Tuesday, February 25, 2014

ဘင်္ဂလားဒေ့ရ်ှမှပြန်ရောက်လာသည့်ရခိုင်ဒုက္ခသည်များအတွက် မောင်တောမြို့နယ်တွင် နေအိမ်များဆောက်လုပ်ပေးမည်





Mizzima
ဘင်္ဂလားဒေ့ရ်ှနိုင်ငံမှ ပြန်လည်ရောက်ရှိလာသော ရခိုင်ဒုက္ခသည်များကို မောင်တောမြို့နယ်အတွင်းရှိ အိမ်ခြေတစ်ရာမပြည့်သော ကျေးရွာငယ်များတွင် နေရာချထားပေးသွားမည်ဟု နယ်စပ်ရေးရာဝန်ကြီးဋ္ဌာ နမှ ဗိုလ်ကြီးသန့်ဇင်က ဖေဖော်ဝါရီ ၂ ရက်တွင် မဇ္ဈိမကို ပြောသည်။

“အိမ်ခြေတစ်ရာမပြည့်တဲ့ ကျေးရွာငယ်တွေမှာ တစ်ရာပြည့်အောင် အိမ်တွေ တိုးချဲ့ဆောက်ပေးမယ်။ လာတဲ့သူတွေအားလုံး တစ်စုတည်းတော့ မဖြစ်ဘူးပေါ့”ဟု ဗိုလ်ကြီးသန့်ဇင်က ဆက်ပြောသည်။

ရခိုင်ပြည်နယ်အတွင်းသို့ ပြန်လည်ဝင်ရောက်လာသော ရခိုင်တိုင်းရင်းသား ဒုက္ခသည်များသည် မောင် တောဗဟိုဘုန်းကြီးကျောင်းတွင် နေထိုင်လျက်ရှိသည်။

၂၀၁၂ ခုနှစ်မှစပြီး ဘင်္ဂလားဒေ့ရ်ှနိုင်ငံတွင် ရောက်ရှိနေသော ရခိုင်တိုင်းရင်းသားများသည် လစဉ် မိသား စုသုံးစုမှ ဆယ်စုအထိ ပြန်လာနေသည်ဟု ဗဟိုကျောင်းထိုင်ဆရာတော် ဦးအာစာရက မိန့်ကြားသည်။

အဆိုပါဒုက္ခသည်များကို မောင်တောမြို့နယ်ရှိ အောင်သာယာ၊ လောင်းတော်၊ ငခူရမြို့သစ်၊ တောင်ပြို လက်ဝဲကျေးရွာများတွင် နယ်စပ်ရေးရာဝန်ကြီးဌာနက နေအိမ်တန်းလျား ၁၂၅ ခုတွင် မိသားစု ၂၀၀ ကို နေအိမ်များ စီစဉ်ဆောင်ရွက်ပေးထားပြီး ဖြစ်သည်။ အိမ်ခြေတစ်ရာမပြည့်သော ကျေးရွာအုပ်စုများတွင် တိုးချဲ့ဆောက်လုပ်ပေးခြင်း ဖြစ်သည်။

လက်ရှိ မောင်တောဗဟိုဘုန်းကြီးကျောင်းတွင် ဒုက္ခသည် အိမ်ထောင်စုပေါင်း ၂၀၀ ကျော် ကျန်ရှိနေပြီး အဆိုပါဒုက္ခသည်များအတွက် ပြားသားရွာတွင် ၁၅ အိမ်၊ အောင်ဗလကျေးရွာတွင် ၁၇ အိမ်၊ ရပ်ညှိုး တော်ကျေးရွာတွင် ၁၈ အိမ်ဆောက်လုပ်လျက်ရှိသည်ဟု နယ်စပ်ရေးရာဝန်ကြီး ဗိုလ်ကြီးသန့်ဇင်က ဆို သည်။

“အစိုးရကိုတော့ တင်ပြထားတယ်၊ သူတို့လည်း နေစရာတွေ ဆောက်လုပ်တုန်းဖြစ်တဲ့အတွက် လော လောဆယ် ဦးဇင်းကျောင်းမှာပဲ စောင့်ရှောက်ထားတယ်”ဟု ဦးအာစာရက မဇ္ဈိမကို ပြောသည်။

ပြန်လည်ရောက်ရှိလာသော ရခိုင်တိုင်းရင်းသားများအတွက် နေစရာအိမ်များ ဆောက်လုပ်ပေးနိုင်သော် လည်း ရေရှည်လုပ်ကိုင်စားသောက်နိုင်ရန်အတွက် လယ်ယာမြေများ စီမံဆောင်ရွက်ပေးခြင်းလုပ်ငန်း များ ပြုလုပ်ပေးနိုင်ခြင်း မရှိသေးပေ။ ဘင်္ဂလားဒေ့ရ်ှနိုင်ငံသို့ ရခိုင်တိုင်းရင်းသားများ ရောက်ရှိသွားရခြင်း အကြောင်းနှင့်ပတ်သက်ပြီး ဆရာတော်ဦးအာစာရက “ရခိုင်ဘုရင်တွေလက်ထက်က စစ်တကောင်းထိ သိမ်းပိုက်ခဲ့တဲ့အတွက် အဲဒီမှာနေခဲ့တဲ့ ရခိုင်လူမျိုးတွေဖြစ်တယ်၊ ရခိုင်-ဘင်္ဂါလီ ပဋိပက္ခကြောင့် ဘင်္ဂလား ဒေ့ရ်ှမှာ ဘုန်းကြီးကျောင်းတွေ မီးရှို့မှုဖြစ်ပြီးနောက်ပိုင်း ဒီဘက်ကို တဖြည်းဖြည်း ပြန်လာကြတယ်။ လ စဉ် တစ်သုတ်ပြီး တစ်သုတ် ပြန်လာကြတယ်”ဟု မိန့်သည်။

ဖေဖော်ဝါရီ ၂၄ ရက်တွင် အိမ်ထောင်စု ၁၀ စု လူဦးရေ ၃၀ ခန့် ထပ်မံရောက်ရှိလာသည်။ ယင်းဒုက္ခ သည်များသည် ဘင်္ဂလားဒေ့ရ်ှနိုင်ငံ နတ်ချောင်းစရီမြို့နယ်၊ ရင်္ဂါမတီမြို့နယ်၊ ရွာတော်မြို့နယ် (မြန်မာ အခေါ်)၊ အလယ်ခေါ်တောင်မြို့နယ်(မြန်မာအခေါ်) စသော ဒေသများမှ ပြောင်းရွေ့လာသူများ ဖြစ်သည် ဟု ဦအာစာရက မိန့်ကြားသည်။


မောင်တောမြို့နယ်တွင် နယ်မြေရဲစခန်းလေးခု ထပ်မံတိုးချဲ့မည်

မောင်တောဒေသ လုံခြုံရေးတိုးမြင့်ရန်အတွက် နယ်မြေရဲစခန်းလေးခု ထပ်မံတိုးချဲ့ရန်ရှိသည်ဟု မောင်တောခရိုင် ရဲစခန်းမှ တာဝန်ကျ ရဲဝန်ထမ်းတစ်ဦးက ဖေဖော်ဝါရီလ ၂၅ ရက်တွင် မဇ္ဈိမကို ပြောသည်။ မောင်တောဒေသတွင် ဒုချရားတန်းဖြစ်စဉ်နှင့် ပတ်သက်ပြီး ရဲတပ်သားများ တိုက်ခိုက်ခံရမှုများဖြစ်ပေါ်ခဲ့ရာ ဒေသခံလူထုက လုံခြုံရေးတိုးမြှင့်ပေးရန် စုံစမ်းစစ်ဆေးရေးကော်မရှင်ကို တင်ပြခဲ့သည်။ “မြေတိုင်းတဲ့အဆင့်ပဲ ရှိပါသေးတယ်။ ကျန်တာတော့ ပြောလို့မရသေးပါဘူး”ဟု အဆိုပါ ရဲဝန်ထမ်းက မဇ္ဈိမကိုပြောသည်။ အဆိုပါ ရဲစခန်းများကို မောင်တောမြို့နယ်တောင်ပိုင်း အင်းဒင်၊ အလယ်သံကျော်၊ သရေကုန်းဘောင်ကျေးရွာနှင့် မောင်တောမြို့နယ် မြောက်ပိုင်းရှိ ကျီးကန်းပြင်ကျေးရွာတို့တွင် ထပ်မံတည်ဆောက်သွားရန် မြေယာတိုင်းတာမှုများ ပြုလုပ်ခဲ့ခြင်း ဖြစ်သည်ဟု မောင်တောခရိုင်ရဲတပ်ရင်းမှ တာဝန်ရှိသူကပြောသည်။ ရဲစခန်းသစ်များဖွင့်လှစ်ရန်အတွက် ရဲမှူးချုပ် တင်ကိုကိုက ဦးစီးဆောင်ရွက်လျှက်ရှိပြီး ဒေသတွင်း တရားဥပဒေစိုးမိုးရေးနှင့် တည်ငြိမ်ရေးအတွက် တိုးမြှင့်ဆောင်ရွက်သွားရန် ရည်ရွယ်ခြင်းဖြစ်သည်ဟု ယင်းကပြောသည်။ မောင်တောဒေသတွင် ရဲတပ်ရင်း တိုးချဲ့ဆောက်လုပ်ခြင်းနှင့် ပတ်သက်၍ မောင်တောဒေသခံဖြစ်သူ ဦစောသာရွှေက “ရဲတပ်ရင်းတိုးချဲ့ရုံမက ခေတ်မှီ လက်နက်ကရိယာတွေကိုလည်း တပ်ဆင်ပေးဖို့လိုပါတယ်”ဟု မဇ္ဈိမကိုပြောသည်။ ၂ဝ၁၄ ခုနှစ် ဇန်နဝါရီ ၁၃ ရက်က မောင်တောမြို့နယ် ခရေမြိုင်ရဲကင်းမှ ရဲတပ်ကြပ်ကြီးအောင်ကျော်သန်းသည် လုံခြုံရေးဝန်ထမ်းများနှင့် အတူ ကင်းလှည့်စဉ် ဒုချရားတန်းကျေးရွာတွင် ဘင်္ဂလီများနှင့် တိုက်ခိုက်မှုများဖြစ်ပွားပြီး ပျောက်ဆုံးခဲ့သည်။ ရခိုင်ပြည်နယ် ဘူးသီးတောင်နှင့် မောင်တောနယ်စပ်ဒေသများကို ယခင်က နယ်စပ်ဒေသ လူဝင်မှုကွက်ကဲရေး ဌာနချုပ်(န.စ.က)က တာဝန်ယူခဲ့ပြီး ဇူလိုင် ၁၂ရက်က နိုင်ငံတော်သမ္မတရုံးက အမိန့်ကြော်ငြာစာထုတ်ပြန်၍ ဖျက်သိမ်းခဲ့သည်။ ထို့နောက် မြန်မာနိုင်ငံ ရဲတပ်ဖွဲ့က နယ်စပ်ဒေသလုံခြုံရေးကိုတာဝန်ယူခဲ့သည်။

0 အကြံပြုခြင်း: