Monday, November 24, 2008

နန်းချမ်တောင်း (သို့) နှလုံးသား သံသရာ စက်ဝန်းကို လည်ပတ်စေသူ

နော်ဝေးနိုင်ငံ ထရွန်ဒိမ်း ကျောင်းသား ငြိမ်းချမ်းရေးဆုကို မြန်မာပြည်က အသက် ၂၅ နှစ်သာ ရှိသေးတဲ့ ရှမ်း အမျိုးသမီးလေး နန်းချမ်တောင်းကို မကြာ သေးခင်က ချီးမြှင့်ခဲ့ပါတယ်။
နန်းချမ်တောင်းဟာ နိုင်ငံတကာ ဆုတွေနဲ့ ထူးခြားတဲ့ အခွင့်အလမ်းတွေကို ရှားရှားပါးပါး ရရှိခဲ့တဲ့ ရှမ်းဒုက္ခသည် အမျိုးသမီးလေး တယောက်ဖြစ်ပါတယ်။

ပြီးခဲ့တဲ့ ၂၀၀၅ ခုနှစ် တုန်းက ဆိုရင်တော့ အမေရိကန်သမ္မတ ဂျော့ခ်ျ ဒဘလျူ ဘွတ်ရ်ှဟာ သူမကို အိမ်ဖြူ တော်ထဲမှာ ဖိတ်ကြားပြီး တွေ့ဆုံခဲ့ပါသေးတယ်၊ ချမ်တောင်းဟာ ကမ္ဘာမှာ သြဇာတက္ကိမ အရှိဆုံး ပုဂ္ဂိုလ်ကြီးကို တနာရီလောက်ကြာအောင် မြန်မာပြည်က ပြည်သူတွေရဲ့ ဒုက္ခဆင်းရဲတွေ အကြောင်း ပြောပြနိုင်ခဲ့ပါတယ်။

ဒါတင်မကပါဘူး။ နန်းချမ်တောင်းဟာ ၂၀၀၆ ခုနှစ်ထဲမှာလည်း ဗြိတိသျှ နိုင်ငံခြားရေး ၀န်ကြီး ဂျက်စထရောနဲ့ လွတ်တော်အမတ်တွေကို တွေ့ဆုံခွင့် ရခဲ့ပြန်ပါတယ်၊ ဒါဟာ ထိုင်းနိုင်ငံမှာ နေထိုင်နေရတဲ့ မြန်မာပြည်က ဒုက္ခ သည်တွေအတွက်တော့ စဉ်းစားမိဖို့ရာတောင် မလွယ်တဲ့ အခွင့်အလမ်းတွေ ဖြစ်ပါတယ်။

နန်းချမ်တောင်းဟာ ဒီလို အခွင့်အလမ်းတွေ ရခဲ့တဲ့ အပြင် နာမည်ကျော် မာရီကလဲ အမျိုးသမီး မဂ္ဂဇင်းကြီးရဲ့ ၂၀၀၄ ခုနှစ် ကမ္ဘာပေါ်က ထင်ရှားကျော်ကြားတဲ့ အမျိုးသမီးတွေ စာရင်းမှာ ဖော်ပြခံခဲ့ရသလို ၂၀၀၅ ခုနှစ်မှာ တိုင်းမ် မဂ္ဂဇင်းရဲ့ အာရှ သူရဲကောင်းအဖြစ် ဖော်ထုတ်ခြင်းကိုလည်း ခံခဲ့ရပါသေးတယ်၊ နိုင်ငံတကာ ရီးဘောက် လူ့အခွင့်အရေး ဆုကိုတော့ ၂၀၀၅ ခုနှစ်မှာ ချီးမြှင့်ခံခဲ့ရပါတယ်။

နန်းချမ်တောင်းကို တွေ့ဆုံ စကားပြောခွင့်ရတဲ့ နေရာကတော့ ထိုင်းနိုင်ငံ ချင်းမိုင် တက္ကသိုလ်က နိုင်ငံတကာ စင်တာရဲ့ ကော်ဖီဆိုင်လေးမှာ ဖြစ်ပါတယ်၊ သူဟာ နိုင်ငံခြားသား လှုပ်ရှားသူတချို့နဲ့ မြန်မာပြည်အရေး ဆွေး နွေးနေခဲ့ပါတယ်။

အခုလို နိုင်ငံတကာ ချီးမြှင့်မှုတွေ ရရှိတာနဲ့ ရောင့်ရဲမနေပဲ အများကြီး ဆက်ကြိုးစားဖို့ လိုသေးတယ်လို့ နန်းချမ် တောင်းက ပြောပါတယ်။

“ကျွန်မတို့လုပ်ခဲ့တဲ့ အလုပ်တွေအပေါ်မှာ နိုင်ငံတကာက အသိအမှတ်ပြုမှုတွေ အမြောက် အများရပေမဲ့လည်း ၀မ်းနည်းစရာကောင်းတာက လက်တွေ့မှာ မြန်မာစစ်အုပ်စုက ပြစ်မှုတွေကို ဆက်လက် ကျူးလွန် နေဆဲဖြစ်ပါတယ်၊ ပြည်သူတွေအပေါ်မှာ ရက်စက် ယုတ်မာမှုတွေ လုပ်နေဆဲဖြစ်ပါတယ်၊ ကျွန်မတို့ လိုချင်တဲ့ ပန်းတိုင်ကို ရောက်နိုင်ဖို့ လွယ်လွယ်နဲ့ ဖြစ်မှာ မဟုတ်ဘူးဆိုတာ သိထားတဲ့ အတွက်လည်း ကျွန်မတို့တတွေ အတူတကွ လက်တွဲကြဖို့လိုတယ်၊ လူထုကြားမှာ တည်ဆောက်ရေးလုပ်ငန်းတွေနဲ့ နိုင်ငံတကာ ကူညီ ထောက်ပံ့ မှုတွေ ပူးပေါင်းခြင်းအားဖြင့် တချိန်ချိန်မှာ အပြောင်းအလဲ ဖြစ်လာရမှာပါ၊ ကျွန်မတို့တတွေ မျှော်လင့် ချက်ကို ဆုပ်ကိုင်ထားဖို့လိုပါတယ်၊ ကြုံလာသမျှ အခက်အခဲတွေကို အရှံးးမပေးဖို့လိုပါတယ်။”

