Tuesday, February 25, 2014

အဂတိလိုက်စားမှုတိုက်ဖျက်ရေးကော်မရှင် အဖွဲ့ဝင် ၁၅ ဦးစလုံးသည် တစ်ခါမှ လဘ်ပေးလာဘ်ယူမလုပ်ခဲ့



Hawdeka Khalaylay
အဂတိလိုက်စားမှုတိုက်ဖျက်ရေးကော်မရှင် အဖွဲ့ဝင် ၁၅ ဦးစလုံးသည် အကျင့်စာရိတ္တကောင်းမွန်သူများဖြစ်ကြပြီး တစ်ကြိမ်တစ်ခါမှ လဘ်ပေးလာဘ်ယူမလုပ်ခဲ့ဘူးကြောင်း တရားရုံးတွင် ကျမ်းကျိန်ကြမည်
(နေပြည်တော်သတင်း)

လာဘ်ပေးလာဘ်ယူမှု ပပျောက်ရေးကော်မရှင်ကို အကြီးအကဲနှစ်ဦးအပြင် အဖွဲ့ဝင် ၁၃ ဦးနဲ့ ပြည်ထောင်စု လွှတ်တော်က ဒီနေ့ အတည်ပြုလိုက်ပါတယ်။

နိုင်ငံတော်သမ္မတ အဆိုပြုထားသူတွေထဲက ကော်မရှင် ဥက္ကဌအဖြစ် ဦးမြ၀င်း (စစ်မှုထမ်း အငြိမ်းစား) နဲ့ အတွင်းရေးမှူးအဖြစ် ဦးတင်ဦး (သံအမတ်ကြီး အငြိမ်းစား) တို့ကို ရွေးချယ်ကြောင်း ပြည်ထောင်စုလွှတ်တော် နာယက သူရဦးရွှေမန်းက ဒီနေ့ ပြည်ထောင်စုလွှတ်တော်မှာ အခုလို အတည်ပြုကြေညာခဲ့ပါတယ်။

"လာဘ်ပေးလာဘ်ယူမှု ပပျောက်ရေးကော်မရှင် ဖွဲ့စည်းရန် နိုင်ငံတော်သမ္မတထံမှ အမည်စာရင်းပေးပို့ထားသည့် (၁)ဦးမြဝင်း၊ (၂)ဦးတင်ဦး၊ (၃)ဦးကျော်ကျော်၊ (၄)စိုးတင့် (၅)သန်းအောင်၊ (၆)ဦးမောင်ရှိန်၊ (၇)ဒေါက်တာသက်စံ၊ (၈)ဦးနေဝင်း၊ (၉)ဒေါ်မြမြစိုး၊ (၁ဝ)ဦးတင်မောင်၊ (၁၁)ဦးစွန်ဒုတ်ကျင့်၊ (၁၂)ဒေါက်တာညီညီထွန်း၊ (၁၃)ဦးကျော်မြင့်၊ (၁၄)ဒေါ်သန်းသန်းရီ၊ (၁၅)ဦးအောင်နိုင်စိုး တို့ပါဝင်သည့် အဖွဲ့ဝင် ၁၅ ဦးကို ဦးမြဝင်းအား ကော်မရှင်ဥက္ကဌအဖြစ်၎င်း၊ ဦးတင်ဦးအား ကော်မရှင် အတွင်းရေးမှူးအဖြစ်၎င်းခန့်အပ်တာဝန်ပေးရန် လွှတ်တော်က သဘောတူကြောင်း ကြေညာပါတယ်"

နိုင်ငံတော်သမ္မတက ပြီးခဲ့တဲ့ ဖေဖော်ဝါရီလ ၂၁ ရက်နေ့က လာဘ်ပေးလာဘ်ယူမှု ပပျောက်ရေးကော်မရှင် ဖွဲ့စည်းဖို့အတွက် ကော်မရှင်ဥက္ကဌနဲ့ အတွင်းရေးမှူးအမည်တွေကို အဆိုပြုတင်ပြခဲ့တာပါ။ ကော်မရှင်အဖွဲ့ဝင် ၁၃ ဦးကို နိုင်ငံတော်သမ္မတ အဆိုပြုသူ ၃ ဦး၊ပြည်သူ့လွှတ်တော်နဲ့ အမျိုးသားလွှတ်တော် ဥက္ကဌတို့က အဆိုပြုသူ ၅ ဦးစီနဲ့ ဖွဲ့စည်းလိုက်တာပါ။

လာဘ်ပေးလာဘ်ယူမှု ပပျောက်ရေးကော်မရှင် အဖွဲ့ဝင် ၁၅ ဦးစလုံးက အကျင့်စာရိတ္တကောင်းမွန်သူများဖြစ်ကြပြီး တစ်ကြိမ်တစ်ခါမှ လဘ်ပေးလာဘ်ယူမလုပ်ခဲ့ဘူးကြောင်း တရားရုံးတွင် ကျမ်းကျိန်ကြမည် ဖြစ်ကြောင်း သတင်းရရှိပါသည်

1 အကြံပြုခြင်း:

Htun Aung Kyaw said...

ဒီပုဂ္ဂိုလ် တွေ ကျမ်းစူး မှာ မ ကြောက်ကြ ဘူး ထင် တယ်။ ဒီက တော့ ကြောက် တယ် ။