Tuesday, February 11, 2014

ပူးတွဲအာမခံချက်၊ ရွှေမူဝါဒ နှင့် ၂၀၀၈ အခြေခံဥပဒေပြင်ဆင်ရေး



တူမောင်ညို (၂၀၁၄ ခုနှစ်၊ ဖေဖေဝါရီ ၁၁ ရက်)

“ရွှေနှင့်ထုထားသည့်မူဝါဒ” ကိုတော့ဖြင့် ဗိုလ်သိန်းစိန်၊ ဗိုလ်ရွှေမန်း၊ ဗိုလ်မင်းအောင်လှိုင်တို့က နှစ်သက်လိုလားကြမှာ အမှန်ပင်ဖြစ်ပါလိမ့်မည်။ ထိုမူဝါဒသည် သူတို့အတွက် အတိုင်းမသိရွှေမိုးငွေမိုးရွာသွန်းဖြိုးစေမည့် တုန့်ပြန်မှုပင် မဟုတ်ပါလား။ ဗိုလ် သိန်းစိန်၊ ဗိုလ်ရွှေမန်း၊ ဗိုလ်မင်းအောင်လှိုင်တို့အတွက် ရွှေမိုးငွေမိုးရွာသွန်းဖြိုးပြီဆိုလျှင် ပြည်သူများအတွက် သွေးနဲ့မျက်ရည်ပင်လယ်ဝေ စေတော့မည်သာဖြစ်ပါသည်။


အများမျှော်လင့်စိတ်ဝင်စားနေခဲ့ကြသည့် ဒီချုပ်ပါတီနှင့် ၈၈ ငြိမ်းပွင့်များ၏ “ ပူးတွဲသဘောထားကြေညာချက်” ထွက်လာခဲ့ပြီ။


“ပူးတွဲသဘောထားကြေညာချက်”ကို ဖတ်ကြည့်တော့ ဒီချုပ်ပါတီနှင့် ၈၈ ငြိမ်းပွင့်တွေက “လမ်းမပေါ်ထွက်ပြီး ဆန္ဒပြပွဲတွေ မလုပ်ပါဘူး၊ လမ်းပေါ်ဆန္ဒပြပွဲ မပေါ်ပေါက်အောင်လည်း အတူတကွထိန်းသိမ်းသွားကြမည်ဆိုတဲ့ ပူးတွဲအာမခံချက်ကို သမ္မတ(ဗိုလ်) ဦးသိန်းစိန်ကြံ့ဖွံ့အစိုးရထံ အခိုင်အမာ အာမခံကြောင်း တစ်ဖက်သတ် သတင်းစကား ပါးတဲ့သဘောဖြစ်တယ်” လို့ သဘောပေါက်နား လည်မိပါသည်။ “ထိပ်တိုက်ရင်ဆိုင်မည် မဟုတ်ကြောင်း”  ကြိုတင်ပြီး (နိုင်ငံရေးပါတီနှင့် CSO) ပူးတွဲ အာမဘန္တေခံနေခြင်းဟု လည်းမြင် ပါသည်။


ဤသို့ တစ်ဖက်သတ်လိုက်လျော ပျော့ပျောင်းပြလိုက်လျှင် “၂၀၀၈အခြေခံဥပဒေ”ကို ရှဥ့်လည်းလျှောက်သာ ပျားလည်းစွဲသာ ပြင်ဆင်နိုင်မည့် အလားအလာသည် နေလိုလလို ပေါ်ထွက်လာလိမ့်မည်ဟု မျှော်လင့်ယူဆထားပုံပေါ်ပါသည်။ သို့ပါ၍ ဤမျှအစွမ်းကုန် လိုက်လျော ပျော့ပျောင်းပြနေခြင်းဖြစ်မည်ဟု ယူဆပါသည်။


အရှိကိုအရှိတိုင်းမြင်တယ်ဆိုပြီး “၂၀၀၈ အခြေခံဥပဒေ” ဘောင်ထဲ ဒေါ်အောင်ဆန်းစုကြည်နှင့် ဒီချုပ်ပါတီ ဝင်ရောက်သွားခြင်း သည် (နဝတ-နအဖ) စစ်အုပ်စုအတွက် ကြီးမားသည့်ရလဒ်ကြီးတစ်ခုပင်ဖြစ်ပါသည်။ “ကျမ်းကျိန်ရေး” နှင့်ပတ်သက်ပြီး ကြံ့ဖွံ့ပါတီနှင့် စစ်တပ်ထဲတွင် စိုးရိမ်မှုဒီဂရီခဏတာမျှမြှင့်တက်ခဲ့သော်လည်း နောက်ပိုင်း “လက်ပံတောင်းအရေးအခင်း” တွင် ထင်ထားသည်ထက် ပိုမို အမြတ်ထွက်ခဲ့သဖြင့်တွက်ချေကိုက်ပါသည်။ အသုံးချခံမည့်သူနှင့်အသုံးချချင်သူတို့ အချိတ်အဆက်မိနေပါသည်။