နန်းချမ်တောင်းကို ပြည်တွင်းစစ်တွေ ဖြစ်နေခဲ့တဲ့ ရှမ်းပြည်အလယ်ပိုင်းမှာ မွေးဖွားခဲ့တာပါ၊ သူ့အဖေကတော့ မြန်မာစစ်အုပ်စုကို တော်လှန်နေတဲ့ ရှမ်းပြည်တပ်မတော်က တပ်မှူးတယောက် ဖြစ်ခဲ့ပါတယ်၊ နန်းချမ်တောင်း အသက် ၆ နှစ် ရောက်တဲ့ အချိန်မှာပဲ နယ်စပ်မှာ ရှိတဲ့ မိဘမဲ့ ဂေဟာ တခုကို သူ့မိဘတွေက ပို့ထားလိုက် ပါတယ်၊ အဲဒီမှာရှိတဲ့ ဆရာမရဲ့ တင်းကြပ်တဲ့ စည်းမျဉ်းစည်းကမ်းတွေ အောက်မှာ ချမ်တောင်းတယောက် ကြီးပြင်း ခဲ့ရတာပါ၊

နယ်စပ်က ချမ်တောင်းနေခဲ့ရတဲ့ မိဘမဲ့ ဂေဟာလေးကို သွားကြည့်တဲ့ အခါမှာတော့ ခြံဝန်းလေးတခုထဲမှာ ကလေး အယောက် သုံးဆယ်လောက် စာသင်နေကြတာကို တွေ့ ရပါတယ်၊ အမိုးသာ ရှိပြီး အကာမရှိတဲ့ လေဟာပြင် စာသင်ခန်းလေးထဲမှာ ဆရာတယောက်က တရုတ်စာသင်ပေးနေပြီး ကလေးတွေက နောက်က လိုက်ဆို နေကြ ပါတယ်။

ကလေးတွေရဲ့ စာအံသံတွေ ကြားကဖြတ်လာပြီးတဲ့ နောက်မှာတော့ ဂေဟာကို တည်ထောင်ခဲ့တဲ့။ အသက် ၇၀ လောက် ရှိပြီဖြစ်တဲ့ ဆရာမကြီး မေရီကို တွေ့ရပါတယ်၊ ဆံပင်တွေ ဖြူနေပြီဖြစ်ပေမဲ့လည်း ဆရာမမေရီရဲ့ မျက်လုံး တွေကတော့ စွမ်းအားတွေ ပြည့်ဝနေသလိုပါပဲ၊ တောက်ပနေပါတယ်၊ သတ္တိရှိတဲ့။ အရာရာကို ရင်ဆိုင် ရဲတဲ့ ရှားပါးတဲ့ အမျိုးသမီးတယောက်ရဲ့ အင်အားတွေကို တွေ့မြင်နေရပါတယ်။

“ကျွန်မကို ဘုရင်ဂျီ သီလရှင်တွေက သင်ကြားပေးခဲ့တာပါ၊ သူတို့တွေကို အတုယူပြီး ကလေးတွေကို ကျွန်မပြန်သင်ကြားပေးပါတယ်၊” ပြောရင်း ဆရာမမေရီက အနည်းငယ် ရယ်မော လိုက်ပါတယ်။

“မနက်စောစော လေးနာရီခွဲမှာ သူတို့တွေ အိပ်ရာထရတယ်၊ ကိုယ်လက်သန့် ရှင်းရေးလုပ်ရတယ်၊ ငါးနာရီ ခွဲရင်တော့ အင်္ဂလိပ်စာသင်ဖို့ အဆင်သင့်ဖြစ်နေရတယ်၊ ၆ နာရီ ခွဲအထိ အင်္ဂလိပ်စာ သင်ရတယ်၊ အဲဒီ နောက်တော့ သူတို့တွေ အတွက် ရမယ့် မုန့်ဖိုးလာယူ အ၀တ်အစားလဲပြီး ထိုင်းကျောင်းကို သွားရပါတယ်၊” ဆရာမမေရီအိမ်မှာ နေတဲ့ မိဘမဲ့ ကလေးတွေက တရက်ကို မုန့်ဘိုး ဆယ် ဘတ်ရကြပါတယ်။

“ထိုင်းကျောင်းက ပြန်လာရင် သူတို့အလုပ်တွေ သူတို့လုပ်ရတယ်၊ အဲဒီနောက် သူတို့ညစာ စားရပါတယ်၊ ညနေ ၆ နာရီကနေ ၇ နာရီ အထိတော့ ရှမ်းစာသင်ရတယ်၊ ၇ နာရီကနေ ၈ နာရီ အထိ သူတို့ ယက္ကန်း ယက်ရပါတယ်၊ ည ၈ နာရီက ၉ နာရီအထိတော့ သူတို့ အိမ်စာလုပ်ရတယ်၊ စာကျက်ရတယ်၊ ၉ နာရီထိုးတာနဲ့ အိပ်ရပါတယ်။”

ဒါဟာ နန်းချမ်တောင်းတယောက် ၉ နှစ်ကျော်။ ၁၀ နှစ်နီးပါး နေခဲ့စဉ်ကတည်းက ကလေး တွေအတွက် အချိန် စာရင်းဖြစ်ပါတယ်၊ ဆရာမမေရီရဲ့ အိမ်မှာနေတဲ့ ကလေးတွေက အပတ်စဉ် စနေ။ တနင်္ဂနွေရက်တွေမှာ တရုတ် စာကိုလည်း သင်ကြရပါသေးတယ်၊ ဒါကြောင့် ဒီဂေဟာမှာ ကြီးပြင်းခဲ့တဲ့ နန်းချမ်တောင်းတယောက် သူ့မိခင်ဘာသာစကားဖြစ်တဲ့ ရှမ်းစကား အပြင်။ ထိုင်း။ တရုတ်နဲ့ အင်္ဂလိပ်စကားတွေကို ပိုင်ပိုင်နိုင်နိုင် ရေးနိုင် ပြောနိုင်တာ ဖြစ်ပါ တယ်။

ဒီလို တင်းကြပ်တဲ့ စည်းကမ်းတွေ အောက်မှာ နေခဲ့ကြရပေမယ့်လည်း ဆရာမမေရီကို ကလေးတိုင်းက ချစ် ကြောက် ရိုသေကြတယ်လို့ နန်းချမ်တောင်းက ပြောပြပါတယ်။

“ဆရာမ မေရီဟာ အင်မတန် ခွန်အားရှိတဲ့ အမျိုးသမီးပါ၊ စကားပြောရင်လည်း ပွင့်ပွင့်လင်းလင်း ပြောတတ် ပါတယ်၊ အလုပ်လည်း သိပ်ကြိုးစားပါတယ်၊ ဒါတင်မကဘူး။ သူ့အိမ်က ကလေးတွေကိုသာမကဘူး တွေ့သမျှ လူအားလုံးကို ကြင်နာတတ်တဲ့ သူတ ယောက်လည်း ဖြစ်ပါတယ်၊ သူ့မှာရှိတဲ့ အသိပညာ။ အတတ်ပညာ တွေကိုလည်း သူတတ်နိုင် သမျှ တခြားသူတွေကို ပေးနိုင်အောင် ကြိုးစားလေ့ရှိပါတယ်။”

ဆရာမ မေရီဟာလည်း မိဘမဲ့ ဘ၀နဲ့ ကြီးပြင်းခဲ့ရသူ တယောက်ဖြစ်ပါတယ်၊ သူ့အသက် ၂ လသား အရွယ်မှာ ကွန်ဗင့်ကျောင်းမှာရှိတဲ့ သီလရင်တွေကို သူ့ဆွေမျိုးတွေက ပေးပစ်ခဲ့ တာပါ၊ သူဟာ အဲဒီ စစ္စတာတွေရဲ့ သင်ကြားမှုအောက်မှာ ကြီးပြင်းခဲ့ရတာပါ၊ အသက် ၂၃ နှစ်အရွယ်မှာတော့ မိသားစု ပြသနာတခုကြောင့် သူဟာ ထိုင်းနယ်စပ်ကို ထွက်ခွာခဲ့ပါတယ်။

နယ်စပ်ကိုရောက်တဲ့ အချိန်မှာတော့ အဲဒီမှာ ရှိနေတဲ့ မိဘမဲ့ကလေးတွေကို တလှည့် ပြုစု စောင့်ရှောက်ရင်း ဒီမိဘမဲ့ ဂေဟာလေးကို တည်ထောင်ဖြစ်သွားတာ ဖြစ်ပါတယ်၊ ဆရာမမေရီက သူ့တပည့်ဖြစ်တဲ့ နန်းချမ်တောင်း ဟာလည်း ဘယ်တော့မှ အရှံးမပေးတတ်တဲ့ လုံ့လ၀ီရိယ ရှိသူလေးတယောက်ဖြစ်တယ်လို့ ပြောပြပါတယ်။

“သူက သိပ်စိတ်ကောင်းရှိတယ်၊ သူဟာ အကောင်းဆုံးဖြစ်အောင် အမြဲကြိုးစားတယ်၊ ဘာပဲ ဖြစ်ဖြစ် နေရာ တိုင်းမှာ စိတ်ရှည်သည်းခံနိုင်တယ်၊ ကျွန်မသူ့အတွက် သိပ်ဂုဏ်ယူပါတယ်၊ ကလေးတွေကို စာသင်တဲ့ အခါ တိုင်းမှာ ချမ်တောင်းကိုနမူနာပေးပြီး အမြဲတမ်းပြောပြပါတယ်၊ ‘မင်းတို့ သူ့လိုဖြစ်အောင် လုပ်ကြရမယ်။ သူ့လို ကြိုးစားရမယ်၊ ငါက စာသင်ပေးတဲ့ သူဖြစ်တယ်။ မင်းတို့က ပညာရှာတဲ့ သူတွေဖြစ်တယ်၊ မင်တို့ကြိုး စားဖို့လိုတယ်’လို့ သူတို့ကို ပြောပါတယ်၊ ချမ်တောင်းက သိပ်ကောင်းတဲ့ ကလေးပါ၊ ဒါပေမဲ့ ကျွန်မကတော့ သိတဲ့အတိုင်းပဲ တင်းတင်းကြပ်ကြပ် ကြီးကြပ်ခဲ့တယ်၊” ဆရာမမေရီက ရယ်မောရင်း ပြောပြ တယ်။

အသက် ၁၆ နှစ်အရွယ်ရောက်တဲ့ အချိန်မှာတော့ ချမ်တောင်းဟာ ဒုက္ခမျိုးစုံထဲက သူ့လူမျိုးတွေအတွက် အလုပ်တွေ စလုပ်ပါတော့တယ်၊ လူ့အခွင့်အရေး အဖွဲ့တွေနဲ့ စာစောင်တွေအတွက် ၁ နှစ်ကြာအောင် အလုပ် လုပ်ပေးပြီးတဲ့ အချိန်မှာတော့ ချမ်တောင်းဟာ ဂျနီဗာမှာ ရှိတဲ့ ကုလသမဂ္ဂလူ့အခွင့်အရေး ကော်မရှင် ရှေ့မှောက်မှာ နိုင်ငံတကာက ခေါင်းဆောင်တွေကို သူ့ရဲ့ ပြည်သူတွေခံစားနေရတဲ့ ဒုက္ခသုက္ခတွေ အကြောင်း ပြောပြခွင့် ရနေပါပြီ။

သူဟာ ရှမ်းအမျိုးသမီးရေးရာ ဆက်သွယ်ဖလှယ် လှုပ်ရှားဆောင်ရွက်ရေး အသင်း ကိုလည်း တခြား ရှမ်းအမျိုး သမီး လှုပ်ရှားသူတွေနဲ့ ပူးပေါင်း တည်ထောင်ခဲ့သူ ဖြစ်ပါတယ်၊ အဲဒီ အမျိုးသမီးအဖွဲ့မှာ လုပ်ကိုင်နေယင်းနဲ့ပဲ ချမ်တောင်းဟာ မြန်မာပြည်က အမျိုးသမီးလေးတွေ ထိုင်းနိုင်ငံက လိင်လုပ်ငန်းတွေမှာ ရောင်းစားခံနေရတာကို ကာကွယ်တဲ့ လုပ်ငန်းတွေနဲ့ ရှမ်းပြည်က ကလေးတွေအတွက် ပညာရေးလုပ်ငန်းတွေထဲမှာ ပါဝင်လုပ်ကိုင် ခဲ့ပါတယ်။

ချမ်တောင်းဟာ နိုင်ငံတကာ စည်းရုံးလှုံ့ဆော်ရေးလုပ်ငန်းတွေကိုလည်း လုပ်ဆောင်ပါတယ်၊ သူဟာ ရှမ်းအမျိုး သမီး အဖွဲ့ရဲ့ လှုံ့ဆော်စည်းရုံးရေး အဖွဲ့ဝင်တယောက်ဖြစ်ပါတယ်။

ရှမ်းပြည်ကနေ ထိုင်းနိုင်ငံထဲကို ရွှေ့ပြောင်း အလုပ်လုပ်ကိုင်ကြတဲ့ လူငယ်လေးတွေအတွက် ကျောင်းတကျောင်း ကိုတော့ နောက်ပိုင်းမှာ နန်းချမ်တောင်းဟာ ထူထောင်ခဲ့ပါတယ်။

“ရှမ်းဒုက္ခသည်တွေ စုပေါင်းပြီး ရှမ်းပြည်က တိုင်းရင်းသား လူမျိုးစု လူငယ်တွေ အတွက်ကျောင်းတကျောင်းကို ၂၀၀၁ ခုနှစ်မှာ ထူထောင်ခဲ့ပါတယ်၊ ကျွန်မတို့တွေ ဒီလို ထူထောင်ခဲ့ရတဲ့ အကြောင်းရင်းကတော့ ကုလသမဂ္ဂ ဒုက္ခသည်များ မဟာမင်းကြီးက ထိုင်းနိုင်ငံမှာ ရှိနေတဲ့ ရှမ်းတွေကို ဒုက္ခသည်အဖြစ် အသိအမှတ်မပြုလို့ပါ၊ အဲဒီလို ဒုက္ခသည်အဖြစ် အသိအမှတ်မပြုခံရတဲ့ အတွက် အခြေခံလိုအပ်ချက်တွေဖြစ်တဲ့ စားရေး။ နေရေး။ ကျန်းမာရေး။ ပညာရေး စောင့်ရှောက်မှုတွေကို သူတို့ မရခဲ့ကြပါဘူး၊ လူငယ်တွေအတွက် အထူးသဖြင့် အမျိုး သမီးတွေ အတွက်ကတော့ အခြေအနေပိုဆိုးပါတယ်၊ ”

အိမ်ရှင်ထိုင်းနိုင်ငံက ချမှတ်တဲ့ မူဝါဒတွေအောက်မှာ လုပ်ငန်းတွေ လုပ်ဆောင်နေရတဲ့ ကုလသမဂ္ဂဒုက္ခသည် ဆိုင်ရာ မဟာမင်းကြီးရုံးဟာ ရှမ်းလူမျိုး ဒုက္ခသည်တွေအတွက်တော့ လုံခြုံမှု မပေးနိုင်ခဲ့ပါဘူး၊

“ကျွန်မ အဲဒီကျောင်းမှာ ဒါရိုက်တာအနေနဲ့ တာဝန်ထမ်းဆောင်ပါတယ်၊ အခုဆိုရင် ကျောင်းမှာ ဘာသာရပ်တွေ အဖြစ်နဲ့ လူ့အခွင့်အရေး။ ဒီမိုကရေစီ။ ကွန်ပြူတာပညာနဲ့ အင်္ဂလိပ် စာတွေ တတ်ကျွမ်းအောင် သင်ကြားပေး ပါတယ်၊ သူတို့ရဲ့ အသိုင်းအ၀ိုင်း တွေကြားမှာ ဒီပညာတွေ ပြန်အသုံးချနိုင်အောင်လို့ပါ၊ သူတို့တွေကို လူ့အခွင့် အရေး မြှင့်တင် သူတွေလဲ ဖြစ်လာစေချင်ပါတယ်။”

သူတို့ တည်ထောင်ခဲ့တဲ့ ကျောင်းလေးရဲ့ အသီးအပွင့်တွေကိုတော့ ချမ်တောင်းက အခုလို ဆက်ပြောပြပြန် ပါတယ်။

“အခုဆိုရင် သူတို့ထဲက တချို့ဟာ ရပ်ရွာလူထုအခြေပြု ရေဒီယို အသံလွှင့်ဌာနမှာ အစီအစဉ် ကြေညာသူတွေ ဖြစ်နေပါပြီ။ တချို့ကတော့ အိတ်ခ်ျအိုင်ဗီ။ အေအိုင်ဒီအက်စ်အကြောင်း ပညာပေးသူတွေ ဖြစ်နေပါပြီ၊ တချို့က ကျောင်းဆရာတွေဖြစ်လာတယ်၊ တချို့က ဆေးဝန်ထမ်းတွေ ဖြစ်နေကြပါပြီ၊ တချို့တွေကတော့ အမျိုးသမီး အဖွဲ့တွေ။ မီဒီယာ အဖွဲ့အစည်းတွေထဲမှာ လုပ်ကိုင်နေပါတယ်၊ တချို့တွေကဆို နိုင်ငံတကာ လှုပ်ရှားသူတွေ အဖြစ်နဲ့ အမျိုးသမီးတွေရဲ့ အခြေအနေတွေ။ မြန်မာနိုင်ငံရဲ့ လူ့အခွင့်အရေး အခြေအနေတွေ ကို နိုင်ငံတကာက သိအောင် လုပ်ဆောင်နေကြပါတယ်။”

မိဘမဲ့ကလေးတယောက် အနေနဲ့ ကြီးပြင်းခဲ့တဲ့ မေရီကလေးဟာ မိဘမဲ့ကလေးတွေကို ပြန်စောင့်ရှောက်ရင်း ဂေဟာ လေးတခုကို ထူထောင်ခဲ့ပါတယ်၊ အကွယ်အကာမဲ့နေတဲ့ ကလေးတွေကို ပညာတတ်တွေ ဖြစ်အောင် ပြုစုပျိုး ထောင်ပါတယ်၊ အဲဒီ ဂေဟာလေးမှာ ကြီးပြင်းခဲ့ရတဲ့ နန်းချမ်တောင်းတယောက်ကတော့ တိုင်းပြည်အရေး လှုပ်ရှား သူ။ ငြိမ်းချမ်းရေး တည်ဆောက်သူ။ ပညာပေးသူ တယောက်ဖြစ်လာခဲ့ပါတယ်၊ အခုတခါ နန်းချမ် တောင်းက လည်း သူနဲ့ ဘ၀တူ ဒုက္ခသည် ရှမ်းလူငယ်လေးတွေကို ပညာအမွေ ထပ်ဆင့်ပေးနိုင်ခဲ့ပါပြီ။

ဒီလိုနဲ့ မေတ္တာနဲ့ ဖွဲ့စည်းထားတဲ့ ပညာရေး နှလုံးသား စက်ဝန်းလေးဟာ ဆက်လက်လည်ပတ်လို့ နေပါတယ်။

(ဒီ နန်းချမ်တောင်းရဲ့ အထုပ္ပတ္တိ ဆောင်းပါးကို နိုင်ငံတကာ အမျိုးသမီးများနေ့ အထိမ်း အမှတ် အနေနဲ့ ရေး သားထားတာ ဖြစ်ပါတယ်။)

by kvso လေဆန်ငှက်

မြန်မာပြည်လွတ်မြောက်ရေးအဖွဲ့ ချူပ် (Free Burma Federation) ၏ သတင်းစာစောင် အမှတ် (၁) ။

FBF Newsletter No. (1)

Get your own at Scribd or explore others: Burma

မြန်မာပြည်လွတ်မြောက်ရေးအဖွဲ့ ချူပ် (Free Burma Federation) ၏ အမျိုးသားရေး နှိုးဆော်လွှာ။

FBF Announcement 1-2008

Get your own at Scribd or explore others: Burma

(၈၈) နှစ်မြောက် အမျိုးသားအောင်ပွဲနေ့  - အမျိုးသားဒီမိုကရေစီအဖွဲ့ ချူပ်၏ ကြေညာစာတမ်း။

NLD Statement

Get your own at Scribd or explore others: Burma

ပြည်သူတွေ သတ္တိရှိကြစေချင်တဲ့ ဇေယျာသော် (မတရား အမိန့် မချခံရခင် ၁၀ မိနစ်အလို)။


Photobucket

ဟာသအလုပ်ခံနေရသည့် ဗိုလ်ချုပ်ကြီးများ

Monday, 24 November 2008 15:02 ရဲနည်
လက်ရှိ မြန်မာ နိုင်ငံသည် ရန်သူ သိမ်းပိုက် ခံနေရသည့် တိုင်းပြည် တခုကဲ့သို့ ဖြစ်နေသည့် အပြင် စစ်အစိုးရကို ဆန့်ကျင်သော သံဃာတော်များနှင့် လှုပ်ရှား တက်ကြွသူ များကိုလည်း နေ့စဉ်ညတိုင်း ပြင်းပြင်းထန်ထန် ဖိနှိပ်ဖြိုခွဲနေဆဲ ဖြစ်သည်။

www.momaka.com မှ ကာတွန်း
၂၀၀၇ ခုနှစ် စက်တင်ဘာလအတွင်း မြန်မာနိုင်ငံတွင် သွေးမြေကျရမှုနှင့် ၎င်းနောက်ပိုင်း ယခုနှစ်မေလက အဖျက်အဆီး ကြီးမားလှသော ဆိုင်ကလုန်းမုန်တိုင်း တိုက်ခိုက်ခံရမှုအပေါ်တွင် စစ်အစိုးရ၏ အကြင်နာတရားမဲ့ တုံ့ပြန် ဆောင်ရွက် မှုများကြောင့် ကမ္ဘာတဝန်း ဒေါသူပုန်ထခဲ့သည်။

အထူးသဖြင့် စစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေအပေါ်တွင် ပို၍ ဒေါသဖြစ်ခဲ့ကြသည်။ မည်သို့ပင်ဖြစ်စေ လူအများ၏ အမြင်တွင် သွေးအေးအေးဖြင့် ရက်စက်သည့် ခေါင်းမာသော ဗိုလ်ချုပ်ကြီးများကို ရယ်သွမ်းသွေးစရာ၊ ဒေါသထွက်စရာ ရုပ်ပြောင်များအဖြစ် ဆက်လက်သဘောထားခဲ့ကြပြန်သည်။

ဗိုလ်ချုပ်ကြီးများ၏ ကျောက်သားကဲ့သို့ တင်းမာနေသော မျက်နှာပေးနှင့် ပုံမှန်မြင်နေကျ ရုပ်ပုံများကို လူအများက ကာတွန်းများ ပြန်ဆွဲကြသလို ဓာတ်ပုံများကို ပြန်လည်ပြုပြင်၍ ပြောင်ချော်ချော် ပြုမူခဲ့ကြသည်။ ဤပုံများကို အင်တာနက်ပေါ်တွင် တင်ထားကြပြီး စစ်အစိုးရ ဆန့်ကျင်သူများက အင်တာနက်ပေါ်မှ ပြန်လည်ဆွဲချကာ နီးစပ်ရာသို့ ဖြန့်ဝေခဲ့ကြသည်။

လူကြိုက်အများဆုံးသော ဗိုလ်ချုပ်မှူးကြီးသန်းရွှေ၏ပုံမှာ နိဗ္ဗာန်ယာဉ်ပေါ်တွင် ကွာတားဘောင်းဘီတို ဝတ်ကာ ရပ်နေရင်း သူ၏ စစ်တပ်ကို စစ်ဆေးနေသော ပုံဖြစ်သည်။

ပုံတူကူးထပ်ထားသော နောက်ထပ်ပုံတပုံတွင် ဗိုလ်ချုပ်မှူးကြီးကို အယ်လ်ကေဒါ အဖွဲ့ခေါင်းဆောင် အိုစမာဘင်လာဒင် နှင့် ထပ်တူပြုထားပြန်သည်။ နောက်ထပ်တပုံမှာ မြန်မာနိုင်ငံတွင် လူသိများသည့် ရမ်ဘို (၄) ရုပ်ရှင်ကြော်ငြာ ပိုစတာနဘေး၌ ဗိုလ်ချုပ်မှူးကြီးသန်းရွှေက ရမ်အရက်ပုလင်းကြီးတလုံးကို ပိုက်ထားသော ပုံဖြစ်သည်။ ဤပုံတွင် ဗိုလ်ချုပ်မှူးကြီးသန်းရွှေကို “ရမ်ဗိုလ်” ဟု အမည်ပေးထားသည်။ “ရမ်” အရက်ကိုသောက်၍ ဘိုကျ ရမ်းကားနေသူဟု ဆိုလိုခြင်းပင် ဖြစ်သည်။

နောက်တခုမှာ အငြိမ့်ပိုစတာတခုသဖွယ် ပြုထားခြင်းဖြစ်ပြီး “ချီးလေးချီး” နှင့် “ခွေးရောင်စုံအငြိမ့်” အမည်ပါ ပိုစတာ ဖြစ်သည်။ နိုင်ငံကျော် အငြိမ့်အဖွဲ့တခုဖြစ်သော သီးလေးသီးနှင့် ဆေးရောင်စုံအဖွဲ့ကို ရည်ညွှန်း၍ ယင်းစကားစုနှင့် မြန်မာပြည်ကို အုပ်စိုးနေသော ဗိုလ်ချုပ်ကြီးလေးဦးကို ပေါင်းစပ် ကြည့်လိုက်သော် ရွံစရာ ပစ္စည်းလေးခုနှင့် ခွေးရောင်စုံတအုပ် ဖြစ်သွားသည့်ဟန် သရုပ်ဖော်ထားခြင်း ဖြစ်သည်။

စစ်အစိုးရကို သရော်သည့်ပုံစံ တခုတွင် ရန်ကုန်မြို့၏ လမ်းများပေါ် ခြေဦးတည့်ရာ သွားနေသော ခွေးလေခွေးလွင့် များ၏ လည်ပင်းတွင် ဗိုလ်ချုပ်မှူးကြီး၏ ပုံများချိတ်ဆွဲကာ လွှတ်ပေးလိုက်ခြင်းသည်လည်း တခုအပါအ၀င် ဖြစ်သည်။

အင်တာနက်ပေါ်တွင် ၎င်းပုံများကို အလျင်အမြန် တွေ့နေကြရခြင်းမှာ မောင်တီထွင် (Mr. Creator) ဟု အမည်ခံထားသည့် ပြည်ပရောက် မြန်မာအနုပညာရှင်တဦး၏ ဖန်တီးမှု လက်ရာကြောင့် ဖြစ်သည်။ ဆွဲချခံရသော သူ၏ ဓာတ်ပုံများနှင့် ကာတွန်းများသည် ဆိုက်ဘာအတိုက်အခံများ အကြား အထူးပင် ရေပန်းစားလှသည်။

အင်တာနက် နည်းပညာသည် မောင်တီထွင်ကဲ့သို့သော အနုပညာရှင်များအတွက် မြန်မာစစ်အစိုးရ ခေါင်းဆောင်များ ကို ပစ်မှတ်ထား ပျက်ရယ်ပြုတိုက်ခိုက်ရန် ထိရောက်သည့် လက်နက်တခုအဖြစ် စွမ်းဆောင်ပေးနေသည်။

ဟားဗတ် တက္ကသိုလ်၊ အင်တာနက်နှင့် လူမှု အဖွဲ့အစည်းဆိုင်ရာ ဘာ့မင်ဌာန (Berkman Center for Internet & Society at Harvard University) အတွက် မရီဒူလ်ချောင်ဒရီ ရေးသားသည့် လေ့လာရေးစာတမ်း တခုဖြစ်သော “မြန်မာ့ရွှေဝါရောင် တော်လှန်ရေးအတွင်း အင်တာနက်၏ အခန်းကဏ္ဍ” တွင် သူက “တယ်လီဖုန်းနဲ့ ဖက်စ်က စရိတ်စကများတယ်။ တခါတလေမှာ မြို့ပေါင်းများစွာ ဒါမှမဟုတ် တိုင်းပြည်အနှံ့ ပြုလုပ်ကြရတဲ့ နိုင်ငံတကာ လှုပ်ရှားမှုတွေအတွက် စီစဉ်ဆောင်ရွက်မယ် ဆိုရင်လည်း ဒီနည်းပညာ အဟောင်းတွေက အံဝင်ခွင်ကျ မဖြစ်လှဘူး” ဟု ရေးသားထားသည်။

ငြိမ်းချမ်းရေးအတွက် အတွင်းခံဘောင်းဘီ
လှုပ်ရှားမှုတွင် ပါဝင်ဆောင်ရွက်သူများနှင့် စည်းရုံးရေးသမားများ ရေးဆွဲရသည့် မဟာဗျူဟာ၊ လိုအပ်သော ဆုံးဖြတ် ချက်များချရသည့် လှုပ်ရှားမှု အရှိန်အဟုန် နှစ်ခုအကြား အကွာအဝေးသည် အင်တာနက်ပေါ်တွင် အကြီးအကျယ် မှီတည်နေသည်ဟုလည်း သူကဆိုခဲ့သည်။

ချောင်ဒရီ၏ အဆို မှန်ကန်သည်။ သတင်းနည်းပညာသစ် ပေါ်ထွန်းလာမှုနှင့်အတူ မြန်မာလူမျိုးများသည် အင်တာနက် ကို လွတ်လပ်စွာ ထုတ်ဖေါ်ပြောဆိုခွင့်ရှိသော နည်းလမ်းတခုအဖြစ် ထူးထူးခြားခြား မြင်လာကြသည်။

သံဃာတော်များ ဦးဆောင်ခဲ့သော ၂၀၀၇ ခုနှစ် စက်တင်ဘာလမှစ၍ မြန်မာလူမျိုးများ၏ တွေးခေါ်ပုံ၊ ဆက်သွယ်ပုံ နှင့် အထီးကျန်သော၊ စစ်တပ်အုပ်ချုပ်သော တိုင်းပြည်အတွင်း ပျော်ရွှင်မှု ဖန်တီးရာတွင်ပါ အင်တာနက်က များစွာ အထောက်အကူ ဖြစ်စေခဲ့သည်။

မြန်မာလူမျိုးများသည် ယခုအခါ ဂျီတော့ခ် ပေါ်တွင် ပုံမှန်စကားပြောကြခြင်း၊ လူမှုကွန်ရက် ၀က်ဘ်ဆိုက်များဖြစ်သော Facebook, Hi5 နှင့် Friendster များပေါ်တွင် မိတ်ဖွဲ့ကြခြင်း၊ ပြည်ပရောက် မြန်မာ ၀က်ဘ်ဆိုက်များသို့ ၀င်ရောက် ဖတ်ရှုကြခြင်း ပြုနေကြပြီး စစ်အစိုးရက ပိတ်ပင်ထားသော ၀က်ဘ်ဆိုက်များကို ပရောက်ဆီ ဆာဗာများသုံး၍ မည်ကဲ့သို့ ကျော်ဖြတ်ဝင်ရသည်ဆိုသည့် သတင်းအချက်များကိုပင် ဖလှယ်တတ်ကြပြီ ဖြစ်သည်။

၎င်းတို့၏ ဘလော့များနှင့် အီးမေးကွန်ရက်များတွင် သတင်းအချက်အလက် ဖလှယ်ခြင်း၊ နိုင်ငံရေးအရ အရေးကြီး သော ကိစ္စရပ်များနှင့် တခြားသော ပြည်တွင်းကိစ္စရပ်များကို ဆွေးနွေးငြင်းခုံကြခြင်း၊ အုပ်စိုးသူ ဗိုလ်ချုပ်ကြီးများ ဒေါ သူပုန်ထစေသော ကာတွန်းများ၊ ဂိမ်းများ ပြလုပ်ကြခြင်း စသည့်လုပ်ငန်းများကိုလည်း တက်တက်ကြွကြွ လုပ်ကိုင်လာ ကြသည်။

အင်တာနက်ပေါ်တွင် ကစားရသော အကြီးအကျယ်အောင်မြင်နေသော ဂိမ်းတခုမှာ ထိုင်းနိုင်ငံမြောက်ပိုင်း၊ ချင်းမိုင်မြို့ အခြေစိုက် စစ်အစိုးဆန့်ကျင်သော အုပ်စုတစုက တင်ထားသည့် “ငြိမ်းချမ်းရေးအတွက် အတွင်းခံဘောင်းဘီ လှုပ်ရှားမှု” ဆိုသည့် ရယ်စရာ ကစားနည်းတခု ဖြစ်သည်။ ကစားသူများသည် အမျိုးသမီး အတွင်းခံဘောင်းဘီပုံ ဒုံးကျည်များ ဖြင့် ဗိုလ်ချုပ်မှူးကြီး၏ ပုံကို ပစ်နိုင်သည်။ တည့်တည့်မှန်ပါက အမှတ်ရသည်။ နိုင်ငံရေးဂိမ်းများ ထုတ်လုပ်သော ၀က်ဘ်ဆိုက်တခုဖြစ်သည့် READYAIMVOTE.com က ဖန်တီးထားခြင်း ဖြစ်သည်။

မြန်မာကာတွန်းပညာရှင်များကလည်း အလားတူ ကစားနည်းတခုကို မကြာသေးမီက ထုတ်လွှင့်ခဲ့သေးသည်။ ထိုကစားနည်းတွင် ကစားသူများက ပုံပါသော လေထဲတွင် ပျံဝဲနေသည့် ခွေးဘီလူးသန်းရွှေအား လောက်လေးခွဖြင့် ပစ်ချနိုင်သည့် ကစားနည်း ဖြစ်သည်။

နာဂစ်ဆိုင်ကလုန်းကဲ့သို့သော သဘာဝဘေး ကပ်ဆိုးကြီးသည်ပင်လျှင် မြန်မာလူမျိုးများ၏ ဒုက္ခအတွင်း ရယ်မောနိုင် စွမ်းကို မဖျောက်ပစ်နိုင်ခဲ့ပေ။

ဆိုင်ကလုန်းမုန်တိုင်း တိုက်ခံခဲ့ရသော ဒေသများအတွင်း ရှင်းလင်းရေးလုပ်ငန်းများ ဆက်လက် လုပ်ကိုင်နေဆဲ ဖြစ်သည့် သြဂုတ်လအတွင်းက ရန်ကုန်မြို့၏ အထင်ကရ နေရာတခုဖြစ်သော လောကနတ် ခန်းမတွင် သဘာဝ ဘေးဆိုးကို ဟာသ သရုပ်ဖေါ်ထားသည့် ကာတွန်းပုံ ၄၀၀ အား “မုန်တိုင်းမှ နိုးထလာခြင်း” ဟူသည့် ခေါင်းစဉ်ဖြင့် ခင်းကျင်းပြသခဲ့ကြသည်။

ရမ်ဘိုနှင့် ရမ်ဗိုလ်
ထိုပြပွဲအတွက်ရေးဆွဲပေးကြသော ကာတွန်းဆရာ ၇၀ သည် စာပေစိစစ်ရေးနှင့်ပတ်သက်၍ ပြဿနာ တက်နိုင် သည်ကို သိသော်လည်း ရေးဆွဲဖော်ပြခဲ့ကြသည်။ သူတို့ကို ငြိုငြင်မည့်အရေး အမှုမထားဘဲ ဆန့်ကျင်၍ လူထု ဒုက္ခ ရောက်ချိန်တွင် တစုံတရာ အမောပြေ ရယ်မောနိုင်စေရန် ဦးစားပေး ဆောင်ရွက်ခဲ့ကြသည်။

ပြပွဲကို စီစဉ်ထားသည့်အတိုင်း ဆက်လက်ပြသခဲ့ခြင်းအားဖြင့် ထိုကာတွန်းဆရာများသည် မြန်မာ့ရိုးရာ သရော်လှောင် ပြောင်ခြင်းအစဉ်အလာ သရုပ်မှန်ကို ဖော်ထုတ်ပြသခဲ့ကြသည်။

ပျက်ရယ်ပြုခြင်းတခုတည်းဖြင့် ရက်စက်သော စစ်အစိုးရကို ဖြုတ်မချနိုင်ဟု မြန်မာပြည်သူများက ကောင်းစွာသိကြပါ သည်။ သို့သော်လည်း နိုင်ငံရေး ဟာသများသည် တော်လှန်ခြင်း၏ အသိမ်မွေ့ဆုံးသော ပုံစံတခုဖြစ်ပါသည်။ အာဏာရှင်များ၏ သူတို့ကိုယ် သူတို့တန်ဖိုးထားမှုကို ယင်းဟာသများက ဖျက်ဆီးနိုင်ကြသကဲ့သို့ အာဏာရှင် စနစ်အောက် အသက်ရှင်နေထိုင်ရန်အတွက် ပုံစံတခု ဖြစ်ကြောင်းလည်း ၎င်းတို့ နားလည်ကြသည်။

တခါက အမေရိကန် စာရေးဆရာနှင့် ဟာသပညာရှင် မက်တွိန်း ရေးသားခဲ့သလို “လူသားများတွင် လုံးဝ ထိရောက် သော လက်နက်တခုသာလျှင် ရှိသည်။ ဤသည်မှာ ရယ်မောခြင်းပင် ဖြစ်တော့သည်” ဟု ဆိုရပေလိမ့်မည်။

ရဲနည်ရေးသားသည့် The Joke's on the Generals ကို ဆီလျော်အောင်ပြန်ဆို ဖော်ပြပါသည်။