Tuesday, November 15, 2011

ထားဝယ်မှာ လျှပ်စစ်ဓါတ်အားပေး စက်ရုံ ဆောက်မယ်



Posted by on November 15, 2011

ဗမာပြည်၊ ထားဝယ်မြို့မှာ လျှပ်စစ် မဂ္ဂါဝပ် ၄၀၀၀ နီးပါးလောက် ထုတ်လုပ်နိုင်တဲ့ ကျောက်မီးသွေးလောင်စာသုံး လျှပ် စစ်ဓါတ်အားပေးစက်ရုံ တည်ဆောက်ဖို့အတွက် ထိုင်းနိုင်ငံစတော့ရှယ်ယာ ရောင်းဝယ်ရေးအေဂျင်စီ စာရင်းဝင် ရတ်ချ (Ratch) လျှပ်စစ်ထုတ်လုပ်ရေးဦးပိုင်ကုမ္ပဏီနဲ့ အီတလီ-ထိုင်း ဖွံ့ဖြိုရေး ကုမ္ပဏီ (ITD) တို့ဟာ အစုစပ် စီးပွားဖက်အဖြစ် ဖွဲ့စည်းလိုက်ပါတယ်။ မနေ့က လက်မှတ်ရေးထိုးလိုက်တဲ့ နားလည်မှုစာချွန်လွှာမှာ နောက်နှစ်မှာဖွဲ့မယ့်  ကုမ္ပဏီ သစ်ရဲ့ အစုရှယ်ယာ ၃၀%ကို Ratch ကုမ္ပဏီ က ပိုင်ဆိုင်မှာဖြစ်ပြီး ITD က ၇၀% ပိုင်ဆိုင်ခွင့်ရမှာဖြစ်ပါတယ်။
ပထမ ၃နှစ်မှာ စီမံကိန်းတခုကို ၁၃၀ မဂ္ဂါဝပ်စီရှိတဲ့ အငယ်စားလျှပ်စစ်ထုတ်လုပ်ရေးစီမံကိန်း ၃ခုကို လုပ်ဆောင်မှာ ဖြစ် ပါတယ်။ သဘောတူညီချက်အရ ၆၀၀ မဂ္ဂါဝပ် ရှိတဲ့ စီမံကိန်း ၆ ခုကိုလည်း တည်ဆောက်မှာဖြစ်ပါတယ်။ ဒါပေမဲ့ ဘယ် အချိန်မှာ ဆောက်မလဲဆိုတာတော့ Ratch ကုမ္ပဏီ ရဲ့ဥက္ကဋ္ဌ ဖြစ်သူ နော့ဖိုးလ်မီလင်ထန်းဂွန်းက ပြောဆိုခြင်း မရှိပါဘူး။ ရင်းနှီးမြှုပ်နှံမှု ကုန်ကျစရိတ်ကတော့ ၁ မဂ္ဂါဝပ်ကို အမေရိကန်ဒေါ်လာ ၁.၅သန်း ကျမှာ ဖြစ်ပါတယ်။ Ratch ကုမ္ပဏီဟာ ထားဝယ်မှာ ရေနက်ဆိပ်ကမ်းအပါအ၀င် ဆက်စပ်နေတဲ့ ပူးတွဲစီမံကိန်းတွေအပေါ်မှာလည်း စိတ်ဝင်တစား ရှိပါတယ်လို့ နော့ဖိုးလ် က ပြောပါတယ်။ ဗမာပြည်ရဲ့ ထားဝယ်မြို့ဟာ ထိုင်းနိုင်ငံ၊ ကန်ချနဘူရီ ပြည်နယ်ရဲ့ အနောက်ဖက်မှာ တည်ရှိ ပါတယ်။
ထိုင်းနိုင်ငံရဲ့အကြီးဆုံး ကန်ထရိုက်လုပ်ငန်းရှင်ဖြစ်တဲ့ ထိုင်းနိုင်ငံစတော့ရှယ်ယာရောင်းဝယ်ရေးအေဂျင်စီ (SET)မှာ စာ ရင်းဝင်ထားတဲ့ ITD ကုမ္ပဏီ ဟာ ပထမအဆင့်အတွက် ကုန်ကျငွေ အမေရိကန်ဒေါ်လာ ၈ဘီလျံတန်ဘိုးရှိတဲ့ ၁၀ နှစ် ကြာ စီမံကိန်းအတွက် မြန်မာအစိုးရနဲ့ သီးခြားသဘောတူညီချက် စာချုပ်ကို လက်မှတ်ရေးထိုးခဲ့ပါတယ်။ စီမံကိန်း တခု လုံးဆို အမေရိကန်ဒေါ်လာ ၅၈ ဘီလျံလောက် ရှိနိုင်ပါတယ်။
“အဓိက ဒီလျှပ်စစ်စက်ရုံကို ဗမာပြည်မှာ ဆောက်မယ်လို့ခန့်မှန်းထားတဲ့ အခြေခံအဆောက်အအုံ စီမံကိန်းတွေ အတွက် လိုအပ်နေတဲ့လျှပ်စစ် ၀န်ဆောင်မှုပေးရေးကို ရည်ရွယ်ထားပါတယ်။ ပိုလျှံတဲ့ဟာကိုတော့ ထိုင်းနိုင်ငံလျှပ်စစ် စွမ်းအား ဖြည့်တင်းရေးအတွက် အသုံးပြုမှာ ဖြစ်တယ်” လို့ မစ္စတာ နော့ဖိုးလ်က ပြောပါတယ်။ ထိုင်းနိုင်ငံရဲ့ထိပ်တန်း စွမ်းအင် ကုမ္ပဏီကြီးတခုဖြစ်တဲ့ ထိုင်းနိုင်ငံရေနံ ကုမ္ပဏီ (PTT Plc)ကလည်း ထားဝယ်ဖွံ့ဖြိုးရေးစီမံကိန်းမှာ ပါဝင်ဖို့ စိတ်ဝင်စားနေ ပါတယ်။ Ratch ကုမ္ပဏီက စေ့စပ်ညှိနှိုင်းနေတဲ့ နိုင်ငံခြားရင်းနှီးမြှုပ်နှံမှု ၄ ခု ထဲမှာ ထားဝယ်စီမံကိန်းက တခုအပါအ၀င် ဖြစ်ပြီး တခြား ၃ ခု လည်း နောက်နှစ်မှာ အပြီးသတ်ညှိနှိုင်းဆောင်ရွက်နိုင်မယ်လို့ ခန့်မှန်းရတယ်လို့ နော့ဖိုးလ်က ပြောပါ တယ်။
Ratch ဟာ လာအို၊ သြစတြေးလျနဲ့ဗမာနိုင်ငံတွေအပြင် ဖိလိပိုင်နဲ့အင်ဒိုနီးရှားလို အာဆီယံနိုင်ငံတွေကိုလည်း ရင်းနှီးမြုပ် နှံဖို့ ရွေးချယ်ထားပါတယ်။ ကုမ္ပဏီဟာ ဓါတ်အားပေးစက်ရုံတွေအပြင် သြစတြေးလျနဲ့အင်ဒိုနီးရှားနိုင်ငံ တွေက ကျောက် မီးသွေးတွင်းတွေမှာ အစုရှယ်ယာ ပါဝင်ထားပါတယ်။ သူ့ကုမ္ပဏီရဲ့ လျှပ်စစ်ထုတ်လုပ်နိုင်မှု ပမာဏဟာ ဒီနှစ် ၅၁၈၀ မဂ္ဂါ ၀ပ်ကနေ ၂၀၁၆ မှာ ၆၆၆၀ မဂ္ဂါဝပ်ထိ တိုးချဲ့ထုတ်မယ်လို့ Ratch က ဟောကိန်းထုတ်ထားပါတယ်။ ထိုင်း နိုင်ငံရဲ့ အကြီး ဆုံး ပုဂ္ဂလိက လျှပ်စစ်ထုတ်လုပ်ရေးလုပ်ငန်းက နောက်နှစ်မှာ သူ့လုပ်ငန်းတွေကို ဘတ်ငွေ ၁၂ ဘီလျံ ထိ တိုးချဲ့ဖို့ လျာ ထားပါတယ်။ Ratch ကုမ္ပဏီမှာ အကြွေးနဲ့ ရှယ်ယာတန်ဘိုးအချိုးအစားက ၁း၁ နဲ့ အကြွေးနဲ့ ရှယ်ယာတန်ဘိုး အသား တင်အချိုးအစားက ၀.၅း၁ ရှိပါတယ်။ငွေသားအနေနဲ့ ဘတ်ငွေ ၇ဘီလျံ-၈ဘီလျံ ရှိပြီး၊ အစုရှယ်ယာ ရှင်တွေကို ဒီဘင်ချာ အကြွေးလက်မှတ်တန်ဘိုးစုစုပေါင်း ဘတ်ငွေ ၇.၅ ဘီလျံ ထုတ်ပေးဖို့ ခွင့်ပြုလိုက်ပါတယ်။
ကုမ္ပဏီက နောက်နှစ် ဇွန်လမှာ Ratch-Australia ကော်ပိုရေးရှင်း မှာ သူ့ရဲ့ပိုင်ဆိုင်မှု ကို အခု ၅၆.၁၆% ရှိနေရာက နေ ၈၀% ထိ တိုးမြှင့်ဖို့ အတွက် ဘတ်ငွေ ၃ဘီလျံ သုံးစွဲမှာ ဖြစ်ပါတယ်။ ဒီကော်ပိုရေးရှင်းဟာ Transfield Services Infrastructure ကို အမည်ပြောင်းထားတာပါ။
နိုဝင်ဘာ ၁၅၊ ၂၀၁၁ (ဘန်ကောက်ပို့စ်)

http://www.naytthit.net/?p=21932

ပစိဖိတ်စစ်နယ်ဝှမ်းသစ်(အပိုင်း-၃၊ ဇာတ်သိမ်း)


by FNG on November 15, 2011
44-UESE-600x450

DK ၊         ၊အမေရိကန်တပ်မတော်အနေနှင့် အာဖဂန်နစ္စတန်တွင် ပံ့ပိုးပေးရသည့် လေ့ကျင့်မှု
အတိုင်းအတာခန့်ရှိသော အခြားသော စစ်ရေးအရ လေ့ကျင့်မှုပေးခြင်းတရပ်အတွက် ပြင်ဆင်
ထားရန်လိုအပ်ပါသလား ?
(၂၀၁၁) စက်တင်ဘာ လဆန်းပိုင်းတွင် ဖြစ်ပွားခဲ့သော အာဖဂန်မြို့တော်ဖြစ်သည့် ကဘူးလ်မြို့
တွင်းရှိ အမေရိကန်သံရုံးအပါအဝင် အဓိကကျသော နေရာများစွာအား ထိုးဖောက်တိုက်ခိုက်
လာခဲ့သော အစ္စလာမ်ဘာသာရေး အစွန်းရောက် အကြမ်းဖက် တာလီဘန် မွတ်စလင် သူပုန်
များအား ချေမှူန်းရာတွင် အာဖဂန်ရဲတပ်ဖွဲ့နှင့် နိုင်ငံစုံတပ်များ (ISAF) တို့မှ နာရီ (၂၀) ခန့်
အချိန်ယူခဲ့ရသည်။ ထိုတာလီဘန်တိုက်ခိုက်မှုသည် ကြီးကြီးကျယ်ကျယ်တော့ မဟုတ်လှ
ဟု အာဖဂန်နစ္စတန်နိုင်ငံဆိုင်ရာ အမေရိကန်သံအမတ်ကြီး ရိုင်ယန်ခရော့ကာ (Ryan Crocker)
ဟုဆိုသော်လည်း၊ တာလီဘန်များသည် သတင်းထောက်လှမ်းရယူမှု အပိုင်းတွင် လုပ်ဆောင်နိုင်
ခဲ့သည်ဟု ISAF ၏တပ်မှူးချုပ်ဖြစ်သူ အမေရိကန်မရိန်းဗိုလ်ချုပ်ကြီး ဂျော်န်အယ်လဲန် (John Allen)
မှဆိုခဲ့သည်။
ထိုဖြစ်စဉ်အတွင်း အာဖဂန်ပြည်သူလေးဦး၊ အာဖဂန်ရဲအရာရှိလေးဦး သေဆုံးပြီး၊ ဆန်ကုန်မြေလေး
တာလီဘန်မွတ်စလင် (၁၀) ဦးအား သုတ်သင်နိုင်ခဲ့သည်။
ထိုတိုက်ပွဲအတွင်း တာလီဘန်များ၏ စွမ်းဆောင်ရည်မှာ ခပ်ညံ့ညံ့သာ ဖြစ်သော်လည်း၊ အာဖဂန်
လုံခြုံရေးတပ်များအား လေ့ကျင့်မှုပေးရန် ကြိုးပမ်းအားထုတ်ကြမှုများနှင့် ပတ်သက်ပြီး မေးခွန်း
ထုတ်စရာများ ပေါ်လာခဲ့သည်။ သုတေသနအဖွဲ့အစည်းတခုဖြစ်သော ရဲန်းကော်ပိုရေးရှင်း
(Rand Corp) မှ လေ့ကျင့်ရေးအစီအစဉ်အား အသေးစိတ်လေ့လာထားမှုများနှင့် အနာဂတ်
အကြီးစားလေ့ကျင့်ရေးလုပ်ငန်းစဉ်များအတွက် “အာဖဂန်နစ္စတန်တွင်းလုံခြုံရေးတပ်ဖွဲ့အထောက်
အကူ” (Security Force Assistance in Afghanistan) အား ထုတ်ပြန်ခဲ့သည်။ အဆိုပါ
ထုတ်ပြန်ချက် အရအာဖဂန်အရေး၌ ကြီးမားကျယ်ပြန့်လှသော စိန်ခေါ်မှုများရှိနေသည်ကို
ဖေါ်ပြထားပြီး အာဖဂန်တပ်များအား လေ့ကျင့်ရေးလုပ်ငန်းစဉ် တိုးတက်စေရန်အတွက် များစွာသော
အကြံပြုချက်များကို ထည့်သွင်းဖေါ်ပြပေးထားသည်။ အာဖဂန်နိုင်ငံတွင်း လုံခြုံရေးဆိုင်ရာ
ပံ့ပိုးကူညီမှုမှ ပင်တဂွန်ထိပ်တန်းအရာရှိများနှင့် အမေရိကန်အစိုးရ တို့သည် တော်တော့်ကို
အတွေ့အကြုံရခဲ့ကြ၏။ ပဋိပက္ခများအား တားဆီးနိုင်ပြီး၊ အနာဂတ်တွင် အမေရိကန်မှ စစ်ရေးအရ
စွက်ဖက်ရမည့် အလားအလာနည်းစေရန်၊ အောင်မြင်သော ထောက်ပံ့ကူညီမှု အစီအစဉ်များ
သည် ထိရောက်မှုရှိပြီး၊ အကုန်အကျသက်သာမည့်နည်းလမ်း ဖြစ်ရန်လိုအပ်ကြောင်း
အမေရိကန်မူဝါဒရေးဆွဲသူများ (Policymakers) မှလုံးဝနီးပါး သဘောတူညီခဲ့ကြသည်။
ပင်တဂွန်စစ်ဋ္ဌာနချုပ်အတွက် မေးခွန်းမှာ ခက်ခဲမှုအဆင့်မြင့်မားလှသော အာဖဂန်အရေးသည်
အမေရိကန်တပ်များ ပြင်ဆင်ထားသင့်သည့် အနာဂတ်စံနှူန်းသတ်မှတ်ချက် တခုလား
ဆိုသည့်အချက်ပင်ဖြစ်၏။
အာဖဂန်လုံခြုံရေး တပ်များအတွက် ပံ့ပိုးရန် အစီအစဉ်တွင် လစ်ဟာမှုများစွာရှိနေခြင်း အား
အာဖဂန် စစ်မြေပြင်သို့ ကွင်းဆင်းလေ့လာခဲ့ကြသော ရဲန်း စာရေးဆရာများ (Rand Authors)
မှ တွေ့ရှိခဲ့ကြသည်။ (၂၀၀၉) ခုနှစ်အတွင်း အာဖဂန်ဆိုင်ရာ အမေရိကန်မူဝါဒအား အကြီးစားပြင်
ဆင်မှုများ ပြုလုပ်နေချိန်ဖြစ်ပြီး ထိပ်ပိုင်းခေါင်းဆောင်မှု အပြောင်းအလဲများ ရှိခဲ့ပြီး
များပြားသော စစ်ကူတပ်များ၊ စစ်ပစ္စည်းများနှင့် ငွေကြေးပံ့ပိုးမှုများ အောထည့်နေချိန်တွင်
ထိုသုတေသန အား ဆောင်ရွက်ခဲ့ခြင်း ဖြစ်သည်။ အာဖဂန်နိုင်ငံ လုံခြုံရေးအား ကူညီပံ့ပိုးရန်
အားထုတ်မှု များသည် အာဖဂန် နိုင်ငံတွင်း အမှန်တကယ် လိုအပ်သော လုံခြုံရေးပိုင်း ဆိုင်ရာ
လိုအပ်ချက်များ နှင့် ခိုင်မာသော ဆက်နွယ်မှု ရှိမနေပဲ လုပ်ငန်းစဉ် တိုးတက်မှုရှိစေရန်
သင့်တော်သော လုပ်ဆောင်မှုများ လစ်ဟာနေပြီး၊ ခပ်ညံ့ညံ့ အာဖဂန် အစိုးရ နှင့်လည်း
အံခွင် ဝင်ကျမဖြစ်သည် ကို သုတေသန ပညာရှင်များမှ တွေ့ရှိခဲ့ကြသည်။  စစ်ဒဏ်ခံခဲ့ရသော
လူများစု မှာ စာမတတ်သူ များဖြစ်ကြသော အာဖဂန်နစ္စတန် နိုင်ငံသား များနှင့် ဖွဲ့စည်းထားသော
အာဖဂန် စစ်တပ် အား လေ့ကျင့်ပေးရန် အတွက် နက်ရှိုင်းသော စိန်ခေါ်မှုများ ရှိနေသော်လည်း
(၂၀၀၉) မှစ၍ အတော်ပင် တိုးတက်ခဲ့၏။ တိုးတက်မှုများသည် သုတေသနပညာရှင် များနှင့်
လေ့ကျင့်ရေးဝန်ထမ်း များအကြား အပြန်အလှန် ဆောင်ရွက်မှုများ ကြောင့်လည်း ဖြစ်နိုင်သည်။
ဒေသတွင်း မိတ်ဖက်နိုင်ငံများအား ဆူပူသောင်းကျန်းမှုများနှင့် မင်းမဲ့စရိုက်များအား
ကာကွယ်တားဆီးရန် အတွက် ကူညီပေးရန်နှင့် ကမ္ဘာ့လုံခြုံရေးအတွက် အမေရိကန်
တပ်များအား တောင်းဆိုမှုများအား လျှော့ချရန်များအတွက် လုံခြုံရေးတပ်များ ဆိုင်ရာ
အကူအညီပေးမှုများအား ဒေသတွင်း အဟန့်အတားဖြစ်လာစေဖို့အတွက် အသုံးချသွားရန်၊
အမေရိကန် မူဝါဒရေးဆွဲသူများ တွင် အတော်ပင် မျှော်လင့်ထားခဲ့ကြသည်။ လုံခြုံရေး
တပ်များဆိုင်ရာ ပံ့ပိုးမှုနှင့် ပြည်တွင်းတွင် နိုင်ငံခြား တပ်များ မှလေ့ကျင့်ပေးမှုများမှာ
ဒယ်လ်တာဖို့စ် (Special Operation Forces-Delta, SOF-D)၊ အမေရိကန်ရေတပ်
အထူးတပ်ဖွဲ့ဖြစ်သော နေဗီဆီးလ် တပ်ဖွဲ့ (Navy Seal)၊ တကမ္ဘာလုံးရှိ မည်သည့်နေရာ၌
မဆို (၁၈) နာရီအတွင်း ချီတက်ထိုးစစ်ဆင်နိုင်သော ရိန်းဂျားတပ်ဖွဲ့၊ (Rangers) နှင့်
ဘယ်ရီစိမ်းတပ်ဖွဲ့ ဟုခေါ်ကြသော (Green Berets) စသော အမေရိကန် အထူးစစ်
ဆင်ရေးတပ်ဖွဲ့များ (Special Operational Forces) ၏ ပုံမှန် ဝတ္တရားများဖြစ်ကြသည်။
သို့သော် အာဖဂန်နစ္စတန်နှင့် အီရတ် နိုင်ငံများအတွက် လေ့ကျင့်ရေး လိုအပ်ချက်များမှာမူ
ပမာဏ ကြီးမားလွန်းလှ၍ သမရိုးကျတပ်များ ပါပါဝင်ပတ်သက်လာခဲ့ရသည်။ ထို့ကြောင့်
လေ့ကျင့်ရေးအတွက် တာဝန်ရှိလာသော သမရိုးကျတပ်များအတွက် အမေရိကန်တပ်မတော်မှ
အယူအဆသစ် တရပ်ကိုဖေါ်ဆောင်ခဲ့၍ လေ့ကျင့်ရေးလက်စွဲ စာစောင် တခုအား ပြုစုခဲ့ရသည်။
မေရိကန်ကာကွယ်ရေး ဘတ်ဂျက် အတော် လျော့ကျသွားမည့် အရိပ်အယောင်များ ပေါ်နေချိန်၊
အမေရိကန် စစ်တပ်အနေနှင့် လည်း ၄င်း၏ ဖွဲ့စည်းမှုပုံစံနှင့် လေ့ကျင့်ရေးဘတ်ဂျက်တို့အား
ဖြတ်တောက်ခံရမည့် အရေး နှင့်ကြုံတွေ့နေရပြီး အာဖဂန်စစ်ရေးအကူအညီ မှာလည်း
ခပ်ကြီးကြီး ဖြတ်တောက်ခံရ တော့မည်ဖြစ်၏။ အမေရိကန် တိုက်ခိုက်ရေးတပ်ဖွဲ့ များသည်
ကြီးကျယ် ရှုပ်ထွေးသော ထိုးစစ် များမှစပြီး ကျယ်ပြန့်သော ဒေသများအတွင်း လုံခြုံရေးရယူမှု
အထိပါဝင်သော ဘက်ပေါင်း စုံစစ်ဆင်ရေး ကို ကျွမ်းကျင်ပိုင်နိုင် လာမည် ဖြစ်သည်ဟု
အမေရိကန် တပ်မတော်မှ မှန်းဆထားသည်။
သို့သော် တပ်အင်အား နှင့် လေ့ကျင့်ရေး ဘတ်ဂျက် လျှော့ချမှုများသည် ထိပ်တန်းစစ်ဘက်
အရာရှိ များအား ဦးစားပေးသတ်မှတ်ချက်များ ထားရှိစေရန် နှင့် ရွေးချယ်မှုများ ပြုလုပ်ရန်
ဖိအားပေးလာမည်ဖြစ်သည်။ အာဖဂန် စစ်ရေးထောက်ပံ့မှုနှင့် ပတ်သက်၍ သမရိုးကျ
မြေပြင်တိုက်ခိုက်ရေးတပ်ဖွဲ့ များမှ လေ့ကျင့်မှုများ ဆောင်ရွက်ပေး နိုင်ရန် အတွက်
ဘတ်ဂျက် ပမာဏ မည်မျှ သုံးမည်ဆိုသည်အား ပင်တာဂွန်ထိပ်တန်း အရာရှိများ
အနေနှင့် ဆုံးဖြတ်ချက် ချရမည်ဖြစ်သည်။ အမေရိကန် အထူးတပ်ဖွဲ့များ၏ စွမ်းဆောင်
နိုင်မှုကို ကျော်လွန်နေပြီး လေ့ကျင့်ရေးဘတ်ဂျက် လိုအပ်သော အာဖဂန် စစ်ရေးထောက်ပံ့မှု
ကဲ့သို့သော အဆိုးဆုံးအနေ အထား နောက်တခု အား အမေရိကန် မူဝါဒရေးဆွဲသူ များမှ
မျှော်လင့်ထားပါသည်ဟု ဆိုလျှင် မည်ကဲ့သို့သော တိုက်ပွဲဝင်အသင့်ရှိမှု (Combat Readiness)
ရှိသောနယ်ပယ်မှ တပ်များအား ထုတ်နှုတ်အသုံးချမည်လဲဟု ဆိုရမည်ဖြစ်သည်။
လွန်ခဲ့သော ဆယ်စုနှစ် အတွင်း ဒေသခံ တပ်များအား လေ့ကျင့်မှုပေးရာမှ အမေရိကန်တပ်များ
အနေနှင့် ကြီးမားသော အတွေ့အကြုံများအား ရရှိခဲ့ကြသည်။ စစ်ရေးထောက်ပံ့မှုပေးခြင်း
သည် အခြားသော အမေရိကန် စစ်ဘက် ပိုင်ဆိုင်မှုများ ဖြစ်ကြသည့် လေယာဉ်တင်သင်္ဘောများ၊
တိုက်လေယာဉ်များ နှင့် ဒုံးကျည်များ ကဲ့သို့သော အဓိက ပိုင်ဆိုင်မှု အရည်အသွေး တခု ဖြစ်
လာခဲ့သည်။ အလားတူပင် အဆိုပါ ပိုင်ဆိုင်မှုသည်လည်း ဆက်လက် ရှင်သန် နိုင်ရန် အတွက်
စစ်ရေးဘတ်ဂျက် ဖြတ်တောက် လျှော့ချမှုအတွင်း အခြားသော စစ်ရေး ပိုင်ဆိုင်မှု များနှင့်
အကြိတ်အနယ် ယှဉ်ပြိုင်ရပေဦးမည်။
DK (Ref: The New Pacific Theater)
 http://freedomnewsgroup.com/2011/11/15/pacific-theater-2/#more-22570


ပစိဖိတ်စစ်နယ်ဝှမ်းသစ် (အပိုင်း-၁-၂)

ရဲရင့်ငယ်မှဦးခင်ရွှေသို့


ရန်ကုန်မြို့ကြီးမှာဟိုတယ်လုပ်စရာတွေအကျယ်ကြီးပါ...
နယူးယောက်မှာ911ဖြစ်တဲ့နေရာဟိုတယ်ဆောက်လား..
အမေရိကန်ကြဲလိုက်တဲ့ဟီရိုရှီးမားကစစ်ကျန်အဆောက်အဦးကြီးဟိုတယ်သွားဆောက်ပါလား....
အမှတ်တယကိုအမှတ်တယအဖြစ်အာရုံထဲ့ထားပါဦးခင်ရွှေ...

မီဒီယာများ အဆိုးမြင်ရေးဟု ဦးခင်ရွှေ ပြစ်တင်
မျိုးသိဏ်း | အင်္ဂါနေ့၊ နိုဝင်ဘာလ ၁၅ ရက် ၂၀၁၁ ခုနှစ် ၁၇ နာရီ ၄၇ မိနစ်

ရန်ကုန် (မဇ္ဈိမ) ။ ။ အာဇာနည် ခေါင်းဆောင်ကြီးများ လုပ်ကြံခံခဲ့ရသည့် နေရာဖြစ်သော ရန်ကုန်မြို့
ကျောက်တံတား မြို့နယ်ရှိ ဝန်ကြီးများရုံးအား ဟိုတယ်အဖြစ် ငှားရမ်းမည်ကို ကန့်ကွက် ရေးသားခဲ့ကြသည့် ပြည်တွင်း မီဒီယာများအား အဆိုးမြင် ရေးသားကြသည်ဟု မြန်မာ့ခရီးသွား လုပ်ငန်း အဖွဲ့ ဥက္ကဋ္ဌ ဦးခင်ရွှေမှ ပြစ်တင် ပြောဆို လိုက်သည်။

ရန်ကုန်မြို့ ယုဇနဂါးဒင်း ဟိုတယ်တွင် အင်္ဂါနေ့က ပြုလုပ်သည့် မြန်မာ့ခရီးသွား လုပ်ငန်းအကြောင်း သတင်းစာ ရှင်းလင်းပွဲ အဖွင့်အမှာစကား၌ ပြည်တွင်း မီဒီယာများသည် ပြည်ပမီဒီယာများကဲ့သို့ပင် မကောင်းသည့်ဘက်မှ ရှု့မြင်ရေးသားကြသည်ဟု ဇေကမ္ဘာ ကုမ္ပဏီပိုင်ရှင် ဦးခင်ရွှေမှ ပြစ်တင်ပြောသွားခြင်း ဖြစ်သည်။

“မဟုတ်က ဟုတ်ကတွေ ရေးတယ်ဆိုကတည်းက တော်တော်လေးကို စိတ်ဓါတ်ကျဖို့ ကောင်းပါတယ်။ ကောင်းတာ မမြင်တဲ့သဘော ဖြစ်နေတယ်။ နိုင်ငံတော်က သွားနေတဲ့ လမ်းကြောင်း ကောင်းနေတာကိုလဲ အသိအမှတ်မပြုတဲ့ သဘောမျိုး ဖြစ်နေတယ်။”ဟု ဦးခင်ရွှေက ပြောသည်။

ကြံ့ခိုင်ဖွံ့ဖြိုးရေးပါတီမှ အမျိုးသား လွှတ်တော်အမတ် တဦးလည်းဖြစ်သည့် ဦးခင်ရွှေက ဝန်ကြီးများ ရုံးကိစ္စအပေါ် ကာကွယ်ပြောဆိုသူများကိုပါ သတင်းစာ ရှင်းလင်းပွဲတွင် တုန့်ပြန်ပြောဆို သွားခဲ့သေးသည်။

“တချို့ပြောတာလဲ ကြားတယ်။ ဒါကြီးကို အသက်ပေးပြီး ကာကွယ်မယ်တဲ့။ အသက်ပေးစရာ မလိုပါဘူး တယောက် တသိန်းထည့်ပြီး ဒါကြီးကို ထိန်းသိမ်းမယ်ဆိုရင် အဲ့လူတွေ ထည့်မှာမဟုတ်ဘူး။ အသက်သာ ပေးကြမှာ။” ဟု သူက ဆိုသည်။

“ပြည်တွင်းဂျာနယ်တွေက နုပါတယ်။” ဟု သုံးနှုန်းပြောဆိုခဲ့သည့် ဦးခင်ရွှေက အဆိုပါ ဝန်ကြီးကြီးများရုံးနှင့် ပတ်သက်သည့် မော်နီတာ ဂျာနယ်တွင် ပါရှိသော “ဘယ်ပေတံနဲ့ တိုင်းမှာလဲ” အမည်ရှိ ဆောင်းပါး တပုဒ်ကိုမူ ကွဲလွဲသည့် အမြင်ရှိသည်ဟု ချီးကျူးပြောဆိုခဲ့ပြီး ယင်းဆောင်းပါးကို သတင်းစာ ရှင်းလင်းပွဲတွင် ဝေငှခဲ့သည်။

ဆောင်းပါးတွင် “ ဝန်ကြီးများရုံးသည် အင်္ဂလိပ် အမွေအနှစ်ဖြစ်ပြီး ဗိုလ်ချုပ်အောင်ဆန်း လပိုင်းသာ ရုံးထိုင်ခဲ့ကြောင်း
နှင့် မြန်မာလူမျိုးများထက် မြန်မာနိုင်ငံအား ကျွန်အဖြစ် ပြုလုပ်ခဲ့သည့် အင်္ဂလိပ်လူမျိုးများသာ ထိန်းသိမ်းသင့်
ကြောင်း၊ နိုင်ငံတော်မှ ထိန်းသိမ်းပါက စာရိတ်များစွာ ကုန်ကျမည် ဖြစ်ကြောင်း” ရေးသား ထားသည်။

ဦးခင်ရွှေက မိမိအနေဖြင့် စင်ကာပူ၊ အမေရိကား စသောနိုင်ငံများတွင် ငွေကုန်ကြေးကျခံ သွားရောက် သုံးဖြုန်း
နိုင်ကြောင်း၊ နိုင်ငံခြားတွင် မီလျံနာဟူသည့် ဂုဏ်ပုဒ်ခံယူပြီး သွားရောက်နေနိုင်သည့် အခြေအနေတွင် ရှိနေသော် လည်း တိုင်းပြည်အတွက် အလုပ်လုပ်နေခြင်း ဖြစ်ကြောင်းလည်း ထည့်သွင်း ပြောသွားသည်။

သူ့နည်းတူ စီးပွားရေး လုပ်ငန်းရှင် တဦးဖြစ်သည့် ဟိုတယ်နှင့် ခရီးသွားလာရေး ဝန်ကြီးဌာနနှင့် အားကစားဝန်ကြီး ဌာန ပြည်ထောင်စုဝန်ကြီး ဦးတင့်ဆန်းမှာ ခြောက်လအတွင်း ကိုယ်ပိုင်ငွေ ကျပ်သိန်းတသောင်းကျော် အကုန်အကျခံ သုံးစွဲခဲ့ကြောင်း ပြောဆိုသွားခဲ့သည်။
http://www.mizzimaburmese.com/

“ကမ္ဘာမကျေဘူးဟေ့” တေးသံလွှမ်းတဲ့ ဈာပနတခုကို ခံစားခြင်း


Byအးချမ်းမြေ့on November 15, 2011 4:38 pm

အရိုးဆုံးအရာတွေဟာ တခါတလေမှာ အဆန်းဆုံး ဖြစ်သွားတတ်ပါတယ်။
ရိုးရှင်းလွန်း၊ ထိမိလွန်းတဲ့ ဝါကျတွေနဲ့ ဖွဲ့စည်းထားတဲ့ အတွက် ဆန်းပြားစွာနဲ့ လက်ကမချနိုင်အောင် ကျမကို အဆုံးအထိ ဆွဲဆောင်နိုင်တဲ့ စာအုပ်တအုပ်ကိုပြပါဆိုရင် မဆွေဆွေရဲ့ “မုန်တိုင်းမှာ ကြွေတဲ့ကြယ်တပွင့်” ကို ညွှန်းရပါမယ်။

ဒီစာအုပ်ကို မဖတ်ခင်ကတည်းက ဖခင်တဦးရဲ့အကြောင်းကို သမီးတယောက်က ရေးထားတာ၊ အဲဒီဖခင်က ဗိုလ်ချုပ်ကြီးဟောင်း ခင်ညွန့် ခေါင်းဆောင်တဲ့ စစ်ထောက်လှမ်းရေးကာလ ရေကြည်အိုင်စစ်ကြောရေးမှာ  ညှဉ်းပန်းမှုတွေ ခံရပြီး ကျဆုံးခဲ့ရသူ နိုင်ငံရေးသမားတဦး ဆိုတာလောက်ကိုပဲ သိထားပါတယ်။
စပြီးဖတ်မိချိန်မှာတော့ စာရေးသူ မဆွေဆွေရဲ့ ရိုးရှင်းလွန်းတဲ့ အရေးအသားတွေရဲ့ ဆွဲခေါ်ရာကို မနက် ၂ နာရီကျော်တဲ့အထိ ကျမ မျောပါသွားတဲ့အပြင် … စာအုပ်အဆုံးထိ ပြီးသွားချိန်မှာ အတွေးတွေနဲ့ ကျမ ဘယ်လိုမှ ဆက်အိပ်လို့မရနိုင်အောင် ဖြစ်ခဲ့ပါတယ်။ ဒါကြောင့်လည်း အရိုးဆုံးဟာ တခါတလေမှာ အဆန်းဆုံးတွေ ဖြစ်သွားတတ်တယ်လို့ ကျမ ဆိုခဲ့တာပါ။
ဒီစာအုပ်ကို ပထမဆုံး အဖွင့်အမှာရေးသူကတော့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ပါ။
“သြော် … ကျမလိုပဲ အဖေကိုချစ်တဲ့၊ အဖေ့အချစ်ကိုခံရတဲ့ သမီးများစာရင်းဝင် တယောက်ပါလား … လို့ ခံစားရပါတယ်” ဆိုတဲ့ ဒေါ်အောင်ဆန်းစုကြည်ရဲ့ အမှာက ကျမဒီစာအုပ်ကို ပိုပြီး စိတ်ဝင်စားအောင် ညှို့ယူသွားပါတယ်။ ဘာကြောင့်ဆို ကျမ ကိုယ်တိုင်ကလည်း အဖေကိုချစ်တဲ့ အဖေချစ်သမီးတယောက်ကိုး …။ အဖေတွေအတွက် လေးစားဂုဏ်ယူရတဲ့ သမီးတွေကို ကျမ သိပ်စိတ်ဝင်စားပါတယ်။ ဒါပေမယ့် ဒီအချိန်အထိ ကျမ စိတ်ထဲမှာ ဦးမောင်ကိုဆိုတာ မဆွေဆွေရဲ့ဖခင် သာမန် နိုင်ငံရေး သမားတဦး ဆိုတာလောက်ပဲ ထင်ထားမိတာပါ။ ကျမရဲ့ နိုင်ငံရေးဗဟုသုတ နည်းပါးမှုလို့လည်း ဆိုနိုင်ပါတယ်။

