒေသ စစ်ရေးဆိုင်ရာ အရာ၇ှိများ၏ ၈၀ ရာနုံန်းမှာ တရုတ်ပြည်မှ တရုတ်ပြည်သူ့တပ်မတော်မှ အသွင်ပြောင်းလာသူများပါဝင်ပြီး တရုတ်ပြည်ဘက်တွင် စစ်ဘက်ဆိုင်ရာ အရာရှိသင်တန်းများ တက်ရောက်ထားသူများ ဖြစ်ကြောင်း ..လက်ရှိ ၀ဒေသ ဗဟိုနှင့် (၃) မိုင်မျှလောက် ဝေးသော တရုတ်ပြည်ဘက်မှ လာရောက်ပို့ချပေးနေသော အရာ၇ှိ အရာခံ စစ်ဗိုလ်လောင်းတက္ကသိုလ်ဟု ခေါ်ဆိုနိုင်သော ကျောင်းတခု အခိုင်မာ ၇ှိနေလေသည်။

ထို့အပြင် ၀ ဒေသ တွင် တရုတ်ပြည်မှ လာရောက်သင်ကြားပေးသော အထက်တန်းကျောင်း များထိပင်ရှိနေပြီး ထိုအထက်တန်းကျောင်းမှ အောင်မြင်သွားသူများ၏ ၅၀ ရာနုန်းကျော်မှာ တရုတ်ပြည်ဘက်သို့ ၀င်သွားကာ တရုတ် ကောလိပ်ကျောင်းများသို့ အလုပ်လုပ်ရင်း ကျောင်းဆက်လက် တက်ေ၇ာက်သင်ယူနေကြလေ၏။

ထိုထက် ပိုထူးခြားသော သတင်းတပုဒ်မှာ ၀ ဒေသမှ ထူးချွန်သော သူများ ၁၂၀၀ ကျော်လောက်သည် တရုတ်ပြည် ဘရင်ကျင်းမြို့ထိသို့ပင် သွားရောက်ကာ နိုင်ငံတကာဆက်ဆံရေးနှင့် အဆင်မြင့်နည်းပညာများအပါဝင် အုပ်ချုပ်စီမံခန့်ခွဲရေးဆိုင် သင်တန်းကျောင်းများ ကောလိပ်များတွင် တက်ရောက်သင်ကြားနေကြပြီး ၀ ဒေသ ကိုယ်ပိုင်အုပ်ချုပ်ရေး (သို့မဟုတ်) တနေ့တချိန်တွင် ၀ ပြည်သွေးစည်းညီညွတ်သော ဒီမိုခရက်တစ်နိုင်ငံ ထူထောင်နိုင်၇န် လုံးပမ်း အားစိုက်နေကြောင်း India Time သတင်းစာကြီးတွင် ရေးသားဖေါ်ပြထားလေသည်။

လက်ရှိ နေပြည်တော်တွင် ၇ှိနေသော အစိုးရသည် ၀ ဒေသတွင်းသို့ ၀င်ရောက် စီမံခန့်ခွဲပိုင်ခွင့် ရှိသော ဥပဒေ အာဏာအကျိုးသက်ရောက်မှု လုံးလုံးမျှ ရ၇ှိ ဆောင်ရွက်ခွင့် ရှိသော ဥပဒေ၀န်ထမ်းများ တရားရုံးများ ကိုပင် ထားရှိခွင့် ဆုံးရှုံးနေ၇ပြီး ၀ ဒေသဘက်မှ တင်ပြလာသည့် အချို့သော ဘတ်ဂျက်ကိစ္စများကိုပါ ထပ်ဆောင်းပေးနေရသည်ဟု နေပြည်တော် မှ အကြီးတန်းဝန်ထမ်းတဦးက စာရေးသူအားပြောပြလေသည်။

