“ ဘ၀ခရီးလမ်း ”
မာရသွန်ဆန်တဲ့ -----
ဘ၀လမ်းပေါ်ကဘ၀ကြမ်းများ
ရုန်းကန်မှုတွေနဲ့ အလွန်ပင်ပမ်း --- ။
တချို့သူတွေက ဘ၀ခရီးအတွက် -----
ဥာဏ်ပညာတွေနဲ့ ရင်နှီးကြတယ်
တချို့သူတွေက ဘ၀ခရီးအတွက်
မာယာတွေနဲ့ ရင်းနှီးကြတယ်
တချို့သူတွေက ဘ၀ခရီးအတွက်
--- တွေနဲ့ရင်းနှီးခဲ့ကြတယ် --- ။
လောကီသားတွေရဲ့ -----
မငြိမ်းချမ်းတဲ့အတိဒုက္ခတွေကို
ထာဝရဘုရားသခင်က
ဥပေက္ခာပြုထားလေရော့သလား !!!
အပြန်ပြန်အလှန်လှန်ကျုပ်ပြန်စဉ်
စဉ်းစားမရပါလား --- ခက်သား --- ။
ဒီကမ္ဘာမြေပေါ်မှာပေါ့ဗျာ -----
သေဖို့ထက် --- နေဖို့ခက်ခဲ့ပေမယ့်
ဘ၀ဆိုတာက ရုန်းကန်မှုတခုပေမို့
အင်အားတွေစိုက်ကာ
ရှေ့ကိုဆက်လှမ်းရအုံးမပေါ့ --- ။
ရောင်းရင်း --- မိတ်ဆွေ -----
အပေါင်းအသင်း --- သူငယ်ချင်းတို့ရေ
ကျုပ်တို့တတွေ
လက်ရှိဘ၀ကိုတိုးတက်ဖို့
ရိုင်းပင်းကူညီကာ
အဖြေမှန်တခုကို ရှာကြစို့ --- ။
အငြိုးကြီးလှတဲ့ ကံကြမ္မာရယ် -----
ဝဋ်ကြွေးတွေရှိခဲ့ရင်လည်း
ဒီမျှနဲ့ပဲ ကျေပါစေလေ
အပြစ်ရှိလို့လူလာဖြစ်တဲ့
လူသားတယောက်ရဲ့ဆုတောင်းစကား
ထာဝရဘုရားသခင်ကြားရင်
ကူညီဖေးမလေမလား
စဉ်းစားမရပါလား --- ခက်သား --- ။
လက်ရှိပဋိပက္ခတွေကိုဖြေရှင်းဖို့
ကယ်တင်ရှင်ကိုချည်းပဲအားမကိုးချ
သွေးချင်းညီသူတွေနဲ့ လက်တွဲ
တယောက်နဲ့ တယောက်
အပြန်အလှန်ဖေးမကာ ကူညီပါလို့
ဘ၀လမ်းခရီးကို ရဲရဲဆက်ချီမယ် --- ။
0 အကြံပြုခြင်း:
Post a Comment