Monday, October 26, 2009

26 Oct ဒိုင်ယာရီ



http://ifile.it/zlnexs7

http://www.scribd.com/doc/21667493/26-Oct-news


စာရေးဆရာ နီကိုရဲ ရန်ကုန်မြို့တွင် ကွယ်လွန်
October 26, 2009 • Leave a Comment

၂၆ အောက်တိုဘာ ရန်ကုန် ၊ ၊ဝီကလီ အလဲဗင်း သတင်းဂျာနယ်၏ အသစ်လွှင့်တင်ထားသော အင်တာနက်စာမျက်နှာမှ ကူးယူဖေါ်ပြထားသည်

Writer Ni Ko Yae Entered Into Rest On October 23

စာရေးဆရာ နီကိုရဲ ရန်ကုန်မြို့တွင် ကွယ်လွန် အချစ်နှင့် ဟာသစာပေများ ကို တစိုက်မတ်မတ် ရေးသားခဲ့သူ စာရေးဆရာနီကိုရဲသည် အောက်တို ဘာလ ၂၃ ရက်နေ့က ရန်ကုန်မြို့ လှိုင်သာယာမြို့နယ်ရှိ လုံမ္မနီဆေး ခန်းတွင် မွေးရာပါနှလုံးရောဂါဖြင့် ကွယ်လွန်ခဲ့ကြောင်း သတင်းရရှိပါ သည်။

နီကိုရဲ ကွယ်လွန်ချိန်တွင် အသက် (၄၃) နှစ်ရှိပြီးဖြစ်ပြီး သူ ၏ဈာပနကို အောက်တိုဘာလ ၂၇ ရက်နေ့တွင် ရန်ကုန်မြို့ ရေဝေး သုသာန်၌ သဂြုင်္ိဟ်မည်ဖြစ်ပြီး သင်္ဂြိုဟ်မည့်နာရီကိုမူ တိကျစွာ မသိရှိရသေးကြောင်း သူ၏မိသားစု ဝင်များထံမှ သိရသည်။ နီကိုရဲကို ၁၉၆၆ ခုနှစ် နိုဝင် ဘာလ ၂ ရက်နေ့တွင် ဖခင်ဦးတင် ဝင်းနှင့်မိခင်ဒေါ်မြကြင်တို့က ရန်ကုန် မြို့တွင် သားဦးအဖြစ် မွေးဖွားခဲ့သည်။

နီကိုရဲ၏ နာမည်ရင်းမှာရဲဝင်းဖြစ်ပြီး B.Sc(Bot) ဘွဲ့ရရှိထားသူဖြစ်သည်။ သူသည် ၁၉၉၉ ခုနှစ်တွင် မနိုင်နိုင် ဝင်းနှင့်လက်ထပ်ခဲ့ပြီး ခုနစ်နှစ်အ ရွယ် Talking Man ခေါ် လင်းမြတ် ဆိုသူ သားတစ်ယောက် ရှိကြောင်း သိရသည်။ နီကိုရဲသည် တက္ကသိုလ် ကျောင်းသားဘဝမှ စတင်ကာ နတ် ရွာမိုးဟူသော ကလောင်အမည်ဖြင့် ကဗျာများ၊ ဝတ္ထုတိုများကို စတင် ရေးသားခဲ့သည်။ ယင်းနောက် ကြောင်နှစ်ကောင်စာပေတိုက်မှ ‘လမင်းလိုက်မုဆိုး’ဝတ္ထုကို စတင်ဖြန့်ချိခဲ့ သည်။ အဆိုပါဝတ္ထုသည် စာရေး ဆရာနီကိုရဲ၏ အောင်မြင်သော ဝတ္ထု ဖြစ်ခဲ့သည်။ နီကိုရဲကွယ်လွန်ချိန်တွင် လုံးချင်းဝတ္ထု ၃ဝ ဝန်းကျင်နှင့်ဝတ္ထု တိုခြောက်အုပ်ဝန်းကျင် ထွက်ရှိထား ပြီးဖြစ်သည်။

၎င်းရေးသားခဲ့သော ဝတ္ထုများအနက် မကြည်ပြာ၊ နှလုံး သားထဲကြွက်ဝင်နေသည်၊ နှင်းဆီစီး ချင်း၊ က္ဆွန်တော်နှင့်ရိုက်ကွင်းပေါ် ကအလွဲများ၊ နဂ္ဂတစ်များ၊ စိတ် အိုင်ပက်သူ အပါအဝင်သူရေးသား ခဲ့သော စာအုပ်အများစုသည် ပရိ သတ်အကြားအောင်မြင်မှုရရှိခဲ့ပြီး ‘ကြည်ပြာရောင်နဂ္ဂတစ်များ’၊ စိတ် အိုင်ပက်သူကို ပြန်လည်ရိုက်ကူး ထားသည့် ‘ချစ်ခြင်းရင်ခုန်ယုံ ကြည်စွာဖြင့်’ဇာတ်ကားများသည် ပရိသတ်များအကြားအောင်မြင်မှုရရှိ ခဲ့သည်။ ထို့အပြင် ‘ချဲဝှီး’ ဇာတ် ကားကိုလည်း ယခုနှစ်အတွင်း ရန်ကုန်မြို့ရှိ မြို့ပတ်ရုပ်ရှင်ရုံများ တွင် ရုံတင်ပြသခဲ့သည်။

'က္ဆွန်တော့်အပေါ်မှာလည်း သူ့အရိပ်တွေအများကြီးရှိပါတယ်။ သူကွယ်လွန်ခြင်းအတွက် များစွာစိတ်မကောင်းဖြစ်မိပါတယ်' ဟုစာရေး ဆရာအကြည်တော်ကဆိုပါသည်။

နီကိုရဲမကွယ်လွန်မီ ရေးသားခဲ့သော လုံးချင်းဝတ္ထုသုံးအုပ်နှင့် ဝတ္ထုတို လေးအုပ်ကိုကြောင်နှစ်ကောင်စာ ပေမှထွက်ရှိရန်ရှိကြောင်းသိရသည်။








အမျိုးသားပြန်လည်သင့်မြတ်ရေးတွင် ဒေါ်စုပါဝင်နိုင်ဟု
ဗိုလ်ချုပ်ကြီးသိန်းစိန် ပြောကြား
NEJ / ၂၆ အောက်တိုဘာ ၂ဝဝ၉
line


နေအိမ်အကျယ်ချုပ်ကျနေသည့် ဒေါ်အောင်ဆန်းစုကြည်အနေဖြင့် အမျိုသားပြန်လည်ရင်ကြားစေ့ရေးဖြစ်စဉ်တွင် ပါဝင်ဆောင်ရွက်နိုင်ကြောင်း မြန်မာဝန်ကြီးချုပ် ဗိုလ်ချုပ်ကြီးသိန်းစိန်က အာဆီယံခေါင်းဆောင်များကို ပြောဆိုခဲ့ကြောင်း ထိုင်းဝန်ကြီးချုပ်က သတင်းထောက်များကို ပြောကြားလိုက်သည်။

ဗိုလ်ချုပ်ကြီးသိန်းစိန်က ထိုင်းနိုင်ငံ ဟွာဟင် အပန်းဖြေကမ်းခြေမြို့၌ ကျင်းပခဲ့သည့် (၁၅) ကြိမ်မြောက် အာဆီယံ ထိပ်သီးအစည်းအဝေးတွင် ပြောကြားခဲ့ခြင်းဖြစ်သည်။

သို့သော် ယင်းပြောဆိုချက်သည် ၂ဝ၁ဝ ရွေးကောက်ပွဲတွင် ဒေါ်အောင်ဆန်းစုကြည်ကို ပါဝင်ခွင့်ပြုမည့်သဘော ဟုတ်မဟုတ်ဆိုသည်ကိုမူ ပွင့်ပွင့်လင်းလင်း ပြောဆိုခြင်းမရှိဟု ထိုင်းဝန်ကြီးချုပ် အဖိဆစ်က ယမန်နေ့၌ ပြောကြားသည်။


ကမ္ဘာ့နိုင်ငံများက မြန်မာနိုင်ငံနှင့်ပူးပေါင်းဆောင်ရွက်လိုသည့် လက္ခဏာများ ပြသခဲ့သည့်အတွက် သူ့အနေဖြင့် ကြိုဆိုကြောင်းလည်း ဗိုလ်ချုပ်ကြီးသိန်းစိန်က ပြောဆိုခဲ့ကြောင်း မစ္စတာအဖိဆစ်က ပြောသည်။

မြန်မာနိုင်ငံတွင် ရှေ့နှစ်ထဲ ပြုလုပ်မည့် ရွေးကောက်ပွဲကို အတတ်နိုင်ဆုံးအားလုံးပါဝင်သည့် ရွေးကောက်ပွဲအဖြစ် ကမ္ဘာ့နိုင်ငံအများက မြင်တွေ့လိုကြောင်း မျှော်လင့်ချက်ထားနေမှုကိုလည်း မြန်မာဝန်ကြီးအနေဖြင့် နားလည်အသိအမှတ် ပြုကြောင်း မစ္စတာအဖိဆစ်က ပြောကြားသည်။

ယင်းသို့ မြန်မာဝန်ကြီးချုပ်၏ ပြောကြားချက်နှင့် ပတ်သတ်၍ ပြည်ထောင်စုမြန်မာနိုင်ငံအမျိုးသားကောင်စီ အတွင်းရေးမဋ္ဌး အဖွဲ့ဝင်ဖြစ်သူ ခွန်မြင့်ထွန်းက 'ဗိုလ်ချုပ်ကြီးသိန်းစိန်ပြောတာက အမျိုးသားပြန်လည်သင့်မြတ်ရေးအစီအစဉ်မှာ ဒေါ်စုပါနိုင် တယ်လို့ပြောတာ။ အဓိပ္ပာယ်က ဒေါ်စုပါဝင်နိုင်အောင်လို့ နအဖကနေ စီစဉ်ဆောင်ရွက်ပေးနေပါပြီလို့ ပြောတာမဟုတ်ဘူး။ ဒီနှစ်ခုကွာခြားတယ်။ ကျနော်တို့လိုချင်တာက အမျိုးသားပြန်လည်သင့်မြတ်ရေးအစီအစဉ်အတွက် ဒေါ်စုပါဝင်ဆောင်ရွက်နိုင်အောင် နအဖက စီစဉ်ဆောင်ရွက်နေပါပြီလို့ ပြောရမှာဖြစ်တယ်' ဟု ဆိုသည်။

ယခုကဲ့သို့ မြန်မာဝန်ကြီးချုပ် ပြောဆိုမှုစကား၏ နောက်ဆက်တွဲအနေဖြင့် ကြိုတင်ကတိကဝတ် စည်းမျဉ်းများ လာလိမ့်မည်ဟု ထင်မြင်ကြောင်း ခွန်မြင့်ထွန်းက ဆက်လက်ပြောသည်။

၎င်းက 'ဒီအစီအစဉ်မှာ ဒေါ်စုပါနိုင်တယ်ဆိုရင် ပါနိုင်ဖို့အတွက် အခင်းအကျင်းတွေကို နအဖက စီစဉ်ဆောင်ရွက်ပေးရမှာ ဖြစ်တယ်။ ဒီလိုမဟုတ်ဘဲ ဒီအစီအစဉ်မှာ ပါနိုင်ပါတယ်၊ ပါဝင်နိုင်ဖို့အတွက် ဘယ်လိုအချက်တွေကို လိုက်လျှောပါဆိုတာ မျိုးနဲ့တော့ ကျနော်တို့တိုင်းပြည်အတွက် တွေ့ဆုံဆွေးနွေးရေးဆိုတာ ဖြစ်ပေါ်လာမှာမဟုတ်ဘူး။ နိုင်ငံရေးပြဿနာတွေကို ဖြေရှင်းနိုင်မှာမဟုတ်ဘူး' ဟု ပြောသည်။

မြန်မာစစ်အစိုးရအနေဖြင့် အမျိုးသားပြန်လည်သင့်မြတ်ရေးကို တကယ်လုပ်မည်ဆိုပါ နိုင်ငံရေးလမ်းပြမြေပုံ (ရုဒ်မက်) အတိုင်း သွားလို့မရဘဲ ဒေါ်အောင်ဆန်းစုကြည်နှင့် လက်တွဲဆောင်ရွက်ရန် အစီအစဉ်များ လုပ်ဆောင်ရန်လိုအပ်ကြောင်း ခွန်မြင့်ထွန်းက ပြောကြားသည်။

အာဆီယံအစည်းဝေးတက်ရောက်သည့် နိုင်ငံခေါင်းဆောင်များကမူ မြန်မာနိုင်ငံ၌ ၂ဝ၁ဝ ပြည့်နှစ်တွင် ကျင်းပပြုလုပ်မည့် ရွေးကောက်ပွဲသည် တရားမျှတ၊ လွတ်လပ်၊ ပွင့်လင်းပြီး အားလုံးပါဝင်နိုင်သည့် ရွေးကောက်ပွဲအဖြစ် မျှော်လင့်ကြောင်း အစည်းဝေး နောက်ဆုံးနေ့တွင် မှတ်တမ်းတင် ပြောဆိုခဲ့ကြသည်။

သို့သော် လွန်ခဲ့သည့်နှစ် (၂ဝ) အတွင်း နေအိမ်အကျယ်ချုပ်အဖြစ် (၁၄) နှစ်ထိန်းသိမ်းခံနေရသည့် ဒေါ်အောင်ဆန်းစုကြည်အကြောင်းနှင့် ပတ်သက်၍မူ ယခုနှစ်အာဆီယံအစည်းအဝေးတွင် တင်ပြပြောဆိုမှုမရှိခဲ့ကြောင်း သိရသည်။








လောက်ကိုင်မြို့တွင် (၁ဝ) လုံးထက်မနည်း
ဗုံးများ ဆက်တိုက်ပေါက်ကွဲ
ခိုင်လင်း / ၂၆ အောက်တိုဘာ ၂ဝဝ၉
line


ယခုလ (၂၄) ရက်နေ့ ညပိုင်းက ကိုးကန့်ဒေသ၊ လောက်ကိုင်မြို့တွင် ဗုံး (၁ဝ) လုံးထက်မနည်း ဆက်တိုက်ပေါက်ကွဲခဲ့သည်။

ဗုံးပေါက်ကွဲမှုသည် လောက်ကိုင်မြို့ပေါ်အပါအဝင် နေရာအနှံ့တွင် ဖြစ်ပွားခဲ့ပြီး ကိုးကန့်ရုပ်မြင်သံကြားထုတ်လွှင့်နေသည့် အဆောက်အဦနှင့် လက်ကျန် ကိုးကန့်တပ်ဖွဲ့၏ ဥက္ကဋ္ဌတာဝန်ယူထားသူ ပိုင်စုံချိန်၏ လောင်းကစားရုံတို့တွင် ဆိုးဆိုးဝါးဝါး ပေါက်ကွဲခဲ့ပြီး လူအသေအပျောက်များ ရှိခဲ့သည်ဟု လက်ရှိ ကိုးကန့်တပ်ဖွဲ့ခေါင်းဆောင်များနှင့် နီးစပ်သူ တရုတ်နယ်စပ်ဒေသခံတဦးက ပြောသည်။

၎င်းက 'တီဗွီလွှင့်တဲ့ဌာန အဆောက်အဦကြီးကတော့ ပြိုကျသွားတယ်။ အခု ကိုကန့်အဖွဲ့ဥက္ကဋ္ဌ ပိုင်စုံချိန်ရဲ့ လောင်းကစားရုံလည်း အတော်လေးပျက်သွားတယ်။ အထိအခိုက်တွေတော့ရှိတယ်။ ဘယ်လောက်ထိခိုက်တယ်ဆိုတာတော့ အတိအကျ မပြောနိုင်သေးဘူး' ဟု ပြောသည်။

ပြီးခဲ့သည့် သြဂုတ်လကုန်ပိုင်းက ဖြစ်ပွားခဲ့သည့် ကိုးကန့်အရေးအခင်းကတည်းကစ၍ ကိုးကန့်ဒေသတခုလုံးတွင် လောက်ကိုင်ဒေသကွပ်ကဲမှုစစ်ဌာနချုပ် လက်အောက်ခံတပ်များ၊ အရှေ့မြောက်ပိုင်းတိုင်း စစ်ဌာနချုပ် လက်အောက်ခံ တပ်အချို့၊ တပ်မ (၃၃) လက်အောက်ခံတပ်အချို့၊ သိန်းနီအခြေစိုက် စစ်ဆင်ရေးကွပ်ကဲမှု စစ်ဌာနချုပ် လက်အောက်ခံတပ်များ ဝင်ရောက်နေပြီး လက်နက်ပုန်းများ မြေလှန်ဖော်ထုတ်နေချိန်တွင် ယခုကဲ့သို့ ဗုံးပေါက်ကွဲမှုများ ဆက်တိုက်ဖြစ်ပွားမှုသည် ကိုးကန့်ဒေသ တည်ငြိမ်မှုမရှိသေးကြောင်း ပြသနေခြင်းပင်ဖြစ်သည်ဟု တရုတ်-မြန်မာနယ်စပ် စစ်ရေးအကဲခတ် ဦးအောင်ကျော်ဇောက ပြောသည်။

၎င်းက 'ပိုင်စုံချိန်က ဖုန်လောက် သြဇာမရှိဘူး။ အခု ဖွဲ့လိုက်တဲ့ ကိုးကန့်ရုပ်သေးအဖွဲ့ထဲမှာတောင် ကွဲနေတာ။ ပိုင်စုံချိန်က တဖွဲ့၊ မင့်ရွှေချန်းက တဖွဲ့၊ ဝေစန်းက တဖွဲ့၊ တပ်သားတွေလည်း အပြိုင်အဆိုင်စုနေတာ။ ပိုင်စံချိန်ရဲ့ လောင်းကစားဝိုင်းကိုလည်း ချတယ်ဆိုတာ နည်းနည်းတော့ စဉ်းစားစရာ ရှိတယ်။ ခန့်မှန်းရတော့ ခက်တယ်။ ဖုန်အဖွဲ့တို့ထက် သူတို့ထဲက လူတွေ အချင်းချင်းလည်း ဖြစ်နိုင်တယ်' ဟု ပြောသည်။

ယခုကဲ့သို့ ကိုးကန့်ဒေသအတွင်း ဒေသမတည်မငြိမ် ဖြစ်ပ်ါလာခြင်းသည် နိုင်ငံရေးအရ မကောင်းသော်လည်း ဒေသတခုလုံးကို နအဖ ဆက်လက်ထိန်းထားနိုင်ပြီး သူ့အတွက် အကျိုးအမြတ်သာဖြစ်စေသည်ဟု ဦးအောင်ကျော်ဇောက ပြောသည်။

ပြီးခဲ့သည့် သြဂုတ်လအတွင်းက ကိုးကန့်တပ်ဖွဲ့ ဒု-ဥက္ကဋ္ဌ ပိုင်စုံချိန် ဦးဆောင်သည့်အဖွဲ့က ကိုးကန့်တပ်ဖွဲ့ဥက္ကဋ္ဌ ဖုန်ကြားရှင်ထံမှ အာဏာသိမ်းရန် ကြိုးစားခဲ့ပြီး လောက်ကိုင်ဒေသအတွင်း နအဖတပ်များ ဝင်ရောက်ရာမှ အစပြု၍ ကိုးကန့်တပ်ဖွဲ့နှင့် နအဖတပ်များအကြား တိုက်ပွဲများ ဖြစ်ပွားခဲ့သည်။

ကိုးကန့်အရေးအခင်းတွင် ဖုန်ကြားရှင် ဦးဆောင်သည့်အဖွဲ့ ကိုးကန့်ဒေသမှ ဆုတ်ခွာခဲ့ရပြီးနောက်ပိုင်းတွင် ပိုင်စုံချိန် ဦးစီးပြီး ကိုးကန့်တပ်ဖွဲ့ကို ပြန်လည်ဖွဲ့စည်းခဲ့သည်။








မလေးရှား ဒုက္ခသည်စခန်းများတွင်လည်း ပွဲစားရှိ
မင်းနိုင်သူ / ၂၆ အောက်တိုဘာ ၂ဝဝ၉
line


တတိယနိုင်ငံသို့ ထွက်ခွာခွင့်ရရန် လွယ်ကူနေသည့် မလေးရှားဒုက္ခသည်စခန်းများတွင်လည်း ပွဲစားများရှိနေကြောင်း အန်အယ်လ်ဒီ လွတ်မြောက်နယ်မြေ (မလေးရှား) မှ ကိုကျော်ကျော်က ပြောသည်။

'ဟိုတပတ်က ကျနော် လင်းခေးဆိုတဲ့ စခန်းတခုကို ရောက်သွားတယ်။ အဲဒီမှာ ယူအန်နဲ့တွေ့တဲ့အခါ အဆင်ပြေအောင်
မေးနိုင်မယ့် မေးခွန်းတွေကို ပွဲစားက ကြိုပေးထားတယ်။ အဲဒီအတွက် မလေးရှားရင်းဂစ် (၁,၅ဝဝ) ပေးရမယ်။ အဲလိုမျိုးလေးတွေကအစပေါ့လေ။ အဓိကက ယူအန်မှာ စကားပြန်လုပ်နေတဲ့သူနဲ့ စခန်းထဲကို အဝင်အထွက်ရှိနေတဲ့ မလေးရှားလူမျိုးတွေ ပေါင်းပြီး လုပ်နေကြတယ်လို့ ကြားတယ်' ဟု ၎င်းက ပြောသည်။

ယခုနှစ်အတွင်း မလေးရှားဒုက္ခသည်စခန်းများမှတဆင့် တတိယနိုင်ငံထွက်ခွာရမှု ပိုမိုလွယ်ကူနေသဖြင့် ထိုင်းနိုင်ငံရှိ ဒုက္ခသည်များပင် မလေးရှားစခန်းများသို့ ပြောင်းရွှေ့မှုများ ရှိနေသည်ဟု သိရသည်။

မလေးရှားနိုင်ငံရှိ ဒုက္ခသည်စခန်း (၂ဝ) ခန့်တွင် မြန်မာနိုင်ငံမှ ဒုက္ခသည်ပေါင်း (၆,ဝဝဝ) ခန့်ရှိနေပြီး ကုလသမဂ္ဂဒုက္ခသည်များဆိုင်ရာ မဟာမင်းကြီးရုံးက တိုင်းရင်းသားများကို ဒုက္ခသည်အဖြစ် လက်ခံပေးနေသည်။

'အများဆုံးက ချင်း၊ မွန်၊ ကရင်၊ လူမျိုးတွေကိုပဲ ဒုက္ခသည်အဖြစ် လက်ခံပေးထားတယ်။ မြန်မာက တော်တော့်ကို နည်းပါတယ်။ တိုင်းရင်းသားတွေဟာ မြန်မာလူမျိုးကြီးရဲ့ အဖိအနှိပ်ကို ခံရတယ်ဆိုတဲ့သဘောကြောင့် ယူအန်က တိုင်းရင်းသားတွေကိုပဲ အဓိကထားလက်ခံတယ်' ဟု ကိုကျော်ကျော်က ပြောသည်။

ယခုနှစ် မေလမှစတင်ကာ တိုင်းရင်းသားအဖွဲ့အစည်းများမှတဆင့် ဒုက္ခသည်အသိအမှတ်ပြုလက်မှတ်များကို တလအတွင်း ထုတ်ပေးခဲ့ခြင်းဖြစ်ပြီး ယခုနှစ်အတွင်း ဒုက္ခသည် (၂,ဝဝဝ) ကျော် တတိယနိုင်ငံသို့ ထွက်ခွာခဲ့ပြီးဖြစ်သည်။

မလေးရှားဒုက္ခသည်စခန်းရှိ ဒုက္ခသည်များ အများဆုံးသွားရသည့်နိုင်ငံမှာ အမေရိကန်နိုင်ငံဖြစ်ကြောင်း သိရသည်။





အဲပုဂံလေယာဉ် စက်ချို့ယွင်း၍ နောက်ကြောင်းပြန်လှည့်ရ
အောင်ကျော်မိုး / ၂၆ အောက်တိုဘာ ၂ဝဝ၉
line


မြစ်ကြီးနားမှ ရန်ကုန်သို့ ထွက်ခွာလာသည့် ထူးကုမ္ပဏီပိုင် အဲပုဂံလေယာဉ်တစီးသည် ကောင်းကင်ပေါ်တွင် စက်ချို့ယွင်းမှု ဖြစ်ပွားပြီး မြစ်ကြီးနားလေဆိပ်သို့ ပြန်လည်ဆင်းသက်ခဲ့ရကြောင်း သိရသည်။

အောက်တိုဘာ (၂၅) ရက်၊ မြစ်ကြီးနားမှ ရန်ကုန်သွားမည့် အဲပုဂံခရီးစဉ်အမှတ် W9-296 လေယာဉ်သည် နေ့လယ် (၂) နာရီ (၁၅) မိနစ်ခန့်တွင် မြစ်ကြီးနားလေဆိပ်မှ ထွက်ခွာပြီး ကောင်းကင်တွင် နာရီဝက်နီးပါးခန့်ပျံသန်းပြီးမှ ညာဘက်ပန်ကာတလုံး ရပ်သွားသည့်အတွက် နောက်ကြောင်းပြန်လှည့်ကာ မြစ်ကြီးနားလေဆိပ်သို့ ပြန်လာခဲ့ရကြောင်း အဆိုပါလေယာဉ်တွင် လိုက်ပါခဲ့သူ ခရီးသည်တဦးက ပြောသည်။

၎င်းက 'ကောင်းကင်မှာ နာရီဝက်နီးပါးလောက် ပျံပြီးမှ ညာဘက်ပန်ကာတလုံးက လုံးဝမလည်တော့ဘူး။ အဲဒါနဲ့ လေယာဉ်လည်း ခါနေတယ်။ ခရီးသည်တွေအားလုံးကတော့ သွားပါပြီဆိုပြီး ဘုရားတကြတယ်။ ဘုရားစာတွေ ရွတ်ကြတယ်။ နောက် လေယာဉ်က မြစ်ကြီးနားဘက်ပြန်လှည့်ပြီး မြစ်ကြီးနားလေဆိပ်ကိုပဲ ပြန်ဆင်းတယ်။ အဲဒီမှာရောက်တော့ (၃) နာရီထိုးကာနီးနေပြီ။ သူတို့က အဲဒီလေယာဉ်ကို ပြင်ဆင်မယ်တဲ့။ နောက်နေ့ အောက်တိုဘာ (၂၆) တနင်္လာနေ့ ကွင်းချိန်း ပြန်ပေးတယ်' ဟု ပြောပြသည်။

'နိုင်ငံတကာမှာလို သူတို့ရဲ့ ချို့ယွင်းမှုအတွက် မြစ်ကြီးနားမှာ တည်းခိုစရိတ်တို့၊ စားသောက်ရေးတို့ ဘာမှပြင်ဆင်မပေးဘူး။ အဲဒါနဲ့ ဒီနေ့ တနင်္လာ မနက် (၅) နာရီခွဲ ကွင်းချိန်းသွားရတယ်။ လေယာဉ်က ကွင်းကနေ (၇) နာရီ ထွက်တယ်။ ခု ရန်ကုန်လေဆိပ်ကို မနက် (၁ဝ) နာရီ (၁၅) မိနစ်လောက် ရောက်တယ်။ မနေ့က လေယာဉ်ပေါ်မှာ က္ဆွေးပြီးသားဆိုပြီး ဒီနေ့ လေယာဉ်ပေါ်မှာ ဘာမှမက္ဆွေးဘူး။ ယူတာက လူတယောက် လေယာဉ်ခ ကျပ် (၁) သိန်း (၂) သောင်း ပေးရတယ်' ဟု အဆိုပါ ခရီးသည်က ပြောသည်။

မြန်မာနိုင်ငံရှိ လေကြောင်းလိုင်းများအနက် ဦးတေဇပိုင် အဲပုဂံလေယာဉ်များသည် မကြာခဏ မတော်တဆဖြစ်ခြင်း၊ စက်ချို့ယွင်းခြင်းများ ဖြစ်ပေါ်ခဲ့ဖူးပြီး ယမန်နှစ်ကလည်း ပူတာအိုလေဆိပ်တွင် လေဆိပ်ပြေးလမ်းချော်ပြီး လေယာဉ်တောင်ပံကျိုးသည့် အဖြစ်အပျက်မျိုး ရှိခဲ့သည်။

အဲပုဂံလေကြောင်းလိုင်းသည် နာမည်ကြီးစီးပွားရေးသမား ဦးတေဇပိုင်ဆိုင်ပြီး ဗိုလ်ချုပ်မဋ္ဌးကြီးသန်းရွှေ အပါအဝင် စစ်ခေါင်းဆောင်အချို့၏ အစုရှယ်ယာများလည်း ပါဝင်သည်ဟု ပြည်တွင်းပြည်ပတွင် ကျယ်ကျယ်ပြန့်ပြန့် သတင်းဖြစ်ပေါ်ခဲ့သည်။

အဲပုဂံလေကြောင်းလိုင်းသည် ရန်ကုန်မှ ကိုရီးယားနိုင်ငံ ဆိုးလ်၊ ရန်ကုန်မှ ထိုင်းနိုင်ငံ ဘန်ကောက်၊ ရန်ကုန်- စင်ကာပူ၊ ရန်ကုန်- မလေးရှားနိုင်ငံ ကွာလာလမ်ပူ စသည့်လိုင်းတို့တွင် ပြေးဆွဲပြီး နိုင်ငံတကာလေကြောင်းလိုင်း ဖြစ်လာရန် ကြိုးစားခဲ့သော်လည်း အမေရိကန်နှင့် ဥရောပသမဂ္ဂဝင်နိုင်ငံများ၏ စီးပွားရေးအရ အရေးယူဒဏ်ခတ် ပိတ်ဆို့မှုများကြောင့် ခရီးစဉ်အားလုံး ရပ်ဆိုင်းသွားခဲ့ပြီး နောက်ပိုင်း ပြည်တွင်း ခရီးစဉ်များကိုသာ ပြေးဆွဲလျက်ရှိသည်။

ယခုနောက်ပိုင်း အဲပုဂံလေကြောင်းလိုင်းသည် ရန်ကုန်- ကွာလာလမ်ပူ ပြေးဆွဲနေသည့် မလေးရှားနိုင်ငံ ဆမ်ဘူမိ လေကြောင်းလိုင်းအတွက် လေယာဉ်ငှားစားသည့်အပြင် မြန်မာ့နိုင်ငံတကာလေကြောင်း (MAI) မှ ပိုင်ဆိုင်သည့် အစုရှယ်ယာအများစုကို ဝယ်ယူလိုက်ပြီး ၎င်းပိုင်လေယာဉ်များ ထည့်သွင်းပြေးဆွဲခြင်းကို ယခုလ (၂၆) ရက်မှ စတင်လုပ်ကိုင်နေပြီဖြစ်ကြောင်း သိရသည်။

မြစ်ကြီးနားသို့ လေယာဉ်နောက်ကြောင်းပြန်လှည့်ခဲ့ရသည့် အဲပုဂံခရီးစဉ်အမှတ် W9-296 တွင် လေယာဉ်ခ ဈေးနှုန်းကြီးမြင့်စွာယူပြီး ဝန်ဆောင်မှုမကောင်းသည့်အပေါ် အဲပုဂံလေကြောင်းလိုင်းကို မကျေမနပ် ဖြစ်နေကြသော်လည်း အခြားရွေးချယ်စရာ မရှိသဖြင့် အဆိုပါလေယာဉ်ကိုသာ စီးကြရကြောင်း ခရီးသည်များက ပြောကြသည်။





ယာဉ်ထိန်းရဲတပ်ဖွဲ့၏ ကဗျာပြိုင်ပွဲတွင်
ဆုရသံဃာတော်တပါး ဆုယူခွင့်မရ
မျုိုးချစ်သူ / ၂၆ အောက်တိုဘာ ၂ဝဝ၉
line


ရန်ကုန်တိုင်း ယာဉ်စည်းကမ်းထိန်းသိမ်းရေး ကြီးကြပ်မှုကော်မတီ နှစ် (၂ဝ) ပြည့် အထိမ်းအမှတ် ကဗျာပြိုင်ပွဲတွင် ဆုရသော သံဃာတော်တပါးကို ကိုယ်တိုင် ဆုတက်ယူခွင့်မပေးကြောင်း ရန်ကုန်တိုင်းယာဉ်ထိန်းတပ်ဖွဲ့မဋ္ဌးရုံးမှ ယာဉ်ထိန်းတဦးက ပြောသည်။

အဆိုပါသံဃာတော်သည် နေပြည်တော်တပ်ကုန်းမြို့ ပဏ္ဍိတာရာမ စာသင်တိုက်မှ ဦးပဏ္ဍိတာနန္ဒဖြစ်ပြီး ပြိုင်ပွဲတွင် အန္တရာယ်ကင်းမှုတို့ ရှေ့ရှု ကဗျာဖြင့် တတိယဆု ရရှိခဲ့ခြင်းဖြစ်သည်။

'ဦးဇင်းကတော့ ဆုရတာကိုပျော်တယ်။ လောကီရော၊ လောကုတ္တရာရော အကျိုးရှိမယ့် ကိစ္စတွေကိုတော့ လုပ်နေမှာပါ။ ဆုတက်ယူမယ်လို့တော့ လာတာပဲ၊ ဒီရောက်မှ မယူရတာပါ။ ဘာ့ကြောင့်ဆိုတာ ဦးဇင်းလည်း မသိဘူး' ဟု ဦးပဏ္ဍိတာနန္ဒက မိန့်သည်။

ယာဉ်ထိန်းရဲတပ်ဖွဲ့သို့ ဆက်သွယ်မေးမြန်းရာ မည်သည့်အကြောင်းကြောင့် ဆုတက်ယူခွင့်မပေးသည်ကို တိတိကျကျ မသိရကြောင်း ပြောကြားသည်။

အဆိုပါအခမ်းအနားကို တက်ရောက်သော ကဗျာဆရာတဦးက 'ဘယ်လိုဆုကိုပဲရရ ရတဲ့သူကတော့ ကိုယ်တိုင် တက်ယူချင်ကြတာချည်းပဲ။ ဘုန်းကြီးပဲဖြစ်ဖြစ်၊ လူပဲဖြစ်ဖြစ်ပေါ့။ အခုလို တက်မယူနဲ့လို့ ပြောတာတော့ ဘယ်ကောင်းမလဲ။ ဘုန်းကြီးလည်း ဆုယူမလို့ ရန်ကုန်ကို လာခဲ့တာလေ' ဟု ပြောသည်။

ဆုများကို ရန်ကုန်တိုင်း ယာဉ်စည်းကမ်းထိန်းသိမ်းရေး ကြီးကြပ်မှုကော်မတီ နှစ် (၂ဝ) ပြည့်အထိမ်းအမှတ် ကဗျာပြိုင်ပွဲအခမ်းအနားနှင့် အသိပညာပေးဖျော်ဖြေပွဲ ဖွင့်ပွဲနေ့ အောက်တိုဘာ (၂၄) ရက်တွင် ချီးမြှင့်ခဲ့ကြောင်း သိရသည်။








သူတို့အမှန်တရားကို ရင်မဆိုင်ရဲလို့ဘဲ
NEJ / ၂၆ အောက်တိုဘာ၂ဝဝ၉
line


အောက်တိုဘာ (၂၃) ရက်တွင် ထိုင်းနိုင်ငံ ဟွာဟင် အပန်းဖြေကမ်းခြေမြို့၌ ကျင်းပသည့် (၁၅) ကြိမ်မြောက် အာဆီယံ ထိပ်သီးအစည်းအဝေးပွဲကြီးတွင် မြန်မာနိုင်ငံအပါအဝင် အာဆီယံအဖွဲ့ဝင်နိုင်ငံ (၅) နိုင်ငံမှ ခေါင်းဆောင်များက Civil Society ခေါ် လူထုအခြေပြု လူ့အဖွဲ့အစည်းများမှ ကိုယ်စားလှယ်တို့ကို တွေ့ဆုံရန် ငြင်းပယ်ခဲ့ပါသည်။ ယင်းကိစ္စနှင့်ပတ်သက်ပြီး မြန်မာနိုင်ငံကိုယ်စားပြု လူထုအခြေပြုလူ့အဖွဲ့အစည်း ကိုယ်စားလှယ် မခင်ဥမ္မာနှင့် ခေတ်ပြိုင် ဆက်သွယ်မေးမြန်းချက်။

မေး။ ။ မြန်မာနိုင်ငံအပါအဝင် အာဆီယံ (၅) နိုင်ငံက ခေါင်းဆောင်တွေက လူထုအခြေပြု ကိုယ်စားလှယ်တွေကို တွေ့ဖို့ ပယ်ချခံရတယ်လို့ သိရပါတယ်။ ဘာကြောင့် အခုလို ပယ်ချခံရတာပါလဲ။

ဖြေ။ ။ ဖိလစ်ပိုင်၊ စင်ကာပူ၊ လာအို၊ ကမ္ဘောဒီးယားနဲ့ မြန်မာနိုင်ငံက ကိုယ်စားလှယ်တွေ တက်ရောက်ခွင့်မရှိတာကို ဘာကြောင့်ဆိုတာကို ထိုင်းနိုင်ငံခြားရေးဝန်ကြီးဌာနက မပြောပါဘူး။ (၅) ယောက်ကို လက်မခံဘူးပေါ့။ စကားပြောခွင့် မပေးဘူးပေါ့။ သူတို့လူတွေနဲ့လည်း အစားထိုးတယ်၊ စကားလည်း ပြောခွင့်မပေးဘူးဆိုတော့ ထိုင်း၊ မလေးရှားနဲ့ အင်ဒိုနီးရှားက လူထုအခြေပြု ကိုယ်စားလှယ်တွေကလည်း ဆက်မတက်ဘဲ ထွက်လိုက်တယ်။

မေး။ ။ အခုလို လူထုအခြေပြု လူ့အဖွဲ့အစည်းတွေက ကိုယ်စားလှယ်တွေနဲ့ အာဆီယံက နိုင်ငံ့ခေါင်းဆောင်တွေ တွေ့ဆုံဖို့ ရည်ရွယ်ချက်က ဘာပါလဲ။ တွေ့ဆုံကြတဲ့အခါ ဘာတွေ တင်ပြဖို့ရှိပါသလဲ။

ဖြေ။ ။ အာဆီယံခေါင်းဆောင်တွေနဲ့ လူထုကိုယ်စားပြုကိုယ်စားလှယ်တွေ တွေ့ဆုံဆွေးနွေးကြတာပဲ။ အာဆီယံက အခုလို အစည်းအဝေးတွေလုပ်တိုင်း အစိုးရအရာရှိတွေပဲ တွေ့ကြတာကိုး။ အခုဟာက လူထုပါဝင်မှုကို မြှင့်တင်ဖို့ လုပ်ငန်းစဉ်တခုပဲ ဖြစ်တယ်။ civil society ရဲ့ အခန်းဂဏ္ဍက ဒေသတွင်းမှာ ကြုံနေတဲ့ပြဿနာတွေကို သူတို့နဲ့မျက်နှာချင်းဆိုင် ပြောတယ်ဆိုတဲ့ လုပ်ငန်းစဉ်တခုကို လူထုရဲ့အသံ၊ လူထုရဲ့ပါဝင်မှုနဲ့ ပိုပြီးမြှင့်တင်ဖို့လုပ်တာဖြစ်ပါတယ်။

မေး။ ။ ဘာအကြောင်းအရာတွေ တင်ပြဆွေးနွေးဖို့ သဘောတူဆုံးဖြတ်ထားကြသလဲ။

ဖြေ။ ။ ပြောမယ့်အကြောင်းအရာတွေက နိုင်ငံရေးနဲ့ လုံခြုံရေး၊ လူမှုရေး၊ ယဉ်ကျေးမှု၊ လူ့အခွင့်အရေး၊ စီးပွားရေး စတာတွေ ပါဝင်တယ်။ စီးပွားရေးမှာလည်း လွတ်လပ်တဲ့ ကုန်သွယ်မှုလုပ်ရာမှာ လူထုတွေမှာ ဖြစ်နေတဲ့ ပြဿနာတွေကို တင်ပြဖို့နဲ့ ဘာလုပ်သင့်တယ်ဆိုတာတွေကိုလည်း ဆွေးနွေးဖို့ဖြစ်ပါတယ်။

မေး။ ။ မခင်ဥမ္မာက မြန်မာနိုင်ငံရဲ့ လူထုအခြေပြု ကိုယ်စားလှယ်တဦးအနေနဲ့ ဘာတွေတင်ပြပြောဆိုဖို့ စီစဉ်ထားပါသလဲ။

ဖြေ။ ။ ကျမပြောဖို့ လုပ်ထားတာက အာဆီယံ ပဋိညာဉ်စာတမ်းမှာပါတဲ့ ဒီမိုကရေစီဖွံ့ဖြိုးတိုးတက်ရေးကိစ္စပါ။ ဒေသတခုလုံးအတွက် အရေးကြီးတယ်၊ အဓိကကျပါတယ်။ အဲဒါကို သူတို့အားလုံးလည်း စာတမ်းမှာ လက်မှတ်ထိုးပြီး လက်ခံလိုက်တယ်။ အခု တကယ်လက်တွေ့မှာတော့ ဒေသတွင်းမှာ ဒီမိုကရေစီ အရမ်းအားနည်းနေသေးတဲ့အတွက် ဒီမိုကရေစီအားကောင်းဖို့ စမယ်ဆိုရင် မြန်မာနိုင်ငံကနေ စတာအကောင်းဆုံးပဲ။ မြန်မာနိုင်ငံမှာ စစ်မှန်တဲ့ဒီမိုကရေစီ ပေါ်ထွန်းဖို့ လုပ်မယ်ဆိုရင်တော့ ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားတွေ လွတ်မြောက်ဖို့၊ ၂ဝဝ၈ ဖွဲ့စည်းပုံအခြေခံဥပဒေကို ပြန်လည်သုံးသပ်ပြင်ဆင်ဖို့၊ တွေ့ဆုံဆွေးနွေးပြီးတော့ လုပ်ဆောင်သွားဖို့ အရေးကြီးတယ်။ ဒီမိုကရေစီအရဆိုရင် ရွေးကောက်ပွဲဟာ လွတ်လပ်ပြီး တရားမျှတမှု ရှိရမှာမို့ မြန်မာနိုင်ငံမှာ နောက်နှစ်ကို ပြင်နေတဲ့ ၂ဝ၁ဝ ရွေးကောက်ပွဲက ဒီအချက်တွေ အရင်ဖြစ်မှရမယ်ဆိုပြီးတော့ ဒေါ်အောင်ဆန်းစုကြည် လွတ်မြောက်ရေးအပါအဝင် ဒီအချက်တွေကို အာဆီယံက ဘာလုပ်ပေးမလဲလို့ အာဆီယံခေါင်းဆောင်တွေကို ပြောလည်းပြော၊ မေးလည်းမေးဖို့ ဖြစ်ပါတယ်။

မေး။ ။ အခုလို ပယ်ချခံရတဲ့ လူထုအခြေပြုကိုယ်စားလှယ်တွေနဲ့ အာဆီယံမှာပါတဲ့ သက်ဆိုင်ရာနိုင်ငံ့ခေါင်းဆောင်တွေ မတွေ့ရတဲ့အတွက် အာဆီယံဟာ လူထုအခြေပြု အဖွဲ့အစည်းဖြစ်ရမယ်ဆိုတဲ့ အာဆီယံပဋိညာဉ်စာတမ်းပါမူဟာ အောင်မြင်မှု ရှိမရှိ ဆိုတာကို ဘယ်လိုမြင်ပါသလဲ။

ဖြေ။ ။ အဲဒါကတော့ အဖြေက ရှင်းရှင်းကြီးထွက်သွားတယ်။ လုံးဝကိုမရှိဘူး။ လူထုပါဝင်မှုဆိုတာကို သူတို့က ထုတ်ပြန်ထားပြီးသားပဲ။ အခုက သူတို့လူ သူတို့ထည့်ပြီးတော့မှ လုပ်တာကတော့ သူတို့မှာ တာဝန်ယူမှု မရှိဘူးဆိုတာ လုံးဝထင်ရှားတယ်။ အာဆီယံမူနဲ့ အခုလုပ်နေတာတွေဟာ လုံးဝဆန့်ကျင်ဘက်ကြီးပဲ။ စိတ်ပျက်စရာ အရမ်းကောင်းတယ်။ ဒါပေမယ့် တချိန်တည်းမှာ အံ့သြသလားလို့မေးရင် မအံ့သြဘူး။ ရှင်းရှင်းပြောရရင် အာဆီယံပဋိညာဉ်စာတမ်းဟာ regional constitution ပဲလေ။ ဒေသကြီးတခုလုံးရဲ့ ဖွဲ့စည်းပုံကို သူ့နိုင်ငံတနိုင်ငံတည်း အလျောက်တောင် ဒီမိုကရေစီ ဖွဲ့စည်းပုံမရှိသေးတဲ့ နိုင်ငံတွေက ဒီအာဏာရှင်တွေ ပါဝင်နေရင် ဘယ်လိုသွားလိုက်နိုင်မလဲ။ (၁ဝ) နိုင်ငံပါဝင်တဲ့ ဒေသတွင်း အဖွဲ့အစည်းကြီးအနေနဲ့ ဒီမိုကရေစီနဲ့ လူ့အခွင့်အရေးမှတ်တမ်းက အင်မတန်နိမ့်ကျပါသေးတယ်။ အဖွဲ့ဝင်ဖြစ်ရင် စည်းကမ်းတော့ လိုက်နာရမယ်ဆိုတာကတော့ ရှိသင့်တဲ့ လိုက်နာသင့်တဲ့ ကျင့်ဝတ် ဝတ္တရားဖြစ်ပါတယ်။ ဒါပေမယ့် အာဆီယံ ပဋိညာဉ်နဲ့အညီ လိုက်နာဆောင်ရွက်ခြင်းမရှိတဲ့အပြင် အာဆီယံအဖွဲ့တွင်းက ဒီမိုကရေစီအစိုးရတွေ ကိုယ်တိုင်က လူထုအခြေပြု လူ့အဖွဲ့အစည်းတွေရဲ့အား၊ ပြည်သူ့အားကို သူတို့မှန်မှန်ကန်ကန် အသုံးမချတတ်ဘူးလို့ မြင်ပါတယ်။

မေး။ ။ ဒီလို အခြေအနေတွေအောက်မှာ အာဆီယံလူ့အခွင့်အရေးကော်မရှင် ဖွဲ့စည်းခဲ့တယ်ဆိုတော့ ထိရောက်မှုရှိနိုင်ပါ့မလား။ ဒေသတွင်းညီညွတ်တဲ့ လူ့အဖွဲ့အစည်းဖြစ်လာပါ့မလား။

ဖြေ။ ။ ထိရောက်မှုရှိဖို့က လုံးဝမလွယ်ဘူး။ ထိုင်းနဲ့ အင်ဒိုနီးရှား နှစ်နိုင်ငံကသာ လွတ်လွတ်လပ်လပ်နဲ့ သိသာမြင်သာတဲ့ နည်းလမ်းတွေနဲ့ လူထုအခြေပြု လူ့အဖွဲ့အစည်းတွေ ပါဝင်ပြီးတော့ လွတ်လပ်တဲ့ ကော်မရှင်နာကို ရွေးတာ။ ကျန်တဲ့လူတွေက သူတို့စိတ်ကြိုက်ရွေးတာပဲ။ အာဆီယံလူ့အခွင့်အရေးကော်မရှင်ရဲ့ လုပ်ပိုင်ခွင့်မှာလည်း မလွတ်လပ်ပါဘူး။ လွတ်လပ်မှုရှိရမှာ ဖြစ်ပါတယ်။ အာဆီယံပဋိညာဉ်နဲ့အညီ ပြည်သူတွေရဲ့ စီးပွားရေး၊ လူမှုရေး၊ နိုင်ငံရေး အခွင့်အရေးအကျိုးစီးပွားတွေကို ကာကွယ်မြှင့်တင်ပေးတာ ဖြစ်ရပါမယ်။

မေး။ ။ မခင်ဥမ္မာအနေနဲ့ အာဆီယံထိပ်သီးစည်းဝေးပွဲမှာ အခုလို လူထုအခြေပြု လူ့အဖွဲ့အစည်းကိုယ်စားလှယ်အဖြစ် ငြင်းပယ်ခံရတာ အခုအကြိမ်ဟာ ဒုတိယအကြိမ် ဖြစ်တယ်လို့သိရပါတယ်။ ဒီလို ငြင်းပယ်ခံရတဲ့အပေါ် ဘယ်လို ရှုမြင်ခံစားရပါသလဲ။

ဖြေ။ ။ ကျမအတွက်ကတော့ အာဏာရှင်ဟာ ဒီလိုပဲလုပ်မယ်ဆိုတာ ပထမတခေါက်ကလည်း ကြုံထားပြီးပြီလေ။ ပထမ တခေါက်ကလည်း သူတို့လက်ခံမှာ မဟုတ်ဘူးဆိုတာ မှန်းပြီးသား။ မှန်းတဲ့အတိုင်းဖြစ်တယ်။ အခု နောက်တခေါက်လည်း အဲလိုပဲ သူတို့ပယ်အုံးမယ်ဆိုတာ မှန်းလို့ရတယ်။ အဲဒီအတွက်တော့ ဘာမှမဖြစ်ဘူး။ အဓိက ကိုယ်ပေးချင်တဲ့ အကြောင်းအရာတွေကို သူတို့က မျက်နှာချင်းဆိုင် နားမထောင်လို့ရှိရင် မီဒီယာကနေ တဆင့်ပေးတာပေါ့။ အခုဆို နိုင်ငံတကာမီဒီယာတွေရော၊ မြန်မာမီဒီယာတွေရော မေးကြတယ်။ ကျမတို့ ပြောဖို့ရှိတာကို ပြောတယ်။ သေချာတာက သူတို့ဆီရောက်မှာပဲ။ ဒီပြဿနာတွေက သူတို့လွှဲရှောင်လုိ့ရတဲ့ကိစ္စတွေမှ မဟုတ်ဘဲ။ ဒီပြဿနာတွေကို သူတို့ မျက်နှာချင်းဆိုင် နားမထောင်ဘူးဆိုရင် သူတို့အမှန်တရားကို ရင်မဆိုင်ရဲလို့ပဲ။ တခြားနိုင်ငံတွေလည်း အခုလိုပဲ။ အာဆီယံရဲ့ အစိုးရတွေက ကိုယ့်ပြည်သူတွေကို အတူတူလက်တွဲပြီး လုပ်ဖော်ကိုင်ဖက်အဖြစ်မမြင်ဘဲ သူတို့အာဏာကို ထိပါးတဲ့ရန်သူလို မြင်တာကိုး။
အခု ကျမကို လက်မခံတာ ပုဂ္ဂိုလ်ရေးအရရော၊ လှုပ်ရှားမှုအရရော ဘာမှမဖြစ်ပါဘူး။ အာဏာရှင်ရဲ့တုံ့ပြန်မှုက ဒါဖြစ်တယ်ဆိုတာ လူတိုင်းက မှန်းဆလို့ရတယ်။

မေး။ ။ လူထုအခြေပြုကိုယ်စားလှယ်တွေအားလုံး ဟွာဟင်မှာ သတင်းစာရှင်းလင်းပွဲ လုပ်ကြတယ်လို့ သိရပါတယ်။ ဘယ်နိုင်ငံက လူထုအခြေပြု လူ့အဖွဲ့အစည်းကိုယ်စားလှယ်တွေ သတင်းစာရှင်းလင်းပွဲမှာ ပြောဆိုကြပါသလဲ။

ဖြေ။ ။ ပယ်ချခံခဲ့ရတဲ့ အာဆီယံ (၅) နိုင်ငံက ကိုယ်စားလှယ် (၅) ဦးနဲ့ စည်းဝေးမတက်ဘဲ ထွက်လာတဲ့ အာဆီယံ (၃) နိုင်ငံက ကိုယ်စားလှယ် (၃) ဦးအပါအဝင် စုစုပေါင်း ကိုယ်စားလှယ် (၈) ဦးတို့ ရှင်းလင်းပြောဆိုကြပါတယ်။ အခုလို ဘာကြောင့် ပယ်ချခံရသလဲဆိုရင်တော့ ကျမတို့အားလုံးမြင်တာက သူတို့က အမှန်တရားကို ရင်မဆိုင်ရဲလို့ဘဲ။ အာဆီယံအနေနဲ့ ကတိပေးပြောဆိုထားတဲ့အတိုင်း တာဝန်ခံလုပ်ဆောင်ကြဖို့၊ အဲလိုမလုပ်ဆောင်ရင်တော့ ကျမတို့ ဒီကိုယ်စားလှယ်တွေ အားလုံးဟာ စုစုစည်းစည်းနဲ့ဆက်လက်ပြီး အာဆီယံခေါင်းဆောင်တွေ အစည်းအဝေးပြုလုပ်ရာနေရာတွေမှာ သူတို့နားထောင်လာတဲ့အထိ ဆက်လက်ပြောဆို လုပ်ကိုင်သွားမှာ ဖြစ်ပါတယ်။ အာဆီယံအနေနဲ့ အရှက်ရစရာဖြစ်ပါလိမ့်မယ်။

မေး။ ။ မခင်ဥမ္မာအနေနဲ့ မြန်မာနိုင်ငံကိုယ်စားပြု Civil Society ခေါ် လူထုအခြေပြု လူ့အဖွဲ့အစည်း ကိုယ်စားလှယ် အရွေးခံရတာ ဘယ်အဖွဲ့ကို ကိုယ်စားပြုတာပါလဲ။
ဖြေ။ ။ နယ်စပ်အခြေစိုက်ကြတဲ့ လူ့အခွင့်အရေး၊ အမျိုးသမီးအရေး၊ သဘာဝပတ်ဝန်းကျင် ထိန်းသိမ်းစောင့်ရှောက်ရေး၊ ကျန်းမာရေး၊ ပညာရေး၊ ဒီမိုကရေစီနဲ့ လူ့အခွင့်အရေးမြှင့်တင်ရေးလုပ်နေတဲ့ နယ်စပ်အခြေစိုက် ဒီမိုကရေစီလှုပ်ရှားမှုနဲ့ တိုင်းရင်းသားအခွင့်အရေး လုပ်ဆောင်နေကြတဲ့ အဖွဲ့တွေက ကိုယ်စားလှယ်တွေက ရွေးတာပါ။ task force on ASEAN and Burma အဖွဲ့က ရွေးတာပါ။








ဒီမိုကရေစီစနစ်၊ ဖက်ဒရယ်ပြည်ထောင်စုနှင့် တခုတည်းသော တပ်မတော်
NEJ / ၂၆ အောက်တိုဘာ ၂ဝဝ၉


ယခုအခါ မြန်မာနိုင်ငံ နယ်နိမိတ်အတွင်း မှီတင်းနေထိုင်ကြသည့် တိုင်းရင်းသားလူမျိုးစုအားလုံးသည် စစ်အာဏာရှင်စနစ်ဆိုးအောက်မှ လွတ်မြောက်ပြီး ဒီမိုကရေစီနိုင်ငံတော် ထူထောင်နိုင်ရေးအတွက် နည်းမျိုးစုံဖြင့် တိုက်ပွဲဝင်လျက်ရှိကြပေသည်။ စစ်အာဏာရှင်စနစ်ဆိုးအောက်မှ လွတ်မြောက်သည့်အခါ တိုင်းရင်းသားလူမျိုးပေါင်းစုံ စုစည်းနေထိုင်ကြမည့် အနာဂတ်ဖက်ဒရယ်ပြည်ထောင်စုကို ကာကွယ်ရန်အတွက် ယခုရှိနေသည့် လက်နက်ကိုင် အဖွဲ့အစည်းများ အားလုံးကို စုစည်းပြီး ညီညွတ်သည့် တခုတည်းသော တပ်မတော်အဖြစ် ပြင်ဆင်ဖွဲ့စည်းရန် လိုအပ်သည်ဆိုသည်ကိုလည်း အားလုံးက ကိုယ်စီကိုယ်င လက်ခံသဘောတူကြပေသည်။ မည်သို့မည်ပုံ စနစ်တကျ ပြင်ဆင်ဖွဲ့စည်းတည်ထောင်မည် ဆိုသည်ကိုသာ ဝိုင်းဝန်းစဉ်းစား အကောင်အထည်ဖော်ကြရမည်ဖြစ်ပေသည်။

ထို့နည်းတူ ယနေ့လက်ရှိတွင် နိုင်ငံတော်အာဏာကို လက်နက်အားကိုးနှင့် မတရားရယူသိမ်းပိုက်ထားသည့် နအဖစစ်အုပ်စုကလည်း သူတို့စိတ်ကြိုက်ရေးဆွဲပြီး လိမ်လည်အတည်ပြုထားသည့် ၂ဝဝ၈ အခြေခံဥပဒေတွင် ပါရှိသည့်အတိုင်း တိုင်းပြည်ကို စစ်က္ဆွန်ပြုနိုင်ရေးအတွက် သူတို့ ရာသက်ပန် ကြိုးကိုင်ခြယ်လှယ်နိုင်မည့် 'အင်အားတောင့်တင်းပြီး စွမ်းရည်ထက်မြက်သော ခေတ်မီသည့် တခုတည်းသော မျိုးချစ်တပ်မတော်' ဆိုသည်ကို ထူထောင်နိုင်ရန် အစွမ်းကုန် စိုင်းပြင်းနေသည်ကို တွေ့ရပေသည်။

နအဖစစ်အုပ်စုသည် သူတို့ ရာသက်ပန်ကြိုးကိုင်ခြယ်လှယ်နိုင်မည့် တခုတည်းသော စစ်တပ်ကို ထူထောင်နိုင်ရေးအတွက် လွန်ခဲ့သည့် အနှစ် (၂ဝ) ခန့်က အပစ်အခတ်ရပ်စဲထားခဲ့ကြသည့် လက်နက်ကိုင်တပ်ဖွဲ့များကို နယ်ခြားစောင့်တပ်ဖွဲ့အသွင်ကူးပြောင်းရန် အပူတပြင်း ဖိအားပေးလုပ်ဆောင်နေသည်။

နဝတ/နအဖစစ်အုပ်စုသည် ၁၉၈၈ ခုနှစ် စက်တင်ဘာလတွင် အာဏာသိမ်းပြီးနောက် ပြည်တွင်းပြည်ပ ဒီမိုကရေစီအင်အားစုများကို အချိန်ယူဖြိုခွဲနိုင်ရေးအတွက် နယ်စပ်ဒေသအသီးသီးရှိ တိုင်းရင်းသားလက်နက်ကိုင်အဖွဲ့များကို စီးပွားရေးလုပ်ပိုင်ခွင့် မက်လုံးပေးပြီး ကိုယ်ပိုင်အုပ်ချုပ်ခွင့်ပေးကာ အပစ်အခတ်ရပ်စဲရေးများ ဆက်တိုက်လုပ်ဆောင်ခဲ့သည်။ တနည်းအားဖြင့်ဆိုရလျှင် ရေရှည်၌ လက်နက်ကိုင်တပ်ဖွဲ့ခေါင်းဆောင်များအားလုံး စီးပွားရေးလောဘဇောတိုက်ပြီး အောက်ခြေထုနှင့် ကင်းပြတ်ကာ ရေမြွေများဖြစ်သွားမည်ဟု စစ်အုပ်စု မျှော်လင့်ခဲ့ပုံပေါ်သည်။ ထိုသို့ရေမြွေဖြစ်ချိန်ကျမှ အလွယ်တကူ ခြေမှုန်းနိုင်ရန် ရည်ရွယ်ပြီး ဉာဏ်နီဉာဏ်နက်ထုတ် လုပ်ဆောင်ခဲ့ခြင်းဖြစ်နိုင်ပေသည်။

ယခုအခါ နအဖစစ်အုပ်စုမှ နယ်ခြားစောင့်တပ်ဖွဲ့စည်းရေးကို အတင်းအကျပ် ဖိအားပေး လုပ်ဆောင်လာသည့်အခါတွင် စီးပွားရေးလောဘဇောတိုက်ကာ ရေမြွေဖြစ်သွားခဲ့ကြသည့် အပစ်ရပ်တပ်ဖွဲ့အများစုက နအဖ၏ လိုလားချက်ကို အလွယ်တကူ လိုက်လျောခဲ့ကြရပြီး တင်းခံနေသည့် အဖွဲ့များထဲမှ အင်အားအနည်းဆုံးဖြစ်သော ဦးဖုန်ကြားရှင် ဦးဆောင်သည့် မြန်မာနိုင်ငံလူမျိုးစုများဒီမိုကရေစီမဟာမိတ်တပ်ပေါင်းစု (MNDAA) ကိုလည်း နအဖက အင်အားသုံးတိုက်ခိုက်ပြခဲ့ပြီဖြစ်သည်။

ဆက်လက်ပြီး နယ်ခြားစောင့်တပ်ဖွဲ့အသွင်ကူးပြောင်းရန် ငြင်းဆန်နေသည့် ဝပြည် သွေးစည်းညီညွတ်ရေးတပ်မတော် (UWSA)၊ ကချင်အမျိုးသားလွတ်မြောက်ရေးအဖွဲ့ (KIO)၊ အမျိုးသားဒီမိုကရက်တစ် မဟာမိတ်တပ်မတော် (NDAA – ESS) မိုင်းလားအဖွဲ့၊ ရှမ်းပြည်မြောက်ပိုင်းတပ်မတော် (SSA-N)၊ မွန်ပြည်သစ်ပါတီ (NMSP) တို့ကိုလည်း အတင်းအကျပ် ဖိအားပေးလုပ်ဆောင်ရန် နအဖစစ်တပ်မှ စစ်ရေးပြင်ဆင်မှုများ တိုးမြှင့်လုပ်ဆောင်နေသည်ကို တွေ့ရပေသည်။

သို့သော် နယ်ခြားစောင့်တပ်ဖွဲ့ရေး လက်ခံရန် ကျန်ရှိနေသည့် အပစ်ရပ်တပ်ဖွဲ့များမှာ အင်အားကိုယ်စီကိုယ်င ရှိကြသည့်နည်းတူ အလွယ်တကူ အညံ့ခံမည့် အနေအထား မတွေ့ရသည့်အတွက် ဗိုလ်သန်းရွှေ ဦးစီးသည့် နအဖစစ်အုပ်စုက အနော်ရထာ၊ ဘုရင့်နောင်၊ အလောင်းဘုရားရူးရူးကာ အတင်းအဓမ္မ မဆင်မခြင် ထိုးစစ်ဆင်တိုက်ခိုက်မည်ဆိုလျှင် တိုင်းပြည်အနေဖြင့် ပြည်တွင်းစစ်မီး အကြီးအကျယ်တောက်လောင်ပြီး အလုံးစုံပျက်သုဉ်းကြေမွမည့် အခြေအနေသို့ ဆိုက်ရောက်သွားနိုင်ပေသည်။

ထိုသို့သော အခြေအနေဆိုးကြီးကို ရှောင်ရှားနိုင်ရန်နှင့် စစ်အုပ်စု၏ အနာဂတ်ထွက်ပေါက် ကောင်းမွန်လှပစေရန်အတွက် နအဖအနေဖြင့် တိုင်းပြည်အား စစ်က္ဆွန်ပြုရေးစီမံကိန်းကို စွန့်လွှတ်ဖျက်သိမ်းပြီး တိုင်းရင်းသားလူမျိုးစုအားလုံးက လက်ခံသည့် လူထုခေါင်းဆောင် ဒေါ်အောင်ဆန်းစုကြည်အပါအဝင် တိုင်းရင်းသားခေါင်းဆောင်များ၊ ပြည်သူ့ကိုယ်စားလှယ်များနှင့် အကျေအလည် ညှိနှိုင်းဆွေးနွေးပြီး အပြောင်းအလဲတရပ် အမြန်ဆုံးဖော်ဆောင်ရန် အကြံပြုလိုပေသည်။

ထို့နောက် အင်အားစုအသီးသီးက လက်ခံသည့် ဖက်ဒရယ်ပြည်ထောင်စုအစိုးရတရပ်ပေါ်ပေါက်ရေး ဝိုင်းဝန်းကြိုးပမ်းပြီး ထိုအစိုးရ၏ ဦးဆောင်လမ်းညွှန်မှု၊ တိုင်းရင်းသားအင်အားစုအသီးသီး၊ နိုင်ငံရေးအင်အားစုအသီးသီး၏ ကောင်းမွန်သော အကြံပြုမှုများဖြင့်သာ တခုတည်းသော စုစည်းညီညွတ်သည့် ပြည်သူ့တပ်မတော်ကို ဝိုင်းဝန်းထူထောင်ကြပါစို့ဟု ခေတ်ပြိုင်က တိုက်တွန်းရေးသားလိုက်ရပေသည်။



သဘာဝ ဓာတ်ငွေ့လိုင်း ပျက်စီးသဖြင့် ရန်ကုန်တွင် ရေပြတ်လပ်ခဲ့ Print E-mail
မဇ္ဈိမသတင်းဌာန
တနင်္လာနေ့၊ အောက်တိုဘာလ 26 ရက် 2009 ခုနှစ် 22 နာရီ 08 မိနစ်


နယူးဒေလီ။ ။ ရန်ကုန်တိုင်း မြို့နယ် ၁၁ မြို့နယ်တွင် ပြီးခဲ့သည့် ရက်သတ္တပတ်အတွင်း သုံးရေပြတ်လပ်ရခြင်းမှာ လျှပ်စစ်ဓာတ်အား မလုံလောက်သဖြင့် ရေတွန်းစက်များ မလည်ပတ်နိုင်ခြင်းကြောင့်ဟု ရန်ကုန်စည်ပင်က ယနေ့ ပြောဆိုသည်။

ရန်ကုန်မြို့တွင် ကမ်းလွန် သဘာဝဓာတ်ငွေ့ဖြင့် လည်ပတ်နေသော လျှပ်စစ်ဓာတ်အားပေး စက်ရုံများသို့ ပေးပို့နေသည့် မွန်ပြည်နယ် လမိုင်းမြို့နယ်အတွင်းမှ ဓာတ်ငွေ့ပိုက်လိုင်းသည် ပြီးခဲ့သည့်လ ၁၉ ရက်နေ့နှင့် ၂၃ ရက်နေ့တွင် ပျက်စီးခဲ့ခြင်းကြောင့် ဓာတ်ငွေ့ မပေးပို့နိုင်ရာမှ စက်ရုံများ မလည်ပတ်နိုင်သဖြင့် လုံလောက်သည့် လျှပ်စစ်အား မရခဲ့ခြင်း ဖြစ်သည်ဟု ပြောဆိုခြင်း ဖြစ်သည်။

'အီးပီစီက ဂက်စ်လိုင်းပေါက်လို့ ပြင်နေတာ။ ကျနော်တို့ဆီကို မီးမပေးနိုင်လို့ စက်တွေ မမောင်းနိုင်ဘူး။ စက်တွေအားလုံး ကောင်းပါတယ်။ မီးအား မပြည့်လို့ပါ' ဟု ရန်ကုန်စည်ပင်မှ အမည်မဖော်လိုသည့် တာဝန်ရှိသူ တဦးက မဇ္ဈိမကို ပြောသည်။

ကမ်းလွန် သဘာဝဓာတ်ငွေ့ဖြင့် လည်ပတ်နေသော ရန်ကုန်တိုင်း လှော်ကား လျှပ်စစ်ဓာတ်အားပေး စက်ရုံမှ တာဝန်ရှိသူတဦးကလည်း အဆိုပါ ဓာတ်ငွေ့ပိုက်လိုင်း ပျက်စီးခဲ့သည်ဟူ၍ အတည်ပြု ပြောဆိုလိုက်ပြီး၊ သူက 'အဲဒီပိုက်လိုင်းက ရန်ကုန်မြို့က ဓာတ်ငွေ့သုံးစက်ရုံတွေကို ပို့ပေးနေတဲ့ ပိုက်လိုင်းပါ' ဟု ဆက်ပြောသည်။

ရန်ကုန်တွင် ကမ်းလွန် သဘာဝဓာတ်ငွေ့ အသုံးပြုသည့် သာကေတ၊ ရွာမနှင့် လှော်ကား လျှပ်စစ်ဓာတ်အားပေး စက်ရုံ ၃ ရုံရှိပြီး၊ ကုန်းတွင်း သဘာဝဓာတ်ငွေ့ဖြင့် လည်ပတ်သည့် အလုံစက်ရုံနှင့် နိုင်ငံပိုင် ရေအားလျှပ်စစ် စက်ရုံကလည်း လျှပ်စစ်ဓာတ်အား ဖြန့်ဝေပေးလျက်ရှိသည်။

ဖူးကြီး၊ လှော်ကား၊ ဂျိုးဖြူနှင့် ငမိုးရိပ် စသည့် ရေလှောင်ကန်များမှ ရန်ကုန်သို့ နေ့စဉ် ရေဂါလံ သန်း ၁၄ဝ ကျော် ပေးဝေလျက်ရှိရာ ဂျိုးဖြူရေလှောင်ကန်တခုသာ ရေတွန်းစက်မလိုဘဲ ရေပေးဝေနိုင်ပြီး ကျန်ရေလှောင်ကန်များမှာ ရေတွန်းစက်အသုံးပြု၍ ပေးဝေရကြောင်း စည်ပင်မှတ်တမ်းများအရ သိရသည်။

မြို့တွင်းဧရိယာများ၊ ပင်မပိုက်လိုင်းနှင့် အလှမ်းဝေးသော နေရာများသို့ ကမ္ဘာအေး ရေတွန်းစက်ရုံမှ ရေတွန်းစက် ၃ လုံး၊ ငမိုးရိပ် ရေပေးဝေရေးစခန်း (ညောင်နှစ်ပင်) မှ ၃ လုံး၊ လှော်ကားမှ ၂ လုံးတို့ဖြင့် ရေတွန်းပို့လျက်ရှိသည်။

ရန်ကုန်မြို့တော်ဝန် ဗိုလ်မဋ္ဌးချုပ်အောင်သိန်းလင်းက လျှပ်စစ်မီး ပြတ်တောက်စဉ် ရေတွန်းစက်ရုံများ လည်ပတ်နိုင်ခြင်း မရှိသဖြင့် မြို့နယ်အချို့တွင် ရေပြတ်တောက်မှု ဖြစ်ပေါ်ရကြောင်း ပြီးခဲ့သည့် ဖေဖော်ဝါရီလလယ်ပိုင်းက ပြည်တွင်းအပတ်စဉ်ထုတ် ဂျာနယ်တစောင်သို့ ပြောကြားခဲ့သည်။

ရေတွန်းစက်ရုံများမှ ရေမလွှတ်နိုင်သဖြင့် သုံးရေပြတ်လပ်ခဲ့သော မြို့နယ်များမှာ လသာ၊ ကျောက်တံတား၊ ဗဟန်း၊ မင်္ဂလာတောင်ညွန့်၊ ပုစွန်တောင်၊ စမ်းချောင်း၊ တာမွေ၊ ပန်းဘဲတန်း၊ ရန်ကင်း၊ ကြည့်မြင်တိုင်နှင့် ကမာရွတ် ဖြစ်သည်။

အဆိုပါ မြို့နယ်များတွင် အနည်းဆုံး ၂ ရက်မှ ၅ ရက်အထိ သုံးရေမရရှိသဖြင့်၊ ရေတဘူးလျှင် ကျပ် ၅ဝဝ ဖြင့်လည်းကောင်း၊ ရေတစည်လျှင် ကျပ် ၁၅ဝဝ ဖြင့်လည်းကောင်း ဒေသခံများက ဝယ်ယူသုံးစွဲခဲ့ရသည်။ အချို့မှာ နီးစပ်ရာ ဘုန်းတော်ကြီးကျောင်းများနှင့် ကိုယ်ပိုင်အဝီစိတွင်းရှိသည့် မိတ်ဆွေအိမ်များတွင် ရေပုံးများဖြင့် သယ်ယူသုံးစွဲခဲ့ရပြီး အချို့မှာ ရေတင်ရန် ကြိုးစားရင်း လျှပ်စစ်မော်တာအချို့ပင် ပျက်စီးဆုံးရှုံးခဲ့ကြောင်း သိရသည်။

ရန်ကုန်တွင် ၂ဝဝ၈ ခုနှစ် မေလဆန်းတွင် နာဂစ်မုန်တိုင်း တိုက်ခိုက်ခဲ့ပြီးနောက်ပိုင်း သုံးရေပြတ်တောက်မှု ကြုံတွေ့ခဲ့သေးသော်လည်း ယခုတကြိမ်သည် အချိန်အကြာဆုံး ဖြစ်ကြောင်း မြို့ခံများက ပြောဆိုကြသည်။

(ဆလိုင်း ဟံသာစန်း သတင်းပေးပို့သည်။)


စစ်အစိုးရအရာရှိက အမေရိကန်သံတမန်ကို တွေ့ဆုံ Print E-mail
မုံပီး
တနင်္လာနေ့၊ အောက်တိုဘာလ 26 ရက် 2009 ခုနှစ် 20 နာရီ 17 မိနစ်


နယူးဒေလီ (မဇ္ဈိမ)။ ။ မျှတစွာ အားလုံးကို တွေ့ဆုံသည့်အနေဖြင့် ရန်ကုန်ရှိ အမေရိကန်သံရုံး တာဝန်ခံသံမဋ္ဌး မစ္စတာ လာရီ အမ် ဒင်းဂါး (Larry M. Dinger) သည် စစ်အစိုးရ လယ်ယာစိုက်ပျိုးရေးနှင့် ဆည်မြောင်းဝန်ကြီး ဗိုလ်ချုပ်ဌေးဦးနှင့် ပြီးခဲ့သည့် အပတ်က တွေ့ဆုံခဲ့သည်။

ယင်းတွေ့ဆုံမှုသည် အမေရိကန် သံတမန်နှင့် အမျိုးသား ဒီမိုကရေစီအဖွဲ့ချုပ် - NLD ရုံးတွင် ပါတီခေါင်းဆောင်များနှင့် တွေ့ဆုံအပြီး ၃ ရက်အကြာတွင် ပေါ်ထွက်လာခဲ့ခြင်း ဖြစ်သည်။

စစ်အစိုးရ၏ ယနေ့ထုတ် မြန်မာ့အလင်း သတင်းစာ အဆိုအရ စစ်အစိုးရ ကျောထောက် နောက်ခံပေးထားသော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအဖွဲ့ (USDA) ၏ အထွေထွေ အတွင်းရေးမဋ္ဌးလည်း ဖြစ်သူ ဦးဌေးဦးသည် မစ္စတာ ဒင်းဂါးကို ယခုလ ၂၄ ရက်နေ့က လက်ခံတွေ့ဆုံခဲ့သည်ဟု ဖော်ပြရေးသားထားသည်။

သတင်းစာထဲတွင် ဦးဌေးဦးနှင့် မစ္စတာ ဒင်းဂါးအကြား မည်သည့် အကြောင်းအရာများ ဆွေးနွေးခဲ့သည်ကို အသေးစိတ် ဖော်ပြထားခြင်း မရှိပါ။

NLD ဗဟို အလုပ်အမှုဆောင်များနှင့် တွေ့ဆုံရာတွင် အမေရိကန် လက်ထောက် နိုင်ငံခြားရေး ဝန်ကြီး မစ္စတာ ကတ်ကင်းဘဲလ် (Kurt Campbell) လာရောက်မည့် ခရီးစဉ်အတွက် ပြင်ဆင်သည့် အနေဖြင့် လက်ရှိ မြန်မာ့နိုင်ငံရေး အခြေအနေ၊ မြန်မာနိုင်ငံအပေါ် ထားရှိသော အမေရိကန် မူဝါဒသစ်တို့ကို ပြီးခဲ့သည့် အင်္ဂါနေ့တွင် ဆွေးနွေးခဲ့သည်။

မစ္စတာကင်းဘဲလ် မြန်မာနိုင်ငံသို့ မကြာမီ လာရောက်မည့် အကြောင်း သူတို့ကို အသိပေး ပြောကြားခဲ့ပြီး မြန်မာနိုင်ငံအပေါ် ထားရှိသည့် အမေရိကန်၏ မူဝါဒသစ်အပေါ် NLD ၏ သဘောထားကိုလည်း မေးမြန်းခဲ့သည်ဟု NLD ဗဟို အလုပ်အမှုဆောင် အဖွဲ့ဝင်တဦး ဖြစ်သူ ဦးခင်မောင်ဆွေက ပြောသည်။

မြန်မာနိုင်ငံအပေါ် ထားရှိမည့် မူဝါဒသစ်ကို အမေရိကန်နိုင်ငံက ပြီးခဲ့သည့်လအတွင်း ထုတ်ပြန် ကြေညာခဲ့သည်။ ယင်းမူဝါဒသစ်အရ ရှိရင်းစွဲ ဒဏ်ခတ် အရေးယူမှုများကို ဆက်လက်ထားရှိပြီး စစ်အစိုးရနှင့် ထိတွေ့ဆက်ဆံမည့် မူဝါဒကို စတင် ကျင့်သုံးသွားမည်။

ပထမဆုံးအနေဖြင့် မစ္စတာ ကင်းဘဲလ်သည် မြန်မာနိုင်ငံ သိပ္ပံနှင့် နည်းပညာ ဝန်ကြီး ဦးသောင်းနှင့် နယူးယောက်မြို့တွင် ပြီးခဲ့သည့်လ ၂၉ ရက်နေ့တွင် တွေ့ဆုံခဲ့သည်။

အချက်အလက်ရှာဖွေသည့် ခရီးစဉ်အနေဖြင့် သူသည် မြန်မာနိုင်ငံသို့ နောက်ရက်သတ္တပတ် အနည်းငယ်အတွင်း သွားရောက်ရန် ရည်ရွယ် ထားကြောင်း နိုင်ငံခြားရေးရာ ကော်မတီ၏ ကြားနာပွဲတွင် မစ္စတာ ကင်းဘဲလ်က ပြောကြားခဲ့သည်။

''ဤခရီးစဉ်အတွင်း မြန်မာအစိုးရ၊ တိုင်းရင်းသား ကိုယ်စားလှယ်များ၊ အမျိုးသား ဒီမိုကရေစီ အဖွဲ့ချုပ်မှ ဦးလေးကြီးများနှင့် ဒေါ်အောင်ဆန်းစုကြည်တို့ အပါအဝင် ဒီမိုကရေစီ အတိုက်အခံများနှင့် တွေ့ဆုံ၍ စကားပြောဆိုသွားမည်'' ဟု မစ္စတာ ကင်းဘဲလ်က ပြောသည်။

မြန်မာဗိုလ်ချုပ်ကြီးများအပေါ် တင်းကျပ်သော ဒဏ်ခတ်အရေးယူမှုများ ဆက်လက်ထားရှိသည့် အမေရိကန်၏ စစ်အစိုးရနှင့် ထိတွေ့ဆက်ဆံရေး မူဝါဒသစ်ကို စစ်အစိုးရ၏ အရှေ့တောင်အာရှ အိမ်နီးချင်းနိုင်ငံများက လက်ခံ ကြိုဆိုလိုက်သည်။

ယင်းသည် စစ်အစိုးရအတွက် ရှားရှားပါးပါး အခွင့်အလမ်းတရပ် ဖြစ်သည်ဟု ထိုင်းနိုင်ငံတွင် ၂ ရက်ကြာ ကျင်းပခဲ့သော ထိပ်သီးအစည်းအဝေး အပြီး ယမန်နေ့က ပြောကြားခဲ့သည်။

ထိုထိပ်သီး အစည်းအဝေးအတွင်း မြန်မာ ဝန်ကြီးချုပ်က ၂ဝ၁ဝ ခုနှစ်တွင် ကျင်းပရန် စီစဉ်ထားသည့် ရွေးကောက်ပွဲများသည် လွတ်လပ်မျှတ မည်ဟူ၍ အရှေ့တောင်အာရှနိုင်ငံများ အဖွဲ့ဝင်နိုင်ငံများနှင့် ဆွေးနွေးဘက် နိုင်ငံများကို အာမခံ ပြောကြားခဲ့သည်ဟု ဆိုသည်။

အကယ်၍ သူမဘက်က `သဘောထားမှန်´ ပါက အတိုက်အခံ ခေါင်းဆောင် ဒေါ်အောင်ဆန်းစုကြည်အပေါ် ထားရှိသည့် အကျယ်ချုပ် စည်းကမ်းချက်များကို လျှော့ပေါ့ပေးမည်ဟု ဦးသိန်းစိန်က ပြောကြားခဲ့သည်။

သို့သော် ဝေဖန်သူများကမူ ယင်းသည် နိုင်ငံတကာဖိအားများ လျော့ကျရန်အလို့ငှာ ပြုလုပ်သည့် စစ်အစိုးရ၏ နောက်ထပ် ပရိယာယ် တရပ်မျှသာ ဖြစ်ကြောင်း ပြောဆိုကြသည်။



ကချင်ပြည်နယ် မချမ်းဘောတွင် စပါးဖျက်ပိုးနှင့် ကြွက်များ မရှိတော့ Print E-mail
ဖနိဒါ
တနင်္လာနေ့၊ အောက်တိုဘာလ 26 ရက် 2009 ခုနှစ် 20 နာရီ 00 မိနစ်


မဇ္ဈိမ (ချင်းမိုင်)။ ။ ကချင်ပြည်နယ် မြောက်ပိုင်း၌ စပါးဖျက်ပိုးနှင့် ကြွက်များ ကိုက်ဖြတ်မှု မရှိတော့ကြောင်း အဆိုပါ ဒေသအတွင်းသို့ သွားရောက်လေ့လာခဲ့သည့် ကချင်လွတ်မြောက်ရေးအဖွဲ့ - KIO မှ ဒေသဖွံ့ဖြိုးရေးဌာန တာဝန်ခံ အပြောအရ သိရသည်။

ကချင်ပြည်နယ် မြောက်ပိုင်း ပူတာအိုခရိုင် မချမ်းဘောမြို့နယ် အနောက်ဘက် 'မလိခရန်ဝလောင်' နှင့် 'လော့ကောင်' ဒေသများရှိ ကျေးရွာပေါင်း ၆ဝ ကျော်မှ တောင်ယာစပါးများကို ပြီးခဲ့သည့် သြဂုတ်လကုန်ပိုင်းမှစ၍ စပါးဖျက်ပိုးနှင့် ကြွက်များ ကိုက်ဖြတ်နေခဲ့ရာမှ ယခုအခါ မရှိတော့ကြောင်း သိရခြင်း ဖြစ်သည်။

'အခုအချိန်တော့ ပိုးတွေ မကိုက်တော့ဘူး။ ကြွက်လည်း မဖျက်တော့ဘူး။ သူက မိုးရာသီမှာ ဖျက်တာ များတယ်။ ရာသီချိန်မှ ထွက်တာ။ အခု ရှာလို့တောင် မတွေ့တော့ဘူး။ ကြွက်တွေက မြေကြီးမှာ အောင်းနေတာလား။ ပိုးတွေကတော့ မြေမှာပဲ ၅၊ ၆ ကောင်လောက်ဘဲ ရှာတွေ့တယ်' ဟု KIO ဒေသဖွံ့ဖြိုးရေးဌာန တာဝန်ခံ ဦးဆင်ဝါးက မဇ္ဈိမကို ပြောသည်။

စပါးဖျက်ပိုးနှင့် ကြွက်များ ကိုက်ဖြတ်ဖျက်ဆီးမှုကြောင့် ဒေသခံ ၄ ထောင်ခန့် ရိက္ခာလိုအပ်မှု ဖြစ်နေသည်ဟု သိရသည်။

လုံးပတ် ၂ စင်တီမီတာ (ဝ.၇၅ လက်မကျော်)၊ အရှည် တလက်မခန့်ရှိ အဖြူရောင် စပါးဖျက်ပိုးကို ကချင်ဘာသာဖြင့် 'နွန်' ဟု ခေါ်ပြီး မြန်မာလို 'ဖိုးလမင်းကျိုင်း' ဟု ခေါ်ဆိုကြောင်း သိရသည်။

ကြွက်နှင့် စပါးဖျက်ပိုးများကြောင့် ပြီးခဲ့သည့် ဧပြီ-မေလအတွင်း၌ စိုက်ပျိုးပြီး စက်တင်ဘာအတွင်း ရိတ်သိမ်းသည့် ကောက်စော စပါးခင်းများ လုံးဝ ပျက်စီးခဲ့သည်။ ဇူလိုင်လအတွင်း စိုက်ပျိုးထားသည့် ကောက်လတ်၊ ကောက်နှောင်း စပါးများမှာမူ အကိုက်ခံရသော်လည်း မပျက်စီးခဲ့ပေ။

စပါးပျက်စီးသွားသော ကချင်တောင်သူများကို မြောက်ပိုင်းတိုင်း စစ်ဌာနချုပ်မှ လဋ္ဌဒါန်းသည့် ဆန်အိတ် ၈ဝဝ ကို KIO တပ်ရင်း ၇ မှတဆင့် လာမည့်လအတွင်း စတင် ခွဲဝေပေးသွားမည် ဖြစ်သည်။ သို့သော် လာမည့်နှစ် ဧပြီလမှစ၍ ရိက္ခာအခက်အခဲ ဖြစ်လာနိုင်ကြောင်း ဦးဆင်ဝါးက သုံးသပ်သည်။

စပါးဖျက်ပိုးနှင့် ကြွက်များ သောင်းကျန်းနေသော ကချင်ပြည်နယ် မချမ်းဘောမြို့နယ်ရှိ ဒေသများသို့ အရေးပေါ် အကူအညီပေးရန် KIO ခေါင်းဆောင်များနှင့် စစ်အစိုးရ အရာရှိများသည် ယခုလ ၁၄ ရက်နေ့မှ စတင်၍ သွားရောက် ကြည့်ရှုခဲ့ပြီး ၂၂ ရက်နေ့တွင် ပြန်ရောက်ခဲ့ကြသည်။

မြောက်ပိုင်းတိုင်း တိုင်းမဋ္ဌး ဗိုလ်ချုပ်စိုးဝင်း အပါအဝင် ဌာနဆိုင်ရာ တာဝန်ခံများနှင့် KIO ဌာနဆိုင်ရာ တာဝန်ခံများ အကြား စပါးပျက်စီးမှုနှင့် ပတ်သက်၍ ဆွေးနွေးခဲ့ကြပြီးနောက် အကူအညီပေးရေး အစီအစဉ် ပေါ်ထွက်လာခဲ့ခြင်း ဖြစ်သည်။

လတ်တလောတွင် ကာကွယ်ရေးလုပ်ငန်းများ မလုပ်သေးသော်လည်း လာမည့်နှစ် စပါးစိုက်ပျိုးချိန်တွင် စစ်အစိုးရနှင့် KIO က ပူးပေါင်း၍ ပိုးသတ်ဆေးများ ပက်ဖြန်းရန် စီစဉ်မည် ဖြစ်ကြောင်း သိရသည်။

ထို့အပြင် ကြွက်ကြောင့် မည်သည့် ကူးစက်ရောဂါမျှ မတွေ့ရှိရကြောင်း အဆိုပါ ဒေသသို့ လိုက်ပါသွားသူ KIO မှ ဆရာဝန်တဦးက မဇ္ဈိမကို ပြောသည်။



မြန်မာ-ထိုင်း လက်ဝှေ့ပွဲသည် ငွေရှင်တို့ လှည့်ကွက်ဟု အားကစား ကလောင်ရှင် ဝေဖန် Print E-mail
ကျော်ခ
တနင်္လာနေ့၊ အောက်တိုဘာလ 26 ရက် 2009 ခုနှစ် 19 နာရီ 41 မိနစ်


မဇ္ဈိမ (ချင်းမိုင်)။ ။ မြန်မာ-ထိုင်း နှစ်နိုင်ငံ ရွှေခါးပတ်ချန်ပီယံတို့ ယခုလ ၂၄-၂၅ ရက်များတွင် ယှဉ်ပြိုင်ခဲ့ကြသည့် လက်ဝှေ့ စိန်ခေါ်ပွဲများသည် ငွေရှင်တို့၏ လှည့်ကွက်သာ ဖြစ်ကြောင်း ဝါရင့်အားကစား ကလောင်ရှင် ခင်မောင်ထွေး (ပျဉ်းမနား) က ဝေဖန် ပြောကြားလိုက်သည်။

ရန်ကုန် အမျိုးသား အားကစားပြိုင်ပွဲရုံ (၁)၊ သုဝဏ္ဏ၌ ကျင်းပခဲ့သော 'မြန်မာ-ထိုင်း နိုင်ငံတကာ ရိုးရာလက်ဝှေ့ စိန်ခေါ်ပွဲကြီး အမှတ် (၂)' ပြိုင်ပွဲတွင် မြန်မာလက်ဝှေ့ ချန်ပီယံ ၄ ဦးနှင့် ထိုင်းချန်ပီယံ ၄ ဦးတို့ ထိုးသတ်ခဲ့ရာ သရေပွဲများဖြင့် အဆုံးသတ်ခဲ့သည်ကို ဝေဖန်လိုက်ခြင်း ဖြစ်သည်။

'မဖြစ်နိုင်ဘူးလေ။ လုံးချောတို့၊ စောငမန်းတို့က နှစ်ပေါင်းများစွာ ကျင့်လာခဲ့ပြီး ဒီအဆင့်ရောက်လာတာ၊ ရိုးရာ လက်ဝှေ့ကို။ နောက်တပွဲ ထပ်လုပ်ချင်လို့ပေါ့ဗျ။ သူတို့ငွေရှင်တွေရဲ့ လှည့်ကွက်ပဲ။ မြန်မာလက်ဝှေ့ကို နိုင်ငံခြားသားတွေက တနှစ်လောက် ကျင့်ရုံနဲ့ မြန်မာချန်ပီယံတွေကို စိန်ခေါ်ပြီး ထိုးနိုင်တဲ့ အဆင့်ရောက်ပြီဆိုတာ လုံးဝမဖြစ်နိုင်ဘူး' ဟု ဝါရင့် အားကစား ကလောင်ရှင် ခင်မောင်ထွေး (ပျဉ်းမနား) က မဇ္ဈိမကို ပြောသည်။

ယင်းလက်ဝှေ့ပွဲကို မြန်မာ့ရိုးရာ လက်ဝှေ့အဖွဲ့ချုပ်က ကြီးမဋ္ဌး၍ ထက်လင်း တိုင်းရင်းဆေးဝါး လုပ်ငန်းက ပံ့ပိုးကူညီပြီး၊ T&T Group က တာဝန်ယူ စီစဉ်ကျင်းပခဲ့ခြင်း ဖြစ်သည်။

ပထမအကြိမ်ကို ၂ဝဝ၈ ခုနှစ် နိုဝင်ဘာလ ၈-၉ ရက်နေ့များတွင် သုဝဏ္ဏ၌ပင် ကျင်းပခဲ့ပြီး ဖြစ်သည်။ ယင်းပွဲတွင် ထိုင်းမှ ထုံထောင်း၊ လာချီလိတ်၊ ပါဝိနှင့် ထန်ဝါလစ်တို့ ဖြစ်ကြပြီး၊ မြန်မာမှ လုံးချော၊ စောငမန်း၊ တွေ့မရှောင်၊ ဝင်းထွန်းတို့ ဖြစ်ကြသည်။

ယင်းပွဲတွင် လုံးချောက ထုံထောင်းကို လည်းကောင်း၊ တွေ့မရှောင်က ပါဝိကို လည်းကောင်း၊ စောငမန်းက ထန်ဝါလစ်ကို လည်းကောင်း အသီးသီး အနိုင်ရရှိခဲ့ပြီး ဝင်းထွန်းနှင့် လာချီလိတ်တို့ ပွဲတပွဲသာ သရေကျခဲ့သည်။

ယခုဒုတိယပွဲတွင် မြန်မာဘက်၌ ကြယ်လင်းအောင် တဦးသာ မျက်နှာသစ်ဖြစ်ပြီး ထိုင်းဘက်တွင်လည်း လုံးချောနှင့် ထိုးသတ်သည့် လတ်မွန်ခွန်းတဦးသာ အသစ်ခေါ်လာခြင်း ဖြစ်သည်။

ယခင်က ဝင်းထွန်းနှင့် သရေကျထားသည့် လာချီလိတ်သည် ယခုနှစ်ပွဲတွင် ကြယ်လင်းအောင်နှင့် ထိုးသတ်ခဲ့သည်။ စောငမန်းနှင့် ထန်ဝါလစ်၊ တွေ့မရှောင်နှင့် ပါဝိ အသီးသီး ထိုးခဲ့ကြသည်။

ယခုနှစ်တွင် သရေကျခဲ့ရသော်လည်း မြန်မာလက်ဝှေ့သမားများမှာ အားနည်းချက် မရှိကြောင်းနှင့် ထိုင်း လက်ဝှေ့သမားများ အနေဖြင့် မိမိတို့ကို အနိုင်ကစားနိုင်ရန် သေချာစွာ ပြင်ဆင်လာခဲ့ကြောင်း ပွဲဖြစ်မြောက်ရေး စီစဉ်သည့် T&T Group မှ ပွဲဖြစ်မြောက်ရေး တာဝန်ခံ မြန်မာ့ရိုးရာ လက်ဝှေ့အဖွဲ့ချုပ် ကော်မတီဝင် ဦးစိုးသန်းဝင်းက ပြောသည်။

'တဘက်ကလည်း သူ့ဟာသူ ကောင်းနေတာကိုး။ ပြီးခဲ့တဲ့ အခေါက်က ၄ ပွဲပြိုင်တာ ၃ ပွဲရှုံးတယ်ဆိုတော့ သူတို့အနေနဲ့ အများကြီး ပြင်ဆင် လာတာတွေ ရှိတယ်လေ။ ကျနော်တို့လည်း ဒါကိုနမူနာယူပြီး ပြန်လည် ပြင်ဆင်ရမှာကိုးဗျ' ဟု သူက မဇ္ဈိမကို ပြောသည်။

ယခုနှစ် ကွင်းဝင်ကြေးကို အထူးတန်းအတွက် ကျပ် ၁ သောင်းနှင့် ရိုးရိုးတန်းအတွက် ကျပ် ၇ ထောင်နှုန်းဖြင့် သတ်မှတ် ရောင်းချခဲ့ပြီး၊ တရက်လျှင် ပရိသတ် ၂ ထောင်ကျော် လာရောက် ကြည့်ရှုကြောင်း သိရသည်။

မြန်မာ-ထိုင်း ပွဲကြီး ၄ ပွဲ ယှဉ်ပြိုင်ခဲ့သူများကို တဦးလျှင် ကျပ်ငွေ ၁၅ သိန်း (ဘတ် ၄ သောင်းခွဲကျော်)၊ ကြားပွဲ ၁၁ ပွဲမှ ယှဉ်ပြိုင်သူ တဦးလျှင် ကျပ် ၆ သိန်းခန့်စီ အသီးသီး ချီးမြှင့်ခဲ့ကြောင်း သိရသည်။

ယခုနှစ်ချီးမြှင့်သည့် ဆုကြေးငွေနှင့် ကွင်းဝင်ကြေးများမှာ ပြီးခဲ့သည့်နှစ်က ပြုလုပ်ခဲ့သည့် ပြိုင်ပွဲနှုန်းအတိုင်း ဖြစ်သော်လည်း ယခုနှစ်ပြိုင်ပွဲတွင် လာရောက်ကြည့်ရှုသူ ပရိသတ်အင်အားမှာ လျော့နည်းသွားခဲ့ကြောင်း ဦးစိုးသန်းဝင်းက ပြောသည်။

ယခုလို ထိုင်း-မြန်မာ လက်ဝှေ့ ယှဉ်ပြိုင်ပွဲများကို နောက်ထပ် ကျင်းပရန် အစီအစဉ်ရှိသော်လည်း ကျင်းပမည့်ရက် အတိအကျ မသတ်မှတ်ရ သေးကြောင်း သူက ပြောသည်။



ကိုးကန့်မြို့တော်တွင် ဗုံး ၁၂ လုံး ပေါက်ကွဲ Print E-mail
မျိုးကြီး
တနင်္လာနေ့၊ အောက်တိုဘာလ 26 ရက် 2009 ခုနှစ် 19 နာရီ 13 မိနစ်


ရွှေလီ (မဇ္ဈိမ) ။ ။ အပစ်ရပ် ကိုးကန့်အဖွဲ့ MNDAA နှင့် မြန်မာစစ်တပ်အကြား တိုက်ပွဲများဖြစ်ပွားပြီး ၂ လခန့် အကြာ၊ ယခုလ ၂၄ ရက်နေ့ ညပိုင်းတွင် ရှမ်းပြည် (မြောက်ပိုင်း) ကိုးကန့်မြို့တော် လောက်ကိုင်၌ ဗုံး ၁၂ လုံးခန့် ပေါက်ကွဲခဲ့သည်။

မြန်မာစစ်တပ်က MNDAA ကို ခေါင်းဆောင်သစ်များဖြင့် ပြန်လည်ဖွဲ့စည်းကာ ဒေသတခုလုံးကို စစ်တပ် ထိန်းချုပ်မှုအောက် ထားရှိစဉ် ဥက္ကဋ္ဌအသစ် ဦးပိုင်စိုချိန် ပိုင်ဆိုင်သည့် ရွှေဆိုင်နှင့် တရုတ်ဗိသုကာ ဘုံ ၇ ဆင့် အဆောက်အဦး အနီး၌ ဗုံးများ ပေါက်ကွဲခဲ့ခြင်း ဖြစ်သည်။

'၂၄ ရက်နေ့ ညက ၈ နာရီကနေပြီး ၁၂ နာရီလောက်အထိပေါ့။ ဗုံး ၁၂ လုံး ကွဲတယ်။ လောက်ကိုင်မြို့မှာ ဘုံ ၇ ဆင့် အဆောက်အဦးဆိုတာ ရှိတယ်။ တရုတ်ပုံစံမျိုး အဆောက်အဦးကြီးပေါ့။ အဲဒီနားမှာ ကွဲတဲ့ဗုံးက ပိုပြီး ပြင်းထန်တယ်' ဟု ကိုးကန့်ဒေသတွင် နေထိုင်သူ ကုန်သည် တဦးက မဇ္ဈိမကို ပြောသည်။

တရုတ်-မြန်မာနယ်စပ်ရှိ စစ်ရေးလေ့လာသူ ဦးအောင်ကျော်ဇောကလည်း ဗုံးပေါက်ကွဲမှုများ ဖြစ်ပွားခဲ့သည်မှာ မှန်ကန်ကြောင်း ပြောသည်။ ပေါက်ကွဲမှုများကြောင့် လူနှင့် အဆောက်အဦးများ သေကြေပျက်စီးမှု မရှိခဲ့ကြောင်းနှင့် မည်သူ့လက်ချက် ဖြစ်ကြောင်း မသိရသေးပါ။ သို့သော် ဗုံးပေါက်ကွဲမှုများကြောင့် ဒေသခံများကြား စိုးရိမ်မှုများ တိုးပွားလျက်ရှိကြောင်း သိရသည်။

ပြီးခဲ့သည့် သြဂုတ်လ နှောင်းပိုင်းတွင် MNDAA နှင့် မြန်မာစစ်တပ်အကြား ၄ ရက်ခန့် တိုက်ပွဲဖြစ်ပွားခဲ့ပြီးနောက် ကိုးကန့်ဒေသခံ ၃ သောင်းခန့် သည် စစ်ဘေးလွတ်ရာ တရုတ်ဘက်ခြမ်းသို့ ထွက်ပြေးခိုလှုံခဲ့ရာ ယခုအခါ လူဦးရေ၏ ၃ ပုံ ၁ ပုံခန့်သာ နေရပ်သို့ ပြန်လာရောက်သေးကြောင်း ကိုးကန့်ဒေသနေ ကုန်သည်ကပင် ပြောပြသည်။

အပစ်အခတ် ရပ်စဲထားသည့် တိုင်းရင်းသား လက်နက်ကိုင်တပ်များကို နယ်ခြားစောင့်တပ်အဖြစ် အသွင်ကူးပြောင်းရန် စစ်အစိုးရက အဆိုပြု ထားစဉ် MNDAA ဥက္ကဋ္ဌနှင့် ကိုးကန့်တပ် အကြီးအကဲ ဦးဖုန်ကျားရှင်က လက်မခံဘဲ ငြင်းဆန်ခဲ့သည်။

ထိုအခါ MNDAA တွင် လက်နက်စစ်ရုံနှင့် မူးယစ်ဆေးဝါးလုပ်ငန်း ရှိသည်ဟု စစ်တပ်က အကြောင်းပြကာ ကိုးကန့်ဒေသအတွင်း ထိုးစစ်ဆင်ခဲ့ရာ၊ ဦးဖုန်ကျားရှင်သည် သူ၏ MNDAA တပ်ဖွဲ့နှင့်အတူ ကိုးကန့်ဒေသမှ ထွက်ခွာတိမ်းရှောင်သွားခဲ့သည်။

ယခုအခါ လောက်ကိုင်တွင် စစ်အစိုးရက ဒေသကွပ်ကဲရေးစစ်ဌာနချုပ် - ဒကစ (လောက်ကိုင်) တခု အခြေစိုက် ဖွင့်လှစ်ထားပြီး၊ တိုက်ခိုက်ရေး တပ်ရင်း ၁ဝ ရင်းခန့်လည်း မြို့တော်အနီးတဝိုက်တွင် တပ်စွဲထားသည်။



ရန်ကုန်တွင် ကြွပ်ကြွပ်အိတ်စက်ရုံများ ပိတ်ရတော့မည် Print E-mail
မဇ္ဈိမသတင်းဌာန
တနင်္လာနေ့၊ အောက်တိုဘာလ 26 ရက် 2009 ခုနှစ် 18 နာရီ 26 မိနစ်


မဇ္ဈိမ ။ ။ ရန်ကုန်တိုင်းအတွင်းရှိ ကြွပ်ကြွပ်အိတ် စက်ရုံများအားလုံး နိုဝင်ဘာလကုန် နောက်ဆုံးထားပြီး ပိတ်ပစ်ရတော့မည် ဖြစ်ကြောင်း ရန်ုကုန်တိုင်း အေးချမ်းသာယာရေးနှင့် ဖွံ့ဖြိုးရေး ကောင်စီ အတွင်းရေးမဋ္ဌး ဦးလှစိုးက ပြောသည်။

ကြွပ်ကြွပ်အိတ် စက်ရုံများကို ပိတ်ပင်ရန် ယခုလ ၆ ရက်နေ့တွင် ကျင်းပသော ရန်ကုန်တိုင်း အေးချမ်းသာယာရေးနှင့် ဖွံ့ဖြိုးရေးကောင်စီ အစည်းအဝေးတွင် ဆုံးဖြတ်ခဲ့ခြင်း ဖြစ်သည်ဟု သူက ဆိုသည်။

ထိုသို့ ကြွပ်ကြွပ်အိတ် စက်ရုံများ ပိတ်ပစ်ရန် ကြိုတင် အကြောင်းကြားခဲ့ခြင်း မရှိဘဲ၊ အနားနီးမှ ကပ်အကြောင်းကြားခဲ့သဖြင့် စက်ရုံလုပ်ငန်းရှင် များ အနေဖြင့် ကြိုတင် ဝယ်ယူစုဆောင်းထားသော ကုန်ကြမ်းများ ဆုံးရှုံးမှုများနှင့် ကြုံတွေ့ရပြီး စက်ရုံ အလုပ်သမားများလည်း အလုပ်လက်မဲ့ ပြဿနာဖြင့် ကြုံတွေ့ရနိုင်သည် ဟု တောင်ဒဂုံစက်မှုဇုန်မှ ကြွပ်ကြွပ်အိတ်စက်ရုံ လုပ်ငန်းရှင်တဦးက ဆိုသည်။

'သူတို့က ရန်ကုန်မှ ကြွပ်ကြွပ်အိတ် မသုံးရဆိုပြီး တားမြစ်တာမျိုး မဟုတ်ပါဘူး။ ရန်ကုန်မှာရှိတဲ့ ကြွပ်ကြွပ်အိတ် စက်ရုံတွေ ပိတ်ပစ်ခိုင်းတာပါ။ အဲဒီတော့ တခြားမြို့တွေမှာ ကြွပ်ကြွပ်အိတ်ထုတ်ပြီး ဒီကိုပို့ရင် သုံးနေကြဦးမှာပါ။ အခုတော့ ရန်ကုန်မှာရှိတဲ့ စက်ရုံတွေ စီးပွားပျက်တာပေါ့' ဟု အဆိုပါ လုပ်ငန်းရှင်က ပြောသည်။

'သူတို့က နိုဝင်ဘာ ၃ဝ ရက်နေ့ ကျော်တာနဲ့ ကျနော်တို့စက်ရုံတွေကို မီးဖြတ်မယ်လို့ ပြောတယ်။ ပြီးတော့ ပိတ်ခိုင်းတာက တရားဝင် လိုင်စင် တင်ပြီး လုပ်နေတဲ့ စက်ရုံတွေကို။ ရန်ကုန်တမြို့လုံးမှာဆို အားလုံးပေါင်း ၁၅ဝ လောက် ရှိတယ်။ တပိုင်တနိုင်လုပ်နေတဲ့ စက်ရုံအသေးလေး တွေက ဆက်ထုတ်နေဦးမှာပဲ' ဟု လုပ်သား ဦးရေ ၃ဝ ကျော်ဖြင့် လည်ပတ်နေသော အဆိုပါ ကြွပ်ကြွပ်အိတ် စက်ရုံ ပိုင်ရှင်က ပြောသည်။

'ကြိုတင်ပြီး ကြောင်းကြားရင်တော့ ကောင်းတာပေါ့။ အခုတော့ ကျနော်တို့က နိုင်ငံခြားက ကော်စေ့တွေသွင်းပြီး စတော့လုပ်ထားတာတွေ ဘာသွားလုပ်ရမှာလဲ။ လုပ်ငန်းကတော့ ကျနော်တို့က တခြား ပလပ်စတစ်တွေလည်း ထုတ်တာဆိုတော့ ဆက်လည်ပတ်လို့ ရပါတယ်' ဟု သင်္ဃန်းက္ဆွန်းမြို့နယ် မွှေးကော်အိတ်လုပ်ငန်းမှာ တာဝန်ရှိသူ တဦးက တယ်လီဖုန်းဖြင့် ဖြေကြားသည်။

စက်ရုံများကို ပိတ်ပင်ရာတွင် ပလပ်စတစ်အိတ် ထုတ်လုပ်သည့် စက်ရုံများ အားလုံးကို ပိတ်ပင်ခြင်းမဟုတ်ဘဲ ကြွပ်ကြွပ်အိတ်ထုတ်သည့် လုပ်ငန်းများကိုသာ ပိတ်ခိုင်းခြင်း ဖြစ်ကြောင်းနှင့် နှစ်မျိုးတွဲထုတ်လုပ်နေသော စက်ရုံများလည်း လတ်တလောတွင် ပိတ်ပစ်ရမည် ဖြစ်ပြီး၊ recycle ပြန်လုပ်နိုင်သော ပလပ်စတစ်အိတ်များကိုသာထုတ်လုပ်မည်ဆိုပါက ရန်ကုန်မြို့တော် စည်ပင်သာယာရေး ကော်မတီတွင် လုပ်ငန်း လိုင်စင် အသစ်တဖန် ပြန်လည် လုပ်ကိုင်ရမည် ဖြစ်ကြောင်း ဦးလှစိုးက ပြောသည်။

ရန်ကုန်မြို့တွင် နေ့စဉ် ပလပ်စတစ်စွန့်ပစ်မှု ပမာဏဟာ တနေ့လျှင် တန် ၂ဝဝ နီးပါးရှိပြီး အခြားသတ္ထုနှင့် လျှပ်စစ်ပစ္စည်း စွန့်ပစ်မှုမှာ တန် ၁၅ဝ နီးပါး ရှိသည်ဟု ရန်ကုန်မြို့တော် စည်ပင်သာယာရေး ကော်မတီ၏စာရင်းဇယားများအရ သိရသည်။

'ရန်ကုန်မှာ ကြွပ်ကြွပ်အိတ် သုံးစွဲမှု တားမြစ်သင့်နေတာကတော့ ကြာပါပြီ။ ဒီလိုမှ မဟုတ်ရင်ကျရင် မြို့က အမှိုက်ပုံသာသာ ဖြစ်လာနိုင်တယ်။ ဒါပေမဲ့ ဒီလိုလုပ်တဲ့နေရာမှာ ဘယ်သူမှ အခက်မတွေ့အောင် လုပ်ထုံးလုပ်နည်း မှန်မှန်ကန်ကန်နဲ့ ချဉ်းကပ်ဖို့တော့ လိုတာပေါ့' ဟု မြန်မာနိုင်ငံ သစ်တောသယံဇာတနှင့် သဘာဝပတ်ဝန်းကျင် ထိန်းသိမ်းရေး အသင်း FREDA မှ တာဝန်ရှိသူတဦးက သုံးသပ်သည်။

မြန်မာနိုင်ငံတွင် ကြွပ်ကြွပ်အိတ် သုံးစွဲမှုကို ယခုနှစ် ဇွန်လ ၂၂ ရက်နေ့က စတင်ကာ ဥပဒေထုတ် တားမြစ်ခဲ့ပြီး အစိုးရရုံးစိုက်ရာ နေပြည်တော် တွင်လည်း ယခုလဆန်းပိုင်းမှ စတင်ကာ ကြွပ်ကြွပ်အိတ် မသုံးစွဲရေး နှိုးဆော်ချက်များ လိုက်လံ ကြေညာနေပြီဟု နေပြည်တော် မြို့ခံများက ပြောသည်။

မြန်မာနိုင်ငံ၏ ယဉ်ကျေးမှုမြို့တော် ပုဂံတွင်လည်း ကြွပ်ကြွပ်အိတ် ကင်းစင်ရေး မြို့တော်အဖြစ် သတ်မှတ်နိုင်ရန်အတွက် မန္တလေးမြို့တော် စည်ပင်သာယာတွင် လုပ်ထုံးလုပ်နည်းများ လာရောက်လေ့လာခဲ့သည်ဟု မန်း စည်ပင် ဝန်ထမ်းတဦးက ဆိုသည်။



ရန်ကုန်ယူနိုက်တက် တဂိုးသွင်းလျှင် ဆယ်သန်းရမည်
Monday, 26 October 2009 18:05 ရန်ပိုင်
E-mail Print
ရန်ကုန် ယူနိုက်တက်က ပြိုင်ဘက် အသင်းများအပေါ် ဂိုးသွင်းနိုင်လျှင် သွင်းဂိုး တဂိုးအတွက် သိန်း ၁ဝဝ ပေးမည်ဟု အသင်းပိုင်ရှင် ဦးတေဇက ပြောကြောင်း သိရသည်။

ရန်ကုန် ယူနိုက်တက်က မြန်မာနေရှင်နယ်လိဂ် (MNL) ပြိုင်ပွဲများတွင် ရှုံးပွဲများ ဆက်နေသည့် အတွက် ယင်းသို့ လှုံ့ဆော်ရခြင်း ဖြစ်ကြောင်း အသင်း ဥက္ကဋ္ဌ နှင့် နီးစပ်သူတဦးက ပြောသည်။

'ဥက္ကဋ္ဌက သူ့အသင်းက ဂိုးပေါက် ပျောက်နေတော့ စိတ်ဓါတ် တက်ကြွအောင် လုပ်ပေးတာ၊ ရှုံးပွဲများနေလို့' ဟု ၎င်းက ဆိုသည်။

ထိုသို့ကြေညာပြီးနောက် ရန်ကုန်ယူနိုက်တက် အသင်းက ဂိုးအနည်းငယ် သွင်းနိုင်ခဲ့သည်ကို တွေ့ရသည်။

ပြီးခဲ့သည့် တနင်္ဂနွေနေ့က မကွေးအက်ဖ်စီ ဘောလုံးအသင်းနှင့် ယှဉ်ပြိုင်ရာတွင် ၂ဂိုး ၁ဂိုးဖြင့် အနိုင်ရခဲ့သည်။ ထို နှစ်ဂိုးစလုံးကို မကြာသေးမီကမှ ဝယ်ယူခဲ့သည့် အိုင်ဗရီကို့စ် ကစားသမား ကိုနီမိုဟာမက်က သွင်းယူခဲ့ခြင်း ဖြစ်သည်။

သို့သော်လည်း ရန်ကုန်ယူနိုက်တက် ဘောလုံးအသင်းသည် MNL ပြိုင်ပွဲ အမှတ်ပေးဇယား၏ အဆင့် ၆ နေရာတွင် ရှိနေပြီး ရမှတ် ၇ မှတ်သာ ရရှိထားသည်။ ထိပ်ဆုံးအသင်းဖြစ်သည့် ဒယ်တာယူနိုက်တက် အသင်းနှင့် ၁၃ မှတ် အကွာ ဇယားအောက်ဆုံးတွင် ရပ်တည်နေခြင်း ဖြစ်သည်။

တဂိုးလျှင် ကျပ်သိန်း တရာ ချီးမြှင့်ခြင်းသည် ကောင်းမွန်သော်လည်း ငွေပမာဏ အလွန် များပြားနေကြောင်း ရန်ကုန်မြို့ခံ တဦးက ပြောသည်။

'အကောင်းဆုံး စီးပွားရေးလုပ်ငန်းတွေကို လက်ဝါးကြီး အုပ်ထားနိုင်တဲ့သူပဲ၊ ပေးနိုင်တာပေါ့၊ ဒါပေမဲ့ ဘောလုံးလောကမှာ လုပ်ပွဲတွေ ဖြစ်လာနိုင်တယ်' ဟု ၎င်းက ဆိုသည်။

ထိုသို့ များပြားသည့် ငွေပမာဏကို လွန်ခဲ့သော နှစ်က နာဂစ်မုန်တိုင်း တိုက်ခတ်ခဲ့သည့် ဧရာဝတီ မြစ်ဝကျွန်းပေါ် ဒေသ၊ မိဘမဲ့ကလေးသူငယ်များ နှင့် လူမှုအကျိုးပြု လုပ်ငန်းများသို့ လဋ္ဌဒါန်းနိုင်လျှင် ပိုမို ကောင်းမွန်မည်ဟု ထင်ကြောင်း အဆိုပါ ရန်ကုန်မြို့ခံက ပြောသည်။

ရန်ကုန်ယူနိုက်တက်သည် အသင်း အောင်မြင်ရေးအတွက်သာမက ပိုမို ထင်ရှားရေးအတွက်လည်း ငွေ အမြောက်အမြား အသုံးပြုနေသည်။

မကြာသေးမီ ရက်များအတွင်း ရန်ကုန်ယူနိုက်တက်က အထူးသီးသန့် အဖွဲ့ဝင် (Exclusive Member) များ ခေါ်ယူခဲ့ရာ အဖွဲ့ဝင် တဦးလျှင် ဝင်ကြေး ကျပ် ၁ သိန်း ကောက်ခံခဲ့ပြီး အကျိုး ခံစားခွင့်များကိုလည်း ကျပ် ၁ သိန်းထက်မက ရရှိမည်ဟု မက်လုံးများပေး၍ ဆွဲဆောင်ထားသည်။

'ကံစမ်းမဲ တလ တကြိမ် ဖောက်ပေးမယ်၊ ပြည်တွင်း လေကြောင်းမှာ လေယာဉ်စီးခွင့်၊ ဟိုတယ်မှာ တည်းခိုခွင့်တွေ ပေးမယ်၊ မဲကတော့ မပေါက် မရှိပါ' ဟု ရန်ကုန် ယူနိုက်တက် အသင်းမှ ဝန်ထမ်းတဦးက ပြောသည်။

ထို့အပြင် အဖွဲ့ဝင်များသည် အသင်း၏ အမှတ်တရပစ္စည်း အရောင်းဆိုင်၊ အသင်းနှင့် စီးပွားဘက် လုပ်ငန်းများ ဖြစ်သော ဟိုတယ်၊ ကဖေးဆိုင်၊ အလှပြင်ဆိုင်၊ အဝတ်အစားဆိုင်၊ လက်ဝတ်ရတနာဆိုင်များတွင် လျှော့ဈေးဖြင့် ဝယ်ယူနိုင်ပြီး၊ ရန်ကုန်-ဘန်ကောက် အသွား အပြန် လေယာဉ် လက်မှတ်များ ပါဝင်သည်ဟု ၎င်းက ရှင်းပြသည်။

ရိုးရိုးအသင်းဝင်များ အနေဖြင့် ရန်ကုန်ယူနိုက်တက်အသင်း ပါဝင်သည့် ပွဲစဉ် လက်မှတ် ပြနိုင်လျှင် တခြားမြို့များရှိ အဝေးကွင်းသို့ သွားရောက်သည့်အခါ ကား၊ ရထားတို့ဖြင့် အခမဲ့ လိုက်ပါခွင့် ရရှိသည်။

မကြာသေးမီ ရက်များကလည်း ရန်ကုန်ယူနိုက်တက် (ခ) အသင်းနှင့် လူငယ်အသင်းအတွက် ဘောလုံးသမား အသစ်များ ရွေးချယ်မှုများ ပြုလုပ်ရာ ဝင်ရောက် ယှဉ်ပြိုင်သူများအား ခရီးစရိတ် ပေးခဲ့သည်။ နယ်မှလာသူ တဦးလျှင် ကျပ် ၁၅ဝဝဝ၊ ရန်ကုန်မြို့ခံတဦးလျှင် ကျပ် ၅ဝဝဝ ပေးအပ်ခဲ့သည်။ ဝင်ရောက် အရွေးခံသူပေါင်း ၁ဝဝ၂၆ ယောက် ရှိသည် ဟု သိရသည်။

အသင်းက ယခင် ပြိုင်ပွဲများတွင်လည်း ဂိုးသွင်းသူများကို ကျပ်ဆယ်သိန်းမှ သိန်းငါးဆယ်အထိ ဆု ချီးမြှင့်ခဲ့ဖူးကြောင်း၊ ယခုကဲသို့ ငွေပမာဏ ပိုမို ပေးလာခြင်းသည် ကစားသမားများ ခြေကျပြီး အသင်း အခြေအနေ ယိမ်းယိုင်နေခြင်းကြောင့် ဖြစ်နိုင်ကြောင်း၊ အသင်းပိုင်ရှင်က မြန်မာနိုင်ငံတွင် စီးပွားရေး လုပ်ငန်း အများအပြား ပိုင်ဆိုင်ထားသည့် အတွက် ရေရှည် ပေးနိုင်မည်ဟု ထင်ကြောင်း ရန်ကုန် အခြေစိုက် သတင်းထောက် တဦးက သုံးသပ်သည်။



ပြည်တွင်းပြည်ပ အနုပညာ ပူးပေါင်းဖန်တီးမှု အစီအစဉ် ဒီဇင်ဘာတွင် စမည်
Monday, 26 October 2009 18:36 သဲသဲ
E-mail Print
ပြည်ပ လူငယ် ပန်းချီ ပညာရှင်များကို ဖိတ်ခေါ်၍ ပြည်တွင်းမှ ပညာရှင်များ ပူးပေါင်းပြီး အနုပညာ ဖန်တီးသည့် အစီအစဉ်ကို ရန်ကုန်မှ အနုပညာအဖွဲ့တခုက ဒီဇင်ဘာလမှ စတင် ပြုလုပ်မည် ဖြစ်ကြောင်း သိရသည်။

[New Zero မှ ကိုအေးကို၊ ကိုအောင်မြတ်ဌေးတို့ ဖန်တီးထားသော Performance Art (ဓာတ်ပုံ - newzerospace.com)]

New Zero မှ ကိုအေးကို၊ ကိုအောင်မြတ်ဌေးတို့ ဖန်တီးထားသော Performance Art (ဓာတ်ပုံ - newzerospace.com)
ပြည်တွင်းပြည်ပ ပညာရှင် ၂ဝ ခန့် ပါဝင်မည့် ၎င်း အစီအစဉ်သည် တနှစ်ခန့် ကြာမြင့်မည် ဟု အစီအစဉ်ကို တာဝန်ယူ ပြုလုပ်မည့် New Zero Art Space မှ ကိုအေးကိုက ဧရာဝတီကို ပြောသည်။

'ဖန်တီးမှု တူညီတဲ့သူချင်း အတူတူ တွဲပေးပါမယ်။ အဲ့ဒီ နှစ်ယောက်ရဲ့ ဖန်တီးမှုက ၁ လောက်တော့ ကြာမယ်။' ဟု ကိုအေးကိုက ပြောသည်။

အစီအစဉ်အရ ပြည်တွင်းမှ ပညာရှင် တဦးနှင့် ပြည်ပမှ ပညာရှင်တဦးတို့ အတူတူ နေထိုင်ပြီး အနုပညာများကို ပူးပေါင်း ဖန်တီးကြမည် ဖြစ်သည်။ အမြင်နှင့် ဆိုင်သော အနုပညာရပ်များကို ဖန်တီးမည် ဖြစ်ပြီး ပန်းချီ၊ ဓာတ်ပုံ၊ Performance Art (တင်ဆက်မှု အနုပညာ) နှင့် Installation Art (တပ်ဆင်ခြင်းအနုပညာ) တို့ ပါဝင်မည် ဖြစ်သည်။

ဂျပန်၊ ကမ္ဘောဒီးယား၊ ထိုင်း၊ မလေးရှား၊ အင်ဒိုနီးရှား၊ အိန္ဒိယ၊ ဘင်္ဂလားဒေ့ရှ်၊ အမေရိန်ပြည်ထောင်စု စသည့် နိုင်ငံများမှ ပညာရှင်များကို ဖိတ်ခေါ်ဖို့ရန် စီစဉ်ထားသည်။ ပြည်တွင်းမှ ပညာရှင်များကို ရွေးချယ်ခြင်း မပြုရသေးကြောင်း ကိုအေးကိုက ဆိုသည်။

'ကျနော်တို့က ယဉ်ကျေးမှု ဖလှယ်တဲ့ သဘောပါ။ တယောက်ရဲ့ နည်းပညာကို တယောက်က အတု ယူနိုင်တာပေါ့။ ပူးပေါင်းပြီး လုပ်ရင် ဘယ်လို အတွေးအခေါ် အသစ်တွေ ထွက်လာမလဲ ဆိုတဲ့ ရည်ရွယ်ချက်ပါ' ဟု စီစဉ်သူ ကိုအေးကိုက ပြောသည်။

ပူးပေါင်းဖန်တီးကြမည့် အနုပညာ လက်ရာများကို စုစည်းပြီး ပြပွဲများ ပြုလုပ်မည် ဖြစ်ကြောင်း ၎င်းက ဆိုသည်။

မြန်မာပြည်တွင် ဤကဲ့သို့သော အနုပညာ အစီအစဉ် ပြုလုပ်မှုမှာ ပထမဆုံးအကြိမ် ဖြစ်သည်။ ယခင်က ပြည်တွင်းမှ ပန်းချီပညာရှင်များကသာ အနောက်နိုင်ငံများသို့ သွားရောက်၍ ဖန်တီးခဲ့ခြင်းများသာ ရှိကြောင်း သိရသည်။

'အခုလို နိုင်ငံတကာက အနုပညာရှင်တွေနဲ့ ပူးပေါင်းပြီးတော့ အပြန်အလှန် ဖလှယ်တဲ့ အနေနဲ့ လုပ်ကြမယ် ဆိုတော့ အနုပညာ နယ်ပယ် ကျယ်ပြန့်လာတာပေါ့' ဟု New Zero မှ အဖွဲ့ဝင် ကိုငြိမ်းချမ်းစုက ဧရာဝတီကို ပြောသည်။

ယခင်က ရန်ကုန်မြို့ ပြင်သစ်သံရုံး၏ ယဉ်ကျေးမှုဌာန ကဲ့သို့သော နေရာမျိုးတွင်သာ ပြုလုပ်ခွင့် ရရှိသည့် Performance Art ပြပွဲများကို ယခုအခါ အာဏာပိုင်တို့ထံမှ တရားဝင် ခွင့်ပြုချက်များ ရယူ၍ ပြသခွင့် ရှိနေကြောင်း သိရသည်။

New Zero Art Space သည် ယခင်က Modern Art 90 ဟူသော အမည်ဖြင့် အနုပညာလုပ်ငန်းများ လုပ်ကိုင်ခဲ့သည်။ ၂ဝဝဝ ပြည့်နှစ်တွင် New Zero Art Group ဟု အမည်ပြောင်းလိုက်ခြင်း ဖြစ်သည်။

ယခုအခါ ပန်းချီ အခမဲ့ သင်ကြားမှုများ၊ ကင်မရာ အသုံးပြုနည်း သင်တန်းများ၊ ပြပွဲများ ပြုလုပ်လျက် ရှိသည်။



DKBA အရာရှိ တဦး မြဝတီတွင် ဗုံးခွဲ
Saturday, 24 October 2009 17:29 ဘစောတင်
E-mail Print
ထိုင်း-မြန်မာ နယ်စပ်မြို့ဖြစ်သော ကရင်ပြည်နယ် မြဝတီမြို့ အမှတ် (၃) ရပ်ကွက် မေတ္တာလမ်းရှိ လူနေ အိမ်ခန်းတခု၌် ယမန်နေ့ည (၉) နာရီ ကျော်တွင် လက်ပစ်ဗုံး ပေါက်ကွဲမှုကြောင့် အမျိုးသား တဦး ပွဲချင်းပြီး သေဆုံး၍ အမျိုးသမီးနှစ်ဦး ဒဏ်ရာ ပြင်းထန်စွာရရှိကာ မြဝတီဆေးရုံတွင် တင်ထားရကြောင်း သတင်းရရှိ သည်။

အဆိုပါ လက်ပစ်ဗုံး ပေါက်ကွဲမှုသည် တိုးတက်သော ဗုဒ္ဓဘာသာ ကရင်အမျိုးသား တပ်ဖွဲ့(DKBA)မှ အရာရှိ တဦးနှင့် မြဝတီမြို့ခံ အမျိုးသမီးတဦး ပြဿနာဖြစ်ပွားမှုမှ စတင်ခြင်းဖြစ်သည်ဟု ဗုံးပေါက်ကွဲသည့် နေရာနှင့် အနီးတွင် နေထိုင်သူ မျက်မြင်သက်သေတဦးက ပြောပြသည်။

'ဗိုလ်တင့်လွင်လို့ခေါ်တယ်၊ (၉ဝ၆) DKBA ကလေ၊ သူက ဒီ သူ့ရည်းစားအိမ်ကို တပတ်တခါ အမြဲတမ်း လာတာ၊ မနေ့က သူနဲ့ ဘာတွေဖြစ်ကြလဲတော့ မသိဘူး၊ စကားများပြီးတော့ လက်ပစ် ဗုံးနဲ့ ခြိမ်းခြောက် တယ်၊ အဲဒါ သူနဲ့ လုံးလုံးထွေးထွေးဖြစ်ပြီး လက်ပစ်ဗုံးလွတ်ကျပြီး ကပ်လျက် အခန်းထဲမှာ ဗုံး သွားကွဲတယ်၊ အိမ်ထဲမှာရှိနေတဲ့ ကိုရခိုင် ပွဲချင်းပြီးသေတယ်၊ မိန်းမနှစ်ယောက် ဒဏ်ရာအပြင်းအထန် ရသွားလို့ အခု မြဝတီ ဆေးရုံမှာ တင်ထားရတယ်'ဟု ၎င်းက ဧရာဝတီသို့ ပြောသည်။

လက်ပစ်ဗုံး ပေါက်ပြီးသည်နှင့် ဗိုလ်တင့်လွင်သည် ၄င်း၏ကားကို အပြင်းမောင်းနှင်ကာ ထွက်ပြေးသွားသည် ဟုလည်း ဆိုသည်၊

မြဝတီမှ ရဲဝန်ထမ်းတဦးကလည်း'မနေ့ က (၃)ရပ်ကွက်မှာ ပေါက်ကွဲမှုတခုဖြစ်ခဲ့တယ်၊ ငြိမ်းချမ်းရေးအဖွဲ့ က အရာရှိတယောက် သူ့အဆက်အိမ်ကိုသွားရင်းဖြစ်ခဲ့တာ၊ ကျနော်တို့ အဲသလောက်ပဲသိတယ်'ဟု ပြောသည်။

မြဝတီမြို့ခံများ၏ ပြောပြချက်အရ ဗုံးပေါက်ကွဲမှုကြောင့် သေဆုံးသွားသူ ကိုရခိုင်မှာ ဆိုက္ကားသမား တဦး ဖြစ်ကြောင်းနှင့် ဆေးရုံတင်ထားရသူများမှာ ကိုရခိုင်၏ဇနီး မအုန်းနှင့် အခြားအမျိုးသမီးတဦးဖြစ်ကြောင်း၊ ယခုဗုံးကွဲရာ အိမ်ခန်းမှ အမျိုးသမီးသည် အရာရှိများ၊ သြဇာအာဏာရှိသူများ၏ ပျော်တော်ဆက်ဖြစ်ကြောင်း၊ ဗိုလ်တင့်လွင်သည် သူမထံသို့ အပတ်စဉ်လာလည်လေ့ ရှိကြောင်း သိရသည်။

ဗုံးပေါက်ကွဲသည့် လူနာများနှင့် ပတ်သက်၍ မြဝတီဆေးရုံသို့ ဧရာဝတီက ဖုန်းဖြင့် ဆက်သွယ်မေးမြန်းခဲ့ရာ ပြန်လည် ဖြေဆိုခြင်းမပြုခဲ့ချေ။

ယခု ဗုံးကွဲမှုအား မြဝတီရဲတပ်ဖွဲ့ မှ မည်သို့အရေးယူဆောင်ရွက်မည် ဆိုသည်ကိုလည်း မသိရှိရသေးပါ။

DKBA သည် ၁၉၉၅ ခုနှစ်တွင် ကရင်အမျိုးသား အစည်းအရုံး (KNU) မှ ခွဲထွက်ပြီးနောက် စစ်အစိုးရနှင့် ငြိမ်းချမ်းရေးယူထားသော လက်နက်ကိုင်အဖွဲ့ဖြစ်သည်။



ရွေးကောက်ပွဲဥပဒေ မကြာမီ ထုတ်ပြန်မည်ဟု ဗိုလ်ချုပ်ကြီး သိန်းစိန် ပြော
Saturday, 24 October 2009 19:16 ဝေမိုး
E-mail Print
ထိုင်းနိုင်ငံ တောင်ပိုင်း ချာ့အမ်းမြို့တွင် ကျင်းပလျက်ရှိသော ၁၅ ကြိမ်မြောက် အာဆီယံ ထိပ်သီးညီလာခံ၌ မြန်မာဝန်ကြီးချုပ် ဗိုလ်ချုပ်ကြီးသိန်းစိန်က မကြာမီ ၂ဝ၁ဝ ရွေးကောက်ပွဲ ဥပဒေ ထုတ်ပြန်မည် ဖြစ်ကြောင်း ယနေ့ပြောဆိုလိုက်သည်။

ဗိုလ်ချုပ်ကြီးသိန်းစိန်က မြန်မာနိုင်ငံ အမျိုးသားပြန်လည်ရင်ကြားစေ့ရေးနှင့် ၎င်းတို့၏ လမ်းပြမြေပုံ ၇ ဆင့် လုပ်ငန်းစဉ်နှင့်သက်ပြီး ရှင်းလင်းပြောကြားရာတွင် ယခုကဲ့သို့ ရွေးကောက်ပွဲ ဥပဒေထုတ်ပြန်မည်ဟု ထည့် သွင်း ပြောကြားသွားခြင်းဖြစ်ကြောင်း ထိုင်း ဝန်ကြီးချုပ် အဖိဆစ် ဝေ့ချာချီဝ ၏ အဆိုအရ သိရှိရသည်။

'သိပ်မကြာတော့တဲ့အချိန်မှာ ရွေးကောက်ပွဲ ဥပဒေ ထုတ်ပြန်ကြေညာမယ်လို့ ဗိုလ်ချုပ်ကြီး သိန်းစိန်က ပြောပါတယ်'ဟု ထိုင်းဝန်ကြီးချုပ်က ပြောဆိုသည်။

[ယမန်နေ့က အာဆီယံထိပ်သီးညီလာခံတွင် ဗိုလ်ချုပ်ကြီး သိန်းစိန်နှင့် ထိုင်းဝန်ကြီးချုပ် အဖိဆစ် ဝေ့ချာချီဝ တို့ နှစ်ဦး လက်ဆွဲ နှုတ်ဆက်နေစဉ် (ဓာတ်ပုံ - Reuters)]

ယမန်နေ့က အာဆီယံထိပ်သီးညီလာခံတွင် ဗိုလ်ချုပ်ကြီး သိန်းစိန်နှင့် ထိုင်းဝန်ကြီးချုပ် အဖိဆစ် ဝေ့ချာချီဝ တို့ နှစ်ဦး လက်ဆွဲ နှုတ်ဆက်နေစဉ် (ဓာတ်ပုံ - Reuters)
သို့သော် ၂ဝ၁ဝ ရွေးကောက်ပွဲ ပြုလုပ်မည့် နေ့ရက် အချိန်နှင့် အသေးစိတ်ကို ဗိုလ်ချုပ်ကြီး သိန်းစိန်က ထုတ်ဖော် ပြောဆိုခြင်း မရှိဟုလည်း ဆိုသည်။

လေ့လာသူများကမူ ယခုကဲ့သို့ ပြောဆိုသော စကားမျိုးကို ပြီးခဲ့သည့် ၂ဝ၁ဝ ရွေးကောက်ပွဲပြုလုပ်ရန် ကြေညာသည့် ၂ဝဝ၈ ခုနှစ် ဖေဖော်ဝါရီလကတည်းကပင် ပြောဆိုသင့်သည်ဟု ဝေဖန်ထောက်ပြကြသည်။

မြန်မာနိုင်ငံခြားရေးဝန်ကြီး ဦးဉာဏ်ဝင်းကလည်း လာမည့်၂ဝ၁ဝ ရွေးကောက်ပွဲသည် အားလုံးပါဝင်နိုင်ပြီး လွတ်လပ်၍ တရားမျှတသည့် ရွေးကောက်ပွဲဖြစ်ရန်ဆောင်ရွက်နေကြောင်း ယမန်နေ့ကပြောသည်ဟု ထိုင်း နိုင်ငံခြားရေး ဝန်ကြီး ကဆစ်ဖိရုမ်းက သတင်းစာရှင်းလင်းပွဲတွင် ပြောဆိုသည်။

မြန်မာ့ရေးရာ အာဆီယံ အမတ်များ(AIPMC) အဖွဲ့မှ ခရိုင်ဆတ် ချွန်နာဗန်က မြန်မာအစိုးရသည် အပြောနှင့် လက်တွေ့ တခြားစီလုပ်ဆောင်တတ်သောကြောင့် ယခုပြောဆိုချက်များသည်လည်း လက်တွေ့ ဖြစ်လာနိုင် မည် မဟုတ်ကြောင်း ပြောသည်။

ယခု ၁၅ ကြိမ်မြောက် အာဆီယံ ထိပ်သီးညီလာခံ၌ နိုင်ငံတကာအသိုင်းအဝိုင်း၏ မြန်မာနိုင်ငံနှင့် ပတ်သက် သည့် မူဝါဒဆိုင်ရာ သီးသန့်ဆွေးနွေးပွဲတွင် ခရိုင်ဆတ်က ဤသို့ပြောကြားခဲ့ခြင်းဖြစ်သည်။

'ကျနော်တို့မှာ မြန်မာနိုင်ငံနဲ့ပတ်သက်ပြီး အများနဲ့သက်ဆိုင်တဲ့ မူဝါဒ ရှိပါတယ်'ဟု လည်း ခရိုင်ဆတ်က အမေရိကန်၊ ဥရောပ သမဂ္ဂ(EU) ကိုယ်စားလှယ်များနှင့် အာဆီယံနိုင်ငံကိုယ်စားလှယ်များ တွေ့ဆုံပွဲတွင် ထည့်သွင်း ပြောကြားခဲ့သည်။

ယနေ့တွင် မြန်မာအစိုးရ ရွေးချယ်ထားသော လူထုအခြေပြု လူမှုအဖွဲ့အစည်း (civil society) ကိုယ်စားလှယ် များအဖြစ် စစ်အရာရှိဟောင်းနှင့် ကုလသမဂ္ဂဆိုင်ရာမြန်မာသံအမတ်ဟောင်း ဦးကျော်တင့်ဆွေ၊ ရဲ အရာရှိ ဟောင်းများဖြစ်သော ဦးဝင်းမြိုင်နှင့် ဦးစစ်အောင်တို့ ဦးဆောင်၍ အာဆီယံခေါင်းဆောင်များနှင့်တွေ့ဆုံရန် တက်ရောက် လာခဲ့သည်။

ယမန်နေ့က အာဆီယံ ခေါင်းဆောင်များ အစည်းအဝေးတွင် မြန်မာအပါအဝင် ၅ နိုင်ငံမှ လူထု အခြေပြု လူမှုအဖွဲ့အစည်းများမှ ကိုယ်စားလှယ်များကို အစည်းအဝေးသို့ တက်ရောက်ခွင့် မပြုရန် အာဆီယံက ဆုံးဖြတ်ခဲ့သည်။

ယင်းဆုံးဖြတ်ချက်တွင် မြန်မာ့အရေးလှုပ်ရှားသူ ပြည်ပ အခြေစိုက် မခင်ဥမ္မာ အပါအဝင်၊ ကမ္ဘောဒီးယား၊ လာအို၊ ဖိလစ်ပိုင် နှင့် စင်ကာပူနိုင်ငံ ကိုယ်စားလှယ်များ ပါဝင်သည်။

ယမန်နေ့က စတင်၍ အောက်တိုဘာ ၂၅ ရက်နေ့အထိ ၁၅ ကြိမ်မြောက် အာဆီယံ ထိပ်သီးညီလာခံကို ထိုင်းနိုင်ငံ ချာ့အမ်းမြို့တွင် ကျင်းပနေခြင်းဖြစ်သည်။

ယင်း ၁၅ ကြိမ်မြောက် အာဆီယံ ထိပ်သီး အစည်းအဝေးပွဲသို့ ဝန်ကြီးချုပ် ဗိုလ်ချုပ်ကြီး သိန်းစိန် တက်ရောက်လျက်ရှိသည်။

ဤသတင်းအား ဧရာဝတီ သတင်းထောက် ဝေမိုးက အာဆီယံထိပ်သီး ညီလာခံကျင်းပနေသော ထိုင်းနိုင်ငံ ချာ့အမ်းမြို့မှ ပေးပို့သည်။


ဒေါ်အောင်ဆန်းစုကြည်ကို သက်ဆင်နှင့် နှိုင်းသဖြင့် မြန်မာကျောင်းသားများ မကျေနပ်
Monday, 26 October 2009 17:38 ကိုထွေး
E-mail Print
ကမ္ဘောဒီးယား ဝန်ကြီးချုပ် မစ္စတာ ဟွန်ဆန်က ဒေါ်အောင်ဆန်းစုကြည်ကို ထိုင်း ဝန်ကြီးချုပ်ဟောင်း သက်ဆင် ရှင်နာဝပ်နှင့် တူသည်ဟု ခိုင်းနှိုင်းပြောဆို လိုက်သဖြင့် ထိုင်းနိုင်ငံရောက် မြန်မာ တက္ကသိုလ် ကျောင်းသားများ မကျေမနပ် ဖြစ်နေကြသည်။

[ကမ္ဘောဒီးယား ဝန်ကြီးချုပ် မစ္စတာ ဟွန်ဆန် (ဓာတ်ပုံ - ရိုက်တာ)]

ကမ္ဘောဒီးယား ဝန်ကြီးချုပ် မစ္စတာ ဟွန်ဆန် (ဓာတ်ပုံ - ရိုက်တာ)
ဖြုတ်ချခံရသည့် ထိုင်း ဝန်ကြီးချုပ်ဟောင်း မစ္စတာ သက်ဆင်သည် ဖိနှိပ်မှု ခံနေရသော နိုင်ငံရေးသားကောင် ဖြစ်သောကြောင့် အထိန်းသိမ်းခံနေရသည့် ဒေါ်အောင်ဆန်းစုကြည်နှင့် ဘဝတူဖြစ်ကြောင်း ၁၅ ကြိမ်မြောက် အာဆီယံထိပ်သီး ဆွေးနွေးပွဲသို့ တက်ရောက်ခဲ့သော မစ္စတာ ဟွန်ဆန်က ဟွာအင်မြို့ လေဆိပ်တွင် သတင်းထောက်များကို ပြောကြားခဲ့ခြင်း ဖြစ်သည်။

'လာဘ်စားမှုကြောင့် ပေးလိုက်တဲ့ ထောင်ဒဏ် ၂ နှစ်ကိုတောင်မှ မခံယူရဲဘဲ တိုင်းပြည်ကနေ ထွက်ပြေးပြီး ဘယ်မှာ ရောက်နေမှန်း မသိတဲ့လူနဲ့ ဒေါ်စုနဲ့ နှိုင်းယှဉ်ဖို့က အတော်လေး ခက်ခဲတယ်။ ဒေါ်စုကတော့ စစ်အစိုးရ ချမှတ်တဲ့ ထောင်ဒဏ်တွေကို ကြံ့ကြံ့ခံပြီး တွန်းလှန် နေတဲ့သူတယောက် ဖြစ်တော့ ဘယ်လိုမှ နှိုင်းလို့ မရပါဘူး' ဟု ဘန်ကောက်မြို့ ရမ်ကမ်ဟန် တက္ကသိုလ်တွင် နိုင်ငံရေးသိပ္ပံ အထူးပြုဖြင့် မဟာဘွဲ့ ယူရန် ပညာသင်ကြား နေသော ကိုကျော်လင်းဦးက ပြောသည်။

ထိုင်းဝန်ကြီးချုပ်ဟောင်း သက်ဆင်သည် ဒေါ်အောင်ဆန်းစုကြည်ကဲ့သို့ပင် လူအများ၏ ထောက်ခံမှု ရနေသည်ဟု ဟွန်ဆန်က ဆိုလိုချင်ပုံရသော်လည်း ဒေါ်အောင်ဆန်းစုကြည်၏ ဒီမိုကရေစီအတွက် အနစ်နာခံမှု၊ လုပ်ရဲ ကိုင်ရဲသည့် စိတ်ဓာတ်များက မစ္စတာ သက်ဆင်နှင့် နှိုင်းယှဉ်၍ မရကြောင်း ၎င်းက ဆက်ပြောသည်။

ဘန်ကောက်မြို့မှ တက္ကသိုလ်ကျောင်းသားတဦး ဖြစ်သူ ကဗျာဆရာ ကောင်းကင်ကိုကလည်း မစ္စတာ ဟွန်ဆန်၏ နှိုင်းယှဉ်ချက်က လုံးဝ မှားယွင်းနေသည်ဟု ဆိုသည်။

'အသိသာကြီးပါ၊ ဒေါ်စုက တော်လှန်ရေးသမား၊ သက်ဆင်က လာဘ်စားတဲ့ အမှုတွေလည်း လုပ်ထားတယ်၊ အဲဒီကနေ သူ့ဟာသူ ထွက်ပြေးနေရတယ်။ ဒေါ်စုက အကြမ်းမဖက်ဘူး၊ သက်ဆင်ကို ထောက်ခံတဲ့သူတွေက အကြမ်းဖက်တယ်။ ဟွန်ဆန်က မတူတဲ့ ပုဂ္ဂိုလ် ၂ ယောက်ကို တွဲပြီးတော့မှ နှိုင်းမိတာ' ဟု ကောင်းကင်ကိုက ပြောသည်။

ယမန်နေ့က ထိုင်းနိုင်ငံတွင် ကျင်းပ ပြီးစီးသွားသည့် အာဆီယံ ထိပ်သီးညီလာခံ၏ ကြေညာချက်တွင် မြန်မာ့အရေးနှင့် ပတ်သက်၍ စာပိုဒ် တပိုဒ် ပါဝင်ရာ ဒေါ်အောင်ဆန်းစုကြည် နှင့် နိုင်ငံရေး အကျဉ်းသားများ အကြောင်း တစုံတရာ ရေးသားထားခြင်း မရှိဘဲ ၂ဝ၁ဝ ရွေးကောက်ပွဲ ကျင်းပရေး အကြောင်းအရာကိုသာ ဖော်ပြထားသည်။

ယခင်က အာဆီယံ ထိပ်သီးဆွေးနွေးပွဲ နှင့် ဒေသတွင်း ဆွေးနွေးပွဲများတွင် အာဆီယံက ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသား အားလုံး လွတ်ပေးရန် တောင်းဆို ခဲ့သည်။

မြန်မာပြည် အမျိုးသားပြန်လည် ရင်ကြားစေ့ရေးအတွက် ဒေါ်အောင်ဆန်းစုကြည်သည် တစိတ်တဒေသ အဖြစ် ပါဝင်ကြောင်း ယမန်နေ့က ပြီးဆုံးသွားသည့် အာဆီယံ ထိပ်သီး အစည်းအဝေးတွင် ဝန်ကြီးချုပ် ဗိုလ်ချုပ်ကြီး သိန်းစိန်က ပြောသည်ဟု ထိုင်းဝန်ကြီးချုပ် မစ္စတာ အဖိဆစ် ဝေ့ချာချီဝက ဆိုသည်။

မြန်မာစစ်အစိုးရက အာဆီယံ ထိပ်သီးဆွေးနွေးပွဲများတွင် ဒေါ်အောင်ဆန်းစုကြည် အရေးကို ပထမဆုံး အကြိမ် အဖြစ် ထုတ်ဖော် ပြောကြားခြင်းဖြစ်သည်။

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ချမှတ်ထားသည့် ထောင်ဒဏ်ကို လျှော့ပေါ့ပေးရန် စဉ်းစားမည်ဟု ဝန်ကြီးချုပ် သိန်းစိန်က ယင်းအစည်း အဝေးတွင် ပြောကြားလိုက်သည်ဟု သိရသည်။ သို့သော်လည်း ဒေါ်အောင်ဆန်းစုကြည်သည် နေအိမ် အကျယ်ချုပ် ကျခံနေစဉ်အတွင်း ချမှတ် ထားသည့် စည်းမျဉ်းများအတိုင်း ကောင်းမွန်စွာနေထိုင်မှသာ ထိုသို့ လျှော့ပေါ့ပေးရန် စဉ်းစားမည်ဟု သူက ဆိုသည်။



မဖော်ပြဖြစ်ခဲ့တဲ့ နီကိုရဲရဲ့ အင်တာဗျူး
Monday, 26 October 2009 17:42 အေးချမ်းမြေ့
E-mail Print
မြန်မာပြည် စာနယ်ဇင်း လောကမှာ ကျင်လည်ခဲ့စဉ်က ကျမ စာရေးဆရာ နီကိုရဲနဲ့ အင်တာဗျူး ၂ ခါ လုပ်ခဲ့ဖူးပါတယ်။ ပထမအကြိမ် လုပ်စဉ်က မဂ္ဂဇင်းတအုပ်ထဲမှာ ဖော်ပြခံခဲ့ရပေမယ့် ဒုတိယအကြိမ် အင်တာဗျူးကတော့ အကြောင်း ကြောင်းကြောင့် စာမျက်နှာပေါ် မရောက်ခဲ့ပါဘူး။

ပထမအကြိမ် အင်တာဗျူးလုပ်တော့ သူက စာပေနယ်နဲ့ ရုပ်ရှင်နယ်မှာ လျှမ်းလျှမ်းတောက် အောင်မြင်နေချိန်၊ တိတိကျကျ ပြောရရင် သူ့ရဲ့ 'စိတ်အိုင်ပက်သူ' ဆိုတဲ့ ဝတ္ထုစာအုပ် ထွက်ပြီးစပါ။

[စာရေးဆရာ နီကိုရဲ (ခ) ကိုရဲဝင်း]

စာရေးဆရာ နီကိုရဲ (ခ) ကိုရဲဝင်း
ကျမရဲ့ အယ်ဒီတာက ခိုင်းတာနဲ့ပဲ သူနဲ့ အင်တာဗျူးဖို့ သူနေတဲ့ သုဝဏ္ဏ တံတားကြီးဘေးက ရပ်ကွက်ကို ရောက်ခဲ့ပါတယ်။ အဲဒီတုန်းက ကျမကို 'စိတ်အိုင်ပက်သူ' ဝတ္ထုစာအုပ်တအုပ် သူ့လက်မှတ်နဲ့ လက်ဆောင်ပေးလိုက်ပါတယ်။ စိတ်အိုင်ပက်သူ ဝတ္ထုကို ရုပ်ရှင်ရိုက်တော့မယ့် ကိစ္စနဲ့ ပတ်သက်ပြီး အင်တာဗျူးတာဖြစ်ပေမယ့် တခြား အင်တာဗျူးနဲ့မဆိုင်တဲ့ အကြောင်းအရာတွေ၊ သူ့ရဲ့ အလွဲတွေနဲ့ သူ့ရဲ့ ဝတ္ထုတွေ အကြောင်း ပျော်ပျော်ရွှင်ရွှင် ပေါ့ပေါ့ပါးပါး ပြောဖြစ်ခဲ့ကြပါတယ်။

အင်တာဗျူးသူနဲ့ အဗျူးခံသူ၊ စာရေးသူနဲ့ စာဖတ်သူ၊ စာနယ်ဇင်းလောကသားချင်း ဆိုတဲ့ အနေအထားနဲ့ သူနဲ့ကျမလည်း ရင်းနှီးမှုရခဲ့ပါတယ်။ အဲဒီတုန်းက သူ့ ဇနီးက ကိုယ်ဝန်အရင့်အမာကြီးနဲ့၊ သူ့အနေအထားက ရွှေခေတ် လို့ ပြောရတဲ့အချိန်။ နီကိုရဲရဲ့ ဇာတ်ညွှန်းတွေနဲ့ ဗီဒီယို ကားတွေ ဟောတကား၊ ဟောတကား ရိုက်ကူးထုတ်လုပ်နေချိန် … သိပ်ကို အောင်မြင်နေတဲ့ အချိန်လို့ ပြောလို့ရပါတယ်။ ၂ဝဝ၂ ခုနှစ် ဝန်းကျင်ပေါ့။

အဲဒီတုန်းက ကျမက ပေါ့ပ် ဂျာနယ်တစောင်မှာ ဆိုတော့ တချို့ ရုပ်ရှင်ရိုက်ကွင်းတွေအထိ သွားရတဲ့အခါမှာ သူနဲ့ ထပ်ဆုံဖြစ်၊ စကားတွေ ပြောဖြစ်ပါသေးတယ်။ သူနေတဲ့ အိမ်ရဲ့ နောက်ဖေး လမ်းမှာရှိတဲ့ မီးရထားလမ်းဘေးက ရပ်ကွက်ကို ရုပ်ရှင်သမားတွေက အခြေခံလူတန်းစား တွေနဲ့ ပတ်သက်တဲ့ ကားတွေရိုက်ဖို့ သုံးတတ်ကြပါတယ်။ အဲဒီနေရာကို ရိုက်ကွင်းတည်တဲ့အခါ စာရေးဆရာ နီကိုရဲရဲ့ အိမ်မှာ စတည်းချ ကြလေ့ရှိပါတယ်။ အဲဒီဘက်က ရိုက်ကွင်းတွေကို သွားရတဲ့အခါမှာလည်း ကျမက မင်းသမီးကို၊ မင်းသားကို၊ ဒါရိုက်တာကို သူ့အိမ်မှာ ထိုင်ပြီး ဗျူးဖြစ်ပါတယ်။ သူ့ရဲ့ မွေးခါစ သားလေးကိုလည်း ဝင်ကြည့်ဖြစ်ပါတယ်။ သူ့အနေအထားကတော့ စာပေနယ်၊ ရုပ်ရှင်နယ်မှာ အဆင်ပြေနေ ဆဲကာလပါပဲ။

အဲဒီနောက်တော့ ကျမ ပေါ့ပ်ဂျာနယ်ကနေ သတင်းဂျာနယ်လိုင်းဘက် ကူးဖြစ်ပါတယ်။ သတင်းတွေနဲ့ ရှုပ်နေတဲ့အချိန်မှာတော့ ကျမ စာရေးဆရာ နီကိုရဲနဲ့ နည်းနည်းအဆက်ပြတ်သွားပါတယ်။ ဒါပေမယ့် တခါတလေ မြို့ထဲက လက်ဖက်ရည်ဆိုင်မှာ၊ စာပေနယ်က တယောက်ယောက်ရဲ့ အသုဘ၊ မင်္ဂလာ အခမ်းအနားတချို့မှာ သူနဲ့ ခဏတဖြုတ်ဆုံမိ၊ နှုတ်ဆက်မိတာမျိုးတော့ ရှိပါတယ်။ ဒါပေမယ့် သူက အခမ်းအနားတွေဘာတွေလည်း သွားခဲတယ် ထင်ပါရဲ့၊ ကျမနဲ့ နောက်ပိုင်း သိပ်မဆုံဖြစ်ကြဘူး။

၂ဝဝ၄၊ ၂ဝဝ၅ ဝန်းကျင် တရက်မှာတော့ ကျမကို စာရေးဆရာမ ခက်မာက ဖုန်းဆက်လာပါတယ်။ '… နီကိုရဲက ပြောပြစရာတွေ ရှိနေတယ်၊ သူ နင့်ကို အင်တာဗျူးပေးချင်တယ်လို့ ပြောတယ်။ သွားလိုက်ပါလား၊ သူ့မှာ အခက်အခဲတွေလည်း အများကြီးရှိနေတယ်' လို့ မခက်မာက ပြောလာတော့ ကျမရဲ့ အယ်ဒီတာချုပ်ကို ခွင့်တောင်းပြီး သွားတွေ့ဖြစ်ပါတယ်။ အဲဒီတုန်းက သူနေတာ သုဝဏ္ဏ တံတားကြီးဘေးက ရပ်ကွက်က အိမ်မှာ မဟုတ်တော့ဘူး၊ သူ့မိဘတွေနေတဲ့ တောင်ဥက္ကလာပက အိမ်ကလေးမှာ ဖြစ်နေပြီ။

ကျမ လာတော့ သူဝမ်းပန်းတသာကြိုဆိုပါတယ်။ သူ့မှာ ပြောပြချင်တာတွေလည်း တော်တော်များနေပုံရတယ်။ ကက်ဆက် ရကော်ဒါ လေးကိုဖွင့်ပြီးတာနဲ့ သူ့ရဲ့ အခြေအနေတွေကို တရစပ်ပြောပြပါတယ်။ သူနဲ့ အင်တာဗျူးခဲ့တဲ့အတိုင်း လုံးစေ့ပတ်စေ့ '၏၊ သည်' မလွဲ ပြန်မဖော် ပြနိုင်ပေမယ့် အကြောင်းအရာ အဖြစ်အပျက်အားလုံးကိုတော့ ဒီနေ့ထိ ကျမ မမေ့သေးပါဘူး။

လုံးချင်းစာအုပ်တွေ ဟောတအုပ်၊ ဟောတအုပ်၊ ဗီဒီယိုဇာတ်ညွှန်းတွေ ဟောတကား၊ ဟောတကား ရေးသားနေရတဲ့ နာမည်ကြီး စာရေးဆရာ တယောက်အနေနဲ့ အိမ်တလုံးတော့ အပိုင်ရှိနေတယ်လို့ ကျမ ထင်ထားခဲ့ဖူးပေမယ့် သူနဲ့ အဲဒီအင်တာဗျူး လုပ်တဲ့အချိန်မှာတော့ ကျမရဲ့ အထင် လုံးဝ အလွဲကြီး လွဲနေတယ်ဆိုတာ သိလိုက်ရပါတယ်။

သူ့အိမ်လို့ ထင်ထားမိတဲ့ သုဝဏ္ဏ တံတားကြီးဘေး ရပ်ကွက်က အုတ်ခံ နှစ်ထပ်အိမ်ဟာ သူ့အိမ်မဟုတ်ပါဘူး။ သူ့ရဲ့ ထုတ်ဝေသူက နီကိုရဲ နာမည်ကြီးနေချိန်၊ လျှမ်းလျှမ်းတောက် အောင်မြင်နေချိန်မှာ သဘောကောင်းစွာနဲ့ 'ညီလေး ဒီမှာနေပေါ့' ဆိုပြီးပေးနေထားတဲ့ အိမ်ဖြစ် ပါတယ်။

စာရေးဆရာ နီကိုရဲနဲ့ ထုတ်ဝေသူတို့ အနည်းငယ် မကျေမလည် ဖြစ်ချိန်မှာတော့ အဲဒီထုတ်ဝေသူက ချိုသာစွာနဲ့ပဲ 'ညီလေးရေ၊ အစ်ကို စီးပွားရေး မပြေလည်လို့ ဒီအိမ်ကို ရောင်းတော့မလို့' ဆိုတဲ့စကားလေးနဲ့ အိမ်ပေါ်က ဆင်းခိုင်းလိုက်ပါတော့တယ်။

ဒါကတော့ ထုတ်ဝေသူနဲ့ စာရေးသူရဲ့ ပြဿနာပါ။ ဒီပြဿနာတွေကို စာရေးဆရာ နီကိုရဲက ကျမကို ဖွင့်ဟပြောဆိုခဲ့ပါတယ်။ အိမ်ပေါ်က ဆင်းခိုင်းလိုက်တာဟာ စာရေးဆရာအတွက် ပြဿနာ လုံးဝမဟုတ်ပါဘူး၊ အဲဒီအိမ်က ဆင်းခဲ့ရပေမယ့် စာရေးဆရာဆီမှာ မိဘရဲ့ အိမ် ရှိနေပါသေးတယ်။ စာရေးဆရာအတွက် ပြဿနာကတော့ 'စာမရေးရတော့တဲ့' ပြဿနာဖြစ်ပါတယ်။

ကျမ သူနဲ့ အင်တာဗျူးလုပ်တဲ့အချိန် ၂ဝဝ၄၊ ၂ဝဝ၅ ဝန်းကျင် လောက်ကနေစပြီး သူကွယ်လွန်တဲ့ ၂ဝဝ၉ အောက်တိုဘာ ၂၃ ရက်နေ့ အထိ နီကိုရဲ ဆိုတဲ့ နာမည်နဲ့ လုံးချင်းစာအုပ်အသစ် ထုတ်ခွင့် မရှိခဲ့ပါဘူး။ အဲဒီလို လုံးချင်းထုတ်ခွင့်မရှိအောင် သူ့ရဲ့ ထုတ်ဝေသူက စာပေ စိစစ်ရေးမှာ ပိတ်ပင်ခဲ့ပါတယ်။

စာရေးဆရာနီကိုရဲ ကိုယ်တိုင် သူ့ကလောင်တံ သူရိုက်ချိုးသလိုဖြစ်မယ့် လက်မှတ်ကို ထိုးခဲ့တဲ့ … ထုတ်ဝေသူနဲ့ သဘောတူညီချက် စာချုပ် မိတ္တူကို ကျမ ဖတ်ခဲ့ရပါတယ်။ အဲဒီသဘောတူညီချက်တွေ ထဲမှာ အရေးကြီးတာတချက်ကတော့ 'ထုတ်ဝေသူနဲ့ စာရေးသူ သဘောတူညီ ထားတဲ့ စာအုပ်အရေအတွက် မထွက်ပြီးမချင်း နီကိုရဲ ဆိုတဲ့ နာမည်နဲ့ လုံးချင်းပဲဖြစ်ဖြစ်၊ မဂ္ဂဇင်းအခန်းဆက် ဝတ္ထုရှည်ပဲဖြစ်ဖြစ်၊ ရုပ်ရှင် ဇာတ်ညွှန်းပဲဖြစ်ဖြစ် ရေးသားထုတ်ဝေခြင်း မပြုရ' ဆိုတဲ့အချက်ပါ။

ထုတ်ဝေသူနဲ့ စာရေးသူ ပြေလည်နေစဉ်မှာတော့ ထုတ်ဝေသူက စာရေးဆရာနီကိုရဲရဲ့ စာအုပ်တွေကို တအုပ်ချင်း ထုတ်ပေးနေခဲ့ပါတယ်။ မပြေလည်တဲ့အချိန်မှာတော့ ထုတ်စရာလည်း စာအုပ် အဆင်သင့်ရှိနေရဲ့သားနဲ့ စာအုပ်တွေကို ဆက်မထုတ်ဘဲ ထားလိုက်ပါတယ်။

ဥပမာ - စာအုပ် ၉ အုပ်ချုပ်ထားတယ် ဆိုပါတော့၊ နီကိုရဲက ၉ အုပ် ရေးပေးပြီးပြီ၊ ထုတ်ဝေသူကို အပ်ပြီးပြီ၊ ထုတ်ဝေသူကလည်း စာရေးဆရာကို ၉ အုပ်စာ ကျသင့်ငွေ ရှင်းပေးလိုက်ပြီ။ ဒါပေမယ့် အဲဒီ ၉ အုပ်ကို ထုတ်ဝေ သူက တအုပ်ချင်း မျှင်းပြီး ထုတ်နေမယ်၊ စာရေးသူနဲ့ မပြေလည်ချိန် ၃ အုပ်၊ ဒါမှမဟုတ် ၂ အုပ်လောက် ထုတ်ဖို့ ကျန်သေးတဲ့အချိန်မှာ ဆက်မထုတ်ဘဲ ထားလိုက်တယ်။

အဲဒီမှာ စာရေးဆရာ နီကိုရဲ အနေနဲ့ ဘယ်ထုတ်ဝေသူနဲ့မှ ဆက်ထုတ်လို့ မရတော့ပါဘူး၊ ဘယ်သူ့ကိုမှ လုံးချင်းရောင်းခွင့် မရှိတော့ပါဘူး၊ ဘယ်လို မဂ္ဂဇင်းဝတ္ထုရှည်မှလည်း ရေးခွင့်မရှိတော့ပါဘူး။ ကျမရှေ့တင် သူ့ကို ထုတ်ပေးချင်တဲ့ ထုတ်ဝေသူ တယောက် ရောက်လာပါတယ်။ ဒါပေမယ့် အဲဒီ ထုတ်ဝေသူလည်း ဘာမှ မတတ်နိုင်ပါဘူး။ စာပေစိစစ်ရေးမှာ စာချုပ်ပြပြီး 'နီကိုရဲ' နာမည်နဲ့ လုံးချင်းထုတ်ခွင့် ပိတ်လိုက်ပြီ ကိုး။

သူ့အနေနဲ့လည်း နီကိုရဲ ဆိုတဲ့ နာမည်ကလွဲလို့ တခြားနာမည်နဲ့ ဝတ္ထုတွေကို ရောင်းစားဖို့ အစီအစဉ်လုံးဝ မရှိဘူးလို့ ဆိုပါတယ်။

ကျမအထင်မမှားဘူးဆိုရင်တော့ သူ ကွယ်လွန်ပြီးမှ သူ့ရဲ့ စာအုပ်တွေ ထပ် ထွက်လာလိမ့်ဦးမယ်။ သူ့ ထုတ်ဝေသူက လက်ကျန် စာအုပ်ကလေးတွေကို အပြီးအပြတ်ထုတ်ပြီး သူနဲ့ ချုပ်ထားတဲ့စာချုပ်ကို ပြီးပြတ်အောင် လုပ်လိုက်ရင်ပေါ့လေ။ အဲဒီတုန်းက သူက စာအုပ်တွေ ထုတ်ခွင့်မရပေမယ့် စာတွေကတော့ ရေးနေမှာပဲလို့ ပြောခဲ့ပါတယ်။

'နီကိုရဲ ဆိုတဲ့နာမည်ဖြစ်အောင် တည်ဆောက်ခဲ့ရတာ အကြာကြီး၊ အခုမှ နောက်ထပ် နာမည်တခု ထပ် တည်ဆောက်ဖို့ မဖြစ်နိုင် တော့ဘူးဗျ' လို့လည်း သူ ကြေကြေကွဲကွဲ ပြောခဲ့သေးတယ်။ သူ့လိုပဲ အဲဒီထုတ်ဝေသူရဲ့ စာချုပ်အမိခံနေရတဲ့ နောက်ထပ်စာရေးဆရာ တယောက်အကြောင်း၊ သူတို့ထက်လည်ပတ်လို့ အဲဒီထုတ်ဝေသူရဲ့ စာချုပ်ကို လွတ်အောင်ရှောင်နိုင်တဲ့ နာမည်ကြီး စာရေးဆရာ တယောက် အကြောင်းတွေကိုပါ သူ ကျမကို ပြောပြခဲ့ပါတယ်။

စာရေးဆရာနီကိုရဲဟာ မကြည်ပြာနဲ့ ချစ်ခြင်းရဲ့နဂ္ဂတစ်များ ဆိုတဲ့ လုံးချင်းဝတ္ထုနှစ်အုပ်တွဲနဲ့ အောင်မြင်ခဲ့တယ်လို့ ပြောလို့ရပါတယ်။ အဲဒီဝတ္ထုကို ဒါရိုက်တာ မောင်မျိုးမင်း (ရင်တွင်းဖြစ်) က ကြည်ပြာရောင်နဂ္ဂတစ်များဆိုပြီး ရုပ်ရှင် ရိုက်ခဲ့ပါတယ်။ သိကြားနဲ့ အသူရာ ဝတ္ထုကိုလည်း 'ယောက္ခမဆိုတာ တခါတုန်းက သားမက်ပါပဲ' ဆိုတဲ့ ရုပ်ရှင်ကားကြီးရိုက်ကူး အောင်မြင်ခဲ့တယ်။ စိတ်အိုင်ပက်သူ ကလည်း ရုပ်ရှင်ကားကြီးပါပဲ။

နောက်ထပ် သူရေးခဲ့တဲ့ စာအုပ်တွေကို လက်လှမ်းမီသလောက် ဖော်ပြရရင် အိုလေး၊ ရည်းစားစာ (ဝတ္ထုတိုစု)၊ သံစုံကျူးတဲ့ည၊ ကျနော်နှင့် လက်တွဲဖော်များ၊ ဇွတ်၊ ကျနော်နှင့် ဈေးသည် အလွဲများ၊ လွယ်အိတ်ထဲက အလွဲများ၊ ပန်းပွင့်ကို ဖယ်ကြည့်မှ မြင်ရမယ့် လမင်း၊ နှလုံးသားထဲ ကြွက်ဝင်နေသည်၊ နတ်ဆိုးတကောင်နဲ့ ရင်လွဲသူ၊ လှည့်စား၊ အိတ်၊ ဇက်ပေါ်က ဇီးသီး၊ လူနှင့် သူတို့၏ ဟာသများ ပဲ ဖြစ်ပါတယ်။

ဒါရိုက်တာ မောင်မျိုးမင်း (ရင်တွင်းဖြစ်) နဲ့ တွဲပြီး ရုပ်ရှင်ကားကြီးတွေ၊ ဗီဒီယိုကားတွေအဖြစ် ရိုက်ခဲ့တဲ့ သူ့ဝတ္ထုတွေ၊ သူ့ဇာတ်ညွှန်းတွေကို ပရိသတ်က အထူးအားပေးခဲ့ပါတယ်။ 'လွဲတယ်' ဆိုတဲ့စကားက သူ့ရဲ့ မူပိုင်စကားလို ဖြစ်ခဲ့တာပါ။

အင်တာဗျူးစဉ်က ကျမသိချင်တဲ့ မေးခွန်းတခုကို မေးလိုက်မိတယ်။ နီကိုရဲ ရဲ့ ပရိသတ်တွေလည်း သိချင်မှာပဲ။ 'ဆရာ့အနေနဲ့ စာချုပ်မှာ လက်မှတ်ထိုးတုန်းက သေချာမဖတ်ဘူးလား' ဆိုတဲ့ မေးခွန်းပါ။ သူ့ရဲ့အဖြေက ကြေကွဲဖို့ကောင်းပါတယ်။ ဟာသ ဝတ္ထုရေးဆရာတယောက်နဲ့ အင်တာဗျူးရတာ ဖြစ်ပေမယ့် အဲဒီအင်တာဗျူးမှာ ကျမ မပျော်ပါဘူး။

စာရေးဆရာ နီကိုရဲဟာ သိပ်ကိုရိုးသားပြီး သူတပါးကိုလည်း ခင်မင်လွယ်၊ ယုံလွယ်ပါတယ်၊ သူ့စာတွေမှာ သူ့ရဲ့ ရိုးသားမှုတွေ ထင်ဟပ် နေပါတယ်။ သူ့ရဲ့ ဇာတ်ကောင် ရဲဝင်းဟာ သူကိုယ်တိုင်ပါပဲ။ သူ့ရဲ့ ဝတ္ထုတွေထဲမှာ သူဟာ ရိုးသားစွာလွဲသလို အပြင်လောကမှာလဲ သူ လွဲပါတယ်။ အပြင်လောကက အလွဲကတော့ စာချုပ်မှာ လက်မှတ်ထိုးတဲ့အချိန် ခင်မင်မှုနဲ့ အဲဒီစာချုပ်ကို သေချာမဖတ်တဲ့ အလွဲပါ။
ထုတ်ဝေသူအပေါ် ယုံကြည်မှုနဲ့ 'ငါ့ကိုတော့ ဆိုးဆိုးရွားရွား မလုပ်လောက်ပါဘူး' ဆိုတဲ့အတွေး (လက်မှတ်ထိုးတဲ့အချိန်မှာ အရက်မူး နေတာလည်း ပါတယ်လို့ဆိုပါတယ်) ကိုတွေးရင်း လက်မှတ် ထိုးပေးလိုက်တာပါ။

အဲဒီစာချုပ်မှာ ဘာတွေပါတယ်ဆိုတာ သူ့ကလောင် အပိတ်ခံရချိန်၊ စာချုပ်ချုပ်ပြီး နှစ်တော်တော်ကြာ သူ့လက်ထဲကို ထုတ်ဝေသူက စာချုပ်လာပြတော့မှ သိရတယ် ဆိုတော့ ကျမ တော်တော် အံ့သြမိပါတယ်။ လွဲလိုက်လေခြင်းဆိုတဲ့ ကရုဏာ ဒေါသလည်း ဖြစ်မိပါတယ်။ ဒါပေမယ့် ဘာမှ မတတ်နိုင်တော့ပါဘူး။ သူလေးစားတဲ့ 'နားလည်မှု၊ ခင်မင်မှု၊ ယုံကြည်မှု' ဆိုတာတွေကို စာချုပ်ဆိုတဲ့ စာတရွက်က အနိုင်ယူ သွားပါပြီ။

ကျမရဲ့ အင်တာဗျူးလည်း စာမျက်နှာပေါ် တင်ခွင့်မရလိုက်ပါဘူး။ စာရေးဆရာ နီကိုရဲရဲ့ အသံတွေကတော့ ကျမ ချန်ထားခဲ့တဲ့ ဂျာနယ်တိုက်ရဲ့ ထောင့်တနေရာမှာ ရှိနေပါလိမ့်မယ်။

ခုတော့ သူလည်း နှလုံးရောဂါနဲ့ ကွယ်လွန်တယ်လို့ဆိုပါတယ်။ အသက် ၄၃ နှစ်ဆိုတဲ့နှစ်အပိုင်းအခြားကတော့ ငယ်လွန်းသေးတယ်လို့ ပြောလို့ရတယ်။ တကယ်ဆို ဒီအသက်အရွယ်က စာတွေ အင်နဲ့အားနဲ့ ရေးရမယ့် အရွယ်ပါ။

စာရေးဆရာတယောက်ရဲ့ ဘဝဟာ စာမှ မရေးရတော့ဘူးဆိုရင် ဘယ်လိုမှ အဓိပ္ပာယ် မရှိနိုင်တော့ပါဘူး။ စာတွေ ရေးနေပေမယ့် သူရေးတဲ့စာတွေကို ပရိသတ်ကို ချပြခွင့် မရဘူး ဆိုရင်လည်း စိတ်ချမ်းသာ ပျော်ရွှင်မှုတွေ ဆိတ်သုဉ်းနေမှာပဲလို့ ကျမ တွေးမိတယ်။

ရေနံချေးဝနေတဲ့ သစ်သားအိမ်နံရံမှာ အစီအရီကပ်ထားတဲ့ သူ့စာအုပ် မျက်နှာဖုံးပုံ အဟောင်းလေးတွေကို ကျမ ခုထိ မြင်ယောင်နေဆဲပဲ။ ။



'နိုင်ငံရေးဆိုတာက အပြတ်မဖြစ်နိုင်ဘူး'
Saturday, 24 October 2009 14:38 ဧရာဝတီ
E-mail Print

စစ်အစိုးရ၏ တင်းမာသော သဘောထားများကို ဝေဖန်ပြောဆိုရာတွင် အထင်ရှားဆုံး နိုင်ငံရေးသမား တဦး ဖြစ်သည့် ဦးဝင်းတင်သည် ၁၉၈၈ ခုနှစ်က အမျိုးသား ဒီမိုကရေစီအဖွဲ့ချုပ်(NLD) ကို စတင် တည်ထောင်သူ များထဲတွင် ပါဝင်သော ခေါင်းဆောင်တဦးဖြစ်သည်။ ၎င်းသည် မြန်မာ စာနယ်ဇင်းလောက၏ အထင်ကရ သတင်းစာဆရာ တဦးလည်း ဖြစ်သည်။

ဦးဝင်းတင်သည် နိုင်ငံရေးနယ်ပယ်သို့ ရောက်ပြီး တနှစ်မပြည့်မီမှာပင် အထိန်းသိမ်းခံရသည်။ အင်းစိန်ထောင် တွင် ၁၉ နှစ်ကျော် ချုပ်နှောင်ခံခဲ့ရပြီး ယမန်နှစ် စက်တင်ဘာလ က ပြန်လည်လွတ်မြောက်လာသည်။

စီးပွားရေး ပိတ်ဆို့ဒဏ်ခတ်မှု၊ ၂ဝ၁ဝ ပြည့်နှစ် ရွေးကောက်ပွဲ၊ စစ်အစိုးရ၏ အခြေခံဥပဒေ၊ NLD ၏ လက်ရှိ အခြေ အနေများနှင့် ပတ်သက်ပြီး ဧရာဝတီ သတင်းထောက် ကိုစိုးက ဆက်သွယ်မေးမြန်းရာတွင် ဦးဝင်းတင်က ပြောပြ ခဲ့သည်များကို ဖော်ပြလိုက်ပါသည်။

မေး။ ။အနောက်နိုင်ငံတွေက စစ်အစိုးရအပေါ် ဒဏ်ခတ် ပိတ်ဆို့ထားတာတွေ ပြန်လည် ရုပ်သိမ်းရေး နဲ့ အမျိုးသား ပြန်လည် ရင်ကြားစေ့ရေးက ဘယ်လောက် ဆက်စပ်နေပါသလဲ။

ဖြေ။ ။နိုင်ငံရေးမှာတော့ နှစ်ခုစလုံး ဆက်စပ်နေတယ်၊ တွေ့ဆုံ ဆွေးနွေးမယ် ဆိုရင် စစ်အစိုးရက ပါနေတယ်၊ ဒီ Sanction (စီးပွားရေး ပိတ်ဆို့ဒဏ်ခတ်မှု) က သူတို့ကို ချုပ်ကိုင်ထားတဲ့ဟာ။ အဲဒီတော့ ဒီနှစ်ခုက ဆက်စပ်နေ မှာပဲ။ ဒီ Sanction က ကျနော်တို့ကို အားဖြည့်ပေးတယ်လို့ မဆိုနိုင်ရင်တောင် ကျနော်တို့ကို ဖိနှိပ် ချုပ်ချယ်နေတဲ့ အင်အားကြီးတဲ့ ရန်သူကို ချုပ်ကိုင်ရာ ရောက်တယ်။ ဘာနဲ့တူလဲဆိုရင် ကျနော်တို့ကို ဘီလူးကြီးက နှိပ်စက်နေတဲ့ အခါမှာ ဘီလူးကြီးကို Sanction လိုဟာမျိုးနဲ့ ကြိုးကွင်းစွပ်တယ် ဆိုရင် ကျနော်တို့ကတော့ အသက်ရဋ္ဌချောင်တာ အမှန်ပဲဗျ။

ဒီ Sanction ဟာ ၃ မျိုးရှိမယ်လို့ ထင်တယ်၊ တမျိုးက အများပြည်သူတွေကို ထိခိုက်တဲ့ ဥပမာ အမေရိကန်က ပိတ်ဆို့တဲ့အတွက် အထည်ချုပ် အလုပ်သမားတွေ အလုပ်လက်မဲ့ဖြစ်ရတာ။ နောက်တမျိုးက စစ်ဗိုလ်နဲ့ အပေါင်း အပါတွေ ထိခိုက်တယ်၊ နောက်တခုက နိုင်ငံပေါင်း တော်တော်များများက လက်နက်ရောင်းဝယ်တာ မလုပ်တော့ တာ ရှိတယ်။ သုံးမျိုးထဲမှာ စစ်ခေါင်းဆောင်တွေကို၊ စစ်တပ်ကို ထိခိုက်တာ ဘာမှ ပြောစရာမရှိဘူး၊ သို့သော် ပြည်သူလူထုကို ထိခိုက်စေတဲ့ Sanction မျိုးဆိုရင်တော့ ကျနော်တို့ ဝင်ပြီးတော့ ပြေရာပြေကြောင်း ပြောမှာပဲ။

အဲဒီလို Sanction တွေ လျှော့တယ်ဆိုရင် အမျိုးသား ပြန်လည်သင့်မြတ်ရေးကိစ္စအထိ တခါတည်း ဆက်သွားနိုင် တယ်လို့ ကျနော် ထင်တယ်၊ အခု ဒီ အမေရိကန်ရဲ့ မူဝါဒသစ်ဟာ Sanction နဲ့ ပူးတွဲပြီးတော့ လျှောက်မယ့် ကိစ္စ ပဲ။ ဒါဟာ Drama (ပြဇာတ်) ကြီး တခုပဲ၊ ကြားထဲမှာ ငိုခန်း၊ ရယ်ခန်းတွေ ပါမယ်၊ နှစ်ပါးသွားတွေ ပါမယ်၊ အမျိုးစုံ ပေါ့။ ဒါပေမယ့် နှစ်ပါးသွားတွေရော ဘာတွေရော ဘယ်လောက်ပဲ ရှိရှိ နောက်ဆုံးမှာ ဇာတ်ပေါင်းခန်း ရောက်ရ မှာပဲလို့ ကျနော်တို့က မှန်းတယ်။ အဲဒါကြောင့် ဒီ Sanction ဟာ နိုင်ငံရေး တွေ့ဆုံ ဆွေးနွေးပွဲတွေ အတွက် ဘယ် လောက်အထောက်အကူဖြစ်မလဲဆိုတာကမှန်းလို့မရဘူး၊ ရွေးကောက်ပွဲ မတိုင်ခင်တော့ ဖြစ်ရမယ်၊ ဖြစ်ဖို့လိုမယ်။

မေး။ ။ အာဏာပိုင်တို့က အဲဒီရွေးကောက်ပွဲ လုပ်ဖို့ကြေညာထား တဲ့၊ ပြင်ဆင်ထားတဲ့ အပေါ် ဦးဝင်းတင်ရဲ့အမြင် ကို သိ ချင် ပါတယ်။

ဖြေ။ ။ မတ်လ ၂၇ ရက်နေ့မှာ ဗိုလ်ချုပ်မဋ္ဌးကြီး သန်းရွှေက အခြေခံဥပဒေ ပြင်ဖို့ မပြောနဲ့၊ အထိတောင် မခံနိုင် ဘူးလို့ ပြောတယ်၊ အခုကျတော့ အခြေခံဥပဒေကို ပြည်သူလူထုက အတည်ပြုပြီး ဖြစ်တဲ့အတွက် ထပ်ပြော မနေ နဲ့ ရွေးကောက်ပွဲကို စနစ်တကျ ကျင်းပပေးမယ်လို့ ကြေညာလိုက်တယ်၊ နိုင်ငံရေး ပါတီတွေ အခြေခံ ဥပဒေကို လေးစား လိုက်နာရမယ်။ ရင့်ကျက်တဲ့သူတွေကို စောင့်ရှောက်မယ် ဆိုတော့၊ သဘောကတော့ သူတို့က ရင့် ကျက် တဲ့ လူ မဟုတ်ဘူးလို့ သတ်မှတ်တဲ့လူတွေကို၊ ရွေးကောက်ပွဲပြီးရင် အဲဒီကောင်တွေကိုတော့ နှိမ်ပစ်မှာပဲ ဆိုတဲ့ သဘောမျိုးဖြစ်နေတယ် နော်၊ အဲဒီ ၂ချက်က ထူးထူးခြားခြား ဖြစ်နေတယ်။

ရေရှည် အလားအလာကို မျှော်ကိုးပြီးတော့ ဆင်ခြင်တုံတရား ရှိတာ တဲ့၊ သူပြောတဲ့ ဆင်ခြင်တုံဆိုတာ မင်းတို့ ငြိမ်ငြိမ်နေလို့ ပြောတဲ့ဟာမျိုး၊ ရွေးကောက်ပွဲ အကြိုကာလမှာ ပြောနေတဲ့ အခြေခံမူတွေ သူ ပြင်ဆင်ပြီးပါပြီ လို့ ပြောတာမျိုးတွေ၊ ရွှေဂုံတိုင်ကြေညာချက်ထဲက တောင်းဆိုချက်တွေ ဒါတွေ အကုန်လုံး ပြောမနေနဲ့တော့၊ အနာဂတ်ကတော့ ပြီးနေပြီ။ တစည တို့ ဘာတို့ ပြောနေတဲ့ အနာဂတ်ကျရင် ပြင်သွားမယ်တို့ ဘာတို့ ဆိုတာ တွေ၊ ကျနော် ထင်တယ်၊ အဲဒီလူတွေကိုပါ ပြောရာရောက်တယ်။ သတ်မှတ်တဲ့အတိုင်း လိုက်လုပ် ဆိုတဲ့ ဟာမျိုး ဖြစ်နေတယ်။

မေး။ ။ အာဏာပိုင်တွေက အဲဒီလိုမျိုးလုပ်မယ်ဆိုရင် ဒီမိုကရေစီအင်အားစုတွေ၊ တိုင်းရင်းသား အဖွဲ့အစည်း တွေကရော ဘာလုပ်သင့်တယ်လို့ ထင်မြင်ပါသလဲ။

ဖြေ။ ။ ထွက်ပေါက်လေး တပေါက်ကျန်နေတယ်။ အခြေခံဥပဒေ ပြင်လို့ တောင်းဆိုတာ သူတို့က မပြင်ဘူးလို့ ပြောတယ်ပေါ့၊ သို့သော် ကျနော်ကတော့ မျှော်လင့်ချက် မကုန်သေးဘူးဗျ။ ဒီနိုင်ငံရေးတွေ့ဆုံဆွေးနွေးပွဲ တောင်း ဆိုမယ့်ဟာ ပေါ့ဗျာ၊ ညီညီညွတ်ညွတ်နဲ့ တောင်းဆိုမယ် ဆိုရင်၊ ကျနော်တို့က ဖိနိုင်ရင် တစုံတရာသော နည်း ကျန်သေးတယ်လို့ ယူဆပါတယ်။

ဗိုလ်ချုပ်သန်းရွှေရဲ့ ဒီစကားဟာ အမေရိကန် ပေါ်လစီ အသစ်နဲ့ ပတ်သက်မယ် ထင်တယ်ဗျ၊ အမေရိကန်က လည်း တောင်းဆို ထားတာပေါ့၊ ဒီရွေးကောက်ပွဲနဲ့ ပတ်သက်လို့ ဘာတွေပါမယ်၊ ဒီမိုကရေစီ အင်အားစုတွေနဲ့ ဆက်ဆံရေးတွေလည်း ပါမယ် ဆိုတော့ ဒါကို ရည်ရွယ်ပြီးသူ့ဘက်က အပြတ်ပြောတာလို့ ထင်တယ်၊ အဲဒီတော့ ဘယ်လောက်ပဲ အပြတ်ပြောပြော နိုင်ငံရေးဆိုတာက အပြတ်မဖြစ်နိုင်ဘူး၊ အခြေအနေ ပေါ်မှာပဲ မူတည်မှာကိုး၊ ဒေါ်အောင်ဆန်းစုကြည်ကလည်း တောင်းထားတာ ရှိတယ်။ အမေရိကန်အစိုးရအနေနဲ့ ဟိုဘက်နယ်နဲ့ စစ်ဘက် နယ်နဲ့ ဆက်ဆံပါ။ သို့သော် တချိန်တည်းမှာပဲ ကျမတို့နဲ့လည်း တိုက်ရိုက် ထိတွေ့ ဆက်ဆံမှု လုပ်ပါလို့ ပြောထား တဲ့ဟာ ရှိတယ်။ ဗိုလ်ချုပ်မှုးကြီးသန်းရွှေက ဘယ်လိုပဲပြောပြော ကျနော်တို့နဲ့ စစ်အစိုးရ ဆက်ဆံရေးက အခု ဒီ အမေရိကန် ပေါ်လစီကနေပြီးတော့ လမ်းဖွင့်ပေးနိုင်လိမ့်မယ်လို့ ကျနော်မှန်းတယ်။

မေး။ ။ အဲဒီ၂ဝ၁ဝ ရွေးကောက်ပွဲကို ဝင်သင့်တယ်လို့ ပြောတဲ့ နိုင်ငံရေးသမားတချို့ရဲ့ အယူဆကိုရော ဘယ်လို မြင်လဲ။

ဖြေ။ ။ ဒီရွေးကောက်ပွဲနဲ့ ပတ်သက်လို့ ကျနော်ကတော့ နည်းနည်း NLD နဲ့တောင် မတူချင်ဘူးပေါ့ဗျာ။ NLD ကို ဒီ ရွှေဂုံတိုင် ကြေညာစာတမ်း အထိကတော့ ကျနော်က လက်ခံတယ်၊ အကျဉ်းသားတွေ လွှတ်ဖို့၊ အခြေခံ ဥပဒေ ကို ပြင်ဖို့၊ နိုင်ငံတကာ ကွပ်ကဲမှုပါတဲ့ လွတ်လပ် တရားမျှတတဲ့ ရွေးကောက်ပွဲ ကျင်းပဖို့၊ တွေ့ဆုံ ဆွေးနွေး ဖို့ပေါ့။ တွေ့ဆုံဆွေးနွေးရေးကတော့ ကျနော်တို့ အဓိက တောင်းဆိုချက်ပေါ့။

ဦးသုဝေတို့၊ တစညက ဦးခင်မောင်ကြီးတို့ ပြောနေသလို ၁ဝ နှစ် ၁၅ နှစ်မှာ ပြောင်းသွားမယ်၊ သူတို့ကတော့ ကျနော်တို့နဲ့ မပြောဘဲနဲ့ ကျနော်တို့ကို ချန်ပြီးတော့ သူတို့ကတော့ ရွေးကောက်ပွဲကို ဝင်မှာ။ အဲဒီတော့ ကျနော်က ရွေးကောက်ပွဲကို ဝင်သင့်တယ်လို့ ပြောတဲ့သူကို လက်မခံဘူး၊ ဝင်သင့်တဲ့ အနေအထား ရှိအောင် ဖန်တီးကြပါ။ ပြင်လွယ် ပြောင်းလွယ်တဲ့ အခြေခံဥပဒေဖြစ်အောင် အခုကတည်းက စပြီးတော့ ဝိုင်းပြီးတော့ တောင်းခံကြရ အောင်လို့ ပြောတာပါ။

ရွေးကောက်ပွဲကို ဝင်သင့်တယ်လို့ ပြောတာ ကျနော်သဘောမတူဘူး၊ ရှေ့မှာဘာမှ မရှိတော့ဘူးဗျ။ အခြေခံ ဥပဒေ ပြင်လိုက်ရင် သင့်တင့်တဲ့ အသက်ရဋ္ဌပေါက် သို့မဟုတ် ရှေ့ဆက်ပြီးတော့ ဒီမိုကရေစီ သဏ္ဌာန်နဲ့ ပေါ့ဗျာ၊ လွှတ်တော်ထဲ လောက်တော့ ပြောခွင့်ဆိုခွင့် ရှိမယ်၊ လွှတ်တော်ထဲ ပြောခွင့်ဆိုခွင့် ရှိရာကနေပြီးတော့ လုပ်ငန်း တွေ လုပ်နိုင်မယ်။ ဒီအတိုင်းသာ သွားလို့ကတော့ ပြင်လို့ကို မရနိုင်ဘူး။ ဘာ အခွင့်အရေးမှမရှိဘူး၊ တိုင်းရင်းသား ဘက်ကလည်း ဘာမှ မရှိဘူး၊ ဒီမိုကရေစီ အင်အားစု ဘက်ကလည်း ဘာမှ မရှိဘူး။

အဲဒီတော့ အဆုံးအဖြတ် ပေးနိုင်တဲ့ နေရာဆိုတာ လွှတ်တော် ပေါ်လာမယ်၊ လွှတ်တော်ထဲ ရောက်ရင် ခင်ဗျားတို့ ပြောခွင့်ဆိုခွင့် ရှိမယ်၊ ဟုတ်တယ်။ ဒါပေမယ့် အဲဒီလို ပြောဆိုတာက ဘာကို ဆုံးဖြတ်မှာလဲ ဆိုတော့ ဘာမှ မရှိဘူး။ ဘာမှ မလုပ်နိုင်ဘူး၊ သူတို့ရဲ့ နိုင်ငံရေးသဘောထားတွေ ပြောရဲလို့ စင်မြင့်ပေါ်က ပြောရတာမှတပါး ရှေ့ကို တိုးလို့ မရဘူးဗျ။ အဲဒါကြောင့် ရွေးကောက်ပွဲ မဝင်စဉ် ကာလမှာ အခြေခံဥပဒေ ပြင်ဆင်ရေးကို တောင်း ကြရအောင် လို့ ကျနော်က ပြောတာ။

မေး။ ။ ၂ဝဝ၈ အခြေခံ ဥပဒေထဲက ဘယ်အချက်တွေကို အရေးတကြီး ပြင်ဆင်စေချင်တာလဲ။

ဖြေ။ ။ အချက်ပေါင်း ၁၂ ချက်လောက် ရှိတယ်။ ပြောနိုင်တာက တပ်မတော်သည် နိုင်ငံရေး ဦးဆောင်မှုမှာ ပါဝင်ရမယ် ဆိုတဲ့ အခြေခံမူ အမှတ် ၆ ကို လက်မခံဘူးဗျ။ အခြေခံဥပဒေကို ၇၅ ရာခိုင်နှုန်း အထက်မှာ ရမှသာ ပြင်နိုင်မယ် ဆိုတဲ့ အချက်ကိုလည်း ပြင်ဖို့ပါတယ်။ နောက်တခုက တိုင်းရင်းသားဘက်ကို ကြည့်တဲ့ အခါကျတော့ ပြည်နယ်လွှတ်တော် ဥက္ကဋ္ဌနေရာအတွက် ဗိုလ်သမ္မတ ကနေ ချပေးတာကို ဒီ အောက်ခြေက ငြင်းခွင့် မရှိဘူး။ အဲဒီလိုမျိုးဟာလေးတွေက ဒီ တိုင်းရင်းသားတွေနဲ့ ပတ်သက်လို့ လည်း အဓိက အကျဆုံး ဖြစ်တယ်၊ ပြင်ဖို့ လို တယ်။

မေး။ ။ ရွေးကောက်ပွဲဝင်ရေး မဝင်ရေးနဲ့ ပတ်သက်လို့ NLD ထဲမှာ သဘောထား ကွဲလွဲနေတာ၊ အငြင်းပွားဖွယ် ဖြစ်နေတာတို့နဲ့ ပတ်သက်ပြီး ဘာပြောချင်ပါသလဲ။

ဖြေ။ ။ ကိုယ့်ခေါင်းဆောင်တွေကလည်း အရေးတော်ပုံက ထွက်လာတဲ့ ခေါင်းဆောင်တွေဗျ၊ ကျနော်လည်း အရေးတော်ပုံ ကာလတုန်းက စာနယ်ဇင်းသမဂ္ဂမှာ ခေါင်းဆောင်ခဲ့တယ်၊ ထောင်ထဲမှာ အနှစ် ၂ဝ လောက် နေခဲ့တဲ့သူ။ အဲဒီတော့ ဒီအရေးတော်ပုံ စံနဲ့ပဲ တိုင်းတာပြီးတော့ ရွေးကောက်ပွဲနဲ့ ပတ်သက်လို့ ကျနော်က နည်းနည်း ခပ်ပြင်းပြင်းလေး စဉ်းစားတယ်၊ ပြောဆိုတယ်။

နောက်တပိုင်းကလည်းဘာလဲဆိုတော့ ၁၉၉ဝရွေးကောက်ပွဲ ရလဒ်က ကျန်နေတယ်ဗျ၊ ဒါကြီး ကို ကျနော်တို့ လက်ထဲမှာရှိတဲ့ စက္ကူစုတ်လေးလို၊ သစ်ရွက်ခြောက်လို၊ သစ်ကိုင်းခြောက်လို လွှင့်မပစ်နိုင်ဘူးဗျ၊ ဒါကြီးဟာ ကျနော်တို့တွေ ညံ့လို့၊ အခြေအနေမပေးလို့ သို့မဟုတ် စစ်အစိုးရ ဖိနှိပ်ချုပ်ချယ်လို့ ဘယ်လိုပဲပြောပြော အကောင်အထည် မဖော်နိုင်သေးဘူး။ အမျိုးသား ညီလာခံကြီးသာ ပြီးသွားတယ်၊ အခြေခံ ဥပဒေသာ ပြီးသွားတယ်၊ ဒီ ၁၉၉ဝ ရလဒ်ကို ဒီနေ့အထိ ပယ်ဖျက်ခြင်း မလုပ်နိုင်သေးဘူး၊ လုပ်လို့လည်း မဖြစ်ဘူးဗျ။

NLD ထဲမှာလည်းပဲ ဒီပါတီကို နှစ်ပေါင်း ၂ဝ လောက် ထိန်းသိမ်းလာတဲ့ လူတွေ ရှိတယ်၊ ကျနော်ကတော့ အရေးတော်ပုံမာန်နဲ့ လုပ်နေပါတယ်၊ ဒီ NLD ထဲမှာရှိတဲ့ တချို့ ပုဂ္ဂိုလ်တွေကတော့ ဆင်ခြင်တုံတရားဉာဏ်နဲ့ စဉ်းစားနေတယ်၊ မာန် နဲ့ ဉာဏ်နဲ့ကတော့ နည်းနည်းလေး တခါခါကျတော့ မာန်က နည်းနည်းတင်းတင်း ရှိမယ်၊ ဉာဏ်ကတော့ နှိုင်းနှိုင်းချိန်ချိန် ရှိမယ်။

ဒီစစ်အစိုးရက ပြောင်းမယ်လို့ သူတို့က နည်းနည်း ထင်နေတာ၊ ကျနော်ကတော့ မပြောင်းဘူးလို့ ထင်နေတယ်၊ အဲမှာ နည်းနည်း ကွဲနေတာပေါ့ဗျာ။ စစ်အစိုးရက သူတို့ကို လိုက်လျောမယ်၊ သက်ညှာမယ်၊ စစ်အစိုးရ ပျော့ ပြောင်းလာနိုင်တယ်၊ နားလည်မှုရှိလာနိုင်တယ်၊ အကောင်းဘက်ကို ရှေ့ရူလာနိုင်တယ်လို့ အဲဒီလို ထင်နေကြ တဲ့လူတွေပဲ။ စစ်အစိုးရကတော့ ခါတိုင်းခေါင်းမာသလို ခေါင်းမာနေတာပဲ၊ သူတို့ရဲ့သက်ဆိုးရှည်ဖို့၊ စစ်အုပ်ချုပ် ရေး ကို သက်တမ်းရှည်ဖို့ လုပ်တာပဲရှိတယ်။

ပြည်ပမှာရှိတဲ့ လူငယ်အဖွဲ့အစည်းတွေ၊ ရဟန်းတွေ၊ ဒီမိုကရေစီ အင်အားစု၊ လူမျိုးစုတွေကတော့ ဒီရွေးကောက်ပွဲ ကို သပိတ်မှောက်ကြမယ် ဆိုတဲ့ အသံမျိုးတော့ ထွက်နေတာပဲ။

ပြည်တွင်းမှာလည်း ဒီ ရွေးကောက်ပွဲကို ဝင်တော့မယ်လို့ ပြောတဲ့ နိုင်ငံရေး အင်အားစုပေါ့ သိပ်အင်အား ကြီးကြီး မားမားတော့ မဟုတ်ဘူး၊ သူတို့ရဲ့ ခေါင်းဆောင်မှု၊ သူတို့ရဲ့ သိက္ခာ သမာဓိ ကြီးတာတော့ မှန်ပါတယ်။ မြန်မာ ပြည် နိုင်ငံရေးကို ခြုံကြည့်လိုက်ရင် ဒီမိုကရေစီ အင်အားစုတွေ၊ တိုင်းရင်းသား အင်အားစုတွေ ပြည်တွင်းရော ပြည်ပမှာရော သဘောထားက ရွေးကောက်ပွဲနဲ့ ပတ်သက်ပြီးတော့ ပြတ်ပြတ်သားသားပဲ၊ No လို့ အော်နေတာပဲ။ တဘက်ကလည်း တတိယ အင်အားစုလို့ ခေါ်တဲ့ အင်အားစုတွေ နောက်တခါ ငြိမ်းချမ်းရေး အဖွဲ့ တချို့ပေါ့၊ မွန်ထဲမှာ၊ ကချင်မှာ စသဖြင့် အဲဒီလိုဟာတွေကလည်း ရွေးကောက်ပွဲဘက်ကို ဆွဲနေတာပေါ့ဗျာ။

NLD က ၉ဝ တုန်းက ရွေးကောက်ပွဲ နိုင်ထားတယ်၊ ရွေးကောက်ပွဲ ရလဒ်ကို အကောင်အထည် ဖော်နိုင်ခြင်း ဘာမှ မရှိဘူး။ အခုတခါ ၉ဝ ရွေးကောက်ပွဲ ရလဒ်ကို ကျောခိုင်းပြီးတော့ ဒီ အသစ်ဖြစ်တဲ့ ရွေးကောက်ပွဲကို ထပ်ပြီးတော့ အော်ရဦးမယ်ဆိုရင် NLD က တော်တော်ကို မျက်နှာပြောင်တိုက်ပြီး လုပ်မှသာ ဖြစ်မယ့် အနေထား မျိုး ဖြစ်နေတာကိုးဗျ။

NLD ကတော့ အခုထိတော့ ဘယ်ဘက်ကိုမှ မပါသေးတာ၊ အဲဒီဟာက လက်ရှိ နိုင်ငံရေး အနေထားပဲ၊ NLD ရွေးကောက်ပွဲ ဝင်တော့မယ်၊ သို့မဟုတ် မဝင်ဘူးဆိုရင် နိုင်ငံရေး ပိုပြီးတော့ ပြတ်ပြတ်သားသား ဖြစ်လာမယ်။


NLD ၏ ၁၉၉ဝ ရွေးကောက်ပွဲ သင်ခန်းစာများ
Monday, 26 October 2009 11:23 ကေလတ်
E-mail Print

အမျိုးသား ဒီမိုကရေစီ အဖွဲ့ချုပ် (NLD) သည် ၁၉၈၈ ခုနှစ် ဩဂုတ်လ ရှစ်လေးလုံး ဒီမိုကရေစီ အရေးတော်ပုံကြီး အတွင်းမှ ပေါက်ဖွားလာသည်။ မူလဖွဲ့စည်းစဉ်က ရည်ရွယ်ချက်မှာ အာဏာသိမ်းမှုကြောင့် ကစင့်ကလျား ဖြစ်သွားကြသော
အင်အားစုများကို ပြန်လည် စုစည်း၍ ဒီမိုကရေစီ လှုပ်ရှားမှု၏ အရှိန်အဟုန်ကို ဆက်လက် ထိန်းသိမ်းရေး ဖြစ်သည်။

စာဖတ်သူများသို့

၂ဝ၁ဝ ပြည့်နှစ်တွင် စစ်အစိုးရက ပြုလုပ်မည့် ရွေးကောက်ပွဲသည် မြန်မာနိုင်ငံ၏ ၁၅ ခုမြောက် ရွေးကောက်ပွဲ ဖြစ်ပြီး ၁၉၉ဝ ပြည့်နှစ် ရွေးကောက်ပွဲအပြီး နှစ် ၂ဝ ကြာမှ ပြုလုပ်မည့် ရွေးကောက်ပွဲ ဖြစ်သည်။

မြန်မာ့သမိုင်းတွင် ရွေးကောက်ပွဲ အများစုမှာ ဗြိတိသျှအစိုးရနှင့် စစ်အစိုးရများ လက်ထက်တွင် ပေါ်ပေါက်ခဲ့သည်။ နောက်ဆုံး ပြုလုပ်ခဲ့သည့် ၁၉၉ဝ ပြည့်နှစ် ရွေးကောက်ပွဲတွင် နိုင်ငံ၏ မဲပေးပိုင်ခွင့် ရှိသော လူဦးရေ သန်း ၂ဝ တွင် ၁၅ သန်းက မဲပေးခဲ့သည်။ ရွေးကောက်ပွဲတွင် ဒေါ်အောင်ဆန်းစုကြည် ခေါင်းဆောင်သော အမျိုးသား ဒီမိုကရေစီ အဖွဲ့ချုပ်က အပြတ်အသတ် အနိုင်ရသော်လည်း စစ်အစိုးရက အာဏာလွှဲပေးခြင်း မပြုခဲ့ပေ။

အနှစ် ၂ဝ ကြာပြီးသော အခါတွင် စစ်အစိုးရက ရွေးကောက်ပွဲတခု ထပ်မံ ပြုလုပ်ပြီး တရားဝင် အာဏာရယူရန် စီစဉ်နေပြီဖြစ်သည်။ 'နိုင်ငံတော်၏ အမျိုးသား နိုင်ငံရေး ဦးဆောင်မှု အခန်းကဏ္ဍတွင် တပ်မတော်က ပါဝင် ထမ်းဆောင်နိုင်ရေး' ဟူသည့် ဗိုလ်ချုပ်ကြီးများ တရားဝင် ကြေညာထားသည့် ဆောင်ပုဒ် အတိုင်း ဖြစ်မြောက်လာ စေရန် ၂ဝ၁ဝ ရွေးကောက်ပွဲကို စီစဉ်နေခြင်း ဖြစ်သည်ဟု လေ့လာသူ အများစုက ဆိုသည်။

လေ့လာသူများ၊ နိုင်ငံရေး သမားများက ဤရွေးကောက်ပွဲသည် လွတ်လပ်ပြီး တရားမျှတမည် မဟုတ်ဟု ယူဆထား သော်လည်း တချို့ကမူ စစ်အစိုးရက မည်သည့် ဖိအား၊ မည်သည့် ကမ်းလှမ်း ချက်ကိုမျှ ဂရုမစိုက်သည့် အတွက် ဤရွေးကောက်ပွဲ သည်သာ တခုတည်းသော နိုင်ငံရေး ထွက်ပေါက် ဖြစ်နေသည်ဟု သုံးသပ်ကြသည်။

ထို့ကြောင့် ကြိုက်သည် ဖြစ်စေ၊ မကြိုက်သည် ဖြစ်စေ ယခု ရွေးကောက်ပွဲသည် နိုင်ငံရေး ပြောင်းလဲ ဖြစ်ထွန်းမှုတခုဟု ဧရာဝတီက ယူဆသည်။

ထို့ကြောင့် ရွေးကောက်ပွဲနှင့် ဖွဲ့စည်းပုံ အုပ်ချုပ်ပုံ အခြေခံ ဥပဒေ ရေးရာများကို အပတ်စဉ် အသေးစိတ် သုံးသပ် တင်ပြသွားရန် ဧရာဝတီက ဤအထူးကဏ္ဍကို ဖွင့်လှစ်လိုက်သည်။

ဧရာဝတီ
စစ်တပ်က ၁၉၈၈ ခုနှစ် ဩဂုတ်လ ၁၈ ရက် နေ့တွင် နိုင်ငံတော် ငြိမ်ဝပ် ပိပြားမှု တည်ဆောက်ရေး အဖွဲ့ (နဝတ)ကို ဖွဲ့စည်းပြီး ရက်အနည်းငယ် အကြာ၌ နိုင်ငံရေး ပါတီများ မှတ်ပုံတင်ခြင်း ဥပဒေကို ပြဌာန်းခဲ့သည်။ NLD က စက်တင်ဘာလ ၂၇ ရက်နေ့တွင် ပေါ်ပေါက်လာသည်။

ဖွဲ့စည်းစ NLD တွင် အစုအဖွဲ့ သုံးဖွဲ့ ပါဝင်သည်။ ဗိုလ်မဋ္ဌးချုပ်အောင်ကြီး ဦးဆောင်သော နိုင်ငံရေးသမား ဟောင်းကြီးများ နှင့် သံတမန်ဟောင်းများ ပါဝင်သော အစုအဖွဲ့၊ ဦးတင်ဦး ခေါင်းဆောင်သော မျိုးချစ် ရဲဘော်ဟောင်းများ အဖွဲ့ နှင့် ဒေါ်အောင်ဆန်းစုကြည် ခေါင်းဆောင်သော တတ်သိပညာရှင်များအဖွဲ့တို့ ဖြစ်သည်။

NLD ၏ ဗဟို အလုပ်အမှုဆောင်အဖွဲ့တွင် အဖွဲ့ဝင် ၁၂ ဦး ပါဝင်သည်။ အစုအဖွဲ့ တခုစီမှ ၄ ဦးစီ ပါဝင်ပြီး ဦးအောင်ကြီးက ဥက္ကဋ္ဌ၊ ဦးတင်ဦးက ဒုဥက္ကဋ္ဌ၊ ဒေါ်အောင်ဆန်းစုကြည်က အထွေထွေအတွင်းရေးမဋ္ဌး ဖြစ်သည်။

NLD၏ ဖွဲ့စည်းပုံစည်းမျဉ်းတွင် ဖော်ပြထားသော ရည်ရွယ်ချက်မှာ အများပြည်သူတို့၏ ဆန္ဒနှင့် ကိုက်ညီ၍ အခြေခံ လူ့အခွင့်အရေးများကို အာမခံမည့် စစ်မှန်သော ဒီမိုကရေစီ အစိုးရ ပေါ်ပေါက်လာစေရေး ဖြစ်သည်။ ရွေးကောက်ပွဲဝင်ရန် ဖော်ပြထားခြင်း မရှိပါ။

သို့သော် အဖွဲ့ချုပ်သည် အများပြည်သူတို့၏ ဆန္ဒနှင့် ကိုက်ညီသော စစ်မှန်သော ဒီမိုကရေစီ အစိုးရ အကောင်အထည် ဖော်နိုင်ရန်အတွက် လွတ်လပ်၍ တရားမျှတသော အထွေထွေ ရွေးကောက်ပွဲ ကျင်းပနိုင်စေမည့် အခြေအနေများ ဖန်တီးပေးရန် လုပ်ငန်းစဉ် ချမှတ်ခဲ့သည်။

အစုအဖွဲ့ သုံးခုအကြားရှိ ညီညွတ်ရေးမှာ ကြာရှည်မခံခဲ့ပါ။ ဦးအောင်ကြီးက ဒေါ်အောင်ဆန်းစုကြည်၏ အစုအဖွဲ့မှ ခေါင်းဆောင် ၈ ဦးကို ကွန်မြူနစ် သို့မဟုတ် ကွန်မြူနစ်လိုလားသူများဟု စွပ်စွဲခဲ့သည်။ ထိုအရေးကို ဆွေးနွေးရန် ဗဟိုကော်မတီ အစည်းအဝေးကို နိုဝင်ဘာလတွင် ခေါ်ယူခဲ့သည်။ ဦးအောင်ကြီး အစုအဖွဲ့က ရှုံးနိမ့်သွားသည်။ ကြိုတင်သဘောတူညီချက် အရ ဦးကြည်မောင်မှ လွဲ၍ ဦးအောင်ကြီး အစုအဖွဲ့ဝင် အားလုံးကို အဖွဲ့ချုပ်မှ ထုတ်ပယ်ခဲ့သည်။

ထိုအချိန်မှစတင်၍ ဒေါ်အောင်ဆန်းစုကြည် ခေါင်းဆောင်သော လှုပ်ရှားမှုများတွင် NLD အဖွဲ့ဝင်များစွာ အဖမ်းခံခဲ့ရသည်။ ၁၉၈၉ ခုနှစ် ဇူလိုင်လ ၂ဝ ရက်နေ့တွင် ဒေါ်အောင်ဆန်းစုကြည်နှင့် အဓိကကျသော ခေါင်းဆောင်များ အဖမ်းခံရပြီးသည့်နောက် NLD သည် တက်ကြွသော ခေါင်းဆောင်မှု မရှိရုံသာမက စစ်ထောက်လှမ်းရေးတို့၏ အချိန်ပြည့် စောင့်ကြည့်မှုများကြောင့် လှုပ်ရှားမှု ကင်းမဲ့သွားသည်။

၁၉၈၉ ခုနှစ် နှောင်းပိုင်းတွင် ဒေါ်အောင်ဆန်းစုကြည် အစုအဖွဲ့က တောင်းဆိုသဖြင့် ထိန်းသိမ်းခံနေရသော ခေါင်းဆောင်များ နေရာတွင် အစားထိုး၍ ခေါင်းဆောင်မှုအသစ် ပြန်လည် ဖွဲ့စည်းခဲ့သည်။ အစုအဖွဲ့နှစ်ခု အကြား အာဏာ ထိန်းညှိမှု လွန်ဆွဲပွဲများ ပေါ်ပေါက်ခဲ့သည်။

န-ဝ-တ က ၁၉၈၉ ခုနှစ် မေလ (၃၁) ရက်နေ့တွင် ပြည်သူ့ လွှတ်တော် ရွေးကောက်ပွဲ ဥပဒေကို ပြဌာန်းခဲ့သည်။ ထိုဥပဒေအရ NLD သည် ရွေးကောက်ပွဲတွင် ဝင်ရောက် ယှဉ်ပြိုင်ရေး ကိစ္စကို ဆုံးဖြတ်ရန် လိုအပ်လာသည်။ ထိုအချိန်၌ ဒေါ်အောင်ဆန်းစုကြည်အပါအဝင် ခေါင်းဆောင် အများအပြား အဖမ်းခံနေရပြီး ကျန်ခေါင်းဆောင်များလည်း စောင့်ကြည့်ခံနေရသည်။

NLD က ရွေးကောက်ပွဲတွင် ဝင်ရောက် ယှဉ်ပြိုင်ရန် သင့်မသင့် အပြင်းအထန် ဆွေးနွေးမှုများ ပေါ်ပေါက်လာသည်။ တချို့က ဒေါ်အောင်ဆန်းစုကြည် အပါအဝင် ခေါင်းဆောင် အများအပြား ထိန်းသိမ်း ခံနေရပြီး ရွေးကောက်ပွဲ အတွက် လွတ်လပ်ပြီး တရားမျှတသော ပတ်ဝန်းကျင်တရပ် မရှိသည့် အချိန် ဖြစ်သောကြောင့် ရွေးကောက်ပွဲဝင်ရန် မသင့်သေးဟု ယူဆကြသည်။ တချို့က ရွေးကောက်ပွဲသာလျှင် ပြည်သူ လူထုနှင့် ပြန်လည် ထိတွေ့နိုင်သည့် တခုတည်းသော အခွင့်အလမ်း ဖြစ်သည်ဟု ယူဆကြသည်။ နောက်ဆုံး ၁၉၈၉၊ စက်တင်ဘာလ ၂၅ ရက်နေ့က ကျင်းပသော ဗဟိုဦးစီးအဖွဲ့ အစည်းအဝေးတွင် NLD က ရွေးကောက်ပွဲ ဝင်မည် ဖြစ်ကြောင်း ဆုံးဖြတ်ခဲ့သည်။

အများပြည်သူ ဖတ်ရှုရန် ထုတ်ဝေသော NLD မှတ်တမ်းလွှာတွင် ဒေါ်အောင်ဆန်းစုကြည်၏ ဆုံးဖြတ်ချက် ပါဝင်ပြီးချိန်မှ စ၍ ရွေးကောက်ပွဲတွင် ဝင်ရောက် ယှဉ်ပြိုင်ရန် သင့်မသင့် ဆွေးနွေး ငြင်းခုန်မှုများ ရပ်ဆိုင်းသွားသည်။ ၁၉၈၉ ခုနှစ် ဒီဇင်ဘာလ ၂၂ ရက်နေ့တွင် ထုတ်ပြန်သော ဒေါ်အောင်ဆန်းစုကြည်၏စာတွင် 'အထိမ်းသိမ်းခံနေရလျက်နှင့်ပင် မိမိ အဖွဲ့ချုပ်၏ ဒီမိုကရေစီ နည်းလမ်းအရ ဆုံးဖြတ်ချက်ကို လေးစားသောအားဖြင့်၎င်း၊ တိုင်းသူပြည်သားတို့၏ အမှန်တရားနှင့် ကိုက်ညီသော လိုအပ်ချက်များကို တတ်စွမ်းသရွေ့ ကူညီ ဖြည့်စွက်လိုသောကြောင့်၎င်း၊ ဒီမိုကရေစီကို လိုလားသော ပြည်သူလူထုကြီး၏ ဇွဲသတ္တိကို ဂုဏ်ပြုသောအားဖြင့်၎င်း ၁၉၈၉ ခုနှစ်၊ ဒီဇင်ဘာလ ဗဟန်းမြို့နယ် အမျိုးသား ဒီမိုကရေစီ အဖွဲ့ချုပ် ပြည်သူ့ လွှတ်တော် ကိုယ်စားလှယ်လောင်း စီစစ် ရွေးချယ်ရေးအဖွဲ့၏ ဆုံးဖြတ်ချက်ကို လိုက်နာ၍၊ ရွေးကောက်ပွဲတွင် ပါဝင် ယှဉ်ပြိုင်လိုသူတဦး အဖြစ်၊ အမည်စာရင်း တင်သွင်းလိုက်ပါသည်' ဟု ဖော်ပြထားသည်။

နိုဝင်ဘာလတွင် စစ်အစိုးရ၏ ရွေးကောက်ပွဲ ကျင်းပရေး ကော်မရှင်က ၁၉၉ဝ၊ မေလ၂၇ ရက်နေ့တွင် ရွေးကောက်ပွဲ ကျင်းပမည် ဖြစ်ကြောင်း ကြေညာခဲ့သည်။

NLD အတွက် ပထမဆုံး အခက်အခဲမှာ၊ ကိုယ်စားလှယ်လောင်း ရွေးချယ်ရေး ဖြစ်သည်။ NLD ဌာနချုပ်က မဲဆန္ဒနယ် ၂ နယ် ရှိသော မြို့နယ်များ အနေဖြင့် မဲဆန္ဒနယ် တနယ်ကို ဗဟို သို့မဟုတ် ပြည်နယ်/တိုင်းများတွင် တာဝန်ယူနေကြသော ခေါင်းဆောင်များအတွက် ဖယ်ထားပေးရန် ညွှန်ကြားချက် ထုတ်ပြန်ခဲ့သည်။ ဗဟို ကိုယ်စားလှယ်လောင်း ရွေးချယ်ရေး ကော်မတီက ထိုခေါင်းဆောင်များကို ချန်လှပ်ထားသော မဲဆန္ဒနယ်များတွင် ဝင်ရောက် ယှဉ်ပြိုင်ရန် နေရာချပေးသည်။ သို့သော် မဲဆန္ဒနယ် ၂ နယ် ရှိသော တချို့မြို့နယ်များတွင် ဗဟိုက သတ်မှတ်၊ ချထားပေးသော ကိုယ်စားလှယ်လောင်းများကို မကြိုက်ကြဘဲ မိမိမြို့နယ်မှ ကိုယ်စားလှယ်လောင်းကိုသာ ရွေးချယ်လိုကြသောကြောင့် ပြဿနာ အများအပြား ပေါ်ပေါက်ခဲ့သည်။

ဒုတိယ အခက်အခဲမှာ ဘဏ္ဍာရေးဖြစ်သည်။ NLDက ဘဏ္ဍာရှာဖွေရေးအတွက် နည်းလမ်းပေါင်းစုံ အသုံးပြုခဲ့ရသည်။ ဘဏ္ဍာငွေရရှိရန် ပိုစတာများ၊ ပို့စကတ်များ၊ ဒေါ်အောင်ဆန်းစုကြည် ဓာတ်ပုံ ပါသော အမှတ်တရ ပစ္စည်းများ၊ ကက်ဆက်တိပ်ခွေများ ရောင်းချခဲ့သည်။ မြို့နယ်တချို့တွင် ရန်ပုံငွေရှာဖွေရေး ဈေးရောင်းပွဲများ ပြုလုပ်ပြီး မုန့်ဟင်းခါး၊ လက်ဖက်ရည်၊ ကော်ဖီ နှင့် ရိုးရာမုန့်များ ရောင်းချ၍ ရန်ပုံငွေ ရှာဖွေခဲ့ရသည်။

၁၉၉ဝ ဖေဖော်ဝါရီလတွင် နအဖက နိုင်ငံရေးပါတီများကို စာရွက်စာတမ်းများ၊ လက်ကမ်းစာစောင်များ၊ စာအုပ်ငယ်များ ဖြန့်ဝေခြင်း၊ ဟောပြောစည်းရုံးခြင်း၊ ရေဒီယို နှင့် ရုပ်မြင်သံကြားတွင် စကားပြောခွင့်ပေးခြင်း စသည့် နည်းလမ်းသုံးမျိုးဖြင့် မဲဆွယ်စည်းရုံးခွင့် ပေးခဲ့သည်။ မဲဆွယ်စည်းရုံးဟောပြောရာတွင် အသုံးပြုသော စာစောင်များ၊ ရေးသားချက်များကို အာဏာပိုင်တို့ထံ ကြိုတင် တင်ပြပြီး ခွင့်ပြုချက် ယူကြရသည်။

၁၉၉ဝ မေလ ၂၇ ရက်နေ့တွင် မဲပေးခွင့်ရှိသူ သန်း ၂ဝ အနက် ၁၅ သန်းကျော် မဲပေးခဲ့ကြသည်။ မှတ်ပုံတင် ထားသည့်ပါတီ ၂၃၆ ပါတီ ရှိရာ ရွေးကောက်ပွဲတွင် ၉၃ ပါတီ ဝင်ရောက်ယှဉ် ပြိုင်ကြသည်။ ၂၇ ပါတီက အနည်းဆုံး တနေရာစီ အနိုင်ရကြသည်။ ထို၂၇ ပါတီအနက် ၁၉ ပါတီမှာ တိုင်းရင်းသားပါတီများ ဖြစ်ကြသည်။

NLD က ၄၄၇ နေရာ ဝင်ရောက်ယှဉ်ပြိုင်ရာ ၃၉၂ နေရာတွင် အနိုင်ရသည်။ NLD၏ အဓိက ပြိုင်ဘက် ဖြစ်သော တိုင်းရင်းသား စည်းလုံး ညီညွတ်ရေး ပါတီက ၁ဝ နေရာသာ အနိုင်ရသည်။ ဦးအောင်ကြီး ခေါင်းဆောင်သော ပြည်ထောင်စု တိုင်းရင်းသားများ ဒီမိုကရေစီပါတီက တနေရာ အနိုင်ရသည်။ ဝန်ကြီးချုပ်ဟောင်း ဦးနု ခေါင်းဆောင်သော ဒီမိုကရေစီနှင့် ငြိမ်းချမ်းရေးအဖွဲ့က မဲဆန္ဒနယ် ၃ဝ၉ နေရာတွင် ဝင်ရောက် ယှဉ်ပြိုင်သော်လည်း၊ တနေရာမှ အနိုင်မခဲ့ပေ။

သို့သော်လည်း ရွေးကောက်ပွဲ၏ ရလဒ်မှာ ယနေ့အထိ အကောင်အထည် ပေါ်ခဲ့ခြင်း မရှိပါ။

ယခုတကြိမ် ရွေးကောက်ပွဲတွင် NLD ဝင်ရောက်ယှဉ်ပြိုင်ပြီး အများစုထပ်မံ အနိုင်ရလျှင် အာဏာပိုင်တို့က ရွေးကောက်ပွဲ၏ ရလဒ်ကို အကောင်အထည်ဖော်၊ အသိအမှတ်ပြုမည် မပြုမည်မှာ ပဟေဠိတခု ဖြစ်နေသည်။ ဤအခြေအနေတွင် NLD သည်လည်း အကျဉ်းအကျပ်ထဲတွင် ရောက်နေသည်။


ဒေါ်စုကို ကန့်သတ်မှုများ လျှော့ချမယ့် လက္ခဏာ မမြင်ရသေး

26 October 2009


အမျိုးသား ပြန်လည်သင့်မြတ်ရေး ဖြစ်စဉ်မှာ ဒေါ်အောင်ဆန်းစုကြည် အနေနဲ့ ပါဝင်နိုင်ခွင့် ရှိတဲ့အကြောင်း မြန်မာစစ်အစိုးရ ဝန်ကြီးချုပ် ဗိုလ်ချုပ်ကြီးသိန်းစိန်က အာဆီယံ ခေါင်းဆောင်တွေကို ပြောကြားခဲ့တာနဲ့ ပတ်သက်ပြီး NLD အမျိုးသား ဒီမိုကရေစီ အဖွဲ့ချုပ်က ကြိုဆိုလိုက်ပါတယ်။ ဒါပေမဲ့ ဒေါ်အောင်ဆန်းစုကြည် အပေါ်မှာ စစ်အစိုးရက အရေးယူထားတဲ့ ပြစ်ဒဏ် သတ်မှတ်ချက်တွေကို လျှော့ပေးမယ့် အရိပ်အခြည်တော့ မတွေ့မိတဲ့အကြောင်း NLD ပြောရေးဆိုခွင့်ရှိသူ ဦးဉာဏ်ဝင်းက ပြောသွားပါတယ်။

ဒီကိစ္စနဲ့ပတ်သက်ပြီး ထိုင်းနိုင်ငံ၊ ဘန်ကောက်ရုံးက ဗွီအိုအေ ဝိုင်းတော်သား ကိုသိန်းထိုက်ဦးက ဆက်သွယ်မေးမြန်းရာမှာ ဗိုလ်ချုပ်ကြီးသိန်းစိန်ရဲ့ အာဆီယံ အစည်းအဝေး အတွင်းမှာ ပြောကြားချက်နဲ့ ပတ်သက်ပြီး ဦးဉာဏ်ဝင်းက အခုလို စဖြေပါတယ်။

'အမျိုးသား ရင်ကြားစေ့ရေးက လက်ရှိမှာ အရေးတကြီး လိုအပ်တယ်။ အဲဒီတော့ အဖွဲ့ချုပ်ခေါင်းဆောင် ဒေါ်အောင်ဆန်းစုကြည် ပါဝင်နိုင်တယ်ဆိုရင် အမျိုးသား ရင်ကြားစေ့ရေးက ပြည်သူလူထု တကယ်အကျိုးရှိမယ့် ရင်ကြားစေ့ရေး ဖြစ်ပေါ်နိုင်တယ်လို့ ကျနော်တို့ ယူဆတယ်။ ဒါကြောင့် ဒီပြောဆိုချက်ကို ကျနော်တို့ ကြိုဆိုပါတယ်။'

အမျိုးသား ပြန်လည်သင့်မြတ်ရေးမှာ ဒေါ်အောင်ဆန်းစုကြည် အနေနဲ့ ပါဝင်ခွင့် ရှိကောင်းရှိနိုင်တယ်လို့ ပြောပေမဲ့လည်း လက်ရှိ နိုင်ငံရေး ဖြစ်စဉ်တွေမှာ ပါဝင်ခွင့်၊ ဒေါ်အောင်ဆန်းစုကြည် အနေနဲ့ ရွေးကောက်ပွဲမှာ ပါဝင်ခွင့် ဆိုတာမျိုးတွေ တိတိကျကျ မပြောသေးပါဘူးခင်ဗျ။ ဒီအပေါ်မှာရော NLD အနေနဲ့ ဘယ်လိုတုံ့ပြန်ချင်ပါသလဲ။

'ကျနော်တို့ အဓိကထားတာက အမျိုးသား ရင်ကြားစေ့ရေးပါ။ အမျိုးသား ရင်ကြားစေ့ရေး ဆိုတာကလည်း ဒိုင်ယာလော့ဂ် (Dialogue) နဲ့ သွားရမှာ။ ကျနော်တို့ရဲ့ အဖွဲ့ချုပ်ခေါင်းဆောင် ဒီလိုပါဝင်သွားရင် နောင်ဖြစ်စဉ်တွေ ကိစ္စဟာ လိုအပ်သလို Compromise လုပ်ရမယ်လို့ ကျနော်တို့ ဒီလိုပဲ နားလည်တယ်။ အသေးစိတ်အနေနဲ့ ဘယ်အချက် ဘာညာဆိုတာ လောလောဆယ်တော့ မပြောနိုင်ပါဘူး။'

အာဆီယံ အစည်းအဝေး အတွင်းမှာ လူအများ စိတ်ဝင်တစား ဖြစ်သွားခဲ့တာက ဂျပန်နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူက တဆင့် ဗိုလ်ချုပ်ကြီးသိန်းစိန်က ပြောပါတယ်၊ ဒေါ်အောင်ဆန်းစုကြည် အပေါ်မှာ အရေးယူမှုတွေကို မြန်မာစစ်အစိုးရဘက်က လျှော့ကောင်း လျှော့နိုင်တယ်ပေါ့၊ ဒါကလည်း ဒေါ်အောင်ဆန်းစုကြည် အပေါ်မှာ မူတည်ပြီးတော့လို့ ပြောပါတယ်။ ဒီလို လျှော့နိုင်တဲ့ အရိပ်အခြည်မျိုးကိုရော NLD အနေနဲ့ မြင်မိပါသလားခင်ဗျ။

'အခုပြောလိုက်တဲ့ စကားလုံး အသုံးအနှုန်းတွေ အားလုံးဟာ ကျနော်တို့အမြင်က ဗိုလ်ချုပ်မဋ္ဌးကြီးသန်းရွှေက ဒေါ်အောင်ဆန်းစုကြည်ကို ၄ဝ၅ ထင်တယ်၊ လျှော့ပေါ့တဲ့အမိန့်မှာ ပါတဲ့ အယူအဆ၊ စကားလုံးတွေပဲလို့ ကျနော်တော့ အဲဒီလိုပဲ မြင်တယ်။'

ဒေါ်အောင်ဆန်းစုကြည် အပေါ်မှာ ကန့်သတ်ချက်တွေနဲ့ ပတ်သက်လို့ ဒေါ်အောင်ဆန်းစုကြည် ကိုယ်တိုင်က ကျနော်တို့ သိသလောက် အချက် ၈ ချက် ပြန်ပြီး မေးခွန်းထုတ်ခဲ့တာ ရှိပါတယ်။ အဲဒါကို မြန်မာစစ်အစိုးရဘက်က ဖြေရှင်းပြီးခါမှ အန်ကယ်နဲ့ ဒေါ်အောင်ဆန်းစုကြည် တွေ့ခါနီးမှာ ဒီကိစ္စက ဖြေရှင်းစရာ မလိုတော့ဘူး၊ ဖြေရှင်းဖို့ မလိုတော့ဘူး၊ ဒေါ်အောင်ဆန်းစုကြည်ကို ပြောဖို့ မလိုတော့ဘူး၊ မလိုသေးဘူးလို့ ဖြစ်ကောင်းဖြစ်ပါလိမ့်မယ်၊ ပြန်ပြီးတော့ အကြောင်းကြားတယ်လို့ ကျနော်တို့ နားလည်ပါတယ်။ အဲဒီတော့ အကောင်းဘက်ကနေ မလိုသေးဘူး၊ မလိုတော့ဘူးလို့ ဖြစ်သွားတာလား၊ ဒါနဲ့ပတ်သက်လို့ တခုခု ရည်ရွယ်ချက် ရှိလို့ပါလား။

'ဒီဥစ္စာ အခုပြောသွားတာတွေ အားလုံးတော့ မှန်တယ်။ ဒါပေမဲ့ နောက်ဆုံးအကြိမ်မှာ စည်းကမ်းချက်အပေါ်မှာ ရှင်းလင်းချက်နဲ့ ပတ်သက်ပြီး ကျနော့်ကို သက်ဆိုင်ရာ အာဏာပိုင်က ခေါ်ပြောတာက ကျနော်တို့ အကြောင်း ၂ ရပ်နဲ့ တွေ့ခွင့်တောင်းတာ။ တကြောင်းက ပြင်ဆင်မှုကိစ္စ၊ နောက်တကြောင်းက ဒီစည်းကမ်းချက်ကိစ္စ၊ အဲတော့ ခေါ်ပြောတာက ပြင်ဆင်မှုကိစ္စအတွက် တွေ့ခွင့်ပေးမယ်၊ စည်းကမ်းချက်ကိစ္စ မပါဘူး၊ ဒီလိုပြောတယ်။

'စည်းကမ်းချက်ကို မပြောနဲ့ဦးလို့ တားတာတို့၊ ဒီလိုလည်း မဟုတ်ဘူး။ သူတို့ပြောတဲ့ စကားလုံးအရဆိုရင် ပြင်ဆင်မှုအတွက် ဝင်ခွင့်ပေးမယ်။ ကျနော်က ၂ ကြောင်း ထည့်ထားတာကိုး၊ နောက်တကြောင်းက အဲဒီဟာ။ နောက်တကြောင်းနဲ့ ပတ်သက်ပြီးတော့ ဘာမှမပြောဘူး။ အဓိပ္ပာယ်ဖွင့်ရမယ် ဆိုရင်တော့ လောလောဆယ် စည်းကမ်းချက်ကိစ္စကို မပြောနဲ့ဦးဆိုတဲ့ အဓိပ္ပာယ် ရပါတယ်။'

ဒီစည်းကမ်းချက်တွေနဲ့ ပတ်သက်လို့ ရှင်းပြတာမျိုးတော့ မရှိသေးဘူးပေါ့။

'ရှင်းပြတယ်၊ ကျနော့်ကို ရှင်းပြတယ်။ ကျနော်က ဒေါ်အောင်ဆန်းစုကြည်ကို ရှင်းပြရမယ်။ အဲဒီကိစ္စအတွက် ထည့်ရေးတာ၊ ဒီကိစ္စ လောလောဆယ် မလိုသေးဘူးဆိုတဲ့ သဘောမျိုး အဲဒီလို ပြောလိုက်ပါတယ်။'

အခုဟာက ဒေါ်အောင်ဆန်းစုကြည် အပေါ်မှာ ကန့်သတ်ချက်ကို မြန်မာစစ်အစိုးရဘက်က လျှော့နိုင်၊ မလျှော့နိုင်ကို ကျနော်တို့က စဉ်းစားကြတဲ့ နေရာမျိုးမှာ အရင်တုန်းက နေအိမ်အကျယ်ချုပ် နေရတာနဲ့ အခုနောက်ပိုင်း နေအိမ်အကျယ်ချုပ်မှာ ပိုပြီးတော့ ကန့်သတ်ချက်တွေ ရှိလာတယ်ဆိုတဲ့ သတင်းမျိုးတောင် စောစောပိုင်းက ထွက်ခဲ့တာတွေ ရှိပါတယ်။ အဲတော့ အရင်တုန်းက အခြေအနေနဲ့ နှိုင်းယှဉ်ရင် အခုရော ကန့်သတ်ချက်တွေက ပိုပြီးတော့ တင်းကျပ်တဲ့ အနေအထားမျိုးမှာ တွေ့ရပါသလား။

'လုံခြုံရေး ဆောင်ရွက်ချက်တွေကတော့ ပိုမိုတင်းကျပ်တယ်။ ဒေါ်အောင်ဆန်းစုကြည်တို့နဲ့ အခုလို တွေ့ဆုံခြင်း ကိစ္စမျိုးမှာတော့ အရင်တုန်းကလောက် တင်းကျပ်တယ်လို့ ပြောလို့မရဘူး။ အရင်တုန်းက နှစ်အကြာကြီး၊ အချိန်အကြာကြီး ဘယ်သူမှ တွေ့ခွင့်မရဘူး။ နောက်ပိုင်းကြတော့ ရှေ့နေ ဦးကြည်ဝင်းတယောက် တွေ့ခွင့်ရတယ်။ အခု ကျနော်တို့ ရှေ့နေ ၄ ယောက်တွေ့တဲ့အခါ တွေ့တယ်၊ ၂ ယောက် တွေ့တဲ့အခါ တွေ့တယ်။ ဒီလိုခွင့်ပြုချက် ပေးတယ်။

'ဒါကြောင့် နေထိုင်ခြင်းနဲ့ ပတ်သက်ရင်တော့ ပိုပြီးတော့ တင်းကျပ်တယ်လို့ ပြောလို့မရဘူး။ လုံခြုံရေးကတော့ ပိုပြီး တင်းတင်းကျပ်ကျပ် ချတယ်လို့တော့ ကျနော်မြင်ပါတယ်။'

NLD ပြောရေးဆိုခွင့်ရှိသူ ဦးဉာဏ်ဝင်းကို ဘန်ကောက်ရုံးက ကိုသိန်းထိုက်ဦး ဆက်သွယ်မေးမြန်းခဲ့တာ ဖြစ်ပါတယ်။




ကိုးကန့် လောက်ကိုင်မြို့မှာ တရက်တည်း ဗုံး ၁၄ လုံး ကွဲ

26 October 2009


မြန်မာစစ်အစိုးရ ထိန်းချုပ်ထားတဲ့ တရုတ်-မြန်မာနယ်စပ်က ကိုးကန့် အထူးဒေသ လောက်ကိုင်မြို့အတွင်းမှာ ပြီးခဲ့တဲ့ စနေနေ့ညက နေရာ ၅ နေရာလောက်မှာ ဗုံး ၁၄ လုံး ပေါက်ကွဲခဲ့ပြီး လောက်ကိုင် အထူးဒေသရဲ့ ရုပ်သံလွှင့်ရုံဟာ လုံးဝ ပျက်စီးသွားခဲ့ပါတယ်။ ဒီပေါက်ကွဲမှုနဲ့ ပတ်သက်ပြီး ကိုးကန့်ဒေသရဲ့ လက်ရှိ အာဏာပိုင်အဖွဲ့တွေက ယခင်ဥက္ကဋ္ဌဟောင်း ဖုန်ကြားရှင် လူတွေရဲ့ လက်ချက်လို့ စွပ်စွဲထားပေမဲ့ တရုတ်-မြန်မာနယ်စပ်က စစ်ရေး၊ နိုင်ငံရေး လေ့လာသူ ဦးအောင်ကျော်ဇောကတော့ ဒါဟာ လက်ရှိ အာဏာရယူထားတဲ့ ကိုးကန့်အဖွဲ့အတွင်း အာဏာပြိုင်ဆိုင်မှုအဖြစ် သုံးသပ်ပါတယ်။ အပြည့်အစုံကို ထိုင်းအခြေစိုက် သတင်းထောက် ကိုမိုးဇော်က တင်ပြပေးထားပါတယ်။

ကိုးကန့်ဒေသဟာ အရင်လို ပြန်လည်တည်ငြိမ်နေပြီလို့ မြန်မာစစ်အစိုးရက ကြေညာပြီး တလကျော် ကာလမှာ အခုလို ဗုံးပေါက်ကွဲမှုတွေ ဖြစ်လာတာပါ။

မြန်မာစစ်တပ်ဖွဲ့တွေက အပစ်အခတ် ရပ်စဲခဲ့တဲ့ ကိုးကန့်တပ်ဖွဲ့ အခြေစိုက်ရာ လောက်ကိုင်မြို့ကို ပြီးခဲ့တဲ့ သြဂုတ်လကုန်ပိုင်းက သိမ်းယူခဲ့တာ ဖြစ်ပါတယ်။ ကိုးကန့်အဖွဲ့ ဥက္ကဋ္ဌ ဖုန်ကြားရှင် တိမ်းရှောင်သွားပြီးတဲ့နောက် မြန်မာစစ်အစိုးရက ပိုင်စုံချိန် ခေါင်းဆောင်တဲ့ ကိုးကန့်ဒေသ ယာယီဦးစီးကော်မတီကို ဖွဲ့စည်းခဲ့ပြီး လောက်ကိုင်မြို့ကို ထိန်းချုပ်ခဲ့ပါတယ်။

တရုတ်-မြန်မာနယ်စပ်က နိုင်ငံရေး၊ စစ်ရေး လေ့လာသူ ဦးအောင်ကျော်ဇောက ဒီပေါက်ကွဲမှုတွေဟာ ၂၄ ရက်နေ့၊ စနေနေ့ည သန်းခေါင်လောက်က စတင်ခဲ့တာလို့ ပြောပါတယ်။

'၂၄ ရက်နေ့ည ၂၄ နာရီကနေပြီးတော့ ၂၅ ရက်နေ့မနက် ၄ နာရီအထိ ဖြစ်တာ၊ ၁၄ ကြိမ်ကွဲတာ။ ကွဲတာက စနစ်တကျ ချည်နှောင်ပြီးမှ ခွဲတဲ့ဗုံးပေါ့ဗျာ။ ဟို တံတားတွေ ဘာတွေ ချိုးတဲ့ TNT နဲ့ ကပ်ပြီးမှ ခလုတ်နှိပ် ဖြုတ်တာကိုး။ အဓိက ၂ နေရာ၊ တနေရာက အခုလောလောဆယ် ကိုးကန့် အထူးဒေသ ၁ ပိုင်စုံချိန်ရဲ့ လောင်းကစားဝိုင်းကြီး၊ ဒုတိယနေရာကတော့ ကိုးကန့် အထူးဒေသ ၁ ရဲ့ TV Station ပေါ့။ TV Station ကတော့ လုံးဝ ပျက်စီးသွားတယ်။'

ဗုံးပေါက်ကွဲတာဟာ အနည်းဆုံး ၅ နေရာလောက်မှာ ဖြစ်ပွားခဲ့တာဖြစ်ပြီး အခုအချိန်ထိတော့ အသေအပျောက်၊ အပျက်အစီးစာရင်း အတိအကျကို မသိရသေးပါဘူး။ ရုပ်သံလွှင့်ရုံ ပေါက်ကွဲတာကတော့ ပြင်းထန်တာကြောင့် အသေအပျောက် ရှိနိုင်တယ်လို့ ဦးအောင်ကျော်ဇောက ပြောပါတယ်။

ဒီပေါက်ကွဲမှုတွေနဲ့ ပတ်သက်ပြီး ကိုးကန့်ဒေသရဲ့ လက်ရှိ အာဏာပိုင်အဖွဲ့တွေက ဖယ်ရှားခံလိုက်ရတဲ့ ကိုးကန့်ဥက္ကဋ္ဌဟောင်း ဖုန်ကြားရှင်ရဲ့ လူတွေနဲ့ ဆက်စပ်မှု ရှိနေတယ်လို့ ယူဆထားပေမဲ့ ဒါဟာ ပိုင်စုံချိန် ခေါင်းဆောင်တဲ့ ကိုးကန့်ဒေသ ယာယီဦးစီး ကော်မတီအတွင်း အားပြိုင်မှုလည်း ဖြစ်နိုင်တယ်လို့ ဦးအောင်ကျော်ဇောက သုံးသပ်ပါတယ်။

'သူတို့ဘက်ကနေ ပြောနေတာကတော့ ဖုန်ရဲ့ အမျိုးထဲက တယောက်ပေါ့၊ ချိန်လို့ ခေါ်တယ်။ တရုတ်လိုတော့ မိုင်ချိန်၊ ဦးချိန်ပေါ့၊ ဦးချိန်လုပ်သွားတာလို့ ပြောတယ်။ ဟိုလူ့ကိုတော့ မမိဘူး။ အားလုံး သုံးသပ်ချက်မှာတော့ ကိုးကန့်ရဲ့ အခြေအနေက အတော်ရှုပ်ထွေးတယ်ပေါ့ဗျာ။ နောက်တခုက ဗမာအစိုးရက ဖုန်ကို ချချင်လို့ သူနဲ့ အစောကြီး နားလည်မှုရထားတဲ့ ပိုင်ကို လုပ်ပေမဲ့လည်း ပိုင်ကိုယ်တိုင်က ဖုန်တို့လို သမိုင်းအစဉ်အလာ မရှိတဲ့အခါမှာ အစိုးရစိတ်ကြိုက် ဖွဲ့ထားတဲ့ အဖွဲ့ထဲမှာကို လေးငါးဂိုဏ်းလောက် ထွက်လာတာ။ အဲဒီ ဂိုဏ်းတိုက်ပွဲတွေကလည်း ဘယ်အချိန်မှာ ဘယ်လို ထပေါက်ကွဲမယ်ဆိုတာ ဘယ်သူမှ မပြောနိုင်ဘူး။ အခုဖြစ်တဲ့ကိစ္စမှာလည်း ဖုန်လို့သာ နာမည်တပ်ထားပေမဲ့ အခိုင်အမာ ဘယ်သူ့လက်ချက်ဆိုတာ ပြောဖို့ အတော်စောပါသေးတယ်။'

လောက်ကိုင်မြို့မှာ လုပ်ငန်းဆောင်ရွက်နေတဲ့ တရုတ်ကျန်းမာရေးအဖွဲ့ရဲ့ တာဝန်ရှိသူ တယောက်က ၂၄ ရက်နေ့ညက အနည်းဆုံး ၅ နေရာမှာ ပေါက်ကွဲခဲ့ပြီး Asia Medical Doctors’ Association ရုံးအနီးမှာ မပေါက်ကွဲသေးတဲ့ ဗုံးတလုံး တွေ့ရတယ်လို့ ပြောပါတယ်။

အခုလို လောက်ကိုင်မြို့မှာ တညတည်း ဗုံး ၁၄ လုံးလောက် ဆက်တိုက်ပေါက်ကွဲခဲ့ချိန်မှာ တရုတ်နိုင်ငံ ဝန်ကြီးချုပ် ဝမ်ကြားဘောင်က မြန်မာဘက်က နယ်စပ်ငြိမ်းချမ်းရေးကို ထိန်းသိမ်းမယ်လို့ မျှော်လင့်ကြောင်း မြန်မာဝန်ကြီးချုပ် ဗိုလ်ချုပ်ကြီးသိန်းစိန်ကို အာဆီယံ ထိပ်သီးဆွေးနွေးပွဲမှာ ပြောဆိုခဲ့ပါတယ်။

မြန်မာစစ်အစိုးရနဲ့ ဖုန်ကြားရှင် ခေါင်းဆောင်တဲ့ ကိုးကန့်တပ်တွေအကြား သြဂုတ်လကုန်ပိုင်းက တိုက်ပွဲဖြစ်ပွားချိန်မှာ တရုတ်နိုင်ငံဘက်ကို ကိုးကန့်ဒုက္ခသည် ၃ဝ,ဝဝဝ ကျော် ထွက်ပြေးခဲ့ပါတယ်။

အခုအခါမှာ ကိုးကန့်ဒေသအတွင်း မြန်မာစစ်တပ်က တပ်မ ၃၃၊ လောက်ကိုင် ဒကစနဲ့ စကခ ၁၆ က အနည်းဆုံး တပ်ရင်း၂ဝ လောက် တပ်စွဲထားတာ ဖြစ်ပါတယ်။


မြန်မာ့နိုင်ငံရေးထဲ ဒေါ်စု ပါဝင်နိုင်၊ ဝန်ကြီးချုပ်သိန်းစိန် ပြောဆို

25 October 2009


မြန်မာနိုင်ငံအတွင်း အမျိုးသား ပြန်လည်သင့်မြတ်ရေးအတွက် ဒေါ်အောင်ဆန်းစုကြည် ပါဝင်ဆောင်ရွက်နိုင်မယ်လို့ မျှော်လင့်ထားတဲ့အကြောင်း မြန်မာစစ်အစိုးရ ဝန်ကြီးချုပ် ဗိုလ်ချုပ်ကြီးသိန်းစိန်က အာဆီယံ ခေါင်းဆောင်တွေကို ပြောဆိုသွားပါတယ်။ ဒီနေ့ ပြီးဆုံးသွားတဲ့ အာဆီယံ ထိပ်သီးဆွေးနွေးပွဲကနေ မြန်မာနိုင်ငံနဲ့ ပတ်သက်လို့ ဘာတွေများ ရလဒ် ထွက်ခဲ့သလဲ၊ မြန်မာအစိုးရကရော နိုင်ငံရေး ပြောင်းလဲမှုအတွက် အာဆီယံကို ဘယ်လို ကတိကဝတ်တွေများ ပေးခဲ့သလဲ၊ အာဆီယံ ထိပ်သီးဆွေးနွေးပွဲရှိတဲ့ ထိုင်းနိုင်ငံ ချအမ်းမြို့မှာ ရောက်နေတဲ့ ဗွီအိုအေဝိုင်းတော်သား ကိုသိန်းထိုက်ဦးကို ကိုသားညွန့်ဦးက ဆက်သွယ်မေးမြန်းပြီး တင်ပြပေးထားပါတယ်။

ကိုသိန်းထိုက်ဦးခင်ဗျား၊ အာဆီယံ အစည်းအဝေးက ဒီနေ့ နောက်ဆုံး ပြီးသွားပြီဆိုတော့ အာဆီယံ အစည်းအဝေးကြီးကနေ ဒေသနဲ့ပတ်သက်လို့ ဘယ်လိုအကြောင်းအချက်တွေကို ဆုံးဖြတ်ချက် ချနိုင်ခဲ့ပါသလဲ၊ အထူးသဖြင့် မြန်မာနိုင်ငံနဲ့ ပတ်သက်လို့ရော ဘာတွေများ ဆွေးနွေးဖြစ်ခဲ့ကြပါသလဲ။

'ဟုတ်ကဲ့၊ ဒီနေ့ ၁၅ ကြိမ်မြောက် အာဆီယံ ထိပ်သီးစည်းဝေးပွဲကတော့ ပြီးသွားပါပြီ။ ထုံးစံအတိုင်း အာဆီယံ အဖွဲ့ဝင် ၁ဝ နိုင်ငံနဲ့ ဆွေးနွေးဘက်နိုင်ငံ ၆ နိုင်ငံကြားမှာ လွတ်လပ်တဲ့ ကုန်သွယ်ရေုးဆိုင်ရာ သဘောတူညီချက်တွေ ချမှတ်နိုင်ရေးအတွက် ကြိုတင်ပြင်ဆင်တဲ့ ခြေလှမ်းတွေ၊ ရာသီဥတု ပြောင်းလဲလာမှုနဲ့ ကမ္ဘာတဝန်း ကြုံနေရတဲ့ စီးပွားရေး အကျပ်အတည်းတွေကို ဘယ်လိုရင်ဆိုင် ဖြေရှင်းမလဲဆိုတဲ့ ကိစ္စတွေကို သဘောတူလက်မှတ်တွေ ဒီနေ့ တော်တော်လေး ရေးထိုးဖြစ်ကြတာ တွေ့ရပါတယ်။

Thailand Prime Minsister Abhisit Vejjajiva, right, shakes hand with Myanmar Prime Minister Thein Sein during the15th ASEAN Summit-Oct 23, 2009.AP
ထိုင်းဝန်ကြီးချုပ်
အဘီဆစ် ဝိတ်ချာချီဝ(ယာ) နှင့်
မြန်မာစစ်အစိုးရ ဝန်ကြီးချုပ် ဗိုလ်ချုပ်ကြီးသိန်းစိန်တို့ တွေ့ဆုံနှုတ်ဆက်နေစဉ်။
အောက်တိုဘာ ၂၃၊ ၂ဝဝ၉။
'မြန်မာနိုင်ငံနဲ့ ပတ်သက်လို့တော့ ဒေါ်အောင်ဆန်းစုကြည် အပေါ်မှာ စစ်အစိုးရက ချမှတ်ထားတဲ့ ပြစ်ဒဏ်ကို စစ်အစိုးရဘက်က လျှော့ကောင်းလျှော့မယ်ဆိုပြီး ဂျပန်နိုင်ငံဘက်က ပြောခဲ့တဲ့ သတင်းတွေ ထွက်လာခဲ့တော့ ဒီကိစ္စက တော်တော်လေး စိတ်ဝင်စားခဲ့ပါတယ်။ ထိုင်းဝန်ကြီးချုပ် အဘီဆစ် ဝိတ်ချာချီဝ (Abhisit Vejjajiva) ကတော့ ဗိုလ်ချုပ်ကြီးသိန်းစိန်ဘက်က ပြောကြားချက်နဲ့ ပတ်သက်ပြီး အခုလိုပြောပါတယ်။

'မြန်မာစစ်အစိုးရ ဝန်ကြီးချုပ် ဗိုလ်ချုပ်ကြီးသိန်းစိန်က ဒေါ်အောင်ဆန်းစုကြည်နဲ့ ထိတွေ့ဆွေးနွေးမှုတွေ ရှိနေတယ်ဆိုတာကို အတည်ပြု ပြောဆိုခဲ့ပြီး ဒေါ်အောင်ဆန်းစုကြည် အနေနဲ့ အမျိုးသား ပြန်လည်သင့်မြတ်ရေးမှာ အခန်းကဏ္ဍတခုက ပါဝင်နိုင်မယ်လို့ သူ့အနေနဲ့ အကောင်းမြင် မျှော်လင့်တဲ့အကြောင်း ပြောဆိုသွားတယ်ဆိုပြီး ထိုင်းဝန်ကြီးချုပ် အဘီဆစ် ဝိတ်ချာချီဝက ပြောသွားပါတယ်။'

တဆက်တည်းပဲ အာဆီယံ ကြေညာချက်ထဲမှာ ကျနော် သတိထားမိသလောက် ၂ဝ၁ဝ ရွေးကောက်ပွဲကို တရားမျှတဖို့ဆိုပြီး တွန်းအားပေးထားတာ တွေ့ရပါတယ်။ အာဆီယံ ခေါင်းဆောင်တွေကလည်း ၂ဝ၁ဝ ရွေးကောက်ပွဲနဲ့ ပတ်သက်ပြီး တွန်းတွန်းတိုက်တိုက် ပြောနေတဲ့အခါကြတော့ မြန်မာအစိုးရဘက်က ဗိုလ်ချုပ်ကြီးသိန်းစိန်ကရော ၂ဝ၁ဝ ရွေးကောက်ပွဲနဲ့ ပတ်သက်ပြီး ဘယ်လိုမျိုး ကတိတွေများ ပေးတာရှိသေးလဲ ခင်ဗျ။

'ဒီကိစ္စနဲ့ပတ်သက်ပြီး ထိုင်းဝန်ကြီးချုပ် အဘီဆစ် ဝိတ်ချာချီဝကို မေးကြည့်တော့ ဗိုလ်ချုပ်ကြီးသိန်းစိန်က အာဆီယံနဲ့ ဆွေးနွေးဘက် နိုင်ငံတွေရဲ့ ဆွေးနွေးပွဲတွေမှာ မြန်မာနိုင်ငံရဲ့ နိုင်ငံရေး ဖြစ်ပေါ်တိုးတက် ပြောင်းလဲမှုတွေနဲ့ ပတ်သက်ပြီး ရွေးကောက်ပွဲနဲ့ ပတ်သက်လို့ ရှင်းပြခဲ့တယ်လို့ ပြောပါတယ်။ ဒေါ်အောင်ဆန်းကြည်ကို အမျိုးသား ပြန်လည်သင့်မြတ်ရေးမှာ အခန်းကဏ္ဍတခုက ပါဝင်နိုင်မယ်လို့ မျှော်လင့်တဲ့အကြောင်း ပြောပေမဲ့ တကယ်တမ်းကြတော့ ရွေးကောက်ပွဲမှာ ပါဝင်ခွင့် ပေးမယ်၊ မပေးဘူးဆိုတာကို တိတိကျကျ ပြောမသွားပါဘူး။ ထိုင်းဝန်ကြီးချုပ် အဘီဆစ် ဝိတ်ချာချီဝကတော့ ဗိုလ်ချုပ်ကြီးသိန်းစိန်ဘက်က ပြောကြားတာနဲ့ ပတ်သက်ပြီး အခုလိုပြောသွားပါတယ်။

'မြန်မာစစ်အစိုးရ ဝန်ကြီးချုပ် ဗိုလ်ချုပ်ကြီးသိန်းစိန်က ရွေးကောက်ပွဲ ဥပဒေကို စတင် ပြင်ဆင်နေပြီဆိုတဲ့အကြောင်း ရှင်းပြခဲ့ပြီး ဒီရွေးကောက်ပွဲဟာ အများလက်ခံနိုင်တဲ့ မျှတပြီး လွတ်လပ်တဲ့ ရွေးကောက်ပွဲတခု ဖြစ်ဖို့အတွက် နိုင်ငံတကာက လိုလားတယ်ဆိုတာ သူတို့အနေနဲ့ သိရှိတဲ့အကြောင်း၊ အသိအမှတ် ပြုတဲ့အကြောင်း ဝန်ခံပြောဆိုခဲ့တယ်လို့ ထိုင်းဝန်ကြီးချုပ်က ပြောသွားပါတယ်။

'ဒါပေမဲ့ ဒီရွေးကောက်ပွဲမှာ သက်ဆိုင်ရာ အဖွဲ့အစည်းပေါင်းစုံ ပါဝင်ခွင့်ပေးတာကို နိုင်ငံတကာက လိုလားနေတယ်ဆိုတာ သူ့အနေနဲ့ သိရှိကြောင်း ပြောသွားပါတယ်။ ဒါပေမဲ့ ဘယ်အဖွဲ့အစည်းတွေ ဘယ်လောက်အထိ ပါဝင်ခွင့်ပေးမယ်၊ ယုတ်စွအဆုံး မြန်မာနိုင်ငံရဲ့ နိုင်ငံရေး ဖြစ်ပေါ်တိုးတက်မှုတွေကို မြင်ချင်တဲ့အတွက် ထိုင်းဝန်ကြီးချုပ်က သူကိုယ်တိုင် မြန်မာနိုင်ငံကို သွားပြီးတော့ ဒေါ်အောင်ဆန်းစုကြည်နဲ့ တွေ့ချင်ပါတယ်လို့ ပြောတာကိုတောင်မှ မြန်မာစစ်အစိုးရဘက်က တိတိကျကျ ပြန်လည်ဖြေကြားတယ် ဆိုတာမျိုး ထိုင်းဝန်ကြီးချုပ်အနေနဲ့ ပြောသွားတာ မတွေ့ရပါဘူး။

'ဗိုလ်ချုပ်ကြီးသိန်းစိန်ကလည်း တိတိကျကျ ကတိပေးသွားတာမျိုး ဘာမှမရှိပါဘူး။ သူတို့အနေနဲ့ နိုင်ငံတကာရဲ့ သဘောဆန္ဒ၊ အာဆီယံနိုင်ငံတွေရဲ့ သဘောဆန္ဒကို သိတယ်ဆိုတာလောက်ပဲ ပြောသွားတာ ကြားရပါတယ်။'

အာဆီယံကလည်း မြန်မာနိုင်ငံအပေါ် အပြုသဘော ဆက်ဆံရေးမူကို တောက်လျှောက် ကျင့်သုံးခဲ့တယ်၊ အခုဆိုရင် အနောက်နိုင်ငံတချို့ ဆိုရင်လည်း သူတို့ရဲ့ မူဝါဒ ပေါ်လစီက ဒီလိုပေါ်လစီတွေ ဖြစ်လာတဲ့အခါကြတော့ အခု ဒီ အာဆီယံ အစည်းအဝေးမှာ မြန်မာအစိုးရကို အာဆီယံအနေနဲ့ ဘယ်လောက်အထိ မြန်မာနိုင်ငံမှာ ပြောင်းလဲရေးအတွက် တွန်းအားတွေ ပေးနိုင်လဲ၊ ဖျောင်းဖျနိုင်တယ်လို့ ယူဆလို့ရလဲခင်ဗျ။

'ထိုင်းဝန်ကြီးချုပ် အဘီဆစ် ဝိတ်ချာချီဝ ပြောသွားတာကတော့ မြန်မာနိုင်ငံနဲ့ ပတ်သက်လို့ ဒေသတွင်း နိုင်ငံတွေတင် မဟုတ်ဘဲနဲ့ ဒေသပေါင်းစုံက နိုင်ငံတွေနဲ့ ထိတွေ့ဆက်ဆံရေးကို သူတို့ ဆက်ပြီး တွန်းအားပေးသွားမယ်၊ မြန်မာနိုင်ငံမှာ အပြောင်းအလဲတွေ ပေါ်အောင် လုပ်သွားမယ်လို့ ပြောသွားပါတယ်။ ဒါပေမဲ့လည်း အာဆီယံနိုင်ငံတွေက နိုင်ငံတကာက အာရုံစိုက်တဲ့ အစည်းအဝေး ကာလမျိုးတွေမှာတော့ မြန်မာနိုင်ငံက လူ့အခွင့်အရေး အကြောင်းကို ကျယ်ကျယ်လောင်လောင် ပြောတတ်ပြီးတော့ နောက်ပိုင်းမှာ အဖျားရဋ္ဌးသွားတတ်တဲ့ အစဉ်အလာတွေလည်း ရှိပါတယ်။

'ဥပမာ အာဆီယံကိုယ်တိုင်က ဦးတည်ချက် တခုတည်းအောက်မှာ သွားနေတယ် ဆိုပေမဲ့ လူထုအဓိက လူ့အဖွဲ့အစည်း၊ Civil Society အဖွဲ့အစည်းမျိုးတွေကို အာဆီယံအဖွဲ့ဝင်နိုင်ငံ တော်တော်များများက အသိအမှတ် မပြုနိုင်သေးတာတွေ၊ ဒီအခက်အခဲတွေ ရှိနေတယ် ဆိုတာကိုလည်း ထိုင်းဝန်ကြီးချုပ် အဘီဆစ် ဝိတ်ချာချီဝ ကိုယ်တိုင် ဝန်ခံသွားပါတယ်။

'အဲဒီတော့ ဒေသတွင်း နိုင်ငံတွေကြားမှာ ဒီမိုကရေစီ ဖွံ့ဖြိုးမှုတို့၊ လူထုအဓိက အဖွဲ့အစည်းတွေကို အသိအမှတ်ပြုဖို့ အခက်အခဲတွေ ရှိနေတဲ့အချိန်မှာ မြန်မာနိုင်ငံကို ပြောင်းလဲလာအောင် အာဆီယံကိုယ်တိုင် လုပ်နိုင်ဖို့ ဆိုတာကတော့ တော်တော် အလှမ်းဝေးတယ်လို့ ပြောရမှာပါ။'

အာဆီယံ ထိပ်သီးဆွေးနွေးပွဲ ကျင်းပတဲ့ ထိုင်းနိုင်ငံမှာ ရောက်ရှိ သတင်းယူနေတဲ့ ကိုသိန်းထိုက်ဦးကို ကိုသားညွန့်ဦးက ဆက်သွယ်မေးမြန်းခဲ့တာ ဖြစ်ပါတယ်။


မြန်မာဘက်က နယ်စပ်ငြိမ်းချမ်းရေး ထိန်းသိမ်းလိမ့်မယ်လို့ တရုတ်ဝန်ကြီးချုပ် မျှော်လင့်

25 October 2009


မြန်မာစစ်အစိုးရ အနေနဲ့ အိမ်နီးချင်း တရုတ်နယ်စပ်မှာ ငြိမ်းချမ်းရေးကို ထိန်းသိမ်းသွားနိုင်လိမ့်မယ်လို့ မျှော်လင့်တဲ့ အကြောင်း တရုတ်ဝန်ကြီးချုပ်က ပြောဆိုလိုက်ပါတယ်။ ဒါဟာဆိုရင် ထောင်သောင်းချီတဲ့ ဒေသခံတွေ နယ်စပ်ဖြတ်ကျော် ထွက်ပြေးကြရတဲ့အထိ နှစ်နိုင်ငံ နယ်စပ်အနီး လက်နက်ကိုင် ပဋိပက္ခတွေ မကြာသေးခင်က ဖြစ်ပွားခဲ့ပြီးနောက် ပြောဆိုလိုက်တာပါ။

တရုတ်-မြန်မာ နယ်စပ်ဒေသမှာ ပြဿနာတွေကို သေသေချာချာ ကိုင်တွယ်နိုင်လိမ့်မယ်၊ တည်ငြိမ်မှုကိုလည်း ထိန်းသိမ်း စောင့်ရှောက် သွားနိုင်လိမ့်မယ်လို့ ယုံကြည်တဲ့အကြောင်း တရုတ်ဝန်ကြီးချုပ် ဝမ်ကြားဘောင် (Wen Jiabao) ကို ကိုးကားပြီး တရုတ်အစိုးရပိုင် ဆင်ဟွာသတင်းက ဖော်ပြခဲ့တာပါ။

ထိုင်းနိုင်ငံ ဟွာဟင်မြို့က အာဆီယံ ထိပ်သီးဆွေးနွေးပွဲတွေ ကျင်းပနေစဉ် တနင်္ဂနွေနေ့က မြန်မာစစ်အစိုးရ ဝန်ကြီးချုပ် ဗိုလ်ချုပ်ကြီးသိန်းစိန်နဲ့ အလွတ်သဘော တွေ့ဆုံချိန်မှာ တရုတ်ဝန်ကြီးချုပ် ဝမ်ကြားဘောင်က အခုလို မှတ်ချက်ပေး ပြောဆိုလိုက်တာလို့လည်း သတင်းက ဆိုပါတယ်။

ပြီးခဲ့တဲ့ သြဂုတ်လတုန်းက မြန်မာနိုင်ငံ အရှေ့မြောက်ပိုင်း ရှမ်းပြည်နယ်မှာရှိတဲ့ တရုတ်လူမျိုး အများစုရှိရာ ကိုးကန့် ဒေသ မှာ အပစ်အခတ် ရပ်စဲထားတဲ့ ကိုးကန့်တပ်ဖွဲ့တွေအပေါ် စစ်အစိုးရတပ်ဖွဲ့တွေက ထိုးစစ်ဆင် တိုက်ခိုက်မှုတွေ လုပ်ဆောင် ခဲ့ပါတယ်။

တိုက်ပွဲတွေက ရှောင်ရှားပြီး ဒေသခံ ၃ဝ,ဝဝဝ ကျော်ဟာ ဆိုရင်လည်း အိမ်နီးချင်း တရုတ်နိုင်ငံ ယူနန်ပြည်နယ်ထဲကို ထွက်ပြေးခဲ့ကြရတာ ဖြစ်ပါတယ်။



လွတ်လပ်၍ တရားမျှတသော ရွေးကောက်ပွဲကျင်းပဖို့ မြန်မာစစ်အစိုးရကို အာဆီယံတိုက်တွန်း

24 October 2009


ထိုင်းနိုင်ငံ ဟွာဟင်း အပန်းဖြေစခန်းမှာ ကျင်းပနေတဲ့ အာဆီယံစည်းဝေးပွဲက မြန်မာနိုင်ငံမှာ လွတ်လပ်ပြီး တရားမျှတတဲ့ ရွေးကောက်ပွဲ ကျင်းပဖို့ စစ်အစိုးရကို တိုက်တွန်းပြောဆိုနေကြပါတယ်။ အာဆီယံ အလှည့်ကျဥက္ကဋ္ဌအဖြစ် တာဝန်ယူထား တဲ့ ထိုင်းနိုင်ငံ ဝန်ကြီးချုပ်ကလည်း သူကိုယ်တိုင် မြန်မာနိုင်ငံကို သွားရောက်ပြီး မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံချင်တယ်လို့ မြန်မာနိုင်ငံ ဝန်ကြီးချုပ် ဗိုလ်ချုပ်ကြီးသိန်းစိန်ကို ပြောကြားလိုက်ပါတယ်။ ဒီအကြောင်းနဲ့ပတ်သက်ပြီး အဲဒီအစည်းအဝေးမှာ သတင်းတက်ရောက်ယူနေတဲ့ ဗွီအိုအေ ဝိုင်းတော်သား ကိုသိန်းထိုက်ဦးက အခုလို ရှင်းပြပါတယ်။

"အခု (၁၅) ကြိမ်မြောက် ဟွာဟင်းမှာ ကျင်းပနေတဲ့ အာဆီယံ ထိပ်သီးဆွေးနွေးပွဲဟာ ထိုင်းနိုင်ငံ အာဆီယံ အလှည့်ကျ ဥက္ကဌဖြစ်တဲ့ ကာလအတွင်းမှာ အရင်တခါကလည်း ပြည်တွင်းမငြိမ်သက်မှုနဲ့ ဆန္ဒပြပွဲတွေနဲ့ အစည်းအဝေးက ပယ်ဖျက်ခဲ့ရ တာမျိုး ဖြစ်တော့ အခုတခါတော့ ထူးထူးကဲကဲ လုံခြုံရေးတွေ ချထားတာ တွေ့ရပါတယ်။ စစ်တာဆေးတာတွေ လုပ်ပြီး ကျင်းပနေပါတယ်။ ဆန္ဒပြတဲ့ ဝန်ကြီးချုပ်ဟောင်း တက်ဆင်ကို ထောက်ခံတဲ့ အင်္ကျီနီဝတ်တဲ့သူတွေ တချို့တော့ အစည်းအဝေး ကျင်းပတဲ့နေရာနဲ့ တမိုင်လောက်အနီးထိ ရောက်လာတယ်လို့ ကြားရပေမဲ့ တကယ်တမ်းကျတော့ ဆန္ဒပြပွဲ လည်း မရှိပါဘူး။ အစည်းအဝေးကတော့ ခုချိန်ထိ ဒုတိယနေ့မှာ ချောချောမောမောပဲ တွေ့နေရပါတယ်။"

ဒီအစည်းအဝေးမှာ အဓိက ဆွေးနွေးကြတဲ့ အကြောင်းအရာတွေကရော ဘယ်နိုင်ငံက အကြောင်းအရာတွေကို အဓိကထားပြီး ဆွေးနွေးကြပါသလဲ။ နိုင်ငံတွေအရေးကို ကြည့်မယ်ဆိုရင် -

"နိုင်ငံတွေအရေး အနေနဲ့ နည်းပညာ၊ ပညာရေး၊ ယဉ်ကျေးမှု စတဲ့ ကိစ္စတွေ ဆွေးနွေးကြပြီးတော့ ဒေသတွင်း နိုင်ငံအနေနဲ့ အထူးပြုပြီးတော့ ပြောတာကတော့ မြန်မာနိုင်ငံနဲ့ မြောက်ကိုရီးယား ကိစ္စပါ။ မြောက်ကိုရီးယားနိုင်ငံကတော့ နျူကလီးယား ဖျက်သိမ်းရေး ၆ နိုင်ငံဆွေးနွေးပွဲမှာ ပြန်ပြီးတော့ ပါဝင်ဖို့အတွက် သူတို့ တိုက်တွန်းထားတာပါ။ မြန်မာနိုင်ငံကတော့ ၂ဝ၁ဝ ခုနှစ်မှာ စစ်အစိုးရ ကျင်းပမယ့် ရွေးကောက်ပွဲက လွတ်လပ်ပြီး တရားမျှတဖို့၊ အများက လက်ခံပြီး ရွေးကောက်ပွဲ လုပ်ငန်းစဉ်တွေမှာလည်း ထင်သာမြင်သာရှိပြီးတော့ ထိမ်ချန်ဖုံးကွယ်မှုမရှိဖို့အတွက် တိုက်တွန်းထားတာပါ။ အဲဒါကိုတော့ အာဆီယံ အလှည့်ကျဥက္ကဋ္ဌရဲ့ ကြေညာချက်မှာလည်း ဖော်ပြထားပါတယ်။"

ဒီနိုင်ငံတွေက ရွေးကောက်ပွဲကိုပဲ ပြောနေတယ်။ ရွေးကောက်ပွဲ ကျင်းပတဲ့နေရာမှာ အခြေခံမယ့် ဖွဲ့စည်းပုံရဲ့ အားနည်းချက် ဆိုတဲ့ မြန်မာအတိုက်အခံတွေ ထောက်ပြနေတဲ့ အချက်ကိုရော အာဆီယံ နိုင်ငံတွေက ဖော်ထုတ်ပြောကြားတာ ရှိပါသလား။ - အာဆီယံနိုင်ငံတွေဘက်က ဖွဲ့စည်းပုံ ပြုပြင်ပြောင်းလဲရေး ဆိုတဲ့ ကိစ္စကိုတော့ ပြောဆိုတာမျိုး ဆွေးနွေးတာမျိုး မကြားရပါဘူးခင်ဗျ။ ဒါပေမဲ့လည်း ဒေါ်အောင်ဆန်းစုကြည်ကို နေအိမ်အကျယ်ချုပ် သက်တမ်း ထပ်ပြီးတော့ တိုးတဲ့ကိစ္စက အနောက်နိုင်ငံတွေအမြင်မှာ ရွေးကောက်ပွဲကို ယုံကြည်မှု ပျက်ပြားစေနိုင်တယ် ဆိုပြီးတော့၊ စစ်အစိုးရဘက်က အားလုံး ပါဝင်ခွင့် ပေးဖို့ ဆိုပြီးတော့ ထိုင်းနိုင်ငံခြားရေးဝန်ကြီး ကဆစ်ပီရွန် ကလည်း အစည်းအဝေး အစီအစဉ်ပြင်ပ သတင်းစာရှင်းလင်းပွဲမှာ ပြောသွားပါသေးတယ်။"

နောက်တခုက အဲဒီ အာဆီယံ နိုင်ငံစုံ အစည်းအဝေးအပြင် နှစ်နိုင်ငံချင်း တွေ့ဆုံဆွေးနွေးပွဲတွေ တချို့လည်း ရှိတယ်လို့ ကြားရပါတယ်။ -

"ဟုတ်ပါတယ်ခင်ဗျ။ အစည်းအဝေး အစီအစဉ်ပြင်ပ သီးခြားတွေ့ဆုံတာကတော့ မြန်မာစစ်အစိုးရ ဝန်ကြီးချုပ် ဗိုလ်ချုပ်ကြီး သိန်းစိန် ကို ထိုင်းဝန်ကြီးချုပ် အဘီဆစ် ဝိုက်ချာချီဝ က တွေ့ခဲ့ပါတယ်။ အဲဒီတွေ့တဲ့ပွဲမှာပဲ မြန်မာနိုင်ငံမှာ စစ်အစိုးရက ချထားတဲ့ နိုင်ငံရေး လမ်းပြမြေပုံနဲ့ပတ်သက်ပြီးတော့ တခြား ဒေသတွင်းနိုင်ငံတွေကို မြန်မာစစ်အစိုးရဘက်က ရှင်းပြသင့် တယ် ဆိုပြီးတော့ ထိုင်းဝန်ကြီးချုပ် အဘီဆစ် ဝိုက်ချာချီဝ က ဗိုလ်ချုပ်ကြီး သိန်းစိန်ကို တိုက်တွန်းခဲ့ပါတယ်။ နောက်တခု ကတော့ ထိုင်းဝန်ကြီးချုပ် ကိုယ်တိုင် မြန်မာနိုင်ငံကို သွားပြီးတော့ ဒေါ်အောင်ဆန်းစုကြည်နဲ့ တွေ့ချင်တယ်၊ ဒီလို တွေ့ချင် တာက မြန်မာနိုင်ငံအတွက် နိုင်ငံရေးဖြစ်ပေါ်တိုးတက်မှုတွေကို ထိုင်းနိုင်ငံအနေနဲ့ ထောက်ခံတယ်တာကို ပြသဖို့အတွက် တွေ့ချင်တာဆိုပြီးတော့ ထိုင်းဝန်ကြီးက ပြောပါတယ်။ ထိုင်းဝန်ကြီးချုပ်က ဒေါ်အောင်ဆန်းစုကြည်နဲ့ တွေ့ချင်တယ်လို့ ပြောတဲ့တချိန်တည်းမှာပဲ ကမ္ဘောဒီယား ဝန်ကြီးချုပ် ဟွန်ဆန် ကလည်း ထိုင်းနိုင်ငံမှာ ရာထူးက ဖယ်ရှားခံထားရတဲ့ ဝန်ကြီးချုပ်ဟောင်း တက်ဆင် က ဒေါ်အောင်ဆန်းစုကြည် နဲ့ အတူတူပါပဲလို့ ပြောလို့ အငြင်းပွားနေတာတွေလည်း ရှိပါသေး တယ်။ ဒီ အာဆီယံ ထိပ်သီးစည်းဝေးကာလမှာ မဆီမဆိုင် ဒီလို ပြောရမလား ဆိုပြီးတော့ ထိုင်းဝန်ကြီးချုပ်က ပြန်ချေပတာ လည်း ရှိပါတယ်။ ကမ္ဘောဒီးယား ဝန်ကြီးချုပ် ဟွန်ဆန်ကတော့ လူတွေက ဒေါ်အောင်ဆန်းစုကြည် အကြောင်းကိုပဲ ပြောနေ ကြတယ်၊ တက်ဆင်ကလည်း ၂ဝဝ၆ ခုနှစ် ထိုင်းနိုင်ငံမှာ စစ်အာဏာသိမ်းခဲ့တဲ့အတွက် အာဏာသိမ်းမှုရဲ့ သားကောင် ဖြစ်နေတယ် ဆိုပြီးတော့ ဒေါ်အောင်ဆန်းစုကြည်နဲ့ တက်ဆင်ကို နှိုင်းယှဉ်ပြောသွားတာပါခင်ဗျ။ ဒီကိစ္စကို ထိုင်းဝန်ကြီးချုပ် က ပယ်ချပြီးတော့ ထိုင်းနဲ့ ကမ္ဘောဒီးယား နှစ်နိုင်ငံအကြား နယ်စပ် ပရဝိဟာ ဘုရားကိစ္စ အခြေခံပြီးတော့ အငြင်းပွားနေတဲ့ အချိန်မှာ ဒေါ်အောင်ဆန်းစုကြည်နဲ့ ပတ်သက်ပြီးတော့ နှိုင်းတဲ့ကိစ္စကလည်း ထပ်ပြီးတော့ ထွက်လာတာပါခင်ဗျ။"

ထိုင်းနိုင်ငံ ဟွာဟင်း အပန်းဖြေစခန်းက အာဆီယံ ထိပ်သီးဆွေးဝေးပွဲကနေ ကိုသိန်းထိုက်ဦး ကို ဦးကျော်ဇံသာက ဆက်သွယ် မေးမြန်းခဲ့တာပါ။ တဆက်တည်းမှာပဲ AICHR လို့ခေါ်တဲ့ အာဆီယံ လူ့အခွင့်အရေး ကော်မရှင်မှာ မြန်မာနိုင်ငံရဲ့ အမြဲတမ်း ကိုယ်စားလှယ် အဖြစ် အငြိမ်းစားသံအမတ်ကြီး ဦးကျော်တင့်ဆွေကို စစ်အစိုးရက ရွေးချယ်ခန့်အပ်လိုက်တယ်လို့ သိရပါတယ်။ အခုလေးတင် ကျင်းပပြီးစီးသွားတဲ့ သတင်းစာရှင်းလင်းပွဲတရပ်မှာလည်း ထိုင်းနိုင်ငံခြားရေး ဝန်ကြီး ကဆစ်ပီရွန် က မြန်မာနိုင်ငံမှာ ရွေးကောက်ပွဲကျင်းပရင် လိုအပ်တဲ့ အကူအညီတွေ ပေးဖို့ ထိုင်းနိုင်ငံက ကမ်းလှမ်းထားပြီး မြန်မာဘက်ကတော့ တစုံတရာ တုံ့ပြန်ပြောကြားခြင်း မရှိသေးဘူး ဆိုတာကိုလည်း ပြောကြားသွားပါတယ်။



H1N1 တုပ်ကွေးရောဂါ သမ္မတ အိုဘားမား အရေးပေါ် အခြေအနေ ကြေညာ

24 October 2009


H1N1 ဝက်တုပ်ကွေး ရောဂါ အခြေအနေကို တမျိုးသားလုံးဆိုင်ရာ အရေးပေါ် အခြေအနေ အဖြစ် သမ္မတ အိုဘားမား က ကြေညာလိုက်ပါတယ်။ အခုလို ကြေညာလိုက်တဲ့အတွက် တုပ်ကွေးပျံ့နှံ့ပြီး၊ လူအမြောက်အများ ကို ကုသရတဲ့အခါမှာ ဆေးရုံတွေ အဖို့ သတ်မှတ်ထားတဲ့ စံထားချက်တွေကို လိုက်နာရာမှာ အခြေအနေပေါ်မှာ မူတည်ပြီး လိုက်နာခွင့်ရရှိသွားပါတယ်။

ရောဂါကုသရေးမှာ ဗဟိုအစိုးရ က သတ်မှတ်ထားတဲ စံထားချက်တွေ ကို လိုက်နာရပါတယ်။ ခုလို အရေးပေါ် အခြေအနေ အဖြစ် သတ်မှတ်လိုက်တဲ့အခါမှာတော့ တချို့ စံထားချက်တွေကို လိုက်နာဖို့ မလိုတော့ဘဲ၊ မြန်မြန်ဆန်ဆန် တုံ့ပြန် ကုသနိုင်ခွင့် ရရှိနိုင်ပါတယ်။

ဒီနှစ်စောစောပိုင်း စပျံ့ခဲ့ကတည်းကဆိုရင်၊ အမေရိကန် မှာ လူ ၁,ဝဝဝ ကျော် H1N1 ကြောင့် သေဆုံးခဲ့ပြီး လူနာ ၂ဝ,ဝဝဝ ကျော် ဆေးရုံတင်ခဲ့ရပါတယ်။ ကမ္ဘာတဝှမ်းမှာတော့ သေဆုံးသူ ၅,ဝဝဝ ဟာ H1N1 တုပ်ကွေးကြောင့် ဖြစ်တယ်လို့ ကမ္ဘာ့ကျန်းမာရေး အဖွဲ့ကြီး (WHO) က ပြောပါတယ်။

တုပ်ကွေး နဲ့ ဆက်နွယ်ပြီး ဆေးရုံတက်ရတဲ့အခါ၊ ကူညီနိုင်အောင် တိုင်းပြည်တဝှမ်း က ဆေးရုံတွေ ကို ဒေါ်လာ သန်းပေါင်း ၃,ဝဝဝ ပေးထားပြီး ဖြစ်ပါတယ်လို့ အမိမြေ လုံခြုံရေး ဝန်ကြီး Janet Napolitano အထက်လွှတ်တော် ကော်မီတီ တစ်ခုမှာ ဒီအပတ် စောစောပိုင်းက ပြောခဲ့ပါတယ်။


ပျက်ပြီးရင်း ပျက်၊ ဖမ်းပြီးရင်း ဖမ်း … အဲဒါ မြန်မာပြည်

မိုးမခစာဖတ်သူတဦး (ရန်ကုန်)

အောက်တိုဘာ ၂၆၊ ၂ဝဝ၉

မိုးမခမိတ်ဆွေများ ခင်ဗျား

တလောက ခင်ဗျားတို့ တင်ပြသလို ရေပြတ်၊ မီးပြတ်၊ စီအင်ဂျင် ပြတ်နေပေမယ့် မြန်မာပြည်မှာ ရေကြီး၊ မိုးကြီး ပြီးတော့ ဈေးကြီးတာကတော့ လျော့သွားတယ် မရှိ တိုးလို့သာ လာနေပါတယ်။

ဒါ့အပြင် အခု အောက်တိုဘာအတွင်းမှာ စာနယ်ဇင်းသမားတွေ၊ စာနယ်ဇင်းလုပ်ငန်းထဲက အလုပ်သမားတွေကို မျက်စိဒေါက်ထောက်ပြီး ဖမ်းဆီးမှုတွေလည်း တိုးပြီးတော့ လုပ်နေတာ အဖမ်းခံရသူ ၂ဝ ဦး နီးပါး ရှိပြီလို့ ကြားပါတယ်။ ကျနော်တို့က လက်တို့လိုက်ရင် ခင်ဗျားတို့ဆီက အဖွဲ့တွေ အစည်းတွေက စာရင်းတွေ ထုတ်ပြန်တာတွေ ထွက်လာကောင်းပါရဲ့။ ဒါဆိုရင် စစ်အစိုးရဟာ သနပ်ခါးလိမ်း ပန်းပန် မိတ်ကပ်လိမ်းထားပေမယ့် စစ်ဘီလူးစစ်စစ်ကြီး၊ မိစ္ဇာကောင် စစ်စစ်ကြီးဆိုတာ လူတွေ မေ့ မေ့ သွားမှာစိုးလို့ သတိပေးကြပါဦးခင်ဗျား။



မောင်သစ်ဆင်း ကွမ်းစာ

မောင်သစ်ဆင်း

အောက်တိုဘာ ၂၆၊ ၂ဝဝ၉

(ဒီမနက် အီးမေးလ်ဖွင့်ကြည့်တော့ အရင် သင့်ဘဝမဂ္ဂဇင်းက အယ်ဒီတာ ဆရာမောင်သစ်ဆင်းဆီက နီကိုရဲအကြောင်း ရေးထားတဲ့ အီးမေးလ်တစောင် ရောက်နေပါတယ်။ စာထဲမှာ စဉ်းစား ဆင်ခြင်စရာလေးတွေ ပါတာမို့ ဆရာ့ကို ခွင့်တောင်းပြီး စာလာဖတ်သူများကို ပြန် မျှဝေလိုက်ပါတယ်။ ဖတ်ကြည့်ကြပါအုံး - မိုးချိုသင်း)

ချိုသင်းရေ …
နီကိုရဲ ဆုံးတဲ့အကြောင်း နင့်ဆီက အီးမေး ရမှ သိရတယ်၊ သိရတာကလည်း မနေ့မနက် အိပ်ယာက အထ၊ အီးမေးဖွင့်ကြည့်မှ သိရတာပါ၊ နီကိုရဲ ဆုံးပြီလို့ ဖတ်လိုက်ရတာနဲ့ ခေါင်းထဲမိုက်ခနဲ ဖြစ်သွားရ ပါတယ်၊ ဖြစ်လို့သာ ဖြစ်တာပါဟယ်၊ တကယ်တော့ ကြိုတင်စိုးရိမ်မိ ပြီးသားပါ၊ တာရာမင်းဝေ ဆုံးပြီ ဆိုကတည်းက နီကိုရဲ ကို ဆက်သွယ်ဖို့ ကြိုးစားခဲ့ပါတယ်၊ မအောင်မြင်ခဲ့ပါဘူး၊ သူ ဖုန်းမကိုင်ဘူး။

ဟုတ်ပါတယ်၊ သူဆုံးရတာ အရက်ကြောင့်ဖြစ်ဖို့ ပိုများပါတယ်၊ အဲဒါကြောင့်ပဲ ငါ့မှာ အပြစ်ရှိသလို ခံစားရတာပါ၊ ဘာကြောင့်လည်းဆိုတော့ သူ အရက်စသောက်ဖြစ်အောင် ဖန်တီးသူတွေထဲမှာ ကိုယ်က ပထမဖြစ်ခဲ့တယ်လို့ ခံစားမိလို့ပါ။

နင်ရဲ့ ဘလော့ထဲမှာလည်း ဖတ်ရပါတယ်၊ အယ်ဒီတာတွေကို ခင်မင်အောင် လဘက်ရည်တိုက်၊ အရက်တိုက်ခဲ့ပြီးပေါင်းခဲ့တယ် လို့ သူပြောခဲ့တယ်ဆိုတာ။ တခြား အယ်ဒီတာတွေတော့ မပြောတတ် ပါဘူးဟယ်။ အဲဒီတုန်းက ( နီကိုရဲ စာရေးခါစက ) ဟန်သစ်အယ်ဒီတာ ကိုတင်ကိုအောင် ကပဲ အမြဲလိုလို ညနေပိုင်း ဒကာတော် ဖြစ်လေ့ရှိခဲ့ပါတယ်၊ တစ်ခါတစ်ခါတော့ ကိုခင်ဇော် ( ဆရာချစ်ဦးညိုရဲ့ ညီ ) ပေါ့၊ အဲဒီတုန်းက နီကိုရဲ က အမြည်းစားသူများ စာရင်းမှာ ပါခဲ့တာပေါ့၊ သူအရက် မသောက်တတ်သေးဘူး ချိုသင်းရ။

မောင်သစ်ဆင်းကလည်း အဲဒီတုန်းက အိမ်ထောင်ကျခါစ ရန်ကုန်ရောက်လာပြီး ဟန်သစ်မှာ ဝင်ကူ နေတုန်းပေါ့၊ ဝင်ကူတယ်ဆိုတာကလည်း စာမူဖတ်ရုံ၊ ထိန်းရုံ၊ စာပေစိစစ်ရေးက လဘက်ရည်သောက် ဖိတ်ကြား (ခေါ်ငေါက်တယ်ဆိုတာ နင်သိပြီးသားပါ) တဲ့အခါ ကိုခင်ဇော်နဲ့အတူ ခန့်ခန့်ကြီး သွား ရောက်ပြီး သူတို့ ဒါနမြောက်အောင်ကူညီခဲ့တဲ့ အဆင့်ပဲရှိပါတယ်။

အဲသလို ကူညီနေရင်းနဲ့ တစ်နေ့တော့ တာမွေလမ်းကျယ် ၁၃၅ လမ်းက ဟန်သစ်မဂ္ဂဇင်းရဲ့ ဘူတ နေရာ မဂ္ဂဇင်းတိုက်ကို ပုဂ္ဂိုလ်ကလေး တစ်ယောက်ရောက်ရှိလို့ လာပါတယ်။ ( နေဦး- ဘူတနေရာ လို့ပြောရတာက မူလနေရာမဟုတ်လို့ပါ၊ အဲဒီတုန်းက ဟန်သစ်မဂ္ဂဇင်းရဲ့ မူလနေရာဟာ ဘားလမ်း မွတ်စလင်ဆေးရုံအောက်က လဘက်ရည်ဆိုင်ဘေး လှေကားထစ်တွေပါပဲ၊ အဲဒီနေရာမှာပဲ ညနေပိုင်း အချိန်တွေမှာ စာပေးစာယူ။ သတင်းပေးသတင်းယူ။ သရုပ်ဖေါ်ပုံအပေးအယူ စတဲ့ မဂ္ဂဇင်းတို့ ဝေယျာဝစ္စတွေကို ဆောင်ရွက်ကြရတာပေ့ါ၊ ဒါ ဟန်သစ် တစ်ခုတည်းမဟုတ်ပါဘူး။ အဲဒီတုန်းက မဂ္ဂဇင်း အတော်များများ ဒီလိုပဲလုပ်ကိုင်ခဲ့ကြရတာ မဟုတ်လား၊ အခုတော့ မပြောတတ်ဘူးပေါ့ ဟယ်။ ဘာပဲဖြစ်ဖြစ် ငါတော့ အဲဒီဘားလမ်းက လှေကားထစ်တွေကို အခုထိ လွမ်းသေးသဟဲ့ ၊ တို့ နောက်ဆုံးလုပ်ခဲ့တဲ့ သင့်ဘဝမဂ္ဂဇင်းတောင် အဲဒီနေရာနဲ့ လွတ်ကင်းခဲ့တာမှ မဟုတ်ဘဲ နော )

အင်း --မြန်မာပြည်အကြောင်းပြောရင် ကွင်းစ ကွင်းပိတ်တွေနဲ့ ပြောနေရတော့တာပဲနော်။ ထားပါတော့ဟယ်၊ ဟန်သစ်ရဲ့ ဘူတနေရာကို အဲဒီသူငယ်ကလေး ရောက်လာတာက သူ့စာမူတွေ အခြေအနေ လာရောက်စုံစမ်းတာပါ။ ကလောင်နာမည်က နီကိုရဲ ဆိုပဲ၊ ငါလည်းတစ်ခါမှ မကြားဖူးဘူး။ ဟန်သစ်ကို သူပို့ခဲ့တဲ့ စာမူတွေက ငါ ဟန်သစ်ကို မရောက်ခင်ကတည်းက ဆိုပါတော့၊ ဒါနဲ့ စာမူအဟောင်းပုံတွေ ရှာဖွေ လှန်လှောကြည့်ပြန်တော့လည်း သူ့စာမူတွေကို မတွေ့မိဘူးဟဲ့ ၊ (အမှန်က ကိုတင်အောင်ဆီ ရောက်နေပြီး မသုံးသေးတာ) ဒါနဲ့ သူ့ကို နီးရာ လဘက်ရည်ဆိုင် ခေါ် သွားပြီး ( အချိန်တွေကလည်း များနေသဗျ - အဲဒီတုန်းက) အာရိုက်ရတာပေါ့လေ၊ အာရိုက်ရင်း နဲ့ ဒီသူငယ်ဟာ အတော်လေး အာဝဇွန်းကောင်းတယ်ဆိုတာ သတိပြုမိတယ်၊ နိစ္စဓူဝအကြောင်း လေးတွေကိုပဲ သူက စိတ်ဝင်စားအောင်ပြောတတ်တယ်၊
အဲဒီနောက် ကိုတင်ကိုအောင်နဲ့ စကားစပ်မိရင်း နီကိုရဲ အကြောင်းမေးမိတော့ သူက နီကိုရဲ ရဲ့ စာမူ တွေ ထုတ်ပြပါတယ်၊ ငါ ဖတ်ကြည့်တော့ ပြောပလောက်အောင်မဟုတ်ပါ (ငါ့အထင်)။ ဟိုတုန်းက ရှုမဝ (ချစ်ကိုယ်တွေ့) တွေမျိုးလောက်ပဲ ခံစားရပါတယ်၊ ဒါပေမဲ့ သူ့မှာရှိတဲ့ အရည်အချင်းက ဒိထက် မကဘူးလို့ ငါထင်နေတယ်။

တစ်နေ့တော့ ငါတို့ နိစ္စဓူဝ အပန်းဖြေရာ တာမွေက စခန်းတစ်နေရာကို သူ လိုက်လာပါတယ်။ လိုက်လာပေမဲ့ အရက်မသောက်ပါ။ ( မသောက်တတ်ရှာသေးပါ သို့မဟုတ် မသောက်သေးပါ။ ရှိသမျှ အမြည်းတွေ သူတစ်ယောက်တည်း ကုန်အောင်စားတဲ့အခါ ကိုတင်ကိုအောင်က ပြုံးပါတယ်။ ကိုခင်ဇော်က မျက်လုံးပြူးပါတယ်၊ ငါ ကတော့ ဒီသူငယ်ကို ဘယ်လို ရင့်ကျက်အောင်လုပ်ရပါ့မလဲ စဉ်းစားပါတယ်။

( အမှန်က ကိုယ့်ထက် သူက လောကရေးရာမှာ ရင့်ကျက်နေပြီးမှန်း မသိခဲ့ပါ။ သူက အဲဒီအချိန်မှာ သင်္ကန်းက္ဆွန်း မဝတ မှာ ရုံးစာရေးလုပ်နေပြီး တောင်ဒဂုံ အပြောင်းအရွှေ့ ကဏ္ဍရဲ့ ထိတ်လန့် သည်းဖို နဲ့ရင်နင့်စရာ အတွေ့အကြုံတွေကို လက်တွေ့မျက်တွေ့ ရင်ဆိုင်ခဲ့ရပြီးပြီ။ အဲဒါတွေချရေးထားဖို့ ပြောခဲ့ဖူးပါ တယ်၊ ရေးမယ်လို့ သူကတိပြုခဲ့ပါတယ်၊ ရေးပြီးမပြီးမသိပါ)

အဲသလို သူလိုက်လိုက်လာရင်း နဲ့ သူက သူ့ရဲ့ ‘ရည်းစားဦး’ စီးရီးကို ဖွင့်ဖွင့်ပြတတ်ပါတယ်၊ ထွန်းအိန္ဒြာဗို့ အရင် ရှစ်နှစ် လောက် စောပြီး ထုတ်လွှင့်ခဲ့တာပါ၊ သူရဲ့ ‘ရည်းစားဦး’ စီးရီး က အတော်ရယ်ရတယ်၊ သူက လွမ်းလွမ်းဆွေးဆွေးပြောနေလေလေ ရယ်ရလေလေပါပဲ။ တချို့ဟာတွေကတော့ သူ့ကိုယ်ပိုင် ထိုးဇာတ်တွေဖြစ်ဖို့များပါတယ်။

ချိုသင်းရေ.. ဒီနေရာမှာတစ်ခုဖြတ်ပြောပါရစေ၊ နိုင်ငံတက္ကသိုလ်တွေကို ဝင်ခွင့်လျှောက်တဲ့အခါ ဆိုင်ရာ စစ်ဆေးချက်တွေအပြင် အက်ဆေး အနည်းဆုံးတစ်ပုဒ် တင်ရတယ်မဟုတ်လား၊ အက်ဆေး သို့မဟုတ် ငါတို့သိကြတဲ့ စာစီစာကုံး ဆိုတာ သူတို့ဆီမှာကတော့ ရေးသူရဲ့ ပင်ကိုယ်ဗီဇအရည်အသွးကို အကဲဖြတ်တဲ့ အရာပါပဲ၊ ဥပမာ ချိုသင်းက ကြောင်မလေးမိဖြူ အကြောင်း အက်ဆေးရေးတယ် ဆိုပါစို့၊ မြန်မာ ကျောင်းသားကျောင်းသူအများစု ရေးရိုးထုံးစံအရ ဆိုရင်တော့ - ကျမတွင် ကြောင်မလေး တစ်ကောင်ရှိပါသည်၊ သူ့အမည်မှာ မိဖြူဖြစ်ပါသည်၊ မိဖြူသည် ငါးကြော်ကို အလွန်ကြိုက်ပါသည်၊ ထို့ပြင် သူသည် ကြွက်ခုတ်ခြင်းဖြင့် ကျမတို့ မိသားစုကို ကူညီပါသည်၊ ကျမသည် မိဖြူကို အလွန် ချစ်ပါသည် --- စသည်ဖြင့် ရေးလေ့ရေးထ ရှိကြတယ် မဟုတ်လား၊ ဒီလိုအက်ဆေးဆိုတာတွေမျိုးမှာ ရေးသူရဲ့ ပုံရိပ်၊ ရေးသူရဲ့ ရှုထောင့်၊ ရေးသူရဲ့  အမြင်တွေကို မတွေ့ရသလောက်ပါ။

ဒါပေမဲ့ နိုင်ငံတကာ မှာကတော့ အက်ဆေးဆိုတာ ရေးသူကို ရှာဖွေကြည့်ရှုတာဖြစ်ပါတယ်၊ ကြောင်မလေးမိဖြူအကြောင်း ရေးတယ်ဆိုရင် မိဖြူအကြောင်းထက် ရေးသူအကြောင်းကို ပိုပြီး စိတ်ဝင်စားတာပါ၊ ချိုသင်းရေးတဲ့ ကြောင်မလေးမိဖြူအကြောင်းကတဆင့် ချိုသင်းကို ကြည့်တာပါ၊ ချိုသင်းရဲ့ ရေးပုံရေးနည်း၊ တွေးထောင့်၊ မြင်ထောင့် က အစ စကားလုံး အသုံးအနှုန်း၊ ဝါကျဖွဲ့ပုံ တင်ပြပုံတွေကနေ ချိုသင်းရဲ့အဆင့်ကို လေ့လာ အကဲဖြတ်တာ ဖြစ်ပါတယ်။

ကိုယ်တို့စခန်းချတဲ့နေရာတွေကို ( ဒီလိုအသုံးအနှုန်းတွေအပေါ် နောက်လူငယ်များ အထင် မကြီးကြစေလိုပါ။ အလကားဟာတွေပါ လူငယ်တို့..။ မင်းတို့ရှေ့က လူတချို့ရဲ့ အမှားတွေပါ။ ဒီကနေ့ လူငယ်တွေ အထင်ကြီးလိမ့်မယ်ရယ်လို့လည်း မယူဆပါ ) နီကိုရဲ လိုက်ပါလာတတ်တဲ့အခါ သူ့ရဲ့ ‘ရည်းစားဦး’ စီးရီးတွေ ဖွင့်ဖွင်ပြတဲ့အခါ သူ့ရဲ့ စီးရီးတွေထဲကနေ သူ့ကို လှမ်းလှမ်းမြင်ရလေ့ရှိပါတယ်။

တစ်နေ့တော့ အိပ်တန်း ပြန်ရောက်ကျတဲ့ ညတညမှာ ကိုတင်ကိုအောင်က ငါ့ကိုမေးတယ်၊ နီကိုရဲ ကို ဘယ်လိုမြင်သလဲပေါ့၊ တောက်မဲ့မီးခဲ တရဲရဲပါပဲ လို့ပဲ ချက်ချင်းပြောလိုက်ပါတယ်။ ဒါပေမဲ့ ကိုယ့်ဆရာက စာရေးတဲ့နေရာမှာသာမက တခြားနေရာတွေမှာပါ ရဲနေတော့တာကိုး။ ပထမ အရက် နည်းနည်းပါးပါး လိုက်သောက်လာတယ်၊ ကိုယ်တို့က မသောက်တတ်ဘဲနဲ့ လိုက်သောက်နေစရာ မလိုကြောင်း တားမြစ်ခဲ့ကြပေမဲ့ အရက်ဝိုင်းတို့ရဲ့ ထုံးစံအတိုင်း ဒီစကား အရာမထင်ခဲ့ပါ၊ နောက်ဆုံးမတော့ သူ့ကို တစ်ယောက်တည်း အရက်သောက်နည်းတောင် ငါက သူ့ကိုသင်ပေးမိခဲ့သဟဲ့ ချိုသင်းရဲ့..။
ရေးဖေါ်ရေးဖက်ချင်းအနေနဲ့ရော အယ်ဒီတာ ( ဒီဝေါဟာရ နဲ့ ငါနဲ့ ထိုက်တန်တယ်လို့ကို အခုထိ မထင်မိပါ) တစ်ယောက်အနေနဲ့ပါ နီကိုရဲ ကို ငါအများကြီး မျှော်လင့်ခဲ့ဖူးပါတယ်၊ အနုပညာမှာ ဟာသရသ ဟာ သိပ်ခက်တယ် မဟုတ်လား၊ ဟာသစာရေးဆရာဆိုတာ တစ်ခေတ်တစ်ယောက် ပေါ်ပေါက်ဖို့ မလွယ်ပါ၊ အဲဒီထဲမှာမှ ခေတ်စနစ်ရဲ့ အခြေအနေကို သရော်လှောင်ပြောင်တတ်ဖို့က ပိုခက်ပါတယ်၊ အခက်ဆုံးကတော့ လူ့ရဲ့စရိုက်တွေ၊ သဘော သဘာဝတွေကို သရော်လှောင်ပြောင်နိုင်တဲ့ ဟာသအရေးအသားဟာ အခက်ခဲဆုံးပါ၊ နီကိုရဲ ကို အဲသလောက်အထိ မျှော်လင့်ခဲ့ဖူးပါတယ်၊ ဒါကိုလည်း သူ သဘောပေါက်တယ် ထင်ပါတယ်၊ သူ့ရဲ့နောက်ပိုင်းအရေးအသားတွေမှာ အဲဒီဘက်ကို တိမ်းညွတ် လာသလားပဲ။
နီကိုရဲအတွက် နင့်ရဲ့လွမ်းစာ၊ ဆရာမ မေငြိမ်းရဲ့ လွမ်းစာတွေ ဖတ်ရပါတယ်၊ နင်တို့နဲ့အတူ ကြေကွဲရပါတယ်၊ ငါကတော့ လွမ်းစာတွေ မရေးချင်ဘူးဟယ်၊ တမ်းစာ တွေပဲ ရေးချင်ပါတယ်၊ သွားလေသူ ဆရာ့ဆရာတွေရဲ့ အရည်အသွေးတွေ၊ တန်ဖိုးတွေကို စနစ်တကျ ဖေါ်ကျူးတဲ့ တမ်းစာမျိုးတွေပေါ့၊ ဒါပေမဲ့ အဲသလို တမ်းစာ မျိုး ပီပီပြင်ပြင် ရေးနိုင်လောက်အောင်ကလည်း ကိုယ့်မှာ ဝမ်းစာ က မရှိဘူးဟဲ့၊ ဒီတော့ နင့်ဆီကိုပဲ နီကိုရဲ နဲ့ ပတ်သက်ပြီး ကွမ်းစာ ရေးလိုက်ရပါတယ်၊ ကွမ်းစာ ဆိုတဲ့အတိုင်း ကွမ်းဝါးပြီးပြောတာ ဆိုတော့ ဗလုံးဗထွေးပေါ့ ဟယ်၊ ငါလည်း အခုတော့ ကွမ်းဝါးနေပါတယ်၊ ဒါပေမဲ့ အမေရိကန်မှာ ကွမ်းက ဈေးကြီး သဟဲ့။

သိပ်မကြာခင်မှာ ကာတွန်းအောင်ပီကျယ်၊ ဝင်းအောင်၊ ဇော်မောင်၊ စောမင်းဝေ၊ စိုးသော်တာ တို့အတွက် လွမ်းစာတွေ မရေးပါရစေနဲ့လို့ ဆုတောင်းရမှာပဲ။

ဘာပဲဖြစ်ဖြစ် မြန်မာဟာသစာပေမှာ နီကိုရဲဟာ အချိန်တိုတောင်းသော်ငြားလည်း တစုံတရာသော မှတ်တိုင်တစ်ခုကိုတော့ စိုက်နိုင်ခဲ့တယ်လို့ ငါတော့ထင်တာပဲ။ ခက်ခဲလှတဲ့ ဟာသအနုပညာကို ရေးဖွဲ့ခဲ့ကြတဲ့ မြန်မာဟာသစာရေးဆရာကြီးတွေကို ပူဇော်ချင်ပါတယ်။

မြန်မာမှာ ပူဇော်ခြင်း (၃)မျိုးရှိပါတယ်၊ ဝေယျာဝစဏနဲ့ပူဇော်တာ၊ ဆုတောင်းပူဇော်တာ၊ အလုပ်နဲ့ ပူဇော် တာတဲ့၊ ငါတော့ မြန်မာဟာသစာပေကို လေ့လာခြင်းဆိုတဲ့ အလုပ်နဲ့ ပူဇော်ချင်ပါတယ်။

ဒါပေမဲ့ ချိုသင်းရေ.. ဟာသကိုခံစားတဲ့အခါ အူနှိပ်နေရအောင် ရယ်မောရတတ်ပေမဲ့ ဟာသကို လေ့လာတဲ့အခါမတော့ မရယ်ရတော့ဘူးဟဲ့၊ ဒီတော့ အရယ်သန်လှတဲ့ ချိုသင်းကြိုက်မှာ မဟုတ်တဲ့အတွက် ငါလည်း မပူဇော်တော့ပါဘူးလို့ ဆုံးဖြတ်လိုက်ပါတယ်၊ ဒီတာဝန်ကို ကိုအော်ပီကျယ်က ဆက်လက် တာဝန်ယူမယ်လို့ လွန်ခဲ့တဲ့ ၁ဝ နှစ်က တာမွေအဝိုင်းမှာ တရားဝင်ပြောကြားခဲ့ပါတယ်၊ ဒီတော့ နီကိုရဲ ရဲ့ ဦးခေါင်း (အဲ ယောင်လို့) ဂမ္ဘီရ လက်ချောင်းတွေကို ကိုအော်ပီကျယ် ဆီကိုသာ လွှဲလိုက်ပါတော့ ချိုသင်း နဲ့ ဆရာမမေငြိမ်းတို့ရေ..။

(မိုးချိူသင်းဘလော့ဂ်က ကူးယူပါတယ်)



မြဝတီမှာ ပေါက်ကွဲမှုဖြစ် အရပ်သား သေဆုံးထိခိုက်မှုရှိ
ကေအိုင်စီ kicnews.org
အောက်တိုဘာလ ၂၃၊ ၂ဝဝ၉
ထိုင်း-မြန်မာနယ်စပ် မြဝတီမြို့တွင် ယနေ့ည ၈နာရီခွဲကျော်အချိန်တွင် ဗုံးပေါက်ကွဲမှုတခုဖြစ်ပွားရာ အရပ် သားတဦး သေဆုံးပြီး ၂ဦး ဒဏ်ရာရရှိခဲ့သည်ဟု ကေအိုင်စီက စုံစမ်းသိရှိရသည်။

အမည်မဖော်လိုသူ မြဝတီမြို့ခံတဦးက 'အခုလေးတင်ပဲ ဗုံးပေါက်ကွဲသံအသံကြားလိုက်တယ်။ အသံက တော့ မိချောင်းကုန်းဘက်ကပဲ။ လက်ပစ်ဗုံးနဲ့ လှမ်းပစ်တာလို့ ပြောနေကြတယ်။ သုံးယောက်ထိတယ်။ တယောက်က ပွဲချင်းပြီးပဲ။ ဒဏ်ရာရတဲ့သူကိုတော့ မြဝတီဆေးရုံကို ခေါ်သွားပြီ'ဟု ပေါက်ကွဲမှုဖြစ်ပြီးပြီး ချင်း ကေအိုင်စီကို ပြောသည်။

ယင်းသို့ ဗုံးပေါက်ကွဲခြင်းမှာ ဝေါ်လေအခြေစိုက် ဒီကေဘီအေ (၉ဝ၇)တပ်သားတဦးက မြဝတီမြို့၊ မိုက် ခရိုဝေ့ဗ်အနီးရှိ အငှားအိမ်တန်းလျားတွင် အလည်လာရာမှ သူယူဆောင်လာသည့် လက်ပစ်ဗုံးမှာ ခလုတ် ပင်ပြုတ်ပြီး ပြန်တပ်မရတော့သဖြင့် လွတ်ချရာမှ ပေါက်ကွဲသွားခြင်းဖြစ်သည်ဟု နီးစပ်သူများက ပြောပြ သည်။
ထိုသို့ လက်ပစ်ဗုံးကို လွတ်ချဖောက်ခွဲလိုက်သူ ဒီကေဘီအေတပ်သားမှာ ထွက်ပြေးသွားပြီး အိမ်တွင် ကျန်ရစ်ခဲ့သည့် အိမ်ရှင်လင်မယားနှင့် အမျိုးသမီးတဦးကို ထိမှန်ကာ အမျိုးသားမှာ ပွဲချင်းပြီး သေဆုံး သွားခဲ့သည်ဟု ကိုယ်တိုင် သွားရောက်ကြည့်ရှုခဲ့သူတဦးက ယခုလို ပြောသည်။

'အဲဒီရဲဘော်လေးက သူ့ရည်းစားဆီလာလည်တာ။ သူယူလာတဲ့ လက်ပစ်ဗုံးက ပင်ပြုတ်သွားတယ်။ အဲဒါ ကို ပြန်တပ်တာမရတော့ ပေါက်တော့မှာပဲဆိုပြီး လွတ်ချပြီး ထွက်ပြေးသွားတယ်။ အဲဒီအိမ်က လင်မယား နှစ်ယောက်ထဲက ယောက်ျားလုပ်သူက ပွဲချင်းပြီးသေတယ်။ သူ့မိန်းမက ခြေထောက်မှာ ဒဏ်ရာရလို့ ဆေးရုံကို ပို့လိုက်တယ်။ အခြားအမျိုးသမီးတယောက်က နည်းနည်းပွန်းပဲ့ရုံပဲလေ'ဟု ဆိုသည်။

လက်ရှိအချိန်တွင် ဗုံးပေါက်ကွဲသည့်နေရာတဝိုက်တွင် မည်သူ့ကိုမျှ ဖြတ်သန်းသွားလာခွင့် တားမြစ်ထား ပြီး အဆိုပါလက်ပစ်ဗုံး လွတ်ချဖောက်ခွဲလိုက်သူ ဒီကေဘီအေတပ်သားကို ဖမ်းဆီးမရသေးကြောင်း သိရ သည်။

ယခု ဗုံးပေါက်ကွဲသည့်နေရာမှာ မြဝတီမြို့၊ အမှတ်(၄)ရပ်ကွက်၏ အပိုင်နယ်မြေ မိချောင်းကုန်းအနီးတွင် ဖြစ်ပြီး ၎င်းမိုက်ခရိုဝေ့ဗ်၏ ကားလမ်းမတဖက်တွင်မူ ဒီကေဘီအေ(၉ဝ၇)မှ ဗိုလ်မုတ်သုန်၏ နေအိမ်ရှိ သည်ဟု ဒီကေဘီအေ အသိုင်းအဝိုင်းနှင့် နီးစပ်သူတဦး၏ ပြောပြချက်အရ သိရသည်။


အရေးတော်ပုံ ရင်ခုန်သူများ (အပိုင်း ၃)
အောင်ဝေး
အောက်တိုဘာ ၂၄၊ ၂ဝဝ၉

အဲဒီနေ့က ဒေါ်အောင်ဆန်းစုကြည် မြန်မာပြည်မှာ လူထုကို ပထမဆုံး မိန့်ခွန်းပြောတဲ့နေ့ပါပဲ။ ၁၉၈၈ ခုနှစ်၊ ဩဂုတ်လ(၂၄)ရက်။ နေရာက ရန်ကုန်ဆေးရုံကြီး နှလုံးရောဂါဆောင်ရှေ့မှာ ဖြစ်ပါတယ်။

ရှစ်လေးလုံး အရေးတော်ပုံကြီး ဒီရေမြင့်တက်လာတာနဲ့ အမျှ ရန်ကုန်မြို့ နေရာအနှံ့မှာ ဒီမိုကရေစီ ဟောပြောပွဲတွေ ခြိမ့်ခြိမ့်သဲသဲ ထွက်ပေါ်လာခဲ့ပါတယ်။ စာရေးဆရာ၊ ကဗျာဆရာတွေ၊ ရုပ်ရှင်နဲ့ ဂီတ အနုပညာသည်တွေ၊ ရှေ့နေတွေ၊ ဆရာဝန်တွေ၊ ကျောင်းဆရာတွေ၊ နိုင်ငံရေးသမားဟောင်းတွေ၊ တပ်မှူးဟောင်းတွေ၊ ကျောင်းသား ခေါင်းဆောင်ဟောင်းတွေ၊ ကိုကိုးက္ဆွန်းပြန်တွေ စသည်ဖြင့် ဟောပြောပွဲ စင်မြင့် အသီးသီးမှာ တက်တက်ကြွကြွ ဟောပြော နေကြတဲ့ အချိန် ဖြစ်ပါတယ်။ ထောင်သောင်းချီတဲ့ ပရိသတ်ကလည်း တစ်ခဲနက် အားပေးနေတဲ့ အချိန်ပါ။

ရန်ကုန်ဆေးရုံကြီးထဲမှာ ဟောပြောပွဲ စင်မြင့်က ပထမ နှစ်ခုရှိခဲ့ပါတယ်။ တစ်ခုက အရေးပေါ်ဌာနဘေးက ကွက်လပ်မှာ ဖြစ်ပါတယ်။ ရန်ကုန်ဆေးရုံကြီးကို စစ်တပ်က သေနတ်နဲ့ ပစ်ခတ်မှု ဖြစ်ပြီးတဲ့နောက်မှာ ၈၈ ကျောင်းသားခေါင်းဆောင်တွေနဲ့ ၇၄-၇၅-၇၆ ကျောင်းသား ခေါင်းဆောင်ဟောင်းတွေ ပူးပေါင်းပြီး ထိုးလိုက်တဲ့ စင်မြင့်ဖြစ်ပါတယ်။ ရန်ကုန်မြို့မှာ ပထမဆုံး ပေါ်ထွက်လာတဲ့ ဒီမိုကရေစီ ဟောပြောပွဲ စင်မြင့်လို့ ဆိုနိုင်ပါတယ်။

ရန်ကုန်ဆေးရုံကြီး ထဲမှာပဲ နောက်ထပ် ဟောပြောပွဲ စင်မြင့် တစ်ခုက နှလုံးရောဂါဆောင်ရှေ့က က္ဆွန်တော်တို့ စာပေနဲ့ အနုပညာရှင်တွေရဲ့ စင်မြင့်ပါပဲ။ ရရာ၊ တွေ့ရာ ရေတိုင်ကီပုံးတွေကို ခင်းပြီး အရေးပေါ် လုပ်ထားတဲ့ စင်တစ်ခုပါပဲ။

၁၉၈၈ ခုနှစ် ဩဂုတ်လ(၂၄)ရက်၊ အဲဒီနေ့က အဲဒီရေတိုင်ကီပုံး စင်မြင့်ပေါ်မှာ ဒေါ်အောင်ဆန်းစုကြည် က 'စည်းကမ်းရှိ ညီညွတ်ပြီး အမှန်တရားနဲ့ ကိုက်ညီတဲ့ အင်အားမျိုးကို က္ဆွန်မတို့ ထူထောင်ရမယ်' ဆိုတဲ့ သူ့ရဲ့ မြန်မာပြည်သူ လူထုကို ပထမဆုံး ပြောကြားတဲ့ မိန့်ခွန်း ပြောခဲ့တာပါ။

ဒေါ်အောင်ဆန်းစုကြည် မိန့်ခွန်းပြောဖို့ စင်ပေါ်ကို တက်လာတော့ ဒေါ်အောင်ဆန်းစုကြည်ကို ဘေးက ခြံရံလို့ စင်ပေါ်ကို အတူ တက်လိုက်လာသူကတော့ ကိုယ်ကလေးစောင်းစောင်း ခေါင်းကလေးစောင်းစောင်းနဲ့ ဆရာမောင်သော်ကပါပဲ။

နောက် ၅ ရက်လောက် ကြာတဲ့အခါမှာတော့ ၁၉၈၈ ခုနှစ် သြဂုတ်လ ၂၈ ရက် ရန်ကုန် တက္ကသိုလ် ဆဲဗင်းဂျူလိုင် ရင်ပြင်မှာ ကျင်းပတဲ့ မင်းကိုနိုင်၊ ကိုကိုကြီး၊ မိုးသီးဇွန် ဗကသများ အဖွဲ့ချုပ် ပြန်လည် ဖွဲ့စည်းခြင်း အခမ်းအနားမှာ စာပေနဲ့ အနုပညာရှင်များ ကိုယ်စား မိန့်ခွန်း ပြောရပါတယ်။ ဆရာက မိန့်ခွန်း ပြောနေစဉ်မှာ သူ့ကဗျာတပုဒ် ထည့်ရွတ်ဆိုသွားခဲ့ပါတယ်။

'ငါ့တွင် ဒဏ်ရာ

ရခဲ့ပါ၏

သို့ငြားသော်လည်း ငါမသေ။

ငါ့ဒဏ်ရာလည်း

သွေးစိမ်းရှင်ထွက်

တစ်သက်မကြေ၊ ငါမသေ။

လဲလျောင်း ခဏ

မနက်ဖြန် ထလို့

ငါတို့တိုက်ပွဲ ဆက်ဆင်နွှဲ' တဲ့။

ဆရာဟာ ရှစ်လေးလုံး အရေးတော်ပုံကြီး အတွင်းမှာ စာပေနဲ့ အနုပညာရှင်တွေကို တပ်ဦးကနေ ရွပ်ရွပ်ချွန်ချွန် ဦးဆောင်ခဲ့တဲ့ ပုဂ္ဂိုလ်ပါ။ ဆရာဟာ မြန်မာနိုင်ငံ လွတ်လပ်ရေးရတဲ့ ပထမဆုံးနေ့မှာပဲ အပျော်လွန်ပြီး သေနတ်ဖောက်မိလို့ စစ်တပ်အချုပ် ကွာတား ကျသွားရတဲ့ ရေတပ်သားကလေး ဘသော် ဘဝကနေ ရေတပ်ဗိုလ်မှူး ဘသော် အဖြစ်နဲ့ တပ်မတော်က အငြိမ်းစား ယူခဲ့တဲ့ နိုင်ငံကျော် စာရေးဆရာကြီး ဖြစ်ပါတယ်။

ရှစ်လေးလုံး အရေးတော်ပုံကြီး အတွင်းမှာ ဗိုလ်ချုပ်ကြီးဟောင်း သူရ ဦးတင်ဦးနဲ့အတူ မျိုးချစ်တပ်မှူးဟောင်းတွေ၊ ကြည်းရေလေ တပ်မတော်သားတွေ လူထုနဲ့ လက်တွဲပြီး ဒီမိုကရေစီ တိုက်ပွဲထဲ ဝင်ရောက်လာကြပါတယ်။

ဆရာမောင်သော်ကဟာ သူဟောပြောတဲ့ စင်မြင့်တိုင်းမှာ တပ်မတော်သားတွေကို ဦးတည်ပြီး ပြည်သူ့ဘက်က ရပ်တည်တဲ့ ပြည်သူ့တပ်မတော်အဖြစ် ကူးပြောင်းလာဖို့ ရဲရဲတောက် ဟောပြောတတ်ပါတယ်။ တချို့စင်မြင့်တွေမှာ သူနဲ့အတူ တပ်မတော်အကြောင်း ပြောဖို့ စစ်တပ်က လတ်တလော ထွက်လာတဲ့ ကဗျာဆရာ နေဇော်နိုင်နဲ့ စစ်သား သားသမီးတစ်ယောက် ဖြစ်တဲ့ ကျနော့်ကို ဆရာက တွဲခေါ်တတ်ပါတယ်။

ကျွန်တော်တို့ စာနယ်ဇင်းသမဂ္ဂ ဖွဲ့စည်းတဲ့ အခါမှာတော့ အားလုံးက ဆရာမောင်သော်ကကို ဥက္ကဋ္ဌအဖြစ် တညီတညွတ်တည်း ရွေးချယ် တင်မြှောက်လိုက်ကြပါတယ်။ ဆရာ ဦးဆောင်ပြီးတော့ ကျွန်တော်တို့ စာနယ်ဇင်းသမဂ္ဂဟာ ဒေါ်အောင်ဆန်းစုကြည်ကို ဝိုင်းရံခဲ့တယ်၊ ကျောင်းသားသမဂ္ဂကို ဝိုင်းရံခဲ့တယ်။ ဆရာ့ဦးဆောင်မှုနဲ့ပဲ ကျွန်တော်တို့ စာနယ်ဇင်းသမဂ္ဂဟာ ရုပ်ရှင် နဲ့ ဂီတ၊ ဒီမိုကရေစီ အင်အားစုတွေကို စုစည်းပြီး ကြီးမားတဲ့ အနုပညာ တပ်ပေါင်းစုကြီးတစ်ခု တည်ဆောက်နိုင်ခဲ့ပါတယ်။

ဆရာမောင်သော်ကဟာ ရှစ်လေးလုံး အရေးတော်ပုံကြီး မတိုင်ခင် ကတည်းက မြန်မာ့ ဆိုရှယ်လစ် လမ်းစဉ် ပါတီကို ဝေဖန်တဲ့ သရော်စာတွေ အမြောက်အများ ရေးခဲ့တဲ့သူပါ။

၁၉၅၆ ဆရာ ရေတပ်ဗိုလ်ကြီးဘဝနဲ့ တနင်္သာရီ ကမ်းလွန် ပင်လယ်ပြင်မှာ သင်္ဘော မုန်တိုင်းမိ နစ်မြှုပ်ပြီး ပင်လယ်ထဲ ရက်ပေါင်းများစွာ မျှောပါ ရုန်းကန်ခဲ့ရတဲ့အကြောင်း ရေးထားတဲ့ 'တိုက်ရေယာဉ် ၁ဝ၃' ဆိုတဲ့ စာအုပ်ထဲမှာ ဆရာ့ရဲ့ ခေါင်းဆောင်ပီသမှု၊ ကိုယ်ကျိုးစွန့် အနစ်နာခံမှု၊ စိတ်ဓာတ် ကြံ့ခိုင် မာကျောမှုတွေကို တွေ့နိုင်ပါတယ်။

ဒေါ်အောင်ဆန်းစုကြည် NLD ပါတီ တည်ထောင်တဲ့အခါ ဆရာဟာ အဖွဲ့ချုပ်ရဲ့ ထိပ်တန်းခေါင်းဆောင်တဦး ဖြစ်လာပါတယ်။ ဒါပေမယ့် မကြာလိုက်ပါဘူး။ ၁၉၈၉ မှာ ဆရာဦးဝင်းတင်၊ ဒေါ်အောင်ဆန်းစုကြည်၊ ဦးတင်ဦးတို့နဲ့ မရှေးမနှောင်းမှာပဲ နဝတ စစ်အစိုးရက တပ်မတော်ကို ဖြိုခွဲတယ် ဆိုတဲ့ စွဲချက်နဲ့ ဆရာမောင်သော်ကကို ဖမ်းဆီးလိုက်ပြီး ၈၉ ခုနှစ် အောက်တိုဘာလမှာ စစ်ခုံရုံးကနေ တစ်သက်တစ်ကျွန်း ထောင်ဒဏ် အနှစ် ၂ဝ ချမှတ်လိုက်ပါတော့တယ်။

၁၉၅၆ ပင်လယ်ပြင်မှာ သင်္ဘောမှောက်တုန်းက အသက် မသေဘဲ ကျန်ခဲ့တဲ့ ဆရာဟာ နာမည်ဆိုးနဲ့ ကျော်ကြားတဲ့ အင်းစိန် အကျဉ်းထောင်ထဲမှာ လူမဆန်တဲ့ စစ်ထောက်လှမ်းရေးတွေ၊ ထောင်အာဏာပိုင်တွေရဲ့ ပြင်းထန်တဲ့ နှိပ်စက် ညှင်းပန်းမှု ဒဏ်တွေကြောင့် ၁၉၉၁ ခုနှစ် ဇွန်လ ၁၁ ရက်နေ့မှာ ကျဆုံးခဲ့ရရှာပါတယ်။

သိမ်ဖြူလမ်း မွတ်ဆလင် သုဿာန်မှာ အကျဉ်းရုံး ပြုလုပ်တဲ့ ဆရာ့ ဈာပနကိုတော့ စစ်တပ်က စောင့်ကြည့်နေတဲ့ ကြားက ကျွန်တော်တို့ လေထန်ကုန်းက စာပေနဲ့ အနုပညာသမားတွေ သွားရောက် ဂါရဝ ပြုခဲ့ကြပါတယ်။

ဆရာဟာ နဝတ စစ်အစိုးရရဲ့ မတရားမှုတွေကို ကြံ့ကြံ့ခံ ခုခံ ရင်ဆိုင်ရင်း သူရဲကောင်း ပီသစွာ ကျဆုံးသွားခဲ့တာပါ။ ဆရာဟာ ပြည်သူ့ရဲ့ သူရဲကောင်း တစ်ဦးပါပဲ။

ဆရာဟာ ဒေါ်အောင်ဆန်းစုကြည်ခေတ် ဒုတိယ လွတ်လပ်ရေး တိုက်ပွဲအတွက် အသက်ပေးသွားတဲ့ အာဇာနည် တစ်ဦးပါပဲ။ ဆရာ့ကို ဆရာ ဘာသာပြန်ခဲ့တဲ့ အင်္ဂလိပ် ကဗျာ တစ်ပိုဒ်နဲ့ ဂုဏ်ပြုလိုက်ပါတယ်။

'သို့ပေလည်း

ပင်လယ်ငှက်က အိပ်တန်းဆီ ပြန်သွားပြီ

သားရဲက သူ့သားရဲတွင်းထဲ ချည်းနင်း လှဲအိပ်

ချွေးသိပ်ရမယ့် ရာသီ ပီပီပင် ရောက်သော်လည်း

ငါ့တဲအိမ် ငါပြင်ဖို့ သွားရဦး၊

ငါ့တဲအိမ် ငါပြင်ဖို့ သွားရဦး - - - '



အောင်ဝေး

၇၊ ၇၊ ၂ဝဝ၉



[ မူရင်း - Radio Free Asia, Burmese Service - လွတ်လပ်တဲ့ အာရှအသံ မြန်မာပိုင်း ]



('တိုက်ရေယာဉ် ၁ဝ၃' ကို http://photayokeking.net/Articlesmm/fighter-ship-103-part-1.html တွင် ဖတ်ရှုနိုင်သည်)




မူးယစ်ဆေးဝါးနှင့် လောင်းကစားလုပ်ငန်းများတွင် ရဲဝန်ထမ်းများပါဝင်
Monday, 26 October 2009 19:51 ရိုးမ ၃
E-mail Print
ဧရာဝတီတိုင်း၊ ဘိုကလေးမြို့ပေါ်တွင် မူးယစ်ဆေးဝါးရောင်းဝယ်မှုနှင့် လောင်းကစားလုပ်ငန်းများကို အာဏာပိုင်များက လျစ်လျူရှုထားပြီး ရဲဝန်ထမ်းများကိုယ်တိုင် ပါဝင်ပတ်သတ်နေကြောင်း မြို့ခံတဦးက ပြောသည်။

ဘိုကလေးမြို့ပေါ်တွင် ချဲ၊ ထီလောင်းကစားဒိုင်ခွဲ တထောင်ကျော်နှင့် မူးယစ်ဆေးဝါးရောင်းဝယ်သူ သုံးရာခန့်ရှိပြီး အမှတ်(၃) ရပ်ကွက် နယ်ထိန်းအောင်ဇော်မင်းကိုယ်တိုင် ချဲထီ ဒိုင်ဖွင့်ထားသည်ဟု ပြောသည်။

'နှစ်လုံး၊ သုံးလုံးရောင်းတဲ့ လက်ခွဲဒိုင်တွေဆီမှ ဂုတ်စီးတွေက လိုက်သိမ်းတယ်၊ အဲဒီမှာ အောင်ဇော်မင်းရဲ့တပည့် သံချောင်းက တမြို့လုံးနီးပါး ငွေလိုက်သိမ်းပေးနေတာ၊ သက်ဆိုင်ရာ အာဏာပိုင်တွေကလည်း လိုင်းကြေးတွေတောင်းပြီး အဲဒီသူတွေကို အကာအကွယ်ပေးနေတာ' ဟု မြို့ခံက ပြောသည်။

ဘိုကလေးမြို့ပေါ်ရှိ လောင်းကစားဒိုင်ချုပ်များမှာ အမှတ် (၃) ရပ်ကွက်တွင် နယ်ထိန်းအောင်ဇော်ဝင်း၊ အမှတ်(၄) ရပ်ကွက်တွင် ဒုရဲအုပ်ဟောင်း သက်ဦး၊ စိုးလေး (မြဂုဏ်ရောင်)၊ ဇော်ဝင်း၊ (၅) ရပ်ကွက်တွင် ရှမ်းမ၊ အီကြာကွေ့ (ခေါ်) စိန်မောင်၊ ဒီလေးလုံးဖိနပ်ဆိုင်၊ သံမဏိ၊ အမှတ်(၈) ရပ်ကွက်တွင် အကျိန်း (မိုးပျံ)၊ မြို့သစ်ရပ်ကွက်တွင် ရယက ဥက္ကဌဟောင်း ဝင်းကြည်တို့ဖြစ်ကြောင်း ၎င်းကဆက်လက်ပြောသည်။

'မူးယစ်ဆေးဝါးနဲ့ ဆေးခြောက်တွေကတော့ အများဆုံးအရောင်းအဝယ်လုပ်တာက အမှတ် (၃) နဲ့ အမှတ် (၅) ရပ်ကွက်တွေမှာ အများဆုံးဘဲ၊ အဲဒါတွေရဲ့ နောက်ဆက်တွဲက ဖောက်ထွင်းမှု၊ လုယက်မှုတွေ မကြာခဏဆိုသလို ဖြစ်နေတာ' ဟု ဆက်ပြောသည်။

ဘိုကလေးမြို့ပေါ်တွင် လောင်းကစားဒိုင်ချုပ် (၁၅) ဦးရှိပြီး နှစ်လုံးထီကို တနင်္လာနေ့မှ သောကြာနေ့အထိ တနေ့ သုံးကြိမ်ရောင်းချ၍ အာဏာပိုင်များက တပတ်လျှင် လိုင်းကြေး ၇ဝဝဝ ကျပ် ကောက်ခံကာ လုပ်ကိုင်နေကြောင်း ဆက်လက်ပြောသည်။

ယင်းကဲ့သို့ ဒေသဆိုင်ရာ အာဏာပိုင်များက လိုင်းကြေးများကောက်ခံကာ နှစ်လုံး၊ သုံးလုံး၊ ဘောလုံးလောင်းကစားလုပ်ငန်းများကို ခွင့်ပြုထားသည့်အတွက် လူငယ်များ အကျင့်စာရိတ္တပျက်စီးလာနေကြောင်း ၎င်းကပြောသည်။


ကျောင်းဆောက်လုပ် ကုန်ကျစရိတ်အတွက် အလှူငွေများ ကောက်ခံ
Saturday, 24 October 2009 16:53 ရိုးမ ၃
E-mail Print

ကျောင်းအကျိုးတော်ဆောင်အဖွဲ့က ဒေသဆိုင်ရာ အာဏာပိုင်များနှင့် ပေါင်း၍ ကျောင်းဆောက်လုပ် ကုန်ကျစရိတ်ကို ကျောင်းသားမိဘများထံမှ အတင်းအကြပ် ကောက်ခံနေလျှက်ရှိသည်။

ရှမ်းပြည်မြောက်ပိုင်း၊ မူဆယ်မြို့ အ.ထ.က (၂) ကျောင်းအကျိုးတော်ဆောင်အဖွဲ့က ၂ဝဝ၇ ခုနှစ်အတွင်းက ဆောက်လုပ်ပြီးစီးခဲ့သည့် ကျောင်းဆောင် ဆောက်လုပ်စရိတ် အကြွေး သိန်း(၈ဝ) ကျော်အတွက် ယခုနှစ်တွင် တောင်းခံနေ ခြင်းဖြစ်သည်။

'ကျောင်းက ၂ဝဝ၇ ကတည်းက ဆောက်ပြီးသွားလို့ ၂ဝဝ၈ တနှစ်လုံးလည်း သုံးပြီးနေပြီ၊ ဘယ်သူမှ စာရင်း မစစ်နိုင်တဲ့အချိန်၊ စာရင်းဇယားတွေမရှိတော့မှ ကျောင်းသားမိဘတွေကို အစည်းဝေးခေါ်ပြီး အလှူငွေတွေ အတင်းထည့်ခိုင်းနေတာ' ဟု ကျောင်းသားမိဘတဦးက ပြောသည်။

ထို့အပြင် ကျောင်းသားများကို ပညာရည်ခ္ဆွန်ဆုပေးရာတွင်လည်း အလှူငွေထည့်ဝင်နိုင်သူများကိုသာ ရွေးချယ်၍ ပေးပြီး အရည်အချင်းပြည့်မှီသူများကို ရွေးချယ်ခြင်းမရှိသည့်အတွက်လည်း ကျောင်းသားမိဘများက မကျေမနပ် ဖြစ်နေကြသည်။

၂ဝဝ၇ ခုနှစ် ကျောင်းဖွင့်ရာသီတုန်းကလည်း နိုင်ငံတော်က မည့်သည့်စရိတ်မှ မကောက်ရန် အမိန့်များ ထုတ်ထားသော်လည်း ကျောင်းအကျိုးတော်ဆောင်အဖွဲ့က ကျောင်းသားသစ်တဦးလျှင် စာရေးခုံအတွက် ငွေကျပ် (၃ဝ,ဝဝဝ) ကောက်ခံခြင်းကို အထက်အာဏာပိုင်များထံ တိုင်ကြားခဲ့သော်လည်း တစုံတရာ အရေးယူခဲ့ခြင်း မရှိကြောင်း အဆိုပါ ကျောင်းသားမိဘက ဆက်ပြောသည်။

'အဲဒီအချိန်က ကျောင်းကော်မတီဥက္ကဌ ဦးအေးကိုကိုက အရင် (မ.ယ.က) ရုံးဝန်ထမ်းဟောင်း၊ ဘဏ္ဍာရေးမှူး ဦးသောင်းထွန်းက (မ.ယ.က) ဥက္ကဌ ဦးညွန့်ဟန်နှင့် ပတ်သက်တဲ့သူ၊ အတွင်းရေးမှူး ဦးမင်းဇော်က စသုံးလုံးရုံးကို အဝင်အထွက်ရှိတယ်၊ စာရင်းစစ် ဦးသန်းမြတ်စိုးက အရင်ပြောင်းရွှေ့သွားတဲ့ (ခ.ယ.က) ဥက္ကဌ ဦးကြည်ဝင်းရဲ့ ညီဖြစ်နေတော့ ဘယ်သူမှ အရေးယူတာမလုပ်ခဲ့ဘူး' ဟု ပြောသည်။

ယခုကဲ့သို့ ကျောင်းအကျိုးတော်ဆောင်အဖွဲ့များ၏ လုပ်ရပ်နှင့်ပတ်သက်၍ မူဆယ်မြို့ခံ ကျောင်းသားမိဘများက တစုံတရာ အရေးယူဆောင်ရွက် ပေးစေလိုကြောင်း ၎င်းက ဆက်လက်ပြောသည်။