လက်ရှိမြန်မာ့တပ်မတော်မှ အင်စတီးကျူးရှင်း ခေါ် တပ်မတော် မဏ္ဏိုင်တခုလုံးတွင် ဌာနခွဲပေါင်း ( ၂၆) ခု၇ှိသည်ဟု သိရသည်။ အဆိုပါဌာနခွဲများတွင် လိုအပ်သမျှ အရာအားလုံးတို့၏ (၈၀)ရာနုံန်းမျှသော အရာအားလုံးတို့အတွက် တရုတ်ပြည်အစိုးရကို အဓိက အားကိုးအားထားပြုနေရသော တပ်မတော် ဖြစ်နေလေသည်။ လက်ရှိတပ်မတော်မှ စီမံဆောင်ရွက်နေသော ဦးပိုင် ကုမ္မဏီ၏ ဖက်ဆပ် လုပ်ကိုင်မှုဆိုင်ရာ ကုမ္မဏီလုပ်ငန်းပေါင်း အမျိုးစားခွဲ (၃၆) ခုသည် တရုတ်ပြည်နှင့် ၆၈ ရာနုံန်းထိ တွဲဖက်လုပ်ကိုင်နေပြည် တရုတ်ပြည်မကို တိုက်ရိုက် အမှီသဟဲပြုကာ တိုင်းပြည်စီးပွါးရေးအား လက်ဝါးကြီး အုပ်ထားကြောင်း တွေ့၇ှိရသည်။

ယနေ့တပ်မတော်၏ တိုင်းပြည်အပေါ် စီမံကိုင်တွယ်နေသော အခြေနေများအား အသေးစိတ် လေ့လာကြည့်မည်ဆိုပါက မြန်မာနိုင်ငံ၏ အနောက်ဘက်နှင့် တောင်ဘက်ဒေသတို့တွင်ရှိသော တိုင်းရင်းသား လက်နက်ကိုင်များအား တိုက်ခိုက်ချေမှုန်းခြင်း အပျော့ဆွဲဖြင့် ငြိမ်းချမ်းရေး စကားဝိုင်းများ တည်ခင်းခြင်းဖြင့် တဖက်ကို ငြိမ်သက်အောင် လုပ်နေစေကာမူ ၀ ဒေသအား ၀ိုင်းပတ်ထိန်းချုပ်ထားရန် ရည်ရွယ်ချက်ဖြင့် မြန်မာပြည်၏ အရှေ့မြောက်ဒေသ ပိုင်းတွင် ရှိသော တိုင်းရင်းသာ လက်နက်ကိုင်အဖွဲ့များအား နာရီမလပ် နေစဉ် စစ်ခင်းခြင်း အင်အားသုံးသတ်ဖြတ်နေခြင်းများပြုလုပ်နေသောကြောင့် ကချင်ပြည်နယ် ရှမ်းပြည်နယ်နှင့် ကယာပြည်နယ်အထက်ပိုင်းတို့မှ သမ္မတ ဦးသိန်းစိန်တက်လာပြီးနောက်ပိုင်း ပြည်တွင်းစစ်ပြေး ဒုက္ခသယ် တသိန်း သုံးသောင်းမျှ ၇ှိနေကြောင်း ကုလသမဂ္ဂ ကူညီထောက်ပံရေးအဖွဲ့မှ လေ့လာကောက်ယူ စောင့်ကြည့်နေသော မှတ်တမ်းများက ဖေါ်ပြထား၏။

သို့သော် ယနေ့ မြန်မာ တပ်မတော်၏ ကာကွယ်ရေးဦးစီးချုပ်မှ ခေတ်မှီတိုးတက်သော တပ်မတော်အဖြစ် တည်ဆောက်ရန် အမေရိကန် အပါဝင် အခြားသော အနောက်နိုင်ငံမှ စစ်ဘက်ဆိုင်ရာ အတော်သင့် ပူးပေါင်း ဆောင်ရွက်မှုများပြုလုပ်နေလာပြီး မကြာသော ကာလတခုတွင် ကုလသမ၈္ဂ ငြိမ်းချမ်းရေးတပ်ဖွဲ့များတွင် မြန်မာ့တပ်မတော်မှ ပါဝင်တာဝန်ထမ်းဆောင်နိုင်ရန် ခြေလှမ်းပြင်ဆင်နေခြင်းမှာ တရုတ်တို့ထံမှ စစ်လက်နက်အထောက်ပံများဖြင့် ၀ ဒေသမှ ကြီးမားသောလက်နက်ကိုင် အင်အားကို ထိမ်းချုပ်ကွပ်ကဲနိုင်ရန်ဆိုသော အမြင်ဖြင့် ကြိုးပမ်းနေရကာ ၀ ဒေသမှ တရုတ်တို့၏ အကာကွယ် အထောက်ပံ့ဖြင့် တိုင်းပြည်ထူထောင် ခွဲထွက်လာမည်ဆိုပါက နိုင်ငံတကာ ငြိမ်းချမ်းရေးတပ်ဖွဲ့များ ၀င်ရောက် ဖြေရှင်းပေးနိုင်ရန် နောက်ကျသော ဆင်ကြံ ဖြင့် လုပ်ဆောင်နေကြောင်း တွေ့နိုင်ပါသည်။ သို့သော် တရုတ်ပြည်အစိုးရ၏ ပြင်းထန်သော ဗီဒိုအာဏာကျင့်သုံးမှုအား မြန်မာစစ်ဘက်ဆိုင်ရာများ အလူးလဲ ခံရဖွယ် မမြင်ကြောင်း တွေ့ရသည်။

သို့တင်မက ၂၀၀၈ အခြေခံဖွဲ့စည်းပုံတွင်လည်း နိုင်ငံတော်၏ အရေးပေါ် ဖြစ်ပေါ်လာသော အခြေနေတရပ်အရ နိုင်ငံသားအားလုံး စစ်မှု မဖြစ်မနေ ၀င်ရောက်ထမ်းဆောင်ရမည်ဟု ပြဌာန်းထားသော အချက်မှာ သမာရိုးကျ မြင်နိုင်သော်လည်း ဖင်မနိုင်ပဲ ပဲဟင်းစားသကဲ့သို့ပင် အာဏာတည်မြဲရေးနှင့် မိမိ တို့ချမ်းသာကြွယ်ဝရေးကိုသာ ဦးတည်လုပ်ဆောင် ခဲ့သော ၂၃ နှစ်ကြာ စစ်အာဏာရှင် စနစ်၏ မှားယွင်းသော လုပ်ရပ်ကြောင့် နိုင်ငံတော် ရေရှည် လုံခြုံရေးနှင့် တည်တံ့ ခိုင်မြဲရေးဟု အကြောင်းပြထားသော ၄င်းဥပဒေ ၂၀၀၈ ပြဌာန်းထားချက်ထဲတွင် ထည့်သွင်းရခြင်းဖြစ်နေပြီး ၀ တို့ ခွဲထွက် ကာ တိုင်းပြည်ထူထောင်ရန် ကြိုးပမ်းလာပါက မြန်မာ စစ်ဘက်ခေါင်းဆောင်များ မိမိတို့ ကြီးပွားရေးကိုသာ အာရုံထားခဲ့သောအမှားယွင်းကြီး တခုအတွက် ဖာထေးပြင်ဆင်ရန်အတွက် လက်ရှိ ဆင်းရဲဒုက္ခ နေ့တဓူဝကြုံတွေ့နေရသော အရပ်သူ အရပ်သားများ၏ အင်အားကို အသုံးချကာ ၀ ဒေသ ပြန်လည် ရရှိရေးအတွက် အသက်ပေါင်းများစွာတို့ စတေးပေးဆပ် တိုက်ပွဲဝင်လာကြရန် အမျိုးသားရေး အသွင် မျိုးချစ် မာန်ကြွများအဖြင့် ၀ါဒမှုိုင်းတိုက်ကာ ပြည်သူများအား ၀ ဒေသအတွက် တပ်မတော် မှ အသုံးချရန် အဆင်သင့်ဖြစ်အောင် ဆောင်ရွက်ထားကြောင်း စာရေးသူ တွေ့ရသည်။