 ဆုံးရှုံးခြင်းကိုရင်ဝယ်ပိုက်ရသူများမှာ လက်ပံတောင်းဒေသခံပြည်သူများနှင့် ဒေါ်အောင်ဆန်းစုကြည်အပေါ်ထားရှိခဲ့ကြသည့် သူတို့၏ယုံကြည်လေးစားအားကိုးမှုပင်ဖြစ်သည်။ အကျိုးအမြတ်တနင့်တပိုးကို ပူးတွဲရရှိသွားကြသူများမှာ ကြံ့ဖွံ့အစိုးရ၊ ဦးပိုင်နှင့် ဝမ်ပေါင် ကုမ္ပဏီတို့ပင်ဖြစ်ပါသည်။


  ယခုလည်း ပုဒ်မ ၅၉(စ) ကို ချွင်းချက်ပြု၍  ပြင်ပေးပြီး ဒေါ်အောင်ဆန်းစုကြည်အား သမ္မတ သို့မဟုတ် ဒုတိယသမ္မတ နေရာ ပေးလိုက်လျှင် ရရှိလာနိုင်မည့် အကျိုးနှင့်အမြတ်ကို ကြံ့ဖွံ့ပါတီနှင့် စစ်တပ်က စနစ်တကျတွက်ချက်ပြီး ဖြစ်ပါလိမ့်မည်။ အစားထိုးမည့် စာသားပင်အသင့်ရှိနေပုံပေါ်ပါသည်။၂၀၀၈အခြေခံဥပဒေပြင်ဆင်ရေးကလည်း ယခုအချိန်ထိ ဗိုလ်ရွှေမန်းဆင်ထားသည့်အကွက်တိုင်း ရွေ့နေသဖြင့် စိတ်ပူစရာသိပ်မရှိလှ။ ၂၀၀၈ အခြေခံဥပဒေပြင်ဆင်ရေးဆိုသည်မှာ ကြံဖွံ့ပါတီ၏ လက်ခုပ်ထဲကရေဖြစ်သည်။


 “၁၀၉ ဦးပူးပေါင်းကော်မတီ” သည် ပုဒ်မ ၅၉(စ) အပါအဝင် မပြင်ဆင်လိုသည့် ပုဒ်မ ၇ ခုကို ဖော်ပြ၍ ပွဲဦးထွက်အောင်ပွဲကို ပီ ပြင်ပိုင်နိုင်စွာကပြအသုံးတော်ခံခဲ့ပြီ။ထို့အပြင်ဖွဲ့စည်းပုံအခြေခံဥပဒေပြင်ဆင်နိုင်ရေးအကောင်အထည်ဖော်မှုကော်မတီ “၃၁ဦး ကော်မတီ” သို့ တာဝန်လွှဲပြောင်းပေးခဲ့ပြီ။ “၃၁ ဦးကော်မတီ” ဆိုသည်မှာလည်း “၁၀၉ ဦးပူးပေါင်းကော်မတီ”ကဲ့သို့ပင် ဦးနန္ဒကျော်စွာ၊ ဦးမြညိမ်း၊ ဦးအေးမောက်တို့သာ စိတ်ကြိုက်ချယ်လှယ်ကြမည်ဖြစ်ပြီး၊ ဗိုလ်ရွှေမန်း တစ်လက်ကိုင်ကော်မတီသာဖြစ်သည်။


“၂၀၀၈ အခြေခံဥပဒေ”ကို လွှတ်တော်တွင်းနည်းတစ်ခုတည်းဖြင့်သာ ပြင်ဆင်မည်ဆိုလျှင်ကြံ့ဖွံ့ပါတီ၊ကြံ့ဖွံ့အစိုးရ၊ လွှတ်တော် နှင့်စစ်တပ်တို့ အလိုကျအဖြေသာ ထွက်မြဲထွက်နေမည်။ သို့တည်းမဟုတ် ကြံ့ဖွံ့ပါတီ၊ ကြံ့ဖွံ့အစိုးရ၊ လွှတ်တော်နှင့်စစ်တပ်တို့က ခွင့်ပြုသ လောက်သာပြင်ဆင်နိုင်ပါလိမ့်မည်။


 “ပုဒ်မ ၅၉(စ) အပါအဝင် မပြင်ဆင်လိုသည့် ပုဒ်မ ၇ ခု” အား ဇန်နဝါရီလ ၃၁ ရက်နေ့ လွှတ်တော်သို့ တင်သွင်းခဲ့သည့် “၁၀၉ဦးကော်မတီ” အစီရင်ခံစာ၌ ဖော်ပြခဲ့ခြင်း၊  ပုဒ်မ  ၅၉ (စ) မပြင်သင့်ဘူးဟု (တစည) ပါတီက အတိအလင်းထုတ်ပြောခြင်း၊  ဒေါ်ခင်ဝိုင်းကြည်နှင့်နေမျိုးဝေတို့၏ ပုဒ်မ ၅၉(စ) ထောက်ခံဟောပြောပွဲ၊  ပြင်ဆင်ရေးနှင့်ပတ်သက်ပြီး ကြံ့ဖွံ့ပါတီထဲတွင် သူနှင့်ဥက္ကဋ္ဌ ကြီး ဗိုလ်ရွှေမန်း နှစ်ဦးသာရှိသည်ဟူသည့် သူရဦးအောင်ကို၏ နှပ်ကြောင်းပေးနေမှု စသည့်ဖြစ်ရပ်များသည်  အကြောင်းမဲ့မဟုတ်ချေ။