စာအုပ်အမည်။ ။ မုန်တိုင်းမှာကြွေတဲ့ကြယ်တပွင့်
စာရေးသူ။ ။ ဆွေဆွေ
ထုတ်ဝေသူ။ ။ ဆွေဆွေ
ထုတ်ဝေသည့် ခုနှစ်။ ။ ၂၀၁၁၊ နိုဝင်ဘာ
မျက်နှာဖုံးဒီဇိုင်း။ ။ ဇော်ပိုင်စိုး
စာအုပ်အပြင်အဆင်နှင့် ဒီဇိုင်း။ ။ ကိုဘလိတ်
အုပ်ရေ။ ။ ၅၀၀၀
ဦးတင်ဦးရဲ့ အမှာကတော့ ရှင်းပါတယ်။ ဒီမိုကရေစီအရေးအတွက် တိုက်ပွဲဝင်ရင်း ကျဆုံးသွားရသူ ဦးမောင်ကိုကို ညွှန်းပြီး ဒီစာအုပ်ဟာ သမိုင်းရဲ့ မှတ်တမ်းတခုဖြစ်တဲ့အတွက် ရေးသားသူ မဆွေဆွေကို ကျေးဇူးတင်ကြောင်း ခပ်တိုတိုပဲ ရေးထားပါတယ်။ ဒီ အမှာ နှစ်ပုဒ်အပြီးမှာ စာရေးသူရဲ့ အမှာလာပါတယ်။
အဖေ့အကြောင်းကို ရေးချင်လွန်းခဲ့ပေမယ့် ၂၁ နှစ်ကြာမှ ရေးဖြစ်ခဲ့တဲ့အကြောင်း မဆွေဆွေက အဖွင့်အမှာ ရေးထားပါတယ်။ ကျမ ကိုယ်တိုင်လည်း အဲဒါမျိုး ခံစားဖူးပါတယ်။ ကိုယ်လေးစားချစ်ခင်ရတဲ့ သူတွေအကြောင်း ရေးဖို့ လက်တွန့်နေခဲ့တာမျိုးပါ။ မပြည့်စုံမှာလည်း ကြောက်၊ မှားသွားမှာလည်းကြောက်၊ ပေါ့သွားမှာလည်း ကြောက်တဲ့ စိတ်တွေနဲ့ ကျမ ကိုယ်တိုင် အဖေ့ အကြောင်း ရေးချင်ပေမယ့် မရေးနိုင်ခဲ့တာကို သတိရမိပါတယ်။
မဆွေဆွေကို ကျမ မြင်ဖူးတဲ့အချိန်မှာ သူ့သမီးလေး ရတီစု ကိုယ်ဝန်ကိုလွယ်ထားရပါတယ်။ ထိုင်းနိုင်ငံ ချင်းမိုင်မြို့ရဲ့ တနေရာမှာ DVB အယ်ဒီတာ ကိုမိုးအေးရဲ့ ဇနီးအဖြစ်နဲ့ ကျမစိတ်ထဲမှာ အမှတ်တမဲ့ပါ။ သူ့ပုံစံကို ရုတ်တရက် ခန့်မှန်းမိသလောက် ကျန်းမာရေး သိပ်ကောင်းပုံမပေါ်ဘူးလို့တော့ ထင်မိပါတယ်။ အမှန်အတိုင်းပြောရရင် မဆွေဆွေနဲ့ သေသေချာချာ စကားမပြောလိုက်ရသလို သူ့ရဲ့ပုံပန်းသဏ္ဍန်ဘယ်လိုရှိတယ် ဆိုတာလည်း ကျမ သေသေချာချာ မမှတ်မိတော့ပါဘူး။ အဲဒီတုန်းက ကိုမိုးအေးနဲ့ပဲ စကားပိုပြောဖြစ်ခဲ့ပါတယ်။
ဒီစာအုပ်ကျမလက်ထဲ ရောက်လာချိန်မှာတော့ ကျမ မဆွေဆွေကို မျက်စိထဲမှာ ပြန်ပုံဖော်ကြည့်မိတယ်။ စာအုပ်အတွင်းပိုင်း အစမှာ ဖော်ပြထားတဲ့ ခပ်ဝါးဝါး ဓာတ်ပုံဟောင်းလေးတွေထဲက မဆွေဆွေကို ကျမဘာသာ ဖိုးကတ်စ်ဖြတ်ကြည့်ပေမယ့် သေသေချာချာ မပြတ်ပါဘူး။ ဒါပေမယ့် “မုန်တိုင်းမှာ ကြွေတဲ့ ကြယ်တပွင့်” ရဲ့ အစကို ဖတ်လိုက်မိချိန်မှာတော့ မဆွေဆွေကို ကျမ ပြတ်ပြတ်သားသား မြင်လိုက်ပါတယ်။
ဒီစာအုပ်ကို ဖတ်ပြီးသွားချိန်မှာကျမ ခံစားမိလိုက်တာကတော့ လူတိုင်းဟာ မွေးကတည်းက နိုင်ငံရေးသမား ဖြစ်လာတာ မဟုတ်ဘူး၊ မျိုးရိုးကြောင့် နိုင်ငံရေးသမား ဖြစ်လာတာမဟုတ်သလို လူတိုင်းဟာ အကြောင်းတစုံတရာကြောင့် နိုင်ငံရေးသမား ဖြစ်နိုင်တယ်ဆိုတာပါ။
မဆွေဆွေ ချယ်မှုန်းပြခဲ့တဲ့ သူ့ဖခင် ဦးမောင်ကို ကို ကျမ အပိုင်း ၃ ပိုင်းခွဲပြီး မြင်မိပါတယ်။ ဆိပ်ကမ်းနဲ့ ဦးမောင်ကို၊ မိသားစုနဲ့ ဦးမောင်ကို၊ ပြီးတော့ အမျိုးသားဒီမိုကရေစီ အဖွဲ့ချုပ် (NLD) နဲ့ ဦးမောင်ကို ဆိုပြီးတော့ပါ။ သေချာတာကတော့ အဲဒီ ၃ ခုစလုံးကို သူ သိပ်ချစ်ခဲ့တယ်ဆိုတာ မဆွေဆွေရဲ့စာအုပ်ထဲမှာ တွေ့ရပါတယ်။
ပခုက္ကူဇာတိ၊ ရိုးသားကြိုးစားတဲ့၊ ဆိပ်ကမ်းတွေကို ချစ်ပြီး မြန်မာပြည်က ဆိပ်ကမ်းတွေကို ခေတ်မီတိုးတက်စေချင်တဲ့ ကိုမောင်ကို၊ ဆိပ်ကမ်းအလုပ်သမားတွေ အပေါ်မှာ အရာရှိဆိုပြီး အနိုင်မကျင့် ဗိုလ်မကျတဲ့၊ အလုပ်သမားတွေအပေါ် နားလည် စာနာတဲ့ ဦးမောင်ကို၊ ဥပဒေကို တလုံးမှ နားမလည်ပေမယ့် ဆိပ်ကမ်းတရားသူကြီး လုပ်ရတဲ့အခါမှာ မတရား ချုပ်နှောင်ခံခဲ့ရ သူတွေကို စာနာမှုနဲ့ သူ့ပိုက်ဆံစိုက်ပြီး ဒဏ်ငွေဆောင်ပေးတဲ့ ဦးမောင်ကို၊ မိသားစုကို သံယောဇဉ်ကြီးပြီး မိသားစုအပေါ်မှာ ငါ အိမ်ထောင်ဦးစီးပဲဆိုတဲ့ စိတ်နဲ့ အနိုင်အထက် မပြုတဲ့ ဦးမောင်ကို၊ ၈၈ အရေးတော်ပုံမှာ သူ့ဘဝ ခေါင်းကနေ ပန်းကို ပြောင်းသွားခဲ့တဲ့ အနေအထား နိုင်ငံရေးသမား၊ NLD မှာ ယုံကြည်ချက် အပြည့်နဲ့ လှုပ်ရှားခဲ့တဲ့ ဦးမောင်ကို … စသည်ဖြင့် မဆွေဆွေက ချယ်မှုန်းထားပါတယ်။
စာရေးသူက ခေါင်းစဉ်ခွဲလေးတွေနဲ့ ဦးမောင်ကိုအကြောင်း အစဉ်လိုက် ဖော်ပြသွားတာပါ။ ရိုးရိုးလေး ရေးသားထားတဲ့ အတွက် ဦးမောင်ကိုရဲ့ စရိုက်သဘာဝကို ကျမ မျက်စိထဲ မြင်ယောင်လာမိတဲ့ အထိပါပဲ။ တကယ်တော့ အညာသား ဖေဖေ ဆိုတဲ့ ပထမဆုံး ခေါင်းစဉ်အောက်မှာပဲ ဦးမောင်ကိုရဲ့ ဘဝဖြစ်စဉ်အကျဉ်းကို တထိုင်တည်း သိသွားနိုင်ပါတယ်။ အဲဒီခေါင်းစဉ် အောက်က ဘဝဖြစ်စဉ် အကျဉ်းကြောင့်လည်း နောက်ထပ်၊ နောက်ထပ် ခေါင်းစဉ်တွေကို လက်က မချတမ်း ဖတ်ချင်သွား မိတာပါ။
ဖခင်ဖြစ်သူအကြောင်း ဆိုပေမယ့် မဆွေဆွေရဲ့ စာအုပ်ထဲမှာပါတဲ့ တကယ့်အပြင်က ဇာတ်ကောင်တွေ အားလုံးရဲ့စရိုက်ကိုပါ ရင်းနှီးသွားသလို ခံစားရတာပါ။ အငယ်ဆုံးသမီး မဆွေဆွေအပါအဝင် ဦးမောင်ကိုရဲ့ ဇနီး၊ ယောက္ခမ၊ သားနှစ်ယောက်၊ သမီးကြီးနဲ့ ဦးမောင်ကိုနဲ့ ဆက်စပ် ပတ်သက်ခဲ့တဲ့သူတွေရဲ့ စရိုက်တွေ၊ အမူအကျင့်တွေကိုပါ တွေ့ရပါတယ်။
ထူးခြားတာက ဒီစာအုပ်ဟာ စိတ်ကူးယဉ်ဖွဲ့နွဲ့ထားတဲ့ ဝတ္ထုစာအုပ်တအုပ် မဟုတ်ပါဘဲ အခန်းလေးတခန်းမှာ၊ ကဏ္ဍလေး တခုမှာ ပါဝင်တဲ့သူတွေရဲ့ စရိုက်သဘာဝတွေကိုပါ မဆွေဆွေက ပေါ်လွင်အောင်ရေးသားနိုင်ခဲ့ပါတယ်။ ကျမ တဦးတည်း အမြင်နဲ့ ပြောမယ်ဆိုရင် ဒီစာအုပ်ကို ကျမဖတ်ရင်း ရုပ်ရှင်တကားကြည့်နေရသလို ခံစားရတာပါပဲ။
မဆွေဆွေက သူ့ကိုယ်သူအကြောင်း ရေးသားရာမှာ ဘာကိုမှ မချန်မဝှက်ဘဲ ဖော်ပြခဲ့ပါတယ်။ ဒီနေရာမှာ စာရေးသူရဲ့ ရိုးသားမှုကို ကျမ တွေ့ပါတယ်။
အငယ်ဆုံးသမီး၊ ငယ်ငယ်ကတည်းက ချူချာလွန်းလို့ အဖေ့အချစ်ကို အသနားနဲ့ယှဉ်ပြီး အခံရဆုံးသမီး ဖြစ်တဲ့ မဆွေဆွေဟာ မိသားစုအသိုက်အမြုံ ကျဉ်းကျဉ်းလေး ထဲမှာပဲ ဥခွံထဲက ငှက်ကလေးလို လုံလုံခြုံခြုံနဲ့ ဘာမှ မသိနားမလည်တဲ့ မိန်းကလေး တယောက်အဖြစ် အနှစ် ၂၀ ကျော် နေထိုင်ခဲ့သူ အဖြစ် ကျမ ခံစားမိပါတယ်။
နယ်မှာ ကျောင်းဆရာမ သွားလုပ်ခဲ့တဲ့အချိန်အထိ မိခင်က သူနဲ့အတူ လိုက်နေရတာတွေ၊ အိမ်သာမရှိတဲ့ ပြဿနာကြောင့် ကျောင်းပြောင်းခဲ့ရတဲ့အထိ ဖြစ်ခဲ့တာတွေဟာ ဖတ်နေတဲ့အချိန်မှာ ကျမအတွက် ပြုံးစရာ ဖြစ်မိပါတယ်။ ဒါလောက် လေးတောင် ခံနိုင်ရည်မရှိဘူးလား ဆိုပြီးတော့လည်း ကရုဏာဒေါသ ဖြစ်မိပါတယ်။ ဒါပေမယ့် ဒီလောက် ပျော့ညံ့ခဲ့သူ တယောက် ဟာ ဘာဆိုဘာမှ မကြောက်တတ်တော့တဲ့၊ မတရားမှုမှန်သမျှကို သည်းမခံတတ်တဲ့ သူတယောက် ဖြစ်လာ ပါတယ်။
သူ အဲဒီလို ဖြစ်လာအောင်လို့ သင်ပေးလိုက်တာကတော့ သူ့ဖခင် ဦးမောင်ကိုပါ။ တကယ်တော့ ဦးမောင်ကိုက သမီး အငယ်ဆုံးလေးရဲ့ ဘဝတလျှောက်လုံး ဘာလုပ်ရမယ်၊ ဘယ်လိုနေရမယ်ဆိုတာကို သွန်သင် ဆုံးမခဲ့တာ မဟုတ်ပါဘူး။ သူ့ရဲ့ အမူအကျင့်၊ လုပ်ရပ်တွေနဲ့ စစ်ထောက်လှမ်းရေးခေတ် ဆိုတဲ့ ခေတ်ဆိုးကြီးကြောင့်သာ မဆွေဆွေရဲ့ ဘဝ အလုံးစုံ ပြောင်းလဲခဲ့တယ်လို့ ကျမ နားလည်ပါတယ်။
အိမ်တအိမ်မှာ ဖခင်ဖြစ်တဲ့သူ မရှိလေ ကောင်းလေ၊ အဖေ အိမ်မှာမရှိမှ ပျော်တယ်လို့ သားသမီးတွေနဲ့ အိမ်သူအိမ်သားတွေက ခံစားနေရပြီဆိုရင် ဒီဖခင် အိမ်ထောင်ဦးစီးမှာ လွဲချော်မှု တခုခု ဖြစ်နေပြီ၊ အဲဒီလိုပဲ အလုပ်ခွင်တခုမှာ ခေါင်းဆောင်လုပ်သူ မရှိရင် နေပျော်တယ်လို့ လက်အောက်ငယ်သားတွေက ထင်မြင်ယူဆနေရင် ဒီခေါင်းဆောင်မှာလည်း ပြဿနာ ရှိနေပြီ၊ တိုင်းပြည်တပြည်မှာလည်း ဒီခေါင်းဆောင် မရှိမှ အေးမယ်လို့ တိုင်းသူပြည်သားတွေက မြင်နေပြီဆိုရင် ဒီခေါင်းဆောင်ရဲ့ ညံ့ဖျင်းမှုလို့ ဆိုပါတယ်။
ဦးမောင်ကိုကတော့ မိသားစုအတွက် မရှိရင်မဖြစ်တဲ့ ဖခင် ဖြစ်သလို သူ့ရဲ့ လူမှု အသိုင်းအဝန်း၊ သူ့အဖွဲ့အစည်းအတွက် မရှိမဖြစ်လူတယောက် အဖြစ်နဲ့ အသက်ရှင်ခဲ့သူ၊ တန်ဖိုးတခုနဲ့ ရှင်သန်ခဲ့သူဖြစ်ပါတယ်။
သာမန် မိသားစုကိုချစ်တတ်တဲ့ ဆိပ်ကမ်းအရာရှိ တဦး ဘဝကနေ ၈၈ အရေးတော်ပုံကာလမှာ မတရားမှုတွေကို မျက်ဝါး ထင်ထင် မြင်လိုက်ရတဲ့အတွက် နိုင်ငံရေးသမားဘဝကို ရုတ်တရက်ရောက်ခဲ့ရတဲ့ ဦးမောင်ကိုရဲ့ အနေအထားက ထူးဆန်းတယ်လို့တော့ မဆိုနိုင်ပါဘူး။ ဘာကြောင့်လဲဆိုတော့ နိုင်ငံရေးသမားဆိုတာ မျိုးရိုးမလိုအပ်သလို ၈၈ အရေးတော်ပုံ ကာလ၊ ၂၀၀၇ သံဃာအရေးအခင်း စသည်ဖြင့် ကျမတို့ သိမီလိုက်တဲ့ အရေးအခင်းတွေကနေ နိုင်ငံရေးဆိုတာကို စာသိနဲ့ မဟုတ်ဘဲ လက်တွေ့သိမြင်ခံစားမှုနဲ့ မတရားမှုကို ဆန့်ကျင်ဖို့ နိုင်ငံရေးလောကထဲ ဝင်ရောက်သွားသူတွေ အများကြီး ရှိနေလို့ပါပဲ။ ဒေါ်အောင်ဆန်းစုကြည် စကားနဲ့ ပြောမယ်ဆိုရင် လူတိုင်းဟာ နိုင်ငံရေးနဲ့သက်ဆိုင်နေသလို လူတိုင်းဟာလည်း နိုင်ငံရေးသမားတွေ ဖြစ်နိုင်တာပဲ မဟုတ်လား။
တယ်လီဖုန်းလေး တလုံးကြောင့် လူတွေအကြောင်းသိခဲ့ရတဲ့ မဆွေဆွေကိုတော့ ကျမ အံ့သြမိပါသေးတယ်။ ပိုပြီး အံ့သြမိတာ ကတော့ လူတွေဟာ ဘယ်လိုပဲလို့ သမီးဖြစ်သူကို ပြောမပြဘဲ ကိုယ်တိုင်လက်တွေ့ ခံစားစေပြီး သင်ယူစေတဲ့ ဖခင်ရဲ့ စေတနာပါ။
၈၈ အရေးအခင်းအပြီး အလုပ်ကနေ ပင်စင်ပေးခံခဲ့ရတဲ့ အချိန်၊ အရင် အရာရှိဘဝက ဝိုင်းဝိုင်းလည်နေတဲ့ သူတွေရဲ့ ဖယ်ကျဉ်မှုကို ခံရတဲ့အချိန်တွေမှာ ဦးမောင်ကိုရဲ့ ရပ်တည်မှု၊ မိသားစုရဲ့ ပံ့ပိုးကူညီမှုတွေနဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပေါ် ပုဂ္ဂိုလ်ရေးမဟုတ်တဲ့ မူကို လေးစားယုံကြည်မှု စတာတွေကို ဒီစာအုပ်ထဲမှာ တွေ့ရသလို နိုင်ငံရေးသမားတွေရဲ့ ကိုယ်ကျိုးမငဲ့ ဆင်းရဲပင်ပန်းမှုတွေကိုလည်း မဆွေဆွေက ထည့်သွင်းရေးဖွဲ့ထားပါတယ်။
ထူးခြားတာကတော့ စစ်ထောက်လှမ်းရေး ခေတ်ရဲ့ မတရားတဲ့ စစ်ကြောရေး ဆိုတာကြီးကို မဆွေဆွေက သူ့ဖခင် အကြောင်း ဥပမာ တရပ်အနေနဲ့ ပေးပြီး ဖော်ထုတ်ရေးသားလိုက်တာ ပါပဲ။
အကျဉ်းထောင်ထဲတောင် မရောက်လိုက်ရဘဲ ကျန်းကျန်းမာမာ လူကောင်းတယောက်အဖြစ်ကနေ စစ်ထောက်လှမ်းရေးရဲ့ စစ်ကြောရေး စခန်းမှာ ၁၆ ရက်အတွင်း မတရားအနှိပ်စက်ခံပြီး သေဆုံးခဲ့ရတဲ့ ဦးမောင်ကိုရဲ့ အဖြစ်က မိသားစုနဲ့ မိတ်ဆွေများတင် မကဘဲ ကြားရသူ၊ သိလိုက်ရသူ အားလုံးအတွက် စုတ်တသတ်သတ် မဖြေနိုင်စရာပါ။ လူသားတယောက်ကို လူသားတယောက်လို မဆက်ဆံခဲ့တဲ့ သူတွေကို တင်စားရေးဖွဲ့လိုက်တာဟာ ဖခင်ကိုချစ်တဲ့ မဆွေဆွေအဖို့ လိုသေးတယ်လို့တောင် ဆိုနိုင်ပါတယ်။ ဒါပေမယ့် မဆွေဆွေက သူ့ရဲ့ စိတ်လှုပ်ရှားခံစားမှု၊ တကိုယ်ရေခံစားချက် တွေကို ရှေ့တန်းတင်ရေးဖွဲ့တာ မဟုတ်ဘူးလို့ ကျမ မြင်ပါတယ်။
သတင်းပေးသူတယောက်ရဲ့ ကျေးဇူးကြောင့်သာ ဦးမောင်ကိုရဲ့ ဆိုးရွားတဲ့ အဖြစ်ကို မိသားစု အပါအဝင် လူတိုင်း သိခွင့် ရခဲ့တာ၊ တကယ်ဆို လူမသိသူမသိ အလောင်းကို ဖျောက်ဖျက်ဖို့ ကြိုးစားခဲ့ပေမယ့် မအောင်မြင်ခဲ့ကြတာပါ။ တကယ်လို့သာ လူမသိသူမသိ ဖျောက်ဖျက်ခွင့်ရခဲ့မယ် ဆိုရင် မဆွေဆွေအနေနဲ့ ဒီစာအုပ် ရေးဖို့အထိ မဖြစ်နိုင်သလို၊ မတရားတဲ့ အဖြစ်တွေ ရှိနိုင်ခဲ့တယ် ဆိုတာဟာလည်း ပါးစပ်ပြော ပုံပြင်တပုဒ်လိုပဲ ဖြစ်ခဲ့မယ်လို့ ကျမ ထင်ပါတယ်။ အဲဒီအတွက် မဆွေဆွေက အစ်မ ဖြစ်သူကို ကျေးဇူးတင်ထားပါတယ်။ မဆွေဆွေရဲ့ အစ်မဟာ ဒီစာအုပ်ထဲမှာ ရုပ်ရှင်စကားနဲ့ဆိုရင် ဇာတ်ပို့ တယောက်ပါ။ ဒါပေမယ့် ဒီဇာတ်ပို့ကြောင့်သာ မဆွေဆွေရဲ့ ဒီစာအုပ်ဖြစ်လာတာလို့ ဆိုနိုင်ပါတယ်။
ဦးမောင်ကို ကျဆုံးသွားတဲ့နောက်မှာ မဆွေဆွေရဲ့ ဘဝဟာ လုံးဝ ပြောင်းလဲခဲ့ပါတယ်။ တကယ်တော့ အကြောက်တရား ဆိုတာ ခံရသူဆီမှာ မရှိဘဲ မတရားမှု ကျူးလွန်သူတွေဆီမှာ ပိုရှိနေတယ်ဆိုတာကို မဆွေဆွေက ဒီစာအုပ်နဲ့ ညွှန်ပြခဲ့ပါတယ်။
“အမှန်အတိုင်းပြောရရင် စစ်ထောက်လှမ်းရေးတွေ ပြုတ်သွားပြီဆိုတော့ ကျမ ပျော်မိပါတယ်” လို့ မဆွေဆွေက တနေရာမှာ ရေးခဲ့တာတွေ့ရပါတယ်။ သူ ပျော်ရွှင်တာဟာ စစ်ထောက်လှမ်းရေးတွေ ပြုတ်သွားလို့ တခုတည်း မဟုတ်ဘဲ စစ်ထောက် လှမ်းရေးတွေ နှိပ်စက်တာကို လူတွေမခံစားရတော့ဘူး ဆိုတာ သိလို့ ပျော်ခဲ့တာပါ။ ဒါပေမယ့် ဒါက တကယ့်အစစ်အမှန် စနစ်ဆိုးကြီး အဆုံးသတ်သွားတာ မဟုတ်ဘူး ဆိုတာတော့ နောက်ပိုင်းမှာ သူသိခဲ့ပါတယ်။
ဦးမောင်ကိုရဲ့ လူငယ်တွေအပေါ် သဘောထားအမြင်ကိုတော့ မဆွေဆွေကတဆင့် ဖြတ်ခနဲပဲ တွေ့လိုက်ရပါတယ်။ သားသမီးတွေကို အချစ်ပိုတဲ့ ဖခင်တယောက်ဟာ လူငယ်တွေကို လေးစားတန်ဖိုးထားမယ် ဆိုတာကတော့ ဖွင့်ချ ရေးသားစရာ မလိုပါဘူး။
ဦးမောင်ကိုရဲ့ ဈာပန အခန်းအနားမှာ လူငယ်တွေရဲ့ “ကမ္ဘာမကျေဘူး … ဟေ့” တေးသံ လွှမ်းနေတယ် ဆိုတာနဲ့ပဲ သူနဲ့ လူငယ်တွေရဲ့ ကြားက ဆက်ဆံရေးကို ကျမ ခန့်မှန်းလို့ရပါတယ်။
မဆွေဆွေရဲ့ ချယ်မှုန်းမှု အပြီးမှာ ဦးမောင်ကိုရဲ့ အရင်းနှီးဆုံး မိတ်ဆွေတွေဖြစ်တဲ့ ဒေါက်တာတင်မျိုးဝင်း၊ မခင်မိုးမိုး၊ ဦးဇင်လင်းတို့ရဲ့ ဦးမောင်ကိုနဲ့ ထိတွေ့ဆက်ဆံခဲ့ရစဉ် အဖြစ်အပျက်တွေကလည်း တဦးနဲ့ တဦး မတူဘဲ စိတ်ဝင်စားဖို့ ကောင်းပါတယ်။
ဒီစာအုပ်ဟာ ဖခင်တယောက်အကြောင်းကို သမီးတယောက်က ရေးထားတာထက် ပိုတယ်လို့ ကျမ မြင်ပါတယ်။
ဖခင် ကျဆုံးပြီး နောက်ပိုင်းမှာ လူမှုကူညီရေး လုပ်ငန်းတွေလုပ်ကိုင်ခဲ့သူ၊ နိုင်ငံရေးအကျဉ်းသား တွေရဲ့ ဒုက္ခတွေကို စာနာ နားလည် ကူညီခဲ့သူ မဆွေဆွေဟာ ဒီစာအုပ်နဲ့ ဖခင်ရဲ့ ကျေးဇူးကို ဆပ်တာ ဖြစ်သလို၊ ဒီစာအုပ် ထုတ်လုပ်ခဲ့တဲ့ ကုန်ကျစရိတ် အရင်းကော၊ ရောင်းချလို့ရမယ့် အမြတ်ကိုပါ နိုင်ငံရေးအကျဉ်းသားတွေရဲ့ လိုအပ်ချက်တွေ၊ မြန်မာနိုင်ငံတွင်းက လိုအပ် နေတဲ့ လူမှုကူညီရေးတွေမှာ အသုံးချမယ်ဆိုတာ ဖော်ပြထားတာ တွေ့ရပါတယ်။
သင်ပုန်းချေဖို့၊ အာဃာတတွေကို ဖျောက်ဖျက်လိုက်ဖို့၊ ဖြစ်ခဲ့တာတွေ မေ့လိုက်ဖို့ ဆိုတာ ကိုယ်တွေ့ မကြုံခဲ့သူတွေအဖို့ အလွယ်တကူ ပြောနိုင်ပေမယ့် ကိုယ်တွေ့ခံစားခဲ့ရသူတွေ၊ ရင်ဆိုင်ခဲ့ရသူတွေ အဖို့ကတော့ ပြောဖို့ ခက်ခဲလိမ့်မယ်လို့ ကျမ နားလည်ပါတယ်။
“ဘာလို့ အဟောင်းတွေကို ပြန်ပြောနေမှာလဲ” ဆိုသူတွေက မဆွေဆွေရဲ့ “မုန်တိုင်းမှာကြွေတဲ့ ကြယ်တပွင့်” ကို မဖတ်ရ သေးသူတွေလို့ ကျမ ယူဆပါတယ်။ တကယ်တော့ အဟောင်းဆိုတာ သမိုင်းပါပဲ။ သမိုင်းဆိုတာ မေ့လို့ရချင်ရချင်ရမယ် ဖျောက်ဖျက်လို့တော့ မရဘူးဆိုတာကို မဆွေဆွေက ပြောချင်ပုံရပါတယ်။
ဒီစာအုပ်ကို အဆုံးထိ ဖတ်ပြီးတဲ့အချိန် ကျမနားထဲမှာ “ကမ္ဘာ မကျေ ဘူးဟေ့” ဆိုတဲ့ တေးသံ ပဲ့တင်ထပ်ပြီး ကြားယောင် နေမိတာ မိုးလင်းသွားတဲ့ အထိပါပဲ။
http://burma.irrawaddy.org/archives/2300

နှစ်နိုင်ငံ ချစ်ကြည်ရေးလား၊ တရုတ်က လွှမ်းမိုးချင်တာလား


By ခင်ဦးသာon November 15, 2011 5:34 pm
မြစ်ဆုံဆည် စီမံကိန်း ဆိုင်းငံ့ခဲ့ပြီးနောက် တရုတ်နိုင်ငံ၏ လတ်တလော လုပ်ဆောင်ချက်များသည် မြန်မာနိုင်ငံအပေါ် စီးပွားရေး၊ ဘာသာရေး၊ ယဉ်ကျေးမှုအရ လွှမ်းမိုးနိုင်ရန် ကြိုးပမ်းမှု ဖြစ်သည်ဟု  ရှုမြင်သူများ ရှိသော်လည်း တချို့က နှစ်နိုင်ငံချစ်ကြည်ရေးကြောင့်ဟု သုံးသပ်ကြသည်။


ရန်ကုန် တရုတ်တန်းမြင်ကွင်း (ဓာတ်ပုံ - ဧရာဝတီ)

တရုတ်နိုင်ငံက ဗုဒ္ဓမြတ်စွယ်တော်အား နှစ်နိုင်ငံ ချစ်ကြည်ရေးအတွက်ဟုဆိုကာ မကြာသေးမီက  မြန်မာနိုင်သို့ ပင့်ဆောင်လာပြီး ပြည်သူများ ဖူးမျှော်နိုင်ရန် စီစဉ်ပေးထားသည်။
မြတ်စွယ်တော်ကို တရုတ်ပြည် ပြင်ပသို့ ၇ ကြိမ် ပင့်ဆောင်ခဲ့ရာ ၄ ကြိမ်မှာ မြန်မာပြည်သို့ ဖြစ်သည်ဟု တရုတ် သာသနာရေးဝန်ကြီး Mr. Wang Zuo An က ရှင်းပြခဲ့ကြောင်း ပြီးခဲ့သည့် ဗုဒ္ဓဟူးနေ့ထုတ် အစိုးရသတင်းစာများ၌ ရေးသားထားသည်။
“မြန်မာနဲ့ တရုတ် နှစ်နိုင်ငံအကြား ညီရင်းအစ်ကိုလို ချစ်ကြည်ရင်းနှီးမှုကို ဖော်ပြရာ ရောက်သလို ရေစက်ရှိလို့ ဒီလို ဆုံကြရတယ်လို့လည်း ပြောလို့ရပါတယ်” ဟု တရုတ် သာသနာရေးဝန်ကြီးက ဆိုသည်။
ဗုဒ္ဓစွယ်တော်သည်  ဦးနုအစိုးရလက်ထက် ၁၉၅၅ ခုနှစ်တွင် မြန်မာနိုင်ငံသို့ ပထမဆုံးအကြိမ် ရောက်ရှိခဲ့ပြီး ၁၉၉၄၊ ၁၉၉၆ ခုနှစ် တို့တွင် ထပ်မံ ရောက်ရှိခဲ့သည်။
“တရုတ်ပဲဖြစ်ဖြစ်၊ အမေရိကန်ပဲ ဖြစ်ဖြစ်ပေါ့၊ နိုင်ငံကြီးတွေဟာ နိုင်ငံငယ်တွေ အပေါ်မှာ သူတို့ရဲ့ သြဇာရှိဖို့၊ လိုအပ်တဲ့အခါ အသုံးချနိုင်ရေးအတွက် တခုခုနဲ့ လွမ်းမိုးဖို့ ကြိုးစားတတ်လေ့ရှိတယ်။ မြန်မာ အပေါ်မှာ အိန္ဒိယရဲ့ သြဇာ ကြီးလာမှာကိုလည်း တရုတ်က သိပ်လိုလားပုံမရဘူး” ဟု သံတမန်ဟောင်း တဦးဖြစ်သူ သခင်ချန်ထွန်းက ပြောသည်။
တရုတ်အစိုးရ၏ CCTV ရုပ်သံ အစီအစဉ်များကိုလည်း အောက်တိုဘာလ ၂၇ ရက်နေ့မှ စတင်ပြီး  မြန်မာအစိုးရပိုင် MRTV – 4 ရုပ်သံတွင် စမ်းသပ် ထုတ်လွှင့်ခဲ့သည်။
ဤသို့ ထုတ်လွှင့်ပေးခြင်းသည် နှစ်နိုင်ငံ ချစ်ကြည်ရေးအရ လုပ်ဆောင်ခြင်းဖြစ်သည်ဟု ယူဆကြောင်း သတင်းစာဆရာ တဦးဖြစ်သူ ကိုကို (စက်မှုတက္ကသိုလ်) က ပြောသည်။
“MRTV-4 ရဲ့ လိုင်းပေါင်း ၄၀ လောက်မှာမှ CCTV က  ၂ လိုင်းလောက်ပဲ ဆိုတော့ ယဉ်ကျေးမှုအရ ထိုးဖောက်ဖို့ ဆိုတာက မဖြစ်နိုင်ပါဘူး။ လွှမ်းမိုးစရာ အကြောင်းလည်း မရှိပါဘူး။ ကိုးရီးယား ရုပ်သံလိုင်းတွေ လိုမျိုး အခမဲ့ ကြည့်လို့ရတာတွေ အများကြီးရှိတော့ ရွေးချယ်စရာတွေ အများကြီး ရှိပါတယ်” ဟု ဦးကိုကိုက ဆိုသည်။
တရုတ်နိုင်ငံက ဒေါ်လာ ၃ ဒဿမ ၆ ဘီလီယံ ရင်းနှီးမြှုပ်နှံထားသည့်  ဧရာဝတီ မြစ်ဆုံစီမံကိန်း ဆိုင်းငံ့ထားရန် သမ္မတ ဦးသိန်းစိန် ဆုံးဖြတ်ခဲ့ပြီးနောက် တရုတ် အစိုးရ ကိုယ်စားလှယ် များသည် မြန်မာနိုင်ငံသို့ ဆက်တိုက် လာရောက်၍ နှစ်နိုင်ငံချစ်ကြည်ရေး ကိစ္စများ လုပ်ဆောင်လျက် ရှိသည်။
သမ္မတဦးသိန်းစိန်သည် တရုတ်ကွန်မြူနစ်ပါတီ ပေါ်လစ်ဗျူရိုအဖွဲ့ဝင် MR. Liu Qi နှင့် နိုဝင်ဘာ ၁၁ ရက်နေ့က တွေ့ဆုံ၍ နှစ်နိုင်ငံ ချစ်ကြည်ရေး၊ အကျိုးစီးပွား ပူးပေါင်းရေးတို့ကို ဆွေးနွေးခဲ့ကြောင်း အစိုးရ သတင်းစာများက ဖော်ပြခဲ့သည်။
ပြီးခဲ့သည့်လကလည်း ဒုသမ္မတ သီဟသူရ ဦးတင်အောင်မြင့်ဦး၊ နိုင်ငံခြားရေးဝန်ကြီး ဦးဝဏ္ဏမောင်လွင်တို့ တရုတ်နိုင်ငံသို့ သွားရောက်ခဲ့ပြီး နှစ်နိုင်ငံ အကျိုးစီးပွား ပိုမို ပူးပေါင်းရေး၊ မဟာဗျူဟာမြောက် ဆက်ဆံရေး၊ ပူးပေါင်းဆောင်ရွက်ရေးတို့ကို ဆွေးနွေးခဲ့ကြောင်း တရုတ်သတင်းများတွင် တွေ့ရသည်။
ဒေသတွင်း တရုတ်၏ စီးပွားရေး၊ စစ်ရေးသြဇာ ကြီးထွားလာခြင်းနှင့်အတူ အိန္ဒိယနှင့် အမေရိကန် တို့ကလည်း ၎င်းတို့၏ စစ်ရေး အင်အား တိုးမြှင့်ရေး ကြိုးပမ်းနေကြောင်း နိုင်ငံတကာ သတင်းများက ဆိုသည်။
အရှေ့တောင်အာရှ နိုင်ငံ အများစုတွင် တရုတ်လူမျိုးများသည် စီးပွားရေးအရ အခြေချ နေထိုင်လျက်ရှိပြီး တရုတ်ယဉ်ကျေးမှု သင်္ကေတ အမှတ်အသားများကိုလည်း နေရာ အတော်များများတွင် တွေ့မြင်နေရသည်။ အာဆီယံ ဒေသအတွင်း တရုတ်၏ ရင်းနှီးမြှုပ်နှံထားမှုသည် အမေရိကန်ဒေါ်လာ ဘီလီယံပေါင်းများစွာ ရှိနေသည်ဟု သတင်းများအရ သိရသည်။
နိပေါနိုင်ငံ၌ အမေရိကန်ဒေါ်လာ ၃ ဘီယီယံ အကုန်အကျခံ တည်ဆောက်မည့် စီမံကိန်း တခုအား ကူညီမည်ဟု တရုတ် အစိုးရက ကမ်းလှမ်းထားသေးကြောင်းလည်း သိရသည်။ ၎င်း အစီအစဉ်သည် ဗုဒ္ဓ ဖွားမြင်တော်မူခဲ့သော လုမ္ပနီ အင်ကြင်း ဥယျာဉ်အား ဗုဒ္ဓဘာသာဝင်တို့ မသွားမဖြစ်သည့် အထင်ကရ နေရာတခုအဖြစ် နီပေါအစိုးရ ပြုပြင် တည်ဆောက်မည့် စီမံကိန်း ဖြစ်သည်။
လူဦးရေ သန်း ၁၃၀၀ ကျော်လာသည့် တရုတ်နိုင်ငံသည် နိုင်ငံအများအပြား၌ ရင်းနှီးမြှုပ်နှံလျက်ရှိပြီး မြန်မာနိုင်ငံအပါအဝင် အိမ်နီးချင်းနိုင်ငံများသို့ အစုအဝေးလိုက် ပြောင်းရွှေ့နေထိုင်နေကြသည်။
“အစိုးရက ပို့တာ မဟုတ်ဘဲနဲ့ နယ်စပ်ဒေသတွေက ၀င်ပြီးတော့ အိမ်နီးချင်း နိုင်ငံတွေမှာ အခြေချတယ်။ မြန်မာနိုင်ငံမှာ ဆိုရင်လည်းပဲ တနိုင်ငံလုံးနီးပါးမှာ တရုတ်လူမျိုးတွေ နေထိုင်လာကြတာ တွေ့နေရတယ်” ဟု တရုတ်နိုင်ငံ၌ သံအမတ်ကြီးအဖြစ် တာဝန်ထမ်းဆောင်ခဲ့ဖူးသူ ဦးချန်ထွန်းက ပြောသည်။
ရှေးမြန်မာ ဘုရင်များ နန်းစိုက်ခဲ့ပြီး မြန်မာမှုလက်ရာ အမွေအနှစ် များပြားစွာ ကျန်ရှိနေသော မန္တလေးမြို့၌ တရုတ်လူမျိုးများ ကြီးစိုးလာခြင်းအပေါ် မန္တလေးဒေသခံ အနုပညာသမားများက မကြာခဏ ထောက်ပြ ဝေဖန် ရေးသားလျက်ရှိသည်ကို တွေ့ရသည်။
“တရုတ်တွေဟာ နယ်စပ်က တောရွာတွေမှာ ပထမ အခြေချပြီး ဗမာစကား သင်တယ်၊ ပြီးရင် မြို့ပေါ် တက်လာကြတယ်။ မြို့ပေါ်ရောက်တော့ ပျောက်သွားတယ်။ ရန်ကုန်တို့၊ မန္တလေးတို့ လိုမျိုးပေါ့” ဟု ဦးချန်ထွန်းက ဆိုသည်။
တရုတ်လူမျိုးများက ၎င်းတို့နေထိုင်ရာ ဒေသများ၌ တရုတ်ဘုံကျောင်းများ တည်ဆောက်၍ တရုတ်လူမျိုးများ တိုးပွားလာရေး၊ စီးပွားရေးအရ ကူညီ ထောက်ပံ့ရေး စသည်တို့ကို လုပ်ဆောင်လျက် ရှိသည်ဟူသော သတင်းတချို့လည်း ထွက်ပေါ်နေသည်။  နယ်စပ်ဒေသများမှ ၀င်ရောက်လာသော တရုတ်နိုင်ငံသား အများအပြားသည် ဒေသခံ အာဏာပိုင်တချို့ကို ချဉ်းကပ်ပြီး နိုင်ငံသား စိစစ်ရေးကတ်ပြား ရယူကြသည် ဟူသော သတင်းများလည်း ကာလ အတန်ကြာကပင် ထွက်ပေါ်နေသည်။ မြန်မာပြည်ဖွား မဟုတ်ဘဲ မြန်မာနိုင်ငံသား ဖြစ်သွားသော တရုတ်လူမျိုး အရေအတွက် မည်မျှ ရှိသည်ကိုမူ မသိရသေးပေ။
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က မြန်မာနိုင်ငံနှင့် တရုတ်နိုင်ငံတို့သည် အိမ်နီးချင်းများ ဖြစ်သည့်အတွက် ကမ္ဘာတည်သရွေ့ ထိတွေ့ နေကြရမည် ဖြစ်သောကြောင့် နှစ်နိုင်ငံဆက်ဆံရေး ကောင်းမွန်ရန် လိုအပ်ကြောင်း ယမန်နေ့က ပြုလုပ်သော သတင်းစာ ရှင်းလင်းပွဲ၌ ပြောခဲ့သည်။
http://burma.irrawaddy.org/archives/2315

ကာချုပ်ရဲ့ ပထမဆုံးပြည်ပခရီးစဉ် ဗီယက်နမ်ကို ဘာလို့သွားတာလဲ

By ရန်ပိုင် on November 15, 2011 6:18 pm

တပ်မတော် ကာကွယ်ရေးဦးစီးချုပ် ဗိုလ်ချုပ်ကြီးမင်းအောင်လှိုင်၏ ချစ်ကြည်ရေးခရီးစဉ်အဖြစ် ဗီယက်နမ်နိုင်ငံသို့ ယမန်နေ့ နံနက်က ထွက်ခွာသွားကြောင်း ယနေ့ထုတ်အစိုးရသတင်းစာများတွင် ဖော်ပြထားသည်။
ဗိုလ်ချုပ်ကြီးမင်းအောင်လှိုင် ကာကွယ်ရေး ဦးစီးချုပ်တာဝန်ယူပြီးနောက်ပိုင်း ပထမဆုံးသွားရောက်သည့် ပြည်ပခရီးစဉ်ဖြစ်ပြီး ကာ ကွယ်ရေး ဦးစီးချုပ်ရုံး (ကြည်း) မှ ဒု ဗိုလ်ချုပ်ကြီး သောင်းအေး၊ ဒု ဗိုလ်ချုပ်ကြီး စိန်ဝင်း၊ အရှေ့အလယ်ပိုင်း စစ်ဌာနချုပ် တိုင်းမှူး ဗိုလ်မှူးချုပ် မြထွန်းဦး၊ အလယ်ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် ရဲအောင်နှင့် ကာကွယ်ရေးဦးစီးချုပ်ရုံးမှ အရာရှိကြီးများ လိုက်ပါသွားသည်ဟုလည်း သိရသည်။


ကာကွယ်ရေးဦးစီးချုပ် ဗိုလ်ချုပ်ကြီး မင်းအောင်လှိုင် နေပြည်တော်လေဆိပ်မှ ဗီယက်နမ်နိုင်ငံသို့ မထွက်ခွာမီ တွေ့ရစဉ်

လေ့လာသူများက စစ်အစိုးရလက်ထက်တွင် ကာကွယ်ရေးဦးစီးချုပ်များ အနေဖြင့် အိမ်နီးချင်း တရုတ်နိုင်ငံသို့သာ အရင်ဆုံး သွား ရောက်သော်လည်း ဗိုလ်ချုပ်ကြီးမင်းအောင်လှိုင် လက်ထက်တွင်မူ အာဆီယံနိုင်ငံများထဲမှ ဗီယက်နမ်သို့ သွားရောက်ခြင်းသည် ထူးခြားသော ဖြစ်စဉ် တရပ်ဖြစ်ပြီး စစ်ရေးအရပူးပေါင်းဆောင်ရွက်မှုတရပ်ဖြစ်နိုင်သည်ဟု ပြောဆိုနေကြသည်။
မြန်မာ့ တပ်မတော်တွင် ကာကွယ်ရေး ဦးစီးချုပ်တာဝန်ယူခဲ့ဖူးသည့် ဗိုလ်ချုပ်ကြီဟောင်း ဦးတင်ဦးက ကချင်ပြည်နယ်၌ တည်ဆောက်နေသည့် မြစ်ဆုံရေအားလျှပ်စစ် စီမံကိန်းကို ရပ်ဆိုင်းပြီးနောက် တရုတ်- မြန်မာ ဆက်ဆံရေး အနည်းငယ် ယိုယွင်းသွား သည်ဟု ထင်မြင်ကြောင်း၊ ထိုကြောင့် ဗီယက်နမ် အပါအ၀င် အမေရိကန် စသည့်နိုင်ငံများနှင့် ဆက်ဆံရေး ပိုမိုကောင်းမွန်အောင် ကြိုးစားလာခြင်း ဖြစ်နိုင်ကြောင်း ပြောသည်။
“အရင်ကတော့ တရုတ်ကို သွားကြတယ်၊ အခုတော့ ဗီယက်နမ် စစ်တပ်က နယ်စပ်တလျောက်မှာ တရုတ်နဲ့ ဘယ်လိုဆက်ဆံ သလဲဆိုတာကို ချိန်ထိုးကြည်ဖို့ သွားလေ့လာတာလို့ ထင်တယ်” ဟု ၎င်းက ဆိုသည်။
ကွန်မြူနစ် ဗီယက်နမ်နိုင်ငံသည် တောင်တရုတ် ပင်လယ်အတွင်းရှိ စပါတလီကျွန်းစုများ ပိုင်ဆိုင်မှုနှင့် ပတ်သက်၍ တရုတ်နိုင်ငံနှင့် တင်းမာမှုများ ဖြစ်ခဲ့ပြီးနောက် အမေရိကန်နိုင်ငံနှင့် ပိုမိုနီးကပ်စွာ ဆက်ဆံခဲ့ပြီး အမေရိကန်လေယာဉ်တင် သင်္ဘောကြီးများနှင့် စစ်သင်္ဘောများမှာ ဗီယက်နမ်ဆိပ်ကမ်းများတွင် လာရောက်လည်ပတ် ဆိုက်ကပ်သည်အထိ တိုးတက်လာသည်။
ဝါရှင်တန် အခြေစိုက် ထောက်လှမ်းရေး ဗိုလ်မှူးဟောင်း ဦးအောင်လင်းထွဋ်ကမူ ဗိုလ်ချုပ်ကြီး မင်းအောင်လှိုင်သည် ဗီယက်နမ် ကာကွယ်ရေး ၀န်ကြီး၏ ဖိတ်ကြားချက် အရ တရားဝင်ခရီးစဉ်အဖြစ် သွားရောက်ခြင်းဖြစ်သည်ဟု ဆိုသော်လည်း  စစ်လက်နက် ပစ္စည်းနှင့် နည်းပညာပိုင်းတွင် အပြန်အလှန် ဖလှယ်ရန် သွားရောက်ခြင်းလည်း ဖြစ်နိုင်ကြောင်း ဧရာဝတီသို့ ပြောသည်။
“လိုက်သွားတဲ့သူတွေကို ကြည့်ရင် စစ်ရေးကိစ္စ၊ လက်နက်ကိစ္စ ဖြစ်ဖို့များတယ်။ တရုတ်ဒေသတွင်း အားကြီးလာတာကို တန်ပြန် ဖို့လည်း ဖြစ်နိုင်ပါတယ်။ စစ်ရေးမဟာမိတ် မဟုတ်တောင် အကြံဉာဏ်ယူတဲ့ သဘောပဲ” ဟု ၎င်းက ဆိုသည်။
မြန်မာနှင့် ဗီယက်နမ်နှစ်နိုင်ငံ တပ်မတော်များသည် အင်ဒိုချိုင်းနား စစ်ပွဲကာလ နယ်ချဲ့ဆန့်ကျင်ရေး၌ သဘောထားခြင်း တူညီခဲ့ပြီး ယခင်ကတည်းကပင် အပြန်အလှန်လေးစားစွာ ဆက်ဆံမှုရှိခဲ့ကြောင်းလည်း ၎င်းက ဆက်ပြောသည်။
တရုတ် – မြန်မာနယ်စပ် စစ်ရေးလေ့လာသူ ဦးအောင်ကျော်ဇောကလည်း “အာဆီယံထဲမှာ ဗီယက်နမ်က တရုတ်နဲ့ နယ်စပ်ခြင်း ကပ်နေပေမယ့် အဲဒီနှစ်နိုင်ငံက အဆင်မပြေဘူးလေ။ ဒါကြောင့် နိုင်ငံခြားရေး ပေါ်လစီအရ တရုတ်ကို ကစားဖို့ ဗီယက်နမ်ကို သွားတာပါ” ဟု သုံးသပ်သည်။
ဗီယက်နမ်နှင့် မြန်မာသည် စီးပွားရေးအရ ပူးပေါင်းဆောင်ရွက်မှုများကို ပိုမိုလုပ်ဆောင်လာပြီး လေကြောင်းလိုင်း ပြေးဆွဲခြင်း၊အထည်ချုပ်စက်ရုံများနှင့် ဘဏ်ခွဲများကို ရန်ကုန်မြို့၌ လာရောက်ရင်းနှီးမြုပ်နှံခြင်းများ ပိုမိုတိုးမြင့်လုပ်ဆောင်လာသည်။
၁၉၄၈ ခုနှစ် လွတ်လပ်ရေးရပြီးနောက် ဖဆပလ အစိုးရက ဦးချစ်လှိုင် (စာရေးဆရာ ကိုကိုမောင်ကြီး)၊ ကိုသန်း (ကြည်မြင်တိုင်)၊ ဗိုလ်ဘုန်းအောင်၊ ဦးဘသိန်းဇံတို့ကို ဗီယက်နမ်သို့ စေလွှတ်ကာ နယ်ချဲ့တော်လှန်ရေးကို ကူညီခဲ့ဖူးသည်။
ဗိုလ်ချုပ်ကြီးမင်းအောင်လှိုင်က ဗီယက်နမ်နိုင်ငံသို့ ယမန်နေ့က သွားရောက်ခဲ့ပြီး တိုက်ဆိုင်စွာပင် ယနေ့၌ မြန်မာနိုင်ငံအား ၂၀၁၄ ခုနှစ် အာဆီယံ ဥက္ကဋ္ဌရာထူး ပေးအပ်ရန် အာဆီယံနိုင်ငံခြားရေး ဝန်ကြီးများက ထောက်ခံလိုက်ကြောင်း ကြားသိရသည်။
အလားတူ မြန်မာနိုင်ငံတွင်လည်း စစ်အစိုးရလက်ထက် အမေရိကန်နိုင်ငံနှင့် ဆက်ဆံရေး မပြေလည်ကြသော်လည်း သမ္မတ ဦးသိန်းစိန် လက်ထက်တွင် ဆက်ဆံရေး ကောင်းမွန်အောင်ကြိုးစားလာရာ အမေရိကန်အစိုးရ၏ ကိုယ်စားလှယ်များ မကြာခ ဏလာရောက်သကဲ့သို့ မြန်မာအစိုးရ အဖွဲဝင်များလည်း အမေရိကန်သို့ သွားရောက်လည်ပတ်နေသည်။
ပြီးခဲ့သည် အောက်တိုဘာလက မြန်မာနိုင်ငံသို့ ရောက်ရှိလာသည့် အမေရိကန်အစိုးရ၏ အထူးကိုယ်စားလှယ်နှင့် မူဝါဒရေးရာ ညှိ နှိုင်းရေးမှူး ဒဲရက်မစ်ချယ်နှင့် ဗိုလ်ချုပ်ကြီး မင်းအောင်လှိုင်တို့ တွေ့ဆုံကာ နှစ်နိုင်ငံတပ်မတော်များ ပူးပေါင်းဆောင်ရွက်ရန် ကိစ္စရပ် များကို ဆွေးနွေးခဲကြောင်း အစိုးရသတင်း စာများ၏ ဖော်ပြချက်များအရသိရသည်။
http://burma.irrawaddy.org/archives/2323

မြန်မာအမျိုးသမီး ၇၀ နီးပါး ထိုင်းရဲက ကယ်တင်


2011-11-14
ထိုင်းနိုင်ငံ Chanthaburi ခရိုင်မှာ ဖွင့်ထားတဲ့ အနှိပ်ခန်း တစ်ခုက မြန်မာ အမျိုးသမီး ၇၀ နီးပါးကို ထိုင်း လူကုန်ကူးမှု တိုက်ဖျက်ရေး အဖွဲ့က ကယ်တင်လိုက်ကြောင်း သိရပါတယ်။


RFA
ထိုင်း-မြန်မာနယ်စပ် မဲဆောက်မြို့တွင် စိုက်ထူထားသော လူကုန်ကူးမှု ဆန့်ကျင်တိုက်ဖျက်ရေး ပိုစတာ ဆိုင်းဘုတ်တခု ဖြစ်ပါသည်။ (Photo: RFA)
ကယ်တင်လိုက်တဲ့သူတွေထဲက တစ်ဝက်ခန့်ဟာ အသက် ၁၈ နှစ်အောက် မိန်းကလေးငယ်တွေ ဖြစ်ကြောင်းနဲ့ သူတို့အားလုံးကို လူမှုဝန်ထမ်းဌာနက စောင့်ရှောက်ထားကြောင်း အထူး စုံစမ်းစစ်ဆေးရေး အဖွဲ့ DSI လူကုန်ကူးမှုတိုက်ဖျက်ရေးဌာန အကြီးအကဲ ဒုတိယ ဗိုလ်မှူးကြီး Komvich Pathanarat က ပြောပါတယ်။ စုံစမ်းစစ်ဆေးမှုတွေအပြီး အားလုံးကို မြန်မာနိုင်ငံဘက် ပြန်ပို့ပေးမှာဖြစ်ကြောင်းလည်း သူက ပြောပါတယ်။ စုံစမ်းစစ်ဆေးမှုက နှစ်လ သုံးလလောက် ကြာနိုင်တယ်လို့ သိရပါတယ်။ ဒီအမျိုးသမီးတွေထဲက တချို့ဟာ ပြည့်တန်ဆာအလုပ်လုပ်ဖို့ ထိုင်းနိုင်ငံကို တရားမ၀င် ရောက်လာခဲ့ကြတာဖြစ်ပြီး တချို့ကတော့ တရားဝင်အလုပ် လုပ်ရမယ်ဆိုပြီးမှ ပြည့်တန်ဆာအဖြစ် အတင်းအဓမ္မ ခိုင်းစေခံရသူတွေလို့ ဆိုပါတယ်။ သူတို့ထဲမှာ ပြည့်တန်ဆာအဖြစ် အတင်းခိုင်းစေခံရတာ ဘယ်နှယောက်ရှိတယ်ဆိုတာ စုံစမ်း စစ်ဆေးနေပြီး ဘယ်သူခိုင်းစေခဲ့တယ်ဆိုတာ ရှာဖွေဖော်ထုတ်သွားမယ်လို့လည်း သူက ပြောပါတယ်။ ပြီးခဲ့တဲ့လက Khon ဆိုတဲ့ ၁၆ နှစ်ရွယ် မြန်မာအမျိုးသမီးငယ်တစ်ဦး လူကုန်ကူးခံရတာကို စုံစမ်းစစ်ဆေးပေးဖို့ အမျိုးသမီးများလူကုန်ကူးခံရမှု တိုက်ဖျက်ရေးအဖွဲ့က DSI ကို မေတ္တာရပ်ခံခဲ့ရာက ဒီအမှုကို ဖော်ထုတ်နိုင်ခဲ့တာလို့ ဒီကနေ့ထုတ် Bangkok Post သတင်းစာမှာ ရေးသားထားပါတယ်။ အဲဒီအမျိုးသမီးငယ်က သူ့ကို လူကုန်ကူးဂိုဏ်းတခုက Chanthaburi ခရိုင် အနှိပ်ခန်းတစ်ခုမှာ အလုပ်လုပ်ဖို့ သိမ်းသွင်းခေါ်ဆောင်သွားကြောင်း၊ အဲဒီအနှိပ်ခန်းမှာ ပြည့်တန်ဆာအဖြစ် အတင်းအဓမ္မ ခိုင်းစေခံနေရတာ ၂ လ ရှိပြီဖြစ်ကြောင်း၊ အခကြေးငွေ တစ်ပြားမှ မရတဲ့အကြောင်း အဒေါ်ဖြစ်သူကို ဆက်သွယ်ပြောဆိုခဲ့ရာက အဒေါ်ဖြစ်သူက အမျိုးသမီးများလူကုန်ကူးခံရမှု တိုက်ဖျက်ရေးအဖွဲ့ကို အကူအညီတောင်းခံခဲ့တယ်လို့ ဆိုပါတယ်။ ဒီအမျိုးသမီးငယ်ကို ရှာဖို့အတွက် DSI အကြီးအကဲ ဒုတိယ ဗိုလ်မှူးကြီး Komvich Pathanarat ကိုယ်တိုင် အနှိပ်ခန်းကို ဧည့်သည်ဟန်ဆောင် သွားရောက် စုံစမ်းခဲ့ပြီးမှ ခရိုင်တရားရုံးက ရှာဖွေဝရမ်းနဲ့ ၀င်ရောက်စီးနင်းခဲ့ရာက ပြည့်တန်ဆာအဖြစ် လုပ်ကိုင်နေတဲ့ မြန်မာအမျိုးသမီးတွေကို ကယ်ဆယ်နိုင်ခဲ့တာဖြစ်ကြောင်း သိရပါတယ်။
http://www.rfa.org/burmese/news/human-trafficking-thai-11142011205931.html

အကျဉ်းသား လွှတ်ခါနီးဆဲဆဲမှ ကာလုံအဖွဲ့ ညွှန်ကြားချက်ကြောင့် ဆိုင်းငံ့ထားရ


2011-11-14
နိုဝင်ဘာ ၁၄ ရက် မနေ့က နိုင်ငံရေး အကျဉ်းသားတွေ လွတ်ငြိမ်း ချမ်းသာခွင့်ပေးဖို့ ရှိပေမယ့် အမျိုးသား ကာကွယ်ရေးနဲ့ လုံခြုံရေး ကောင်စီရဲ့ နောက်ဆုံးအချိန်မှာ ရောက်လာတဲ့ ညွန်ကြားချက်ကြောင့် ဆိုင်းငံ့ခဲ့ရတယ်လို့ အမည် မဖော်လိုတဲ့ အစိုးရ အရာရှိ တစ်ဦးကို ကိုးကားပြီး ရန်ကုန်ကလာတဲ့ AFP သတင်း တစ်ရပ်မှာ ရေးသား ဖော်ပြ လိုက်ပါတယ်။


PHOTO: AFP
နာမည်ဆိုးနှင့် ကျော်ကြားသော မြန်မာနိုင်ငံ အင်းစိန်အကျဉ်းထောင်၏ အုတ်ရိုးအပြင်ဘက်တွင် အစောင့်တဦး လှည့်ပတ်စောင့်ကြည့်နေပုံ ဖြစ်ပါသည်။ (PHOTO: AFP)
လောလောဆယ် အထိတော့ အကျဉ်းသားတွေ လွှတ်ပေးရေးနဲ့ ပတ်သက်လို့ ကာကွယ်ရေးနဲ့ လုံခြုံရေး ကောင်စီထံက ဘာညွှန်ကြားချက်မှ ရောက်မလာသေးဘူးလို့ သူက ပြောပါတယ်။ နိုင်ငံရေး အကျဉ်းသားတွေကို သမ္မတရဲ့ လွတ်ငြိမ်းခွင့် အမိန့်နဲ့ ဖြေးဖြေးချင်း လွှတ်ပေးချင်တာကြောင့် အခုလို ဆိုင်းငံ့ထားလိုက်တာ ဖြစ်ပုံရတယ်လို့လည်း အဲဒီအရာရှိက ပြောကြောင်း၊ အာဏာပိုင်တွေ အနေနဲ့ သမ္မတ ဦးသိန်းစိန် အင်ဒိုနီးရှားနိုင်ငံကို သွားရောက်ပြီး အာဆီယံ ထိပ်သီး ညီလာခံ မတက်ရောက်ခင် အချိန်အထိ လွတ်ငြိမ်း ချမ်းသာခွင့် ပေးဖို့ကိစ္စကို ဆိုင်းငံ့ထားဖွယ် ရှိကြောင်း သတင်းမှာ ဆက်လက် ဖော်ပြထားပါတယ်။
http://www.rfa.org/burmese/news/prisoner-11142011204404.html

၂၀၁၄ အာဆီယံ ထိပ်သီးဆွေးနွေးပွဲ ဥက္ကဋ္ဌနေရာ မြန်မာကို ပေးဖို့ သဘောတူ


2011-11-15
လာမဲ့ ၂၀၁၄ ခု အာဆီယံ ထိပ်သီးဆွေးနွေးပွဲကို မြန်မာနိုင်ငံက ဥက္ကဋ္ဌအနေနဲ့ အိမ်ရှင်အဖြစ် တာဝန်ယူ ကျင်းပရေးကို အာဆီယံ နိုင်ငံခြားရေးဝန်ကြီးတွေ ဒီကနေ့ သဘောတူလိုက်ကြပါတယ်။


AFP
၂၀၁၁ ခုနှစ် နိုဝင်ဘာလ ၁၅ ရက်နေ့က အင်ဒိုနီးရှားနိုင်ငံ ဘာလီကျွန်းတွင် ကျင်းပသည့် အာဆီယံ နိုင်ငံခြားရေးဝန်ကြီးများ ညီလာခံ အဖွင့်အခမ်းအနားတွင် ညီလာခံ တက်ရောက်လာကြသော အာဆီယံနိုင်ငံများ၏ နိုင်ငံခြားရေးဝန်ကြီးများအား အတူတကွ တွေ့မြင်ရစဉ်။ AFP PHOTO/SONNY TUMBELAKA
မိမိတို့ အာဆီယံနိုင်ငံတွေက နိုင်ငံခြားရေးဝန်ကြီးတွေအနေနဲ့ ၂၀၁၄ ခုနှစ်မှာ ကျင်းပမဲ့ အာဆီယံထိပ်သီးဆွေးနွေးပွဲကို မြန်မာနိုင်ငံမှာကျင်းပဖို့ အားလုံးက သဘောတူညီကြပါတယ်လို့ လက်ရှိ အာဆီယံ ဥက္ကဋ္ဌ အင်ဒိုနီးရှား နိုင်ငံခြားရေးဝန်ကြီး Natalegawa က ပြောပါတယ်။ အဲဒီလို သဘောတူညီချက်တွေရဖို့ ပြီးခဲ့တဲ့ မေလအတွင်း ကျင်းပခဲ့တဲ့ အာဆီယံထိပ်သီးအစည်းအဝေးနဲ့ ဂျူလိုင်လက ကျင်းပခဲ့တဲ့ နိုင်ငံခြားရေးဝန်ကြီးအဆင့် ဆွေးနွေးပွဲတွေမှာ ကျယ်ကျယ်ပြန့်ပြန့် ဆွေးနွေးခဲ့တဲ့အခါ အပြုသဘော ဆောင်ခဲ့ကြတယ်လို့ သူကပြောပါတယ်။ ဒီကနေ့ သဘောတူညီချက်အရ လာမဲ့ ကြာသပတေးနေ့မှာကျင်းပမဲ့ အာဆီယံအဖွဲ့ဝင်နိုင်ငံ အစိုးရ ခေါင်းဆောင်တွေ ပါဝင်ကြတဲ့ ထိပ်သီး ဆွေးနွေးပွဲကနေ မြန်မာနိုင်ငံကို တရားဝင် အာဆီယံ ဥက္ကဋ္ဌအဖြစ် အတည်ပြုပေး လိ့မ်မယ်လို့ မျှော်လင့်နေကြတယ်လို့ ဆိုပါတယ်။ အာဆီယံ အခြေခံ ဥပဒေအရ ဥက္ကဋ္ဌနေရာကို အက္ခရာစဉ်အရ သတ်မှတ်ထားတဲ့အတွက် မြန်မာနိုင်ငံဟာ ၂၀၁၅ အထိ ဥက္ကဋ္ဌအဖြစ် လက်ခံကျင်းပနိုင်ခွင့် မရှိပေမဲ့ ကွန်မြူနစ် လာအိုအစိုးရနဲ့ နေရာချင်းလဲပြီး ၂၀၁၄ ခုမှာ ဥက္ကဋ္ဌနေရာ ယူမှာဖြစ်ပါတယ်။
http://www.rfa.org/burmese/news/asean-11152011102420.html


အာဆီယံဥက္ကဋ္ဌရာထူး မြန်မာကို ပေးမည်


By featured, ခင်ဦးသာ on November 15, 2011 5:48 pm in သတင်း
မြန်မာနိုင်ငံအား ၂၀၁၄ ခုနှစ်အတွက် အာဆီယံအလှည့်ကျ ဥက္ကဋ္ဌ အဖြစ် တာဝန်ပေးရန် သဘောတူကြောင်း အာဆီယံနိုင်ငံခြားရေးဝန်ကြီးများက ယနေ့ ပြောလိုက်သည်။

အင်ဒိုနီးရှားနိုင်ငံ၊ ဘာလီကျွန်း၌ ယနေ့ စတင် ကျင်းပသော အာဆီယံ နိုင်ငံခြားရေးဝန်ကြီးများ အစည်းအဝေးတွင် ယင်းသို့ ပြောဆိုလိုက်ခြင်း ဖြစ်သည်။

မြန်မာနိုင်ငံသည် ချမှတ်ထားသော ဒီမိုကရေစီလမ်းပြမြေပုံအား အပြောမဟုတ် လက်တွေ့ လုပ်ဆောင်နေကြောင်း၊ တိုးတက်မှုများကို တွေ့မြင်နေရပြီ ဖြစ်ကြောင်း၊ မြန်မာနိုင်ငံ၏ လက်ရှိဖြစ်ပေါ် တိုးတက်နေမှုများကို နိုင်ငံတကာက အသိအမှတ်ပြုကြရန် လိုအပ်ကြောင်း လက်ရှိအာဆီယံ ဥက္ကဋ္ဌ နိုင်ငံ ဖြစ်သော အင်ဒိုနီးရှား၏ နိုင်ငံခြားရေးဝန်ကြီး မစ္စတာ မာတီနာ တာလီ ဂါဝါက သတင်းထောက်များကို ပြောသည်။

၂၀၁၄ ခုနှစ် အာဆီယံဥက္ကဋ္ဌ ရာထူး မြန်မာပြည် ရရှိရေးအတွက် သမ္မတ ဦးသိန်းစိန်အစိုးရက ပြီးခဲ့သော လအနည်းငယ်က ကမ်းလှမ်းခဲ့သည်။

အစိုးရက အာဆီယံဥက္ကဋ္ဌနေရာအတွက် ကြိုးပမ်းနေခြင်းမှာ နိုင်ငံတကာ၏ အသိအမှတ်ပြုခံရရေးအတွက် ဖြစ်သည်ဟု အတိုက်အခံ နိုင်ငံရေးသမားတချို့က ပြောဆိုနေကြသည်။

အာဆီယံ ဥက္ကဋ္ဌ တာဝန် မြန်မာပြည်သို့ ပေးအပ်ရေးအတွက် မြန်မာနိုင်ငံ၏ ဖြစ်ပေါ်တိုးတက်မှုများအား လေ့လာရန် အင်ဒိုနီးရှား နိုင်ငံခြားရေးဝန်ကြီးသည် ပြီးခဲ့သည့်လက မြန်မာနိုင်ငံသို့ သွားရောက်ကာ ဦးသိန်းစိန်အပါအ၀င် အစိုးရအဖွဲ့ တာဝန်ရှိသူများ၊ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်၊ အတိုက်အခံ နိုင်ငံရေး အင်အာစုများနှင့် တွေ့ဆုံခဲ့သည်။

အာဆီယံ ဥက္ကဋ္ဌ နိုင်ငံသည် အာဆီယံ ထိပ်သီး အစည်းအဝေးများကို တာဝန်ယူ ကျင်းပနိုင်ရမည်ဖြစ်သည်။

မြန်မာနိုင်ငံသည် ၂၀၀၆ ခုနှစ်က အာဆီယံဥက္ကဋ္ဌရာထူးအတွက် အလှည့်ကျခဲ့သော်လည်း အနောက်နိုင်ငံတို့၏ ဖိအားပေးမှုကြောင့် ထိုအခွင့်အရေးကို လက်လွှတ်ခဲ့သည်။

ထိုစဉ်က မြန်မာစစ်အစိုးရ၏ လူ့အခွင့်အရေးချိုးဖောက်မှုမှတ်တမ်း၊ ဒီမိုကရေစီဖော်ဆောင်ရေး နှေးကွေးမှုတို့ကြောင့် ထိုသို့ ဖိအားပေးခဲ့ကြခြင်း ဖြစ်သည်။

အာဆီယံ ခေါ် အရှေ့တောင်အာရှနိုင်ငံများအသင်းကို ဒေသတွင်း ၁၀ နိုင်ငံဖြစ်သည့် ဘရူနိုင်း၊ ကမ္ဘောဒီးယား၊ အင်ဒိုနိးရှား၊ လော၊ မလေးရှား၊ မြန်မာ၊ ဖိလစ်ပိုင်၊ စင်္ကာပူ၊ ထိုင်း၊ ဗီယက်နမ်တို့ဖြင့် ဖွဲ့စည်းထားခြင်း ဖြစ်သည်။
http://burma.irrawaddy.org/archives/category/news

မန္တလေးမှ သပိတ်မှောက်သံဃာတော်များနှင့် ပတ်သက်သော နောက်ဆုံးရ သတင်းများ



Latest News about Monks' Demonstration of Mandalay (9:30 PM, Nov 15, 2011)

by Nyo Gyi on Tuesday, November 15, 2011 at 11:37am



 
ဆွေးနွေးမှုများအရ သပိတ်စခန်းကို မန္တလေး၊ မဟာမြတ်မုနိဘုရားကြီး၊ မဟာဗုဒ္ဓ၀င်ဗိမာန်တော်ကြီးမှ မန္တလေး၊၈၇လမ်း၊၃၆x၃၇လမ်းကြားရှိမန္တလေးမစိုးရိမ်ကျောင်းတိုက်ဟောင်းသို့ ပြောင်းရွှေ့ဖွင့်လှစ်မည်ဖြစ်ကြောင်း ဦးဆောင်ဆရာတော် ဦးသောပါက မှ မိန့်ကြားခဲ့ပါတယ်။
၃း ၂၀ မိနစ်၊ ၁၅၊ နိုဝင်ဘာ၊ ၂၀၁၁ ညိုကြီး

၁။
မန္တလေး သပိတ်မှောက်သံဃာအရေးအခင်းကို သတင်းယူဓာတ်ပုံဗွီဒီယိုရိုက်သော သတင်းထောက်အချို့အား ထောက်လှမ်းရေးဆိုသူများက လိုက်လံချောင်းမြောင်းမှတ်တမ်းတင်ခြေရာခံခြင်းများရှိသည်ဟု အလိုက်ခံခဲ့ရသော သတင်းထောက်တစ်ဦးမှ ပြောကြားပါသည်။

၂။
မန္တလေးမှ သပိတ်မှောက်သံဃာ ငါးပါးသည် ယခုည၌ မန္တလေး၊ မစိုးရိမ်တိုက်ဟောင်း၊ သုတ္တန်ကျောင်းတွင် ကျိန်းစက်မည်ဖြစ်ပြီး မနက်ဖန် နေ့လည် ၁ နာရီမှစ၍ နောက် ၃ ရက်တိုင်တိုင် မစိုးရိမ်တိုက်ဟောင်းတွင်းရှိ နာရီစင်နဘေးတွင် ငြိမ်းချမ်းရေး၊ နိုင်ငံရေးအကျဉ်းသားလွှတ်ရေး၊ လွတ်လပ်ရေးတရားများ ဟောပြောတောင်းဆိုမည်ဖြစ်ကြောင်း
သိရသည်။ ၃ ရက်ပြည့်သည့်အခါ တောင်းဆိုချက်များအား ကြံဖွတ်အစိုးရမှ ဖြည့်ဆည်းပေးခြင်းမရှိသေးပါက ယင်းသို့ ဆန္ဒပြ တောင်းဆိုမှုမှာ ၃ ရက်မက ဖြစ်လာ နိုင်ဖွယ်ရှိကြောင်း သိရသည်။


၃။
ယနေ့ မန္တလေးတွင် သံဃာငါးပါး ငြိမ်းချမ်းရေးဆန္ဒပြကာ လူအများစုဝေးခဲ့သည့်အတွက် ယနေ့ည မန္တလေး၊ ၈၄ လမ်းနှင့် ၃၁ လမ်းထောင့်ရှိ ဓမ္မသာလခန်းမတွင် ည (၇)နရီ၌ စတင်ကျင်းပမည့် စာပေဟောပြောပွဲ (သိုက်ထွန်းသက်၊ အော်ပီကျယ်) ကို ကြံ့ဖွတ်အစိုးရက ပိတ်ပင်ခဲ့သောကြောင့် ဓမ္မသာလခန်းမလာ ဟောပြောပွဲပရိသတ်များ ခန်းမရှေ့ရောက်မှ လှည့်ပြန်သွားရကြောင်း သိရသည်။
ယင်းစာပေဟောပြောပွဲမှာ ၂၀၁၁၊ နိုဝင်ဘာ ၁၁ ရက်ကတည်းက တစ်ည စာရေးဆရာ ၂ ယောက် (သို့မဟုတ်) ၃ ယောက်နှုန်းဖြင့် အထက်ပါ နေရာတွင် ကျင်းပခွင့်ရလာခဲ့သော်လည်း ယခု နိုဝင်ဘာ ၁၅ ရက် ည တွင်မှ ယခုလို ပိတ်ပင်ခံခဲ့ရသောကြောင့် စာပေဟောပြောပွဲပရိသတ်များ မချင့်မရဲဖြစ်ခဲ့ကြရသည် ဆို၏။

၎။
‎"Tomorrow 12 AM, old Masoerein campaign will take part in! Please forward" ဆိုသော Message စာသားများ မန္တလေးမှ လက်ကိုင်ဖုန်းကိုင်သူအချင်းချင်း ဖြန့်ဝေနေကြကြောင်း ကြားသိရပါသည်။

ညိုကြီး
သတင်းရေးချိန် - 9:30 PM, 2011, Nov 15
မြန်မာပြည်ငြိမ်းချမ်းရေး မန္တလေးသံဃာ ဟောပြောခွင့်ရ
2011-11-15
မန္တလေးမြို့ မဟာမြတ်မုနိ ဘုရားဝင်းအတွင်း မဟာဗုဒ္ဓဝင် ဗိမာန်တော်ကြီးမှာ သံဃာတော် ၅ ပါး ဒီကနေ့ မနက်က စပြီး ငြိမ်းချမ်းရေးနဲ့ တရားမျှတရေး အတွက် ဟောပြော ဆန္ဒပြခဲ့ ကြပါတယ်။


Photo/Burma VJ Media Network
မန္တလေးမြို့ မဟာမြတ်မုနိ ဘုရားဝင်းအတွင်း မဟာဗုဒ္ဓဝင် ဗိမ္မာန်တော်ကြီးမှာ သံဃာတော် (၅)ပါးက ၂၀၁၁ ခုနှစ် နိုဝင်ဘာလ ၁၅ ရက်နေ့ မနက်မှစပြီး ငြိမ်းချမ်းရေးနှင့် တရားမျှတရေးအတွက် ဟောပြောဆန္ဒပြခဲ့ကြစဉ်။ Photo/Burma VJ Media Network

ငြိမ်းချမ်းရေး ဟောပြောရာမှာ ဆရာတော် ဦးသောပါက က ဟင်္သာတ ထောင်မှာ ကျခံနေရတဲ့ အရှင်ဦးခေမိန္ဒ ကျန်းမာရေး အခြေအနေ ဆိုးနေကြောင်း ထည့်သွင်း ဟောပြောခဲ့ပါတယ်။ သံဃာတော်တွေရဲ့ ငြိမ်းချမ်းရေး ဆန္ဒပြ ဟောပြောပွဲကို မန္တလေးဒေသခံ ပြည်သူတွေ ရာနဲ့ချီ စုရုံး နားထောင်ခဲ့ကြပါတယ်။ ကိုယ်တိုင် တက်ရောက် နားထောင်နေတဲ့ မန္တလေးတိုင်း အမျိုးသားဒီမိုကရေစီအဖွဲ့ချုပ် အဖွဲ့ဝင် ဦးကိုကိုကြီးကတော့ သံဃာတော်တွေဟာ ဆန္ဒပြနေတာ မဆိုနိုင်ကြောင်း၊ ငြိမ်းချမ်းရေးအတွက် ဆောင်ရွက် နေကြတာသာ ဖြစ်ကြောင်း ပြောပါတယ်။ ဟောပြောခဲ့ကြတဲ့ သံဃာတော်တွေက ထိန်းသိမ်းခံထားရတဲ့ သံဃာတော်တွေနဲ့ နိုင်ငံရေး အကျဉ်းသား အားလုံးကို ခြွင်းချက်မရှိ လွှတ်ပေးဖို့၊ တိုင်းရင်းသား ဒေသတွေမှာ ဖြစ်နေတဲ့ လက်နက်ကိုင် ပဋိပက္ခ တိုက်ပွဲတွေကို ချက်ချင်း ရပ်ဆိုင်းပြီး အားလုံးပါဝင်တဲ့ စစ်မှန်တဲ့ ငြိမ်းချမ်းရေး လုပ်ငန်း အမြန်ဆုံး ဆောင်ရွက်ဖို့နဲ့ သံဃာတော်တွေနဲ့ စာပေပညာရှင်တွေအပေါ် ဟောပြောခွင့် ပိတ်ပင် တားဆီးတာတွေကို ရုပ်သိမ်းဖို့ တောင်းဆို ခဲ့ကြပါတယ်။ ဒါ့အပြင် သမ္မတကြီးဦးသိန်းစိန် အနေနဲ့ ပြည်သူလူထု တစ်ရပ်လုံးရဲ့ အကျိုးအတွက် စစ်မှန်တဲ့ အပြောင်းအလဲတွေကို လက်တွေ့ကျကျ အကောင်အထည်ဖော် ဆောင်ရွက်ဖို့ကိုလည်း တိုက်တွန်းတော် မူခဲ့ကြပါတယ်။ နေ့လယ်ပိုင်းမှာတော့ မဟာဗုဒ္ဓဝင် ဗိမာန်အတွင်းကနေ ပြောင်းရွှေ့ပေးဖို့ အာဏာပိုင်တွေနဲ့ မန္တလေးတိုင်း သံဃာ့မဟာနာယက ဆရာတော်တွေ လာရောက် ညှိနှိုင်းခဲ့ကြတယ်လို့ သိရပါတယ်။ အဲဒီနောက် သံဃာတော် ၅ ပါးကို မစိုးရိမ်တိုက်ဟောင်း ဆရာတော်ကြီးက မိမိကျောင်းတိုက်ဝင်းအတွင်း သုသာန်ကျောင်းမှာ ဟောပြောခွင့် ပြုခဲ့ပါတယ်။ ဆန္ဒပြ သံဃာတွေနဲ့ ဆရာတော်ကြီးတွေ ဆက်လက် ဆွေးနွေး ညှိနှိုင်းနေကြပြီး ကျောင်းတိုက်ဝင်း အတွင်းမှာ လူထုနဲ့ သံဃာတော်တွေ စုဝေးစောင့်ဆိုင်း နေတယ်လို့ ဆိုပါတယ်။ နောက်ဆုံးရရှိတဲ့ သတင်းတွေအရ ဆွေးနွေးညှိနှိုင်းအပြီးမှာ ဆန္ဒပြ သံဃာတွေကို ငြိမ်းချမ်းစွာ ဟောပြောဖို့ ၃ ရက် ခွင့်ပြုလိုက်ပြီး မနက်ဖြန် မွန်းလွဲ တစ်နာရီ မစိုးရိမ် တိုက်ဟောင်းမှာ ဟောပြောပွဲ ကျင်းပမယ်လို့ သိရပါတယ်။ အခုအချိန်အထိ အဖမ်းအဆီး သတင်းမရသေးပါ။
http://www.rfa.org/burmese/news/mdy-monks-11152011095115.html


မန္တလေးတွင် သံဃာတော် ၅ ပါး ငြိမ်းချမ်းစွာ ဆန္ဒပြ

By featured, ဇာနည်မာန် on November 15, 2011 6:32 pm

မန္တလေးမြို့ မဟာမြတ်မုနိဘုရားကြီးရှိ ဗုဒ္ဓ၀င်ပြတိုက်တွင် သံဃာ၅ ပါးက ငြိမ်းချမ်းရေးနှင့် ဒီမိုကရေစီရေး အတွက် ယနေ့နံနက်ပိုင်း မှ စတင်၍ ဆန္ဒပြတောင်းဆိုသည်။


ယနေ့ သံဃာတော်များ ဆန္ဒပြရာ မန္တလေး မဟာမြတ်မုနိ ဘုရားဝင်းရှိ မဟာ ဗုဒ္ဓ၀င် ဗိမာန်

ဆန္ဒပြ သံဃာတော်များက နိုင်ငံရေး အကျဉ်းသားများကို ခြွင်းချက်မရှိ ချက်ချင်း လွှတ်ပေးရန်၊ သံဃာတော်များကို လွတ်လပ်စွာ တရားဟောပြောခွင့်ပေးရန်၊ ကချင်ပြည်စစ်ပွဲများနှင့် ပတ်သက်ပြီး တိုင်းရင်းသား လက်နက်ကိုင်အဖွဲ့များနှင့် တွေ့ဆုံဆွေးနွေးရန်တို့ကို တောင်းဆိုဆန္ဒပြခြင်း ဖြစ်ကြောင်း၊ ဆရာတော်ကြီးများ လာရောက်ရာတွင် တောင်းဆိုချက်များပါဝင်သည့် စာရွက်ကိုလက်မှတ် ထိုး ၍ သက်ဆိုင်ရာကို တင်ပြပေးရန် ပေးအပ်လိုက်ကြောင်း ဆန္ဒပြနေသည့် သံဃာတော် အရှင်သောပါက က ဧရာဝတီသို့ မိန့်သည်။

ယခုကဲ့သို့ သံဃာတော်များ ဆန္ဒပြခြင်းသည် ၂၀၀၇ စက်တင်ဘာ သံဃာ့လှုပ်ရှားမှုနောက်ပိုင်းနှင့် အစိုးရသစ် လက်ထက်တွင် ပထမဆုံးအကြိမ် ဖြစ်သည်။

“နိုင်ငံရေးအကျဉ်းသားတွေကို လွှတ်ပေးနေတယ် ဆိုပေမယ့် အကျဉ်းကျနေတဲ့ သံဃာတော်တွေနဲ့ အခြားအခြားသော နိုင်ငံရေး အကျဉ်းသားတွေ အများကြီး ကျန်နေသေးတယ်။ သူတို့တွေကို ခြွင်းချက်မရှိ ချက်ချင်းလွှတ်ပေးဖို့၊ မြန်မာပြည် ငြိမ်းချမ်းရေး အတွက် ပြည်တွင်းစစ်တွေ ရပ်စဲဖို့ တောင်းဆိုတာပါ”ဟု အဆိုပါ သံဃာတော်က မိန့်ကြားသည်။

မကြာသေးမီက သမ္မတ ဦးသိန်းစိန်၏ လွတ်ငြိမ်းချမ်းသာခွင့် အမိန့်နှင့် လွှတ်ပေးခဲ့ရာတွင် နိုင်ငံရေးအကျဉ်းသား၂၀၀ ကျော်သာ ပါဝင်မှုကို သံဃာတော်များက ထောက်ပြဝေဖန်ပြီး တိုင်းပြည်တွင်း အမှန်တကယ် ပြောင်းလဲမှုကို လိုလားပါက နိုင်ငံရေးအကျဉ်းသား အားလုံး ခြွင်းချက်မရှိ လွှတ်ပေးရမည်ဟု သံဃာတော်များက မိန့်သည်။

ဆန္ဒပြ သံဃာများက “မြန်မာပြည် ငြိမ်းချမ်းပါစေ”၊ “ပြည်တွင်းစစ် ချက်ချင်းရပ်” “နိုင်ငံရေးအကျဉ်းသားများကို ချက်ချင်းလွှတ်” စသည့် ပိုစတာများကို ချိတ်ဆွဲထားပြီး ဆန္ဒပြရသည့် အကြောင်းရင်းများကိုလည်း အသံချဲ့စက်မှ မိန့်ကြားခဲ့ကြသည်။

အဆိုပါ ဆန္ဒပြနေသည့်ဗိမာန်ကို သက်ဆိုင်ရာက လျှပ်စစ်မီးများဖြတ်တောက်လိုက်ပြီး မဟာမြတ်မုနိ ဘုရားကြီး ပရ၀ုဏ်အတွင်း တွင်လည်း လုံခြုံရေးများ ချထားကြောင်း၊ လာရောက်ကြည့်ရှုသူ ပရိသတ်ထောင်ကျော်ရှိပြီး ဆန္ဒပြ သံဃာတော်များအတွက် အစားအသောက်၊ ရေနှင့် မီးစက်အသုံးပြုနိုင်ရန် ဓာတ်ဆီတို့ကို လှူဒါန်းနေကြသည်ဟု မန္တလေးမြို့ခံများက ပြောသည်။

မန္တလေးမြို့ မစိုးရိမ်ကျောင်းတိုက်မှ ဆရာတော် ရာဇဓမ္မာဘိဝံသ အစရှိသည့် ဆရာတော်ကြီးများကလည်း ဆန္ဒပြသံဃာတော်များနှင့် လာရောက်ဆွေးနွေးပြောဆိုမှုများ ပြုလုပ်ကြသည်။

နောက်ဆုံး သတင်းများအရ ဆန္ဒပြ သံဃာများသည် မစိုးရိမ်ဆရာတော်နှင့် ညှိနှိုင်းချက်အရ မန္တလေး မဟာမြတ်မုနိဘုရားကြီး မှ မစိုးရိမ်ကျောင်းတိုက်(တိုက်ဟောင်း)သို့ ရွှေ့ပြောင်း၍ ဆန္ဒပြမှုများ ဆက်လက်ပြုလုပ်မည်ဟု သိရသည်။

“မစိုးရိမ် ဆရာတော် ရာဇဓမ္မာဘိဝံသနဲ့ ဆရာတော်တွေနဲ့ ညှိနှိုင်းမှုအရ ဦးပဉ္ဇင်းတို့ မစိုးရိမ်ကျောင်းတိုက်ကို ကြွမယ်။ ဆရာတော် က အဲ့ဒီမှာ ဆက်ပြီးတော့ လှုပ်ရှားခွင့်ပေးတယ်။ ဦးပဉ္ဇင်းတို့ တောင်းဆိုတာတွေ မရမချင်း ဆက်လုပ်မယ်”ဟု တခြားသော ဆန္ဒပြ သံဃာ အရှင် ဇောတိပါလ က မိန့်ကြားသည်။

ယခု ဆန္ဒပြမှုတွင်ပါဝင်သည့် အရှင် သောပါကသည် ဂျာမနီနိုင်ငံတွင် နိုင်ငံရေးခိုလှုံခွင့်ရထားပြီး မကြာသေးမီကအထိ ပြည်ပတွင် အခြေစိုက် သီတင်းသုံး နေထိုင်သည့် သံဃာတပါးဖြစ်ကြောင်း သိရသည်။
http://burma.irrawaddy.org/archives/2329

မန္တလေးဆန္ဒပြသံဃာများ တရားဟောခွင့် သုံးရက်ရ
Tuesday, November 15, 2011 Sithu Linn
ဆန္ဒထုတ်ဖော်ပြခဲ့သော ဦးဇဉ်းငါးပါးတောင်းဆိုသော အချက် ၃ ချက်အား သဘောတူခဲ့ကြောင်း သိရ
by Myit Makha Media
ဝင့်သင်ဇာကျော် (မြစ်မခ)
နိုဝင်ဘာ ၁၅၊ ရန်ကုန်မြို့။

မန္တလေးတိုင်းဒေသကြီးရှိ မဟာဗုဒ္ဓ၀င်ပြတိုက်အတွင်း ဆန္ဒထုတ်ဖော်ခဲ့ကြသော ဦးဇဉ်းငါးပါးနှင့် နိုင်ငံတော်သံဃာနာရယအဖွဲ့ ၊ တိုင်းသံဃာနာရက အဖွဲ့တို့ ညနေ၆နာရီဝန်းကျင်တွင် တွေ့ဆုံညှို့နှိုင်းခဲ့ရာ ဦးဇဉ်းငါးပါးတောင်းဆိုခဲ့သော အချက်များကို လက်ခံသဘောတူခဲ့သော်လည်း မဟာဗုဒ္ဓ၀င်ပြတိုက်မှ မစိုးရိမ်ကျောင်းတိုက်သို့ ပြောင်းရွှေ့ခိုင်းခဲ့ကြောင်း စုံစမ်းသိရှိရသည်။
မစိုးရိမ်ကျောင်းတိုက်သို့ ပြောင်းရွှေ့ခိုင်းခဲ့ကြောင်းသိရသည်။

“ညနေပိုင်းလောက်က နိုင်ငံတော်သံဃာနာယက အဖွဲ့ရယ် တိုင်းသံဃာနာယက အဖွဲ့ရယ်လာပြီး ကျောင်းထဲဝင်သွားတယ် ဆွေးနွေးတယ်ပေါ့ဗျာ နောက်အဲ့က ဦးဇဉ်းပြောတယ် သူတို့တောင်းဆိုထားတဲ့ အချက်သုံးချက်ကို သဘောတူပါတယ် လက်ခံတယ်ပေါ့ ဒါကြောင့် တရားဟောခွင့်သုံးရက်ပေးမယ်တဲ့ တစ်ရက်ကို တစ်နာရီပေးမယ်ဆိုတာ ရတဲ့အကြောင်းပေါ့” ဟု မန္တလေးမြို့ရှိ မန္တလေးတိုင်းဒေသကြီးအတွင်း၊ ဆန္ဒဖော်ထုတ်ခဲ့သော သံင်္ယာများနှင့် နီးစပ်သော ဒေသခံတစ်ဦးက ပြောသည်။

နိုင်ငံတော်သံဃာနာယက အဖွဲ့နှင့် တိုင်းသံဃာနာယက အဖွဲ့တို့၏ သဘောတူလက်ခံချက်ကြောင့် မဟာဗုဒ္ဓ၀င်ဗိမ္မာန်တော်အတွင်းတွင် ဆန္ဒထုတ်ဖော်ပြခဲ့သော ဦးဇဉ်းငါးပါးမှ နိုင်ငံရေး အကျဉ်းသားများ ချက်ချင်းလွှတ်ပေးရန်နှင့် ပြည်တွင်းစစ်ချက်ချင်းရပ်ပေးရန်ဟူသော ကိစ္စများနှင့်ပတ်သက်၍ တရားဟော ပြောမည်ဖြစ်ကြောင်း မန္တလေးတိုင်းဒေသကြီးအတွင်း၊ ဆန္ဒဖော်ထုတ်ခဲ့သော သံင်္ယာများနှင့် နီးစပ်သော ဒေသခံများအား ဆက်သွယ်မေးမြန်းချက်အရ သိရှိရသည်။

နိုင်ငံတော်သံဃာနာရကအဖွဲ့ ၊ တိုင်းသံဃာနာရက အဖွဲ့တို့နှင့် မဟာဗုဒ္ဓ၀င်ဗိမ္မာန်တော်ကြီးအတွင်းတွင် ဆန္ဒထုတ်ဖော်ခဲ့ကြသော ဦးဇဉ်းငါးပါးတို့တွေ့ဆုံဆွေးနွေးပြီးနောက် ၃၆ လမ်းနှင့် ၃၇ လမ်းကြား၊ မစိုးရိမ်တိုက်ဟောင်းတွင် တရားဟောခွင့် သုံးရက် ခွင့်ပြုလိုက်ကြောင်းသိရှိရသည်။

နဂိုဆန္ဒပြရာနေရာဖြစ်သော မဟာဗုဒ္ဓ၀င်ဗိမ္မာန်တော်သည် လူအများရှိနေသောကြောင့် ပြည်သူများသွားရာတွင် အခက်အခဲရှိနိုင်ကြောင်းကို ကျောင်းထိုင်ဘုန်းကြီးမှ မိန့်တော်မူသောကြောင့် ဦးဇဉ်းငါးပါးအား နေ၇ာပြောင်းရွေ့ခိုင်းကြောင်း သိရှိရသည်။

“ မစိုးရိမ်တိုက်ဟောင်းကို ညနေ ၆နာရီဝန်းကျင်လောက်ကတည်းက အပြီးပြောင်းခိုင်းတာ အသံချဲ့စက်တွေလည်း ဦးဇဉ်းတွေယူသွားကြတယ် သုံးရက် တရားဟောခွင့်ပေးမယ်ဆိုတော့လေ မနက်ဖြန်ကို နေ့လည် ၁နာရီကနေ ၂နာရီအထိ အဲ့နိုင်ငံရေးအကျဉ်းသားနဲ့ ပတ်သက်တဲ့ ကိစ္စတွေကို တရားဟောမယ်လို့ကြားတယ် သုံးရက်ရတယ်ဆိုတော့ မနက်ဖြန်မှာ စာရွက်တွေကမ်းဖို့လည်း တစ်ချို့လူတွေ ပြင်ဆင်နေကြပြီ “ ဟု ချမ်းအေးသာစံရပ်ကွက်တွင် နေထိုင်သူ တစ်ဦးက ပြောသည်။

တရားဟောခွင့် သုံးရက်ပေးခဲ့သော်လည်း အဆိုပါ သုံးရက်အတွင်း ဖြေရှင်းပေးခြင်း တစ်စုံတစ်ရာမျှ မရှိပါက ဆက်လက် ဆန္ဒထုတ်ဖော်သွားရန် အစီအစဉ်ရှိကြောင်းကိုလည်း ယနေ့ညနေအချိန်တွင် အဆိုပါဦးဇဉ်းများမှ ကြေငြာခဲ့ကြောင်းသိရှိရသည်။







ဓာတ်ပုံများ- Burma VJ Media Network

မန္တလေး သံဃာတော်များ သပိတ်မှောက် ဗီဒီယိုအတိုလေး
Tuesday, November 15, 2011 သားကြီး

နိုဝင်ဘာ ၁၅၊ ၂၀၁၁ နံနက် ၅ နာရီကျော်ခန့်မှ စတင်ပြီး မန္တလေး၊ မဟာမြတ်မုနိဘုရားကြီး၊ မဟာဗုဒ္ဓ၀င်ဗိမာန်တော်ကြီးတွင် သံဃာတော်ငါးပါးဦးဆောင်ကာ သပိတ်မှောက်လျက်ရှိသည်။
တောင်းဆိုချက်များကို ဗိမာန်တော်ကြီးအရှေ့ဖက်(လိပ်ကန်ဘက်ခြမ်း)တွင် ချိတ်ဆွဲထားပြီး ၄င်းတို့မှာ-
၁။ မြန်မာပြည်အမြန်ငြိမ်းချမ်းပါစေ (Peace Here Right Now)
၂။ နိုင်ငံရေးအကျဉ်းသားများ ချက်ချင်းလွှတ် (Free All Political Prisoners)
၃။ လွတ်လပ်မှုကိုပေးပါ (We Want Freedom)
၎။ ပြည်တွင်းစစ် ချက်ချင်းရပ် (Stop Civil War Now)
တို့ဖြစ်သည်။

အဆိုပါသံဃာတော်များကို သိန်းစိန်အစိုးရတာဝန်ရှိသူများက မန္တလေးမြို့မှ မစိုးရိမ်ဆရာတော် ဦးရာဇဓမ္မာဘိဝံသအစရှိသည့် ဆရာတော်ကြီးများကို ကြားခံထားကာ တွေ့ဆုံဆွေးနွေးလျက်ရှိသည်။

သပိတ်မှောက်သံဃာတော်များက ၄င်းတို့တောင်းဆိုထားသော အချက်များမရမချင်း ထိုဗိမာန်ထဲတွင်သာ ဆက်လက်နေထိုင်တောင်းဆိုသွားမည်ဖြစ်ကြောင်းသိရသည်။
အဆိုပါသံဃာတော်များသည် ၄င်းတို့နှင့်အတူ ရေ၊ ဆန်၊ စားစရာအချို့၊ ထမင်းပေါင်းအိုး၊ မီးစက်များကအစ တစ်ပါတည်းယူဆောင်ထားပြီး သံဃာတော်များ သပိတ်မှောက်သည်ကို လာရောက်အားပေးသော မန္တလေးလူထုကြီးကလည်း ဆရာတော်များလိုအပ်သည်ကို (ဓာတ်ဆီ(မီးစက်အတွက်)၊ စားစရာ၊ ရေစသဖြင့်) လှူဒါန်းလျက်ရှိပါသည်။

(နောက်ဆုံးကြားသိရသော သတင်းအရ ယနေ့ နေ့လည် ၁ နာရီ ၁၅ မိနစ်တွင် ဒေါ်အောင်ဆန်းစုကြည်နှင့်ပါ ဖုန်းနှင့်တိုက်ရိုက်ဆွေးနွေးမည်ဖြစ်ကြောင်း ကြားသိရပါသည်။)

ဦးဆောင်ဆရာတော်အမည်မှာ (အထက်ပါ Video ထဲက ဟောပြောသည့် ဆရာတော်အမည်မှာ) ဦးသောပါက ဖြစ်ပါသည်။

ညိုကြီး (www.facebook.com/nyogyi) မှ ကူးယူဖော်ပြသည်။


မန္တလေးသံဃာဆန္ဒပြမှု နောက်ဆက်တွဲ
Tuesday, November 15, 2011 zarny win





Mandalay Breeze ရဲ့ ဖေ့စ်ဘုတ်မှာ တွေ့ရတဲ့ အချက်အလက်နဲ့ ဓာတ်ပုံများ

နေ့လည် (၁၂) နာရီတွင် ခေတ္တ ရပ်ဆိုင်းထားပြီး နေ့လယ် ၁ နာရီ ၁၅ တွင် ပြန်လည် စတင်မည်ဖြစ်သည်..။

နေ့လယ်ပိုင်းတွင် ဆန္ဒပြ သံဃာတော်များက ဒေါ်အောင်ဆန်းစုကြည်နှင့် ဖုန်းဆက် ဆွေးနွေးပြီး ဆွေးနွေးမှု ရလဒ်များကို ထုတ်ပြန်သွားမည်ဖြစ်သည်..။

သံဃာ့ နာယက ဆရာတော်ဘုရားများနှင့် သက်ဆိုင်ရာ တာဝန်ရှိသူများမှာလည်း ညှိနှိုင်း ဆွေးနွေးလျက်ရှိပြီး ဆွေးနွေးမှုမှာ နေ့လည် (၃)နာရီတွင် ပြီးစီးမည်ဖြစ်သည်။ မဟာမုနိဘုရားဝင်းအတွင်း ဆန္ဒပြမှု ဆက်လက်ဖြစ်မဖြစ်ကို အဆိုပါ ဆွေးနွေးပွဲ ရလဒ် အရ ပြောင်းလဲနိုင်ကြောင်း သိရသည်။
http://www.irrawaddyblog.com/


video


မန္တလေးဆန္ဒပြ သံဃာတော်များ နေရာပြောင်း၊ ဟောပြောမှု ဆက်လုပ်မည်ဆို

ကိုဝိုင်း | အင်္ဂါနေ့၊ နိုဝင်ဘာလ ၁၅ ရက် ၂၀၁၁ ခုနှစ် ၁၁ နာရီ ၃၀ မိနစ်

ချင်းမိုင် (မဇ္ဈိမ) ။ ။ မစိုးရိမ်တိုက်ဟောင်း အတွင်းသို့ ညနေပိုင်းတွင် ပြောင်းရွှေ့သွားခဲ့သော နိုင်ငံရေး အကျဉ်းသားများ လွှတ်ပေးရေးနှင့် ပြည်တွင်းစစ် ရပ်စဲရေး ဆန္ဒပြတောင်းဆိုသော သံဃာတော်ငါးပါးက ဗုဒ္ဓဟူးနေ့ တွင် ဟောပြောမှု ဆက်လက် လုပ်ဆောင်မည်ဟု ပရိတ်သတ်ကို ကြေညာသွားခဲ့သည်။

ဆန္ဒပြသံဃာများဖြစ်သည့် ဦးသောပါက၊ ဦးမာဃ၊ ဦးစန္ဒိမာ၊ ဦးဘိန္ဓောလ၊ ဦးဇောတိပါလ တို့နှင့် မန္တလေးတိုင်း သံဃာ့မဟာနာယက ဥက္ကဋ္ဌဆရာတော်ကြီး၊ မြို့နယ်/တိုင်း အာဏာပိုင်များအကြား ညှိနှိုင်းပြီးနောက် မန္တလေးမြို့ မဟာမြတ်မုနိ ဘုရားဝင်းအတွင်းရှိ မဟာဗုဒ္ဓဝင်ဗိမ္မာန်မှ မစိုးရိမ်ကျောင်းတိုက်ဟောင်းသို့ ပြောင်းရွှေ့ဟောပြောခွင့် ရသွားသည်။

တောင်းဆိုချက်များကို နိုင်ငံတော်သံဃာ့ မဟာနာယကashinsopaka
အထိ အဆင့်ဆင့် တင်ပြသွားမည်ဟု ဥက္ကဋ္ဌဆရာတော်
ထံမှ ကတိရ ခဲ့သည်ဟု ဒေသခံများက ပြောသည်။

“မနက်ဖြန်ကို တနာရီကိုစမယ်လို့ ချိန်းထားတယ်။
ကျောင်းထဲ မှာပဲ ပြောစရာရှိတာကို ပြည်သူကိုပြောပါ။ ငြိမ်းငြိမ်းချမ်းချမ်း ဖြစ်ဖို့ကိုတော့ ဆရာတော်ကြီးတွေက အထူးမေတ္တာရပ်ခံတယ်။” ဟု မြို့ခံတဦးက ပြောသည်။

ဆန္ဒပြသံဃာများက မဟာအောင်မြေမြို့နယ်ထဲတွင်ပင် ရှိသော နေရာသစ်တွင် ရွှေ့ပြောင်း ဟောကြားမည်
ဆိုသဖြင့် လူပရိသတ် ၃၀၀ ကျော်က ကား၊ ဆိုင်ကယ်
များဖြင့် လိုက်ပါသွားခဲ့သေးသည်။ သို့သော် အာဏာပိုင်များနှင့် ဆက်လက် ညှိနှိုင်းကြပြီးနောက် ဟောပြောမှုကို မနက်ဖြန်တွင် ပြုလုပ်ရန် ရွှေ့ဆိုင်းလိုက်ခြင်း ဖြစ်သည်။

အင်္ဂါနေ့နံနက် ငါးနာရီကျော်က စတင်ပြီး မဟာဗုဒ္ဓဝင်ဗိမာန်တော် အပြင်ဘက်နံရံတွင် “နိုင်ငံရေး အကျဉ်းသားများ ချက်ချင်းလွှတ်”၊ “ပြည်တွင်းစစ် ချက်ချင်းရပ်”၊ “လွတ်လပ်မှုကို ပေးပါ” ဆိုသော စာတမ်းများ ချိတ်ဆွဲကာ ဗိမာန်တော်အတွင်း ဝင်ရောက် ဆန္ဒပြခဲ့သည်။ လက်ကိုင် အသံချဲ့စက်မှလည်း ဆန္ဒပြရခြင်းနှင့် တောင်းဆိုချက်များ ကို ဟောပြောမှုပြုလုပ်ရာ လာရောက်နားထောင်သူ ငါးရာနီးပါးပင် ရှိခဲ့သည်ဟု ဒေသခံများက ပြောသည်။

ဆန္ဒပြသံဃာတော်တို့က ရန်ကုန်ရှိ အတိုက်အခံခေါင်းဆောင် ဒေါ်အောင်ဆန်းစုကြည်နှင့် တယ်လီဖုန်းမှတဆင့် စကားပြောလိုသည်ဟု တောင်းခံခဲ့သော်လည်း ယခုသတင်းပေးပို့ချိန်အထိ အဆက်အသွယ် မရကြောင်း သိရသည်။

မန္တလေးရှိ သံဃာတော်များ အဆိုအရ ဦးသောပါကမှာ ဂျာမဏီနိုင်ငံတွင် နိုင်ငံရေး ခိုလှုံခွင့်ဖြင့် သီတင်းသုံးခဲ့သော ရဟန်းတပါးဖြစ်ပြီး ၂၀၀၇ ခုနှစ် မတ်လအတွင်း ထိုင်းနိုင်ငံ ဘန်ကောက်မြို့မှ နယ်စပ်မြို့ မဲဆောက်အထိ မြန်မာနိုင်ငံ ငြိမ်းချမ်းရေးအတွက် လမ်းလျှောက်ဆန္ဒပြခဲ့သူ ဖြစ်သည်။ ထိုင်းနိုင်ငံရှိ မြန်မာသံရုံးရှေ့တွင်လည်း အစာငတ်ခံ ဆန္ဒပြရာ ထိုင်းရဲများက တားဆီးခြင်း ခံရဖူးသည့် ဆရာတော်ဖြစ်သည်။

သမ္မတ ဦးသိန်းစိန်က မေလအတွင်း ထောင်ဒဏ် လျှော့ပေးရာတွင် သံဃာသုံးပါး၊ အောက်တိုဘာလ လွတ်ငြိမ်း ချမ်းသာခွင့်တွင် ၂၉ ပါး လွတ်မြောက်လာသော်လည်း မြန်မာနိုင်ငံအနှံ့ ထောင်များတွင် သံဃာတော် ၁၇၆ ပါး ဆက်လျက် အကျဉ်းကျနေသေးသည်ဟု နိုင်ငံရေး အကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) က ပြောသည်။
http://www.mizzimaburmese.com/news/inside-burma/8631-2011-11-15-05-02-14.html