အားလုံးကိုခြုံကြည့်သော် ယနေ့ ၀ ဒေသမှ ခေါင်းဆောင်များ ပြည်တွင်ငြိမ်းချမ်းရေးစားပွဲဝိုင်းသို့ ရောက်ရှိနေသော တိုင်းရင်းသာ လက်နက်ကိုင် အဖွဲ့ အသီးသီးတို့၏ ကိုယ်စား (UNFC) ဟု ခေါ်သော ညီညွတ်သော တိုင်းရင်းသားများ ဖယ်ဒရယ် ကောင်စီသို့ ၀င်ရောက်ပူးပေါင် နိုင်မှု မရှိရခြင်းမှာ ၀ တို့တွင် စနစ်တချ တရုတ်ပြည်မှ ချမှတ်ပေးထားသော လမ်းစဉ် အခိုင်မာပင် ရှိနေပြီ ဖြစ်ကြောင်း တွေ့ရပေမည်။

ထို့အပြင် ဖေါ်ပြပါ (UNFC) မှတောင်းဆိုနေသော ဖယ်ဒရယ် တပ်မတော်တခု ဖွဲ့စည်းရေးအား မြန်မာစစ်ဘက်မှ လက်ခံနိုင်ခြင်းမရှိသလို ၀ ဒေသ စစ်ဘက်ခေါင်းဆောင်များမှလည်း ပယ်ချထားသော အကြောင်းမှာ အဆိုပါ ဖယ်ဒရယ်ပြည်ထောင်စု တပ်မတော် တခု ဖွဲ့စည်းပါက လက်ရှိ တပ်မတော်တွင်း ပြန်လည် စီမံဖွဲ့စည်းမှုနှင့် အကျိုးမြတ်များအား ခွဲဝေခံစားပေးရမှုတို့အား မြန်မာ့တပ်မတော်ဘက်မှ မလိုလားခြင်းနှင့် ၀ ဒေသ စစ်ဘက်ခေါင်းဆောင်များအနေဖြင့် ဖယ်ဒရယ် ပြည်ထောင်စုတပ်မတော် ဖြစ်ပေါ်လာပြီး အဖွဲ့ဝင်အဖြစ် ပါဝင်ပတ်သက်ပါက ၄င်းတပ်မတော်၏ စည်းမျဉ်းစည်းကမ်းများအား လိုက်နာဆောင်ရွက်နေရမည်ဖြစ်ပြီး ခွဲထွက်ကာ တိုင်းပြည်တခု ထူထောင်ရန်ဆိုသော အခြေနေတခု ပြက်ပြားသွားစေနိုင်ကြောင်း ရှင်းလင်းစွာ တွေ့မြင်၍ ပယ်ချထားခြင်းဖြစ်ကြောင်း သိသာပါသည်။

သို့ကြောင့် ယနေ့ ခရိုင်မီးယာပြသနာသည် လွယ်လွယ်နှင့် ဖြေရှင်း၍ မရအောင် ရုရှားတို့မှ ၀င်ရောက်ပတ်သက်ထားသကဲ့သို့ မြန်မာပြည်တွင်လည်း လွယ်လွယ်နှင့် ဖြေရှင်းမရသော စစ်အာဏာရှင်တို့၏ ခေတ်အဆက်ဆက် မိုက်မဲ မှားယွင်းမှုများအား အပြစ်မဲ့သော တိုင်းသူ ပြည်သားများ စတေးခံ အနာခံ၍ အနာဂတ်တွင် ဖြေရှင်းပေးရစရာများ ပေါ်ပေါက်လာနိုင်ကြောင်းပါ………

စာဖတ်သူများအား အထူးကျေးဇူးတင်ပါသည်

စာရေးသူ၏ စာလုံးပေါင်း မှားယွင်းချွတ်ချော်မှုများသည် စာရေးသူမှ အသဲသန်လုထားရသော အချိန်ကလေးဖြင့် ရေးသားတင်ပြနေရသောကြောင့် မှားယွင်းမှုများ ဖြစ်ပေါ်နေရကြောင်း ၀န်ခံပါသည်။

ဂိုလ်ရှယ်လေး

0 အကြံပြုခြင်း: