Thursday, April 24, 2014

ဒေါ်ခင်ကြည် ဖောင်ဒေးရှင်းရခိုင်ပြည်နယ်မြောက်ဦးမြို့ နယ်အတွက် (၁၉၃၅၈၀၀၀)ကျပ်တိတိအားလှူဒါန်း



 ဒေါ်ခင်ကြည် ဖောင်ဒေးရှင်းဥက္ကဌ ဒေါ်အောင်ဆန်းစုကြည်မှ ရခိုင်ပြည်နယ်မြောက်ဦးမြို့ နယ်အတွင်းရှိ မင်္ဂလာကန်၊အောင်သပြေကန်၊ဒိုနွယ်ကန်နှင့်အားဝယ်ကန် တို့အတွက် ကျပ်ငွေ တစ်ရာကိုးဆယ်သုံးသိန်းငါးသောင်းရှစ်ထောင် (၁၉၃၅၈၀၀၀)ကျပ်တိတိအားလှူဒါန်း

၂၄.၄.၂၀၁၄ ညနေ ၅နာရီ
၅၄/တက္ကသိုလိရိပ်သာလမ်း

Sun Ny

၆၀၀၀ ကျော် ဘင်္ဂါလီအဖြစ် သတ်မှတ်မှု လက်ခံသဘောတူ



မြန်မာနိုင်ငံ အနောက်ပိုင်း ရခိုင်ပြည်နယ်၌ နေထိုင်ကြသော မွတ်စလင် ထောင်ပေါင်း များစွာတို့သည် နှစ်ပေါင်း ၃၀ အတွင်း ပထမဆုံး အကြိမ် ပြုလုပ်ခဲ့သည့် ပြည်လုံးကျွတ် သန်းခေါင်စာရင်း ကောက်ယူပွဲ၌ ဘင်္ဂါလီဟူသော အမည်ဖြင့် ပါဝင်စာရင်းပေးရန် သဘောတူ လက်ခံခဲ့ကြကြောင်း အစိုးရ တာဝန်ရှိသူ တစ်ဦးက ဧပြီ ၂၃ ရက်တွင် ပြောကြားသည်။

ဘင်္ဂါလီများကို ရိုဟင်ဂျာဟူ သောအမည်ဖြင့် သန်းခေါင်စာရင်းကောက်ယူ ခဲ့ပါက ပြည်လုံးကျွတ် သန်းခေါင်စာရင်းကောက်ယူပွဲကို သပိတ်မှောက် မည်ဖြစ်ကြောင်း ဌာနေ တိုင်းရင်းသား ရခိုင်လူမျိုးများက ခြိမ်းခြောက်ထားရာ သန်းခေါင်စာရင်း မျိုးနွယ်စုစာရင်းမှ ရိုဟင်ဂျာဟူသော အမည်ကို မြန်မာအစိုးရက ပြန်လည်ပယ်ဖျက်ပေးခဲ့ရသည်။

သို့ရာတွင် ရခိုင်ပြည်နယ်အတွင်းရှိ ဘင်္ဂါလီမိသားစု ၆၀၀၀ ကျော်တို့သည် သန်းခေါင်စာရင်းကောက်ယူရာတွင် ၎င်းတို့၏ လူမျိုးနေရာတွင် ဘင်္ဂါလီဟူ၍ သာ စာရင်းသွင်းရန် တာဝန်ရှိသူများအား ပြောကြားခဲ့ကြောင်း သိရသည်။ ပြည်လုံးကျွတ် သန်းခေါင်စာရင်းကောက်ယူမှု အခွင့်အရေးကို လွဲချော်ခဲ့ပါက ၎င်းတို့သာ နစ်နာမည့် အရေးကို ဘင်္ဂါလီမိသားစုများက နားလည် သဘောပေါက်ထားကြောင်း လူဝင်မှုကြီးကြပ်ရေးနှင့် အမျိုးသားမှတ်ပုံ တင်ရေးဦးစီးဌာန တာဝန်ရှိ သူတစ်ဦးက ပြောကြားသည်။

မူလက ရခိုင်ပြည်နယ်အနောက်ပိုင်းမှ မွတ်စလင်များသည် မတ် ၃၀ ရက်မှ စတင်၍ ဧပြီ ၁၀ ရက်အတွင်း ပြုလုပ်ခဲ့သော ပြည်လုံးကျွတ်သန်းခေါင် စာရင်းကောက်ယူမှု၌ လူမျိုးနေရာတွင် ဘင်္ဂါလီအဖြစ် ထည့်သွင်းရမည်ဆိုပါက သန်းခေါင်စာရင်း ကောက်ယူမှုအစီ အစဉ်တွင် ပါဝင်မည် မဟုတ်ကြောင်း ငြင်းဆိုထားခဲ့ကြသည်။

ဘင်္ဂါလီလူမျိုးများအဖြစ် သတ်မှတ်ခံရခြင်းဖြင့် ရခိုင်ပြည်နယ်မှ မွတ်စလင်များသည် ၂၀၁၅ ခုနှစ် အထွေထွေရွေးကောက်ပွဲမဲပေးခွင့် အပါအ၀င် အခွင့်အရေး အချို့ရမည်ဖြစ်သော် လည်း နိုင်ငံသားအဖြစ် ရပ်တည်ခွင့် ရဦးမည် မဟုတ်ပေ။

စံတော်ချိန် နေ့စဉ်သတင်းစာ

မြ၀တီမြို့တွင်(D.K.B.A) ၀တ်စုံများဝတ်၍ ရမ်းကားခဲ့ကြသည့် မွတ်စလင်များ ကိစ္စ



အတွဲ(၈)၊ အမှတ်(၄၄)၊ News Watch ဂျာနယ် မျက်နှာဖုံး တွင်ပါ ရှိခဲ့သည့် “D.K.B.A ပြောက်ကျား ဝတ်စုံဝတ် မွတ်စလင် လူတစ်စု ထိုင်း-မြန်မာ ချစ်ကြည်ရေး တံတားကြီး ဂိတ်ဝတွင် ပြည်သူအပေါ် လက်နက်များဖြင့် ရမ်းကား” သတင်းနှင့် ပတ်သက်၍ (D.K.B.A) တပ်မတော်မှ ဗျူဟာမှူး ဗိုလ်မှူးကြီးစောစန်းအောင်က ကျောက်ခက်ကျေးရွာတွင် ဧပြီလ (၁၉) ရက်နေ့ ညနေပိုင်းက အောက်ပါအတိုင်း ရှင်းလင်း ပြောကြား ခဲ့သည်။

''ကျွန်တော်တို့ တပ်ဖွဲ့က အောက်လက်ငယ်သားတချို့ကို မွတ်စလင်တချို့ က ငွေပေးပေါင်းတယ်။ ပြီးတော့ (D.K.B.A)တံဆိပ်ပါ ၀တ်စုံတွေဝတ်ပြီး ကျွန်တော်တို့ အထက်လူကြီးတွေ မသိအောင် တရားမ၀င်စီးပွားရေးတွေလုပ်တယ်။ တရားမ၀င်စီးပွားရေးဆိုတာက ဥပမာ- လိုင်စင်မဲ့ကားတစ်စီးကို (D.K.B.A) တပ်မတော်ကဆိုပြီး မြ၀တီမြို့ကနေ တခြားမြို့တွေကို ယူဆောင်ပြီး ရောင်းစားကြတာပေါ့။

ဒီတော့ (D.K.B.A) တပ်ဖွဲ့ ၀င်တချို့ကို ငွေပေးပြီးလုပ်စားကြတာပေါ့။ ဒီတော့ အောက်လက်က တပ်သားတွေနဲ့ ရင်းနှီးနေကြတယ်။ နောက်ပြဿနာတစ်စုံ တစ်ရာဖြစ်ရင် သူတို့ကိုယ်တိုင် သူတို့ရှာကြံထားတဲ့ (D.K.B.A) ၀တ်စုံတွေဝတ်ပြီး ရင်းနှီးတဲ့ ကျွန်တော်တို့ တပ်ဖွဲ့ဝင်ငယ်သားတွေကိုခေါ်သွားပြီး ရှင်းကြတာပေါ့။”

“အမှန်တော့ မလုပ်သင့်တဲ့ကိစ္စပါ။ ကျွန်တော်တို့ (D.K.B.A) တပ်မတော်မှာ မွတ်စလင် တွေကို သင်တန်းပေးပြီး တပ်ဖွဲ့ဝင်တွေ အဖြစ် ခန့်အပ်ထားတာမရှိပါဘူး။ မွတ်စလင်တပ်ဖွဲ့ဝင်တွေ (D.K.B.A) တပ်မတော်မှာ ဆရာတို့တွေ့ဖူးလို့လား။

နောက်ပြီး ကျွန်တော်တို့ရဲ့ စစ်ဦးစီးချုပ် ဗိုလ်ချုပ်ကြီး စောလားပွယ်က (D.K.B.A) ဆိုတာ ပြည်သူ့အကျိုးပြုတပ်မတော်ပဲဖြစ် ရမယ်၊ ပြည်သူ့အကျိုးတွေကိုပဲ ဆောင်ရွက်ရမယ်၊ ပြည်သူတွေကို အနိုင်မကျင့်ရဘူးဆိုပြီး အမိန့်ပေးလမ်းညွှန်ထားတယ်။ ဒီတော့ ဒီဖြစ်စဉ်နဲ့ပတ်သက်ပြီး စည်းကမ်းဖောက်ဖျက်တဲ့ အောက်လက်က တပ်ဖွဲ့ဝင်တွေကို ကျွန်တော်အရေးယူသွားမှာ ဖြစ်တယ်။

နောင်ကိုလည်း ပြည်သူအပေါ် အနိုင်ကျင့်တဲ့ ဒီလိုဖြစ်စဉ်မျိုးတွေ မဖြစ်အောင် တပ်ဖွဲ့ဝင်တွေကို ကျွန်တော်အမိန့် ပေးထားတယ်။ ဖြစ်ရင်လည်း ထိရောက်စွာ အရေးယူသွားမယ်'' ဟု ရှင်းလင်းပြော ကြားသည်။

သက်ဦးနိုင်(မြ၀တီ)

News Watch(စောင့်ကြည့်သတင်းဂျာနယ်)

လောင်စာလောက



ယဉ် ယဉ်နှောင်း


စက်သုံးဆီဆိုင်တွေကို ပုဂ္ဂလိက လုပ်ကိုင်ခွင့်ပေးတာ သုံးနှစ်လောက်ပဲရှိပါဦးမယ်။
ဆီပန့် နဲ့ ရောင်းတဲ့ဆိုင်တွေလည်း အများကြီးပေါ်လာတယ်။
လောင်စာတွေဖြစ်တာမို့ လူနေအိမ်ခြေထူထပ်ရာ မြို့ ထဲမထားဘဲ မြို့ ပြင်ကိုထားပြီး မြေအောက်သိုလှောင်ကန်တွေနဲ့  ၊ ဒစ်ဂျစ်တယ် အချိန်အတွယ်တွေနဲ့ စနစ်တကျရောင်းလာတာတွေ့ ရတယ်။

ဒီလိုဆီပန့် ဆိုင်တွေ အများအပြားပေါ်လာတာနဲ့ အတူ
လမ်းဘေးတွေမှာ ရေသန့် ပုလင်းတွေနဲ့ ရောင်းတဲ့ဆိုင်လေးတွေလည်း အများကြီးပေါ်လာတယ်။
အထူးသဖြင့် ဆိုင်ကယ်တွေသိန်းချီသွားလာလှုပ်ရှားနေတဲ့ မန္တလေးမြို့ ရဲ့လမ်းတွေမှာ ပိုသိသာလာတယ်။ လမ်းတစ်ပြကို အနည်းဆုံး အဲ့လိုဆိုင်လေးတွေတစ်ခုစီ။
ဆိုင်ကယ်စီးရင်း ရုတ်တရက်ဆီပြတ်သွားလို့  အဝေးကြီးသွားပြီး ဓာတ်ဆီဖြည့်ရတယ်ဆိုတာ မရှိတော့ဘူး။
နည်းနည်းလျှောက်လိုက်ရုံနဲ့  လမ်းထောင့်မှာ ၊ ကွမ်းယာဆိုင်မှာ၊ အိမ်ဆိုင်ငယ်လေးတွေမှာ
တစ်ဘူးတစ်ထောင်နဲ့ ဝယ်လို့ ရနေပြီ။

ဒီလိုဆိုင်လေးတွေအကြောင်းကလည်းစိတ်ဝင်စားစရာ။
ဆီပန့် ဆိုင်တွေမှာ ဓာတ်ဆီတစ်ဂါလံကို ၄၂၀၀ ဝန်းကျင် နဲ့ ဝယ်လို့ ရတယ်။
ဈေးနှုန်းအပြောင်းအလဲတော့ ရှိနိုင်ပါတယ်။
တစ်ဂါလံမှာ ၄ .၅ လီတာ စွန်းစွန်းလေး။
သာမန် ဆိုင်ကယ်တစ်စီးရဲ့ ဆီတိုင်ကီက ၄လီတာတောင်အပြည့်မထည့်နိုင်ဘူး။
ဒီတော့ ဆီထည့်လိုက် ၊ပြန်ထုတ်လိုက်၊ နောက်တစ်ခါ ပြန်ထည့်လိုက် ပြန်ထုတ်လိုက်နဲ့ သွားလုပ်မှ
သုံးခါလောက်လုပ်ရင် ဆယ်လီတာ (နှစ်ဂါလံ) ရမယ်။ အသွားအပြန်လုပ်ရတာမှာ ဆီတော့နည်းနည်းစားမယ်ပေါ့။

တစ်ဂါလံကို ၄၂၀၀ နဲ့ ဝယ်တယ်။
တစ်ရက်ကို နှစ်ဂါလံစာလောက် ထုတ်ရောင်းတယ်။
တစ်ဂါလံမှာ ၄.၅လီတာပဲရှိပေမယ့် ၅လီတာ ရအောင်ရောင်းနိုင်တဲ့နည်းတွေရှိတယ်။
တစ်လီတာ ရေသန့် ဘူးတစ်ဘူးကို အပြည့်မထည့်ဘဲ ၀.၉ လီတာလောက်နဲ့ ရောင်းရုံပဲ။
ဒီထက်ပို အမြတ်ကျန်ချင်သေးရင် အဲ့ဒီ ရောင်းမယ့်ဓာတ်ဆီထည့်ဖို့ လုပ်ထားတဲ့ရေသန့် ဘူးကို ရေနွေးထဲထည့်ပြုတ်၊ နည်းနည်းကျုံ့ သွားမယ်။
ရေသန့် ဘူးကျုံ့ သွားလို့  ဓာတ်ဆီနည်းနည်းပဲပါလေ ကိုယ့်အတွက် အမြတ်ပိုကျန်လေပေါ့။
ဒီလိုနည်းနဲ့  တစ်ဂါလံကို လီတာဘူးငါးဘူးနဲ့ ခွဲရောင်းရင်
တစ်ဘူးတစ်ထောင်ဆိုတော့ ကိုယ့်အတွက် တစ်ဂါလံမှာ ၅၀၀၀ ရတယ်။
အရင်းက ၄၂၀၀ ဆိုတော့ တစ်ဂါလံမှာ ၈၀၀ မြတ်တယ်။
တစ်ရက်ကို ဆယ်ဘူးရောင်းရရင် ၁၆၀၀ မြတ်မယ်။

တစ်ရက်ကို ဆယ်ဘူးရောင်းရဖို့ ကြိုးပမ်းရပုံကလည်း ပင်ပင်ပန်းပန်း။
အဖေသို့ မဟုတ် အမေလုပ်သူက နေပူပူထဲ ဆိုင်ကယ်အစုတ်လေးကိုမောင်းလို့  ဆီပန့် ဆိုင်တွေမှာ ခေါက်ပြန်သွား ဆီထည့်ရတယ်။
တစ်ခါသွားထည့်လိုက် အိမ်ပြန်ရောက်ရင် ဆီပြန်ထုတ်လိုက်၊ ရေသန့် ဘူးထဲထည့်လိုက်နဲ့ ။
ကလေးတွေက အဲ့ဘူးတွေကို ခြင်းထဲထည့်ပြီး ဆီပန့် ဆိုင်ကြီးတွေနဲ့ ဝေးရာ နေပူပူ မြို့ ထဲလမ်းတွေမှာ သွားရောင်းရတယ်။

ရောင်းပုံက ပလတ်စတစ်ထိုင်ခုံလေးတစ်လုံးပေါ် ရေဖြည့်ထားတဲ့ တစ်လီတာဘူးလေး တင်ပြီး လမ်းဘေးပလက်ဖောင်းပေါ်ချထားရတယ်။ဒါဆို ဓာတ်ဆီရောင်းတာမှန်းလူတိုင်းသိတယ်။
ဒါပေမယ့် ဒီလိုရောင်းတာက တရားမဝင်တဲ့ ရောင်းချခြင်းပဲ။
မီးဘေးအန္တရာယ်များတယ်။ ဒီတော့ စည်ပင်က လိုက်သိမ်းတယ်။ ဖမ်းတယ်။
ဒါပေမယ့် ရေသန့် ဘူးထဲရေထည့်ထောင်ထားတာဆိုတော့ မပြောသာဘူးပေါ့။
ရောင်းတဲ့ကလေးတွေကလည်း ရေသန့် ဘူးလေး ခုံပေါ်တင်ပြီးထောင်ထားပြီးရင် နေရိပ်ထဲ အိပ်နေကြတာတွေ၊ မောင်နှမတစ်သိုက်ဆော့နေကြတာတွေများတယ်။
ဝယ်သူလာမှ ကပျာကယာထ ဆီထည့်ပေးကြတယ်။
ကလေးတွေရောင်းတဲ့ဆိုင်ဆို သနားပြီး ဓာတ်ဆီဝယ်ကြသူတွေလည်းများပါတယ်။

ဒီလိုတစ်နေကုန် ဓာတ်ဆီဆယ်ဘူးရောင်းမှ တစ်ရက်ကို ၁၆၀၀၊
ပျှမ်းမျှအားဖြင့် ဝင်ငွေက ၂၀၀၀-၃၀၀၀ ဝန်းကျင်မှာပဲရှိမယ်။
တစ်ရက် ၅၀၀၀ ရဖို့ ဆိုတာ လီတာဘူး သုံးဆယ်ရောင်းရမှပဲရမယ်။
ဒီလို ဓာတ်ဆီရောင်းတဲ့ မိသားစုတွေအများကြီး၊ အိမ်မှာ ထိုင်ရောင်းဖို့ ရာကလည်း အိမ်က ချောင်ကြိုချောင်ကြား ဆိုတော့ ဆီဘူး လက်ဆွဲပြီး လမ်းပေါ်တက်လာရတယ်။

ဒီကလေးတွေမှာ အဓိကဖြစ်တဲ့ပြဿနာက နေပူပူလမ်းဘေးမှာ အိပ်နိုင်ဖို့  ၊ သူတို့ သောကတွေကိုမေ့ဖို့  ဓာတ်ဆီရှူလာကြတာပဲ။
မွှန်ထူထူ စူးရှရှ ဓာတ်ဆီနံ့ ကိုရှူရင်း မှိန်းပြီး အိပ်တယ်။
မောင်နှမတစ်သိုက် တစ်လှည့်စီ ရှူပြီးအိပ်တယ်။
ဓာတ်ဆီဆိုတာ အငွေ့ ပျံလွယ်တော့ ဆီဘူးအဖုံးလေးဖွင့်ရှူလိုက် ပြန်ပိတ်လိုက်၊ တစ်ဘူးထဲကပဲ လျော့သွားတာမဖြစ်အောင် ဘူးတွေအကုန်လုံးကို နည်းနည်းစီလှည့်ရှူတယ်။
ဒီလိုရှူရင်းနဲ့  မိန်းမောမူးဝေအောင် ပြုလုပ်ပြီး
သူတို့ ဘဝရဲ့ ဆင်းရဲမှုတွေကို မေ့ဖျောက်တယ်။
သူတို့ ဘဝရဲ့ နာကျင်ခါးသီးမှုတွေကိုမေ့ဖျောက်တယ်။
သူတို့ ဘဝရဲ့ ပူလောင်မှုတွေကိုမေ့ဖျောက်တယ်။
ဒါကိုသူတို့ မိဘတွေမသိဘူး။ သိလည်း စားဝတ်နေရေးလုံးပန်းနေရလို့  ဂရုမစိုက်အားဘူး။

ဆိုင်ကယ်ခနော်နီခနော်နဲ့ လေးတစ်စီးနဲ့  လုပ်စားနေရတဲ့ ဒီလိုမိသားစုတွေမှာ
မိဘတွေက ငွေရဖို့  ဓာတ်ဆီဆိုင်မှာ ဓာတ်ဆီတန်းစီဝယ်ရင်း အချိန်တွေကုန်ရတယ်။
သားသမီးတွေက ဓာတ်ဆီပြန်ရောင်းဖို့ လမ်းဘေးမှာစောင့်ရင်း အချိန်တွေကုန်ရတယ်။
ဒီကလေးတွေဟာ သူတို့ ဘဝမှာ အချိန်ကုန်ဆုံးရင်းနဲ့ ပဲပိုက်ဆံရှာရတယ်။
အသိပညာ၊ အတန်းပညာသင်ဖို့ အချိန်မရှိဘူး။
တစ်နေကုန် ညစ်ပတ်မည်းတူးပေရေလို့ လမ်းဘေးမှာ ဝယ်သူမျှော်ရင်းပဲ၊ ဓာတ်ဆီရှူရင်းပဲ အချိန်ကုန်ဆုံးနေရတယ်။
ဒီလို ကလေးတွေ လမ်းတစ်လမ်းမှာ ဘယ်နှယောက်ရှိသလဲ၊ တစ်မြို့ လုံး တစ်ပြည်လုံးမှာ ဘယ်လောက်များနေပြီလဲ။
သူတို့ ဘဝလေးတွေသာယာလှပဖို့ ဘယ်သူတွေက ဘာတွေလုပ်ပေးနိုင်မလဲ။
စဉ်းစားရင်း ရင်မောရလွန်းလို့  ဒီအကြောင်းကို ဆောင်းပါးရေးပါဦးမယ်။

အမတ်လောင်းမှလွဲ၍ မည်သူမျှ မဲမဆွယ်ရကိစ္စ ဦးတင်အေးကို ဒေါ်စုမေးမြန်းထား



Kamayut Media
လာမည့် ရွေးကောက်ပွဲများတွင် သက်ဆိုင်ရာ မဲဆန္ဒနယ်၌ ဝင်ပြိုင်မည့် အမတ်လောင်းမှလွဲ၍ အခြားမည်သူမှ မဲမဆွယ်ရဆိုသည့် ဦးတင်အေးပြောဆိုချက် အတည်ဟုတ်မဟုတ် NLD ပါတီက မေးမြန်းထားကြောင်း ဒေါ်အောင်ဆန်းစုကြည်က ဆိုသည်။

တရားဝင် ထုတ်ပြန်ထားချက်မဟုတ်သဖြင့် ရွေးကောက်ပွဲကော်မရှင်ဥက္ကဌ ဦးတင်အေး၏ သတင်းမီဒီယာများသို့ ပြောဆိုချက်အပေါ် အတည်ဟုတ် မဟုတ် ရှင်းလင်းစွာသိဖို့ မေးမြန်းထားကြောင်း RFA ရေဒီယိုသို့ ဒေါ်အောင်ဆန်းစုကြည်က ပြောဆိုခဲ့သည်။

လာမည့် ၂ဝ၁၄ ကြားဖြတ်ရွေးကောက်ပွဲနှင့် ၂ဝ၁၅ အထွေထွေရွေးကောက်ပွဲများတွင် မဲဆန္ဒနယ်များတွင် ယှဉ်ပြိုင်မည့် အမတ်လောင်းသာ မဲဆွယ်ခွင့်ရှိမည်ဖြစ်သည်ဟု ဦးတင်အေးက ရန်ကုန်တိုင်း လွှတ်တော်၌ နိုင်ငံရေးပါတီများနှင့် တွေ့ဆုံခဲ့စဉ် ပြောဆိုခဲ့သည်။ ထို့နောက် ကြံ့ခိုင်ရေးပါတီမှ လွှတ်တော်အမတ်များက ဒေါ်အောင်ဆန်းစုကြည်၏ရုပ်ပုံနှင့် ဗိုလ်ချုပ်အောင်ဆန်း ရုပ်ပုံကို ယှဉ်တွဲပြီး မဲဆွယ်ခြင်းသည် တရားမျှတမှုမရှိဆိုသော ဝေဖန်တိုက်ခိုက်မှုများ စတင်ပေါ်ထွက်လာခဲ့သည်။

ကြံ့ခိုင်ရေးပါတီ အသွင်ပြောင်းခဲ့သည့် ကြံ့ခိုင်ရေးအသင်း၏ နာယက ဗိုလ်ချုပ်မှူးကြီးဟောင်း သန်းရွှေ၏ ဓာတ်ပုံဖြင့် ကြံ့ခိုင်ရေးအမတ်များ ရွေးကောက်ပွဲတွင် ဝင်ရောက်ယှဉ်ပြိုင်ရန် ဒီမိုကရေစီအင်အားစုများအကြား ဆိုရှယ်မီဒီယာများတွင် တန်ပြန်ဝေဖန်ချက်များ ပေါ်ထွက်လာခဲ့သည်။

ရွေးကောက်ပွဲ ကော်မရှင်ဥက္ကဌ ဦးတင်အေးကိုယ်တိုင်ပင် နိုင်ငံရေးပါတီနှင့် ကင်းရှင်းသူမဟုတ်သည့်အပြင် ယခင်က စစ်ဗိုလ်ချုပ်ကြီးရာထူးမှ အငြိမ်းစားယူပြီး ရွေးကောက်ပွဲကော်မရှင် ဥက္ကဌအဖြစ် ခန့်အပ်ခံရသူဖြစ်၍ သူ၏သမာသမတ်ရှိမှုအပေါ် ဝေဖန်မှုများလည်း ဆက်တိုက်ပေါ်ထွက်လာသည်။

ဒေါ်အောင်ဆန်းစုကြည် နီပေါ သွားမည်




RFA Burmese

အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ဟာ လာမဲ့ ဇွန်လ ၁၄ ရက်နေ့ မှာ နီပေါနိုင်ငံသို့ သွားရောက်မှာဖြစ်ကြောင်း ခတ္တ မဒ္ဒူမြို့ထုတ် kantipur သတင်းက ဖော်ပြပါတယ်။

ဒေါ်အောင်ဆန်းစုကြည်ဟာ နီပေါနိုင်ငံရဲ့ ပထမဆုံး ဒီမိုကရေစီ နည်းကျ ရွေးကောက် တင်မြှောက်ခံရတဲ့ ဝန်ကြီးချုပ်ဟောင်း BP Koirala ရဲ့ နှစ်တစ်ရာပြည့် မွေးနေ့ အခမ်းအနားကို တက်ရောက်ဖို့ လာရောက်တာဖြစ်တယ်လို့ နီပေါ ဝန်ကြီးချုပ် Sushil Koirala ရဲ့ အကြံပေး အရာရှိတစ်ဦးက ပြောပါတယ်။

နှစ်ရက်ကြာ နီပေါနိုင်ငံခရီးစဉ်အတွင်း ဒေါ်အောင်ဆန်းစုကြည်ဟာ နီပေါနိုင်ငံသမ္မတ၊ ဝန်ကြီးချုပ် အပါအဝင် ထိပ်သီး ခေါင်းဆောင်တွေ နဲ့ တွေ့ဆုံမှာဖြစ်သလို ဇွန်လ ၁၅ ရက်နေ့မှာ နီပေါ ပါလီမန်မှာ ဆိုရှယ်ဒီမိုကရေစီနဲ့ပတ်သက်ပြီး မိန့်ခွန်းပြောကြားမယ်လို့လည်း သိရပါတယ်။

ဒါ့အပြင် ဒေါ်အောင်ဆန်းစုကြည်ဟာ လုမ္ပဏီဥယျာဉ်ကို သွားရောက် လည်ပတ်ဖို့ စီစဉ်ထားကြောင်းလဲ သတင်းမှာဖော်ပြထားပါတယ်။

နော်င်ချိမြို့အမြန်လမ်း မိုင်တိုင် ၅၁နဝရတ်ဆီဆိုင် မှာလူ ၁၄ ဦးပါ ကားမှောက်

ဒီနေ့ကာတွန်း

လွမ်းသူ့ပန်းခွေဒီလိုများတာဆိုလို့

ကလေးငယ်များအား ရိုက်နှက်ညှင်းပန်းပြီး ပိုက်ဆံတောင်းခိုင်း



၃၅လမ်း၇၈လမ်း မီးပွိုင့်

သုံးနှစ်သားအစိုးရ၏ အကျိုး အပြစ် အချိူး



Yangon Media Group

==========================================

သုံးနှစ်သားအစိုးရ၏ အကျိုး အပြစ် အချိုး

==========================================
ရန်ကုန်တိုင်းမ် ဂျာနယ် ၊ အတွဲ (၁၀) အမှတ် (၁၅)

နှင်းကို ရေးသားသည်။

နိုင်ငံရေးယဉ်ကျေးမှုအသစ်ကို ကျွန်တော်တို့ ဖော်ဆောင်နိုင်ခဲ့ပြီ ဟု နိုင်ငံတော်သမ္မတဦးသိန်းစိန်က သူ့ရဲ့သုံးနှစ်ပြည့်သမ္မတ သက်တမ်းမိန့်ခွန်းတွင်ြေ<ွကးကြော်ခဲ့ပါသည်။ စစ်ဗိုလ်ချုပ်ကြီး
တစ်ဖြစ်လဲ လက်ရှိပြည်ထောင်စုအစိုးရအဖွဲ့ခေါင်းဆောင်ကြီး ဦးသိန်း စိန်တစ်ယောက် ပြည်ထောင်စုသမ္မတမြန်မာနိုင်ငံတော်၏ သမ္မတ ရာထူးတာဝန်ကို ထမ်းဆောင်ခဲ့သည်မှာ သုံးနှစ်ကျော်ခဲ့ပါပြီ။ သူစတင် တာဝန်ထမ်းဆောင်သည့် ၂ဝ၁၁ခုနှစ် မတ် ၃ဝရက်တွင် သူဦးဆောင် မည့် ပြည်ထောင်စုအစိုးရသစ်၏ မူဝါဒသဘောထားလမ်းစဉ်ကိုချပြ ခဲ့သည်။ မိန့်ခွန်းမှာ နားထောင်ကောင်းခဲ့သည်။ ကြားနာရသူအဖို့ အားတက်စရာကောင်းခဲ့သည်။

ထိုမှစတင်ကာ ၂ဝ၁၄ ခုနှစ် မတ် ၂၆ ရက်၊ သမ္မတသက်တမ်း သုံးနှစ်ပြည့်သည်အထိ သူ့မိန့်ခွန်းများကို ရေဒီယို၊ ရုပ်မြင်သံကြား၊ သတင်းမီဒီယာများမှတစ်ဆင့် ပြည်သူလူထုကို ဆက်တိုက်ချပြပြော ဆိုခဲ့သည်။ နိုင်ငံတော်သမ္မတဦးသိန်းစိန်က မိန့်ခွန်းပြောကြားသည့်အခါ တိုင်း ပြည်တွင်းပြည်ပနိုင်ငံရေးလေ့လာသုံးသပ်သူများ၊ ကျွမ်းကျင် ပညာရှင်များ၊ စီးပွားရေးပညာရှင်များ၊ လူမှုရေးလုပ်ငန်းလုပ်ဆောင် သူများ စသဖြင့် နိုင်ငံ့အရေးကိုစိတ်ပါဝင်စားသူတိုင်းက စောင့်ကြည့် လေ့လာကြစမြဲ။ သူ့ပြောစကားများ၏အသွားအလာကို ဝေဖန်ထောက်ရှု နေကြစမြဲဖြစ်သည်။

မိမိတို့ရန်ကုန်တိုင်းမ်မှတွေ့ဆုံမေးမြန်းခဲ့သော နိုင်ငံရေးလေ့ လာသူများ၊ စီးပွားရေးနှင့်ဥပဒေရေးရာအကြံပေးများ၊ အရပ်ဘက် အဖွဲ့အစည်းမှခေါင်းဆောင်များ၊ ပြည်သူ့လွှတ်တော်ကိုယ်စားလှယ် များ၏အဆိုအရတော့ သမ္မတဦးသိန်းစိန်၏မိန့်ခွန်းများအားလုံး နီးပါး အကောင်းဘက်တွင်ရှိသည်ဟုဆိုကြသည်။ သို့သော် အပြော နှင့်အလုပ်ကတော့ တစ်ထပ်တည်းမကျသေးဟု ဆိုပါသည်။
အပြောလွယ်သလောက် အလုပ်ခက်တယ်ဆိုသောစကားသည် အထူးသဖြင့် နိုင်ငံရေးတွင် ပိုပြီးထင်ဟပ်စေသည်ဟု မြန်မာ့နိုင်ငံ ရေးလေ့လာသူ ဦးကျော်လင်းဦးက ယခုလို ပြောဆိုပါသည်။

''ဒီမိုကရေစီစနစ်အောက်မှာ ပြည်သူတွေကို ဘယ်လောက်အ လုပ်အကျွေးပြုမယ်၊ ပြည်သူတွေအကျိုးကို ဘယ်လောက်အထိဖော် ဆောင်မယ်ဆိုတာ နိုင်ငံရေးသမားတိုင်း ပြောတတ်တဲ့လေလုံးတွေပဲ၊ ဒါက မထူးဆန်းဘူး။ ဘယ်သူမဆို နိုင်ငံရေးသမားမှန်ရင်ပြောလာ မှာပဲ။ တကယ့်အပိုင်းမှာကျတော့ အခက်အခဲတွေရှိတယ်''။
ဦးသိန်းစိန်အစိုးရအတွက် မူဝါဒပိုင်းဆိုင်ရာ အခက်အခဲများ၊ မူဝါဒကိုလက်တွေ့အကောင်အထည်ဖော်မှုပိုင်းဆိုင်ရာအခက်အခဲ များ၊ နိုင်ငံရေးအင်အားစုအချင်းချင်းညီညွတ်မှု၊ မညီညွတ်မှုပိုင်းဆိုင် ရာအခက်အခဲများ စသဖြင့်ရှိသည်ဟု ဦးကျော်လင်းဦးကဆိုသည်။
''ဦးသိန်းစိန်ရင်ဆိုင်နေရတဲ့ပြဿနာက သူ့အစိုးရသက်တမ်း အတွင်းမှာ သူ့ရဲ့အစိုးရယန္တရားကြီးတစ်ခုလုံးကို တစ်စုံလုံးပြုပြင်ပြောင်းလဲပစ်ဖို့ဆိုတာ မလွယ်တဲ့ကိစ္စပဲ''။

ဦးသိန်းစိန်အစိုးရအနေဖြင့် ပြုပြင်ပြောင်းလဲရေးလုပ်ငန်းစဉ် တွင် အချိန်ယူမှု၊ လေ့ကျင့်ပေးမှု၊ သင်ကြားပေးမှု၊ မူဝါဒကောင်း များဖော်ဆောင်မှု၊ ထွက်ပေါ်လာသည့်မူဝါဒများ၏ အလုပ်ဖြစ်မဖြစ် ဆိုသည်ကို အချိန်ယူစောင့်ကြည့်မှုတို့ကို မလုပ်ဆောင်နိုင်ခဲ့သည့် အပြင် နောက်ထပ်နိုင်ငံရေးအင်အားစုတစ်ခုဖြစ်သည့် လွှတ်တော် နှင့်လည်း အပေးအယူမျှမျှ၊ ညှိနှိုင်းတိုင်ပင်ပူးပေါင်းလုပ်ကိုင်မှုများ အားနည်းနေသည်ဟု သူကထောက်ပြသည်။ ထို့ကြောင့် ဦးသိန်း စိန်အစိုးရအတွက်တော့ ပြုပြင်ပြောင်းလဲရေးလုပ်ငန်းစဉ်အတွင်း အခက်အခဲများစွာရှိနေဦးမှာပဲဟု ဦးကျော်လင်းဦးက ယူဆသည်။

၈၈ မျိုးဆက်ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှဦးဌေးကြွယ်ကလည်း နိုင်ငံတော်သမ္မတဦးသိန်းစိန်၏ လုပ်ဆောင်ချက် များနှင့်ပတ်သက်ပြီး ''ရလဒ်ကို ပီပီပြင်ပြင် မမြင်တွေ့ရသေးပါဘူး''ဟု ကောက်ချက်ချပါသည်။

ပြီးခဲ့သည့်စစ်အစိုးရလက်ထက် စည်းမျဉ်းစည်းကမ်းနှင့်အမိန့်၊ ညွှန်ကြားချက်များကအစ ဦးသိန်းစိန်၏ ပြည်ထောင်စုအစိုးရသစ် အတွက် တော်တော်အခက်အခဲရှိနေသည်ကိုတွေ့ရသည်ဟုဦးဌေးကြွယ်က ဆိုသည်။

''အစိုးရအဖွဲ့အစည်းရဲ့ အင်စတီကျူးရှင်း၊ အရပ်သားအစိုးရ အဖွဲ့တစ်ခုရဲ့ လုပ်ပုံကိုင်ပုံတွေပြောင်းလဲတဲ့အခါမှာ အောက်ခြေ ပိုင်းက တကယ့်အကောင်အထည်ဖော်တဲ့ကိစ္စတွေမှာ အခက်အခဲ တွေ ကြုံနေတုန်းပဲ''ဟု သူကပြောသည်။

ဆိုလိုသည်က ဦးသိန်းစိန်အစိုးရလက်ထက်တွင် ပြုပြင်ပြောင်း လဲရေးကိုသွားနိုင်ဖို့အတွက် ပထမဆုံး ဖြေလျှော့ခြင်းကိုသာစလုပ် နေပြီး ပြုပြင်ပြောင်းလဲရေးအဆင့်ထိတော့ သိသိသာသာ မရောက် သေးဟု ဦးဌေြး<ွကယ်က ယူဆသည်။

သမ္မတဦးသိန်းစိန်၏ အစိုးရအဖွဲ့အနေဖြင့် ယခင်စစ်အစိုးရ လက်ထက်က အခြေအနေထက်တိုးတက်လာပါသည်ဟုပြောဆိုနေ သော်လည်း တကယ့်အနှစ်သာရပိုင်းက ပြောင်းလဲလာပြီလားဟု မေးခွန်းထုတ်ရင်တော့ ဖြေဖို့ အင်မတန်ခက်ခဲလိမ့်မည်ဟု စီးပွား ရေးနှင့် ဥပဒေရေးရာအကြံပေးလုပ်ငန်းလုပ်ကိုင်သူ စီးပွားရေးပညာ ရှင် ဦးတင်သန်းဦးက တွက်ဆပါသည်။

''စီးပွားရေးအရ နိုင်ငံခြားရင်းနှီးမြှုပ်နှံသူတွေကိုကြည့်ရင် သြ့ (နားလည်မှုစာချွန်လွှာ) ထိုးတဲ့အဆင့်ထက်ပိုပြီး ရှေ့ဆက်တိုးဖို့အ တွက် နိုင်ငံရေးမတည်ငြိမ်မှုတွေကို အစိုးရဘက်ကဘာမှလုပ်ပေး နိုင်တာ မတွေ့ရဘူး''။

နိုင်ငံရေးယဉ်ကျေးမှုသစ်

ပြီးခဲ့သည့် မတ် ၂၆ ရက်က နေပြည်တော်ရှိ ပြည်ထောင်စု လွှတ်တော်ခန်းမ၌ ပြောဆိုခဲ့သော သူ၏သုံးနှစ်ပြည့်သမ္မတသက်တမ်းအထိမ်းအမှတ်မိန့်ခွန်းတွင် နိုင်ငံရေးယဉ်ကျေးမှုသစ်တစ်ခုကို မြင်တွေ့နေရပါပြီဟု ဦးသိန်းစိန်ကဆိုခဲ့ပေမယ့် ဘယ်အရာဖြစ် သည်ဟုတော့ တိတိကျကျပြောဆိုသွားခြင်းမရှိခဲ့ပါ။

မြန်မာနိုင်ငံသည် ပြည်သူလူထုရဲ့ထောက်ခံမှု၊ ပြည်သူလူထု ရဲ့ဆန္ဒသဘောထားတွေနှင့် အုပ်ချုပ်သည့်အစိုးရပုံစံတစ်ရပ်ကို ကူး ပြောင်းနေပြီ။ ထို့ကြောင့် အစိုးရတွေကို ဝေဖန်တာ၊ ကန့်ကွက်တာ၊ ရှုပ်ချတာတွေကို နားထောင်မည်၊ ပြည်သူလူထုရဲ့သဘောထားတွေ ကို သည်းခံနားထောင်ရမည်ဆိုသည့်ယဉ်ကျေးမှုပုံစံကို ရည်ညွှန်း ပြောဆိုသည်ဟုထင်မြင်ကြောင်း မြန်မာ့နိုင်ငံရေးလေ့လာသူ ဦး ကျော်လင်းဦးက ယူဆသည်။

နှစ်ပေါင်းမြောက်မြားစွာ အာဏာရှင်စစ်အစိုးရလက်အောက် တွင်နေလာရတော့ အစိုးရများသည် ပြည်သူလူထုကဝေဖန်တာ၊ အ တိုက်အခံတွေက ဝေဖန်တာ၊ နိုင်ငံရေးသမားတွေက ဝေဖန်တာတွေ ကို ဆတ်ဆတ်ထိမခံဖြစ်ခဲ့သည့်သာဓကများရှိခဲ့ပါပကော။ ''ဝေဖန် တဲ့အခါတိုင်းလဲ အစိုးရတွေက ပြင်းထန်တဲ့တုံ့ပြန်မှုပုံစံတွေနဲ့ အပြစ် ပေးလေ့ရှိတယ်''ဟု ဦးကျော်လင်းဦးက ဆိုသည်။

အစိုးရအနေဖြင့် နိုင်ငံရေးယဉ်ကျေးမှုသစ်တစ်ရပ်ကို ပုံဖော် နေတယ်လို့ပြောဆိုနေသော်လည်း တကယ့်နိုင်ငံရေးယဉ်ကျေးမှုသစ် တစ်ခုကိုဖန်တီးနိုင်မည့်ဥပဒေများရှိသလားဟုမေးခွန်းထုတ်လျှင် ရှိသည်ကိုမတွေ့ရဟု ဥပဒေရေးရာအကြံပေး ဦးတင်သန်းဦးက ဆိုသည်။
ဒီမိုကရေစီကိုသွားနေသည့်နိုင်ငံမို့ စီတန်းလှည့်လည်ခြင်းဆိုင် ရာဥပဒေကိုပြဋ္ဌာန်းခဲ့သည်ဆိုပေမယ့် တကယ့်စီတန်းလှည့်လည်ဆန္ဒ ထုတ်ဖော်သူတွေအတွက် တရားမျှတတဲ့ဥပဒေတစ်ရပ်မဟုတ်ခဲ့ဟု သူက ထောက်ပြသည်။ ဆိုတော့ ဥပဒေပိုင်းအရ ဒီမိုကရေစီယဉ် ကျေးမှုသစ်၊ နိုင်ငံရေးယဉ်ကျေးမှုသစ်တစ်ရပ်ကို မြင်နေရပြီလို့ပြော ပေမယ့် တကယ်တမ်းလက်တွေ့တွင်မရှိသေးသည်ကို ဦးတင်သန်း ဦးက ယခုလို ပြောသည်။

''ဆန္ဒထုတ်ဖော်တဲ့သူတွေကို သမ္မတလာမတွေ့ဘူး၊ သမ္မတက မြင့်လို့ထားလိုက်ဦး၊ သက်ဆိုင်ရာဝန်ကြီးလဲလာမတွေ့ဘူး၊ သက်ဆိုင် ရာပြည်နယ်နဲ့တိုင်းအစိုးရအဖွဲ့လဲလာမတွေ့ဘူး၊ ဒီမိုကရေစီယဉ် ကျေးမှုမှာက မှားတာ၊ မှန်တာနောက်မှာထား၊ ကိုယ့်ပြည်သူကို လာ ရှင်းပြရမယ့်တာဝန် အစိုးရမှာရှိတယ်။ မှန်ရင် ဖြေရှင်းပေးရမယ်၊ မှား ရင် ဥပဒေအရ အရေးယူရမယ်။ နှုတ်ကတော့ လုပ်ပေးမယ်ပြောပြီး လက်တွေ့ကျတော့ မလုပ်ပေးတာ အကျင့်အဟောင်းကို ပြန်သုံးနေ သလိုပဲ''။
ထိုသို့နိုင်ငံတော်သမ္မတမိန့်ခွန်းတစ်ခါပြောတိုင်း ထူးခြားသည့် စကားလုံးများ၊ ကတိပေးမှုများ၊ သတိပေးပြောဆိုမှုများသည် မကြာ ခဏကြုံတွေ့ရလေ့ရှိပြီး အပြောနှင့်လုပ်ရပ်အမြဲနှိုင်းယှဉ်ကြည့်ဖို့ အ ရေးကြီးသည်ဟု ၄င်းကဆိုသည်။

အင်အားသုံးရပ်နှင့် အစိုးရ၏မူဝါဒလမ်းစဉ်များ

သမိုင်း၏သင်ခန်းစာများအရ 'ပြည်ထောင်စုမပြိုကွဲရေး၊ တိုင်း ရင်းသားစည်းလုံးညီညွတ်မှုမပြိုကွဲရေး၊ အချုပ်အခြာအာဏာတည်တံ့ ခိုင်မြဲရေး'ဆိုသည့် တို့တာဝန်အရေးသုံးပါး အောင်မြင်စွာထမ်းဆောင် နိုင်ဖို့အတွက် 'နိုင်ငံရေးအင်အား၊ စီးပွားရေးအင်အား၊ နိုင်ငံတော် ကာကွယ်ရေးအင်အား'အဖြစ် အင်အားသုံးရပ်တောင့်တင်းဖို့လိုအပ် ကြောင်း ဦးသိန်းစိန်က သမ္မတဖြစ်စ ပထမဆုံးမိန့်ခွန်းတွင်ထည့်ပြော ခဲ့သည်။

နိုင်ငံရေးအင်အားအဖြစ် တိုင်းရင်းသားစည်းလုံးညီညွတ်ရေး ကိုအထူးအလေးထားမည်ဟု သူက ကတိပြုခဲ့သည်။ အလားတူနိုင်ငံ ရေး၏ ကွင်းဆက်တစ်ခုဖြစ်သော စီးပွားရေးအင်အားမတောင့်တင်း ရင်လည်း သူတစ်ပါး၏ အထင်အမြင်သေးမှု၊ နှိမ့်ချဆက်ဆံမှုတွေခံရ နိုင်သည့်အတွက် စီးပွားရေးအင်အားတောင့်တင်းသော စက်မှုနိုင်ငံ ဖြစ်အောင် ထူထောင်ရမည်ဟု တိုက်တွန်းသည်။ နိုင်ငံတော်ကာ ကွယ်ရေးအတွက်တော့ နိုင်ငံသားတိုင်းတွင်တာဝန်ရှိသည်ဟု သူက ဆိုသည်။ ထို့ပြင် နိုင်ငံတော်ကိုကာကွယ်ဖို့အတွက် ကမ္ဘာ့အဆင့်မီ တပ်မတော်တစ်ရပ်လည်းရှိဖို့လိုသည်ဟု ဦးသိန်းစိန်က သူ့ရဲ့ပထမ ဆုံးမိန့်ခွန်းတွင် ပြောဆိုခဲ့သည်။

ထို့ပြင် နိုင်ငံတော်၏ဥပဒေပြုရေး၊ အုပ်ချုပ်ရေး၊ တရားစီရင် ရေး စသည့်ကဏ္ဍအားလုံးတွင် အခြေခံဥပဒေနှင့်အညီ ဒီမိုကရေစီ နည်းကျကျ လုပ်ဆောင်ဖို့လိုအပ်ကြောင်း သူ့အစိုးရအနေဖြင့် သတိ ချပ်ခဲ့သည်။ အလားတူ သူပြောခဲ့သမျှသော မိန့်ခွန်းများထဲမှ ပြည် သူလူထုအပါအဝင် နိုင်ငံရေးလေ့လာသူများ၊ တက်ြ<ွကလှုပ်ရှားသူ များ၊ နိုင်ငံရေးသမားများအကြား ရေပန်းအစားဆုံးစကားသည် ''မိမိ တို့အစိုးရအနေဖြင့် ကောင်းမွန်သောအုပ်ချုပ်မှုပုံစံဖြင့် သန့်ရှင်းသော အစိုးရအဖွဲ့ဖြစ်ရေး''ဆိုသောစကားသာဖြစ်သည်။ ထိုစကားသည် လူတိုင်း သည်းခြေကြိုက်ဖြစ်ခဲ့သည်။

ပြည်သူ့လွှတ်တော်ကိုယ်စားလှယ်တစ်ဦးလည်းဖြစ်၊ လွှတ်တော် တွင်းအစိုးရ၏ အာမခံချက်များ၊ ကတိများနှင့် တာဝန်ခံချက်များစိစစ်ရေးကော်မတီအဖွဲ့ဝင်တစ်ဦးလည်းဖြစ်သူ ဦးရှိန်ကျော်ဝင်းက တော့ ယခုလို သုံးသပ်ပါသည်။
''ဦးသိန်းစိန်အစိုးရအနေနဲ့ အုပ်ချုပ်ရေး၊ ဥပဒေပြုရေးနဲ့ တရား စီရင်ရေးဆိုတဲ့မဏ္ဍိုင်ကြီးသုံးရပ်ကို အခြေခံဥပဒေသစ်နဲ့ဆောင်ရွက် ရတော့ အောင်မြင်မှုတွေရှိသလို အားနည်းချက်တွေလဲရှိတာပေါ့''။
၈၈ မျိုးဆက်ကျောင်းသားခေါင်းဆောင်တစ်ဦးဖြစ်သူ ဦးဌေးြ<ွကယ်၏အဆိုအရတော့ လက်ရှိအစိုးရအနေဖြင့် မူပိုင်းချမှတ်မှုတွင် အောက်ခြေအဆင့်အထိလိုက်နာနိုင်အောင်ချမှတ်နိုင်မှု အားနည်း နေပြီး အချို့အပိုင်းများတွင် အမိန့်ပေးစနစ်ဖြင့်သွားနေသည်ကိုတွေ့ ရသည်။ ညွှန်ကြားချက်များကို ထိထိရောက်ရောက်လိုက်နာနိုင်ဖို့အ တွက် ဒေသဆိုင်ရာတိုင်းဒေသကြီး၊ ပြည်နယ်အဆင့်အထိ ပူးပေါင်း ဆောင်ရွက်မှုအပိုင်းများတွင် အားနည်းနေသည်ဟုဆိုသည်။

ထို