လွှတ်တော်တွင်း အဆုံးအဖြတ်မှန်သမျှတွင် မဲအများဆုံးရသူက အနိုင်ရစတမ်းမဟုတ်ပါလား။ ဗိုလ်ရွှေမန်းသည် လွှတ်တော် နာယကကြီးဖြစ်သဖြင့် မဲပေးစရာမလိုချေ။ လွှတ်တော်တွင်းဖွဲ့သမျှ ကော်မတီတိုင်းတွင် အများစုမှာ ကြံ့ဖွံ့ပါတီနှင့် ကာချုပ်၏ စစ်သား အမတ်များက အများစုဖြစ်မြဲဖြစ်သည်။ သို့အတွက် ဘာမျှမှုစရာမရှိချေ။ လွှတ်တော်တွင်း အဆုံးအဖြတ်မှန်သမျှသည် ကြံ့ဖွံ့ပါတီ၏ လက်ခုပ်ထဲ၌သာရှိသည်။


နောက်ဆုံးဖွဲ့ထားသည့် “၃၁ ဦးကော်မတီ” ၌ပင် ကြံ့ဖွံ့ပါတီကအများစုဖြစ်ကာ အဖွဲ့ဝင်ထက်ဝက်ကျော် တက်ရောက်လျှင် အစည်းအဝေး ထမြောက်ပြီး၊ တက်ရောက်သည့်ကော်မတီဝင်များ၏ များရာဆန္ဒမဲဖြင့်ဆုံးဖြတ်ရမည်ဟု ဗိုလ်ရွှေမန်းလက်မှတ်ဖြင့် ဖေဖေါ် ဝါရီလ ၃ ရက်နေ့ရက်စွဲဖြင့်ထုတ်ပြန်ခဲ့သည့် လွှတ်တော်ရုံး အမိန့်ကြော်ငြာစာအမှတ် (၂၀/၂၀၁၄ ) ဖေါ်ပြထားသည်။


ဗိုလ်သိန်းစိန်၊ ဗိုလ်ရွှေမန်း၊ ဗိုလ်မင်းအောင်လှိုင်တို့ ပူပင်စိုးရိမ်နေသည်မှာ လွှတ်တော်ပြင်ပ “ပြည်သူ့အင်အား” ဖြင့်ဆောင်ရွက် လာမည့်နည်းပင်ဖြစ်သည်။ “ကျွန်မတို့ လက်နက်အင်အားမသုံးဘူး၊ အကြမ်းဖက်မှုမသုံးဘူး၊ ပြည်ပအင်အားမသုံးဘူး၊ ကျွန်မပြည်သူ့ အင်အားပဲသုံးမယ်လို့ ကျွန်မရှင်းရှင်းလင်းလင်းပြောပါရစေ” ဟု ဒေါ်အောင်ဆန်းစုကြည်က ပြောနေသည်မဟုတ်ပါလား။ ဘယ်လို အခြေ အနေနဲ့ ရင်ဆိုင်လာရတဲ့ ဘယ်လိုအချိန်ခါမျိုးမှာ “ပြည်သူ့အင်အား”ကို သုံးမယ်လို့တော့ဖြင့် တိတိကျကျထုတ်မပြောဖူးသေးပါ။


ဒေါ်အောင်ဆန်းစုကြည်ပြောနေသည့် ကိုယ့်ကို မကောင်းလုပ်သော်လည်း အကောင်းနှင့်သာတုန့်ပြန်မည့် တရားရှိသည့် လူ ကောင်းများ၏ “ရွှေနှင့်ထုထားသည့်မူဝါဒ” ကိုတော့ဖြင့် ဗိုလ်သိန်းစိန်၊ ဗိုလ်ရွှေမန်း၊ ဗိုလ်မင်းအောင်လှိုင်တို့က နှစ်သက်လိုလားကြမှာ အမှန်ပင်ဖြစ်ပါလိမ့်မည်။ ထိုမူဝါဒသည် သူတို့အတွက် အတိုင်းမသိရွှေမိုးငွေမိုးရွာသွန်းဖြိုးစေမည့် တုန့်ပြန်မှုပင် မဟုတ်ပါလား။


 ဗိုလ် သိန်းစိန်၊ ဗိုလ်ရွှေမန်း၊ ဗိုလ်မင်းအောင်လှိုင်တို့အတွက် ရွှေမိုးငွေမိုးရွာသွန်းဖြိုးပြီဆိုလျှင် ပြည်သူများအတွက် သွေးနဲ့မျက်ရည်ပင်လယ်ဝေ စေတော့မည်သာဖြစ်ပါသည်။

0 အကြံပြုခြင်း: