Thursday, March 20, 2014

ဧပြီ ၁ ရက်မှစ၍ လျှပ်စစ်ဓာတ်အားခများ တိုးမြှင့်ကောက်ခံရန် လွှတ်တော်ဆုံးဖြတ်



Eleven Media Group

အစိုးရ ဘယ်လဲ၊ လွှတ်တော် ဘာလဲ၊
====================
ဧပြီ ၁ ရက်မှစ၍ လျှပ်စစ်ဓာတ်အားခများ တိုးမြှင့်ကောက်ခံရန် လွှတ်တော်ဆုံးဖြတ်၊ နှုန်းထားအရ အသေးစားနှင့်အလတ်စား လုပ်ငန်းရှင်များ အများဆုံးထိခိုက်ပြီး ခရိုနီများ၏ လုပ်ငန်းကြီးများ သက်သာမည်

၂၀၁၄ ခုနှစ် ဧပြီ ၁ ရက် မှစ၍ လျှပ်စစ်ဓာတ်အား သုံးစွဲခများကို တိုးမြှင့်ကောက်ခံရန် အစိုးရ၏ တင်ပြမှုကို မတ် ၁၉ ရက်က ပြည်ထောင်စုလွှတ်တော်တွင် အတည်ပြုခဲ့သည်။

အစိုးရက လက်ရှိကောက်ခံနေသော လျှပ်စစ်ဓာတ်အားခ နှုန်းထားများဖြစ်သော အိမ်သုံးတစ်ယူနစ်လျှင် ၃၅ ကျပ်၊ စက်မှုသုံး တစ်ယူနစ်လျှင် ၇၅ ကျပ်၊ အစိုးရသုံး တစ်ယူနစ်လျှင် ၃၅ ကျပ်၊ နိုင်ငံခြားငွေဖြင့် တစ်ယူနစ်လျှင် USD ၀ ဒသမ ၁၂ ဖြင့် ကောက်ခံနေမှုအား ဧပြီ ၁ ရက်မှစ၍ သတ်မှတ်ထားသည့် ပြင်ဆင်နှုန်းထားများအတိုင်း ကောက်ခံရန် အတည်ပြုခဲ့ခြင်းဖြစ်သည်။

ထိုသို့ အစိုးရက တိုးမြှင့်ကောက်ခံမည့် လျှပ်စစ်ဓာတ်အားခအတွက် ပြည်ထောင်စုလွှတ်တော်၏ အတည်ပြုဆုံးဖြတ်ချက်ကို မဲခွဲဆုံးဖြတ်ရာတွင် NLD အပါအ၀င် အတိုက်အခံပါတီများမှ ကိုယ်စားလှယ် ၁၈ ဦးသာ မတ်တတ်ရပ် ကန့်ကွက်ခဲ့ကြရာ ကန့်ကွက်သူနည်းသဖြင့် လွှတ်တော်က အတည်ပြုခဲ့ခြင်းဖြစ်သည်။

နိုင်ငံတွင် ရေအားလျှပ်စစ်ဖြင့် ထုတ်လုပ်မှုမှာ ၈၀ ရာခိုင်နှုန်းရှိကြောင်း၊ အရင်းမှာ ၁၅ ကျပ်ခန့်သာရှိကြောင်း၊ အိမ်သုံး တစ်ယူနစ်လျှင် ၃၅ ကျပ်နှုန်း၊ စက်မှုသုံးတစ်ယူနစ်လျှင် ၇၅ ကျပ်နှုန်းနှင့် ရောင်းချနေသည့်အတွက် မည်သည့်အတွက်မှ အရှုံးမပေါ်နိုင်ကြောင်း၊ နိုင်ငံတော်မှ အရှုံးခံ ထုတ်လုပ်နေရခြင်းဟုဆိုကာ သုံးစွဲခ တိုးမြှင့်ကောက်ခံရခြင်းသည် ပြည်သူများရေရှည်တွင် အကျိုးရှိစေရန် ဆိုသည်ထက် နောင်လျှပ်စစ်ကဏ္ဍတွင် ၀င်ရောက်လုပ်ကိုင်မည့် ကုမ္ပဏီများအား အကာအကွယ်ပေးခြင်းသာ ဖြစ်သည်ဟု အတိုက်အခံ ပါတီဝင် ကိုယ်စားလှယ်များက ဝေဖန်ကြသည်။

ထို့အပြင် အိမ်နီးချင်းနိုင်ငံများနှင့် နှိုင်းယှဉ်ပါက ဓာတ်အားသုံးစွဲခမှာ များပြားနေသေးသဖြင့် ကုန်ထုတ်လုပ်မှုတွင် ယှဉ်ပြိုင်နိုင်စွမ်း ရှိမည်မဟုတ်ကြောင်းလည်း ဝေဖန်ပြောကြားသည်။

“ကျွန်မတို့လူဦးရေ ၃၀ ရာခိုင်နှုန်း လောက်ကစတဲ့ SME လုပ်ငန်းတွေအားလုံးဟာ ယူနစ် ၁၀၀၀၀ ကျော်ကနေ ၅၀၀၀၀ ကြားမှာ ရှိပါတယ်။ ဒါဆိုရင် ၁၂၅ ကျပ် ဆောင်ရတော့မှာပါ။ ဒါဆိုရင် ကုန်ပစ္စည်းတွေဟာ နှစ်ဆနီးပါးတော့ တက်ရပါလိမ့်မယ်။ ဒီလိုပါပဲ စက်မှုလုပ်ငန်းသုံးတွေအတွက် ၁၂၅ ကို ဈေးနှုန်းတိုးမြှင့်လိုက်ခြင်းဟာ တိုးလာတဲ့ဝင်ငွေနဲ့ နိုင်ငံနဲ့တစ်ဝန်း တစ်ပြေးညီ လျှပ်စစ်ဓာတ်အားတွေကို ခံစားရမယ်ဆိုရင်တော့ ကျွန်မတို့အနေနဲ့ ကန့်ကွက်ဖို့ မရှိပါဘူး။ သို့သော် တိုင်းရင်းသားညီအစ်ကို မောင်နှမတွေအနေနဲ့ ဒီရလဒ်တွေကို တကယ်ခံစားခွင့် ရှိမှာလားဆိုတာကို ၀န်ကြီးဌာန အနေနဲ့ အာမခံဖို့ လိုအပ်ပါတယ်။ အမှန်တကယ် ဒီမိုကရေစီ အစိုးရဆိုရင် နိုင်ငံသားအားလုံးကို စောင့်ရှောက်ဖို့ တာဝန်ရှိပါတယ်။ Public Service တွေကို အရှုံးခံပြီး ဖြည့်ဆည်းပေးဖို့ လိုအပ်ပါတယ်။ နိုင်ငံတော်ကနေ လျှပ်စစ်ဓာတ်အားခတွေကို လစဉ်အရှုံးခံပြီးတော့ ဖြန့််ဖြူးနေရပါတယ်လို့ အမြဲတမ်း ပြောနေမယ်ဆိုရင် အမြတ်အစွန်းကို မရရှိနိုင်တဲ့ ကာကွယ်ရေးဝန်ကြီးဌာနလိုမျိုး၊ သာသနာရေးဝန်ကြီးဌာနတွေရဲ့ အသုံးစရိတ်တွေကိုလည်း ပြန်လည်စဉ်းစားဖို့ လိုအပ်ပါတယ်” ဟု အတိုက်အခံပါတီ NLD မှ ပြည်သူ့လွှတ်တော်ကိုယ်စားလှယ် ဒေါ်စန္ဒာမင်းက ဆွေးနွေးစဉ်ပြောကြားသည်။

ပုလဲမဲဆန္ဒနယ် ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်ကလည်း ထိုသို့ဓာတ်အားခများ တိုးမြှင့်လိုက်မှုအပေါ် ပြည်သူများကျေနပ်အောင် လုပ်ဆောင်ပေးရန် လိုအပ်ကြောင်း၊ မလုပ်ဆောင်ပေးနိုင်ပါက နောက်ဆက်တွဲ ပြဿနာများသည် ထိုသို့တိုးမြှင့်လိုက်သည့် သူများတွင် တာဝန်ရှိသည်ဟု ဝေဖန်ပြောကြားသည်။

ဒေါ်ခင်စန်းလှိုင်က “ကျွန်မတို့နိုင်ငံရဲ့ သယံဇာတကို ကျွန်မတို့ပြည်သူတွေကိုယ်တိုင် မသုံးရဘဲနဲ့ ပြင်ပကိုထုတ်လုပ် ရောင်းစားနေတဲ့အတွက်ကြောင့် ဒါတွေရဲ့အပေါ်မှာ ၀န်ထုပ်ဝန်ပိုးတစ်ခုအနေနဲ့ ပြည်သူက ခံစားနေရတာ ဖြစ်တယ်။ မီတာခကိုသာ တိုးမြှင့်ပြီးတော့ ကောက်ခံလိုက်တယ်။ ဒီအပေါ်မှာ တာဝန်ယူမှု တာဝန်ခံမှုမရှိတဲ့အပေါ် ကျွန်မတို့က ကန့်ကွက်ခြင်းဖြစ်တယ်” ဟု မီဒီယာများကို ပြောကြားသည်။

ထိုသို့ လျှပ်စစ်ဓာတ်အားခ နှုန်းထားများအတိုင်း တိုးမြှင့်ကောက်ခံရန်နှင့် လျှပ်စစ်ဓာတ်အား ပျောက်ဆုံးမှုနှင့် တရားမ၀င် သုံးစွဲမှုများ လျော့နည်းပပျောက်ရေးအတွက် အစီအမံချမှတ်ပြီး အလေးထားဆောင်ရွက်ရေးနှင့် ဆောင်ရွက်မှု အခြေအနေများအား လွှတ်တော်သို့ ပြန်လည်တင်ပြရန် လွှတ်တော်က ဆုံးဖြတ်အတည်ပြုခဲ့သည်။

အစိုးရက လျှပ်စစ်ဓာတ်အားသုံးစွဲခ တိုးမြှင့်ကောက်ခံရန် နည်းလမ်းသုံးခုဖြင့် တင်ပြခဲ့ခြင်းဖြစ်ပြီး ပြည်ထောင်စုလွှတ်တော် ဥပဒေကြမ်း ပူးပေါင်းကော်မတီ၊ ပြည်သူ့ငွေစာရင်း ပူးပေါင်းကော်မတီ၊ စီမံကိန်းများနှင့် ဘဏ္ဍာရေးဖွံ့ဖြိုးတိုးတက်မှု ပူးပေါင်းကော်မတီနှင့် လွှတ်တော်ကိုယ်စားလှယ်အချို့နှင့် လျှပ်စစ်စွမ်းအား ၀န်ကြီးဌာန၊ အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်မှု ၀န်ကြီးဌာန၊ ရထားပို့ဆောင်ရေး ၀န်ကြီးဌာန၊ ဘဏ္ဍာရေးဝန်ကြီးဌာနတို့မှ တာဝန်ရှိသူတို့ ညှိနှိုင်းဆွေးနွေးကာ ပြင်ဆင်သတ်မှတ်သည့် နည်းလမ်းအတိုင်း လွှတ်တော်က အတည်ပြုခဲ့ခြင်းဖြစ်သည်။

မြန်မာနိုင်ငံရှိ လျှပ်စစ်ဓာတ်အား အများအပြား သုံးစွဲရသော နိုင်ငံပိုင် စက်ရုံအလုပ်ရုံများကို အစိုးရနှင့်နီးစပ်သော လုပ်ငန်းရှင်ကြီးများ၊ နယ်ပယ်စုံ လုပ်ကိုင်နေသော ကုမ္ပဏီအုပ်စုကြီးများကသာ အများစုရယူ လုပ်ကိုင်နေခြင်းဖြစ်သည်။

ထို့အတွက် ယခုအတည်ပြုလိုက်သော နှုန်းထားများအရဆိုလျှင် အရင်းအနှီး၊ အခြေခံအဆောက်အအုံ၊ နည်းပညာလုံလောက်မှုမရှိဘဲ ကိုယ်စွမ်းကိုယ်စနှင့် ရုန်းကန်ရပ်တည်နေရသော အသေးစားအလတ်စား စက်မှုလုပ်ငန်းများသာ ပိုမိုထိခိုက်မည်ဖြစ်ပြီး လုပ်ငန်းရှင်ကြီးများ၊ စက်ရုံအလုပ်ရုံများစွာ ရယူလုပ်ကိုင်နေသည့် ကုမ္ပဏီအုပ်စုကြီးများသာလျှင် ပိုမိုသက်သာခွင့် ရရှိဦးမည်ဖြစ်သည်။

0 အကြံပြုခြင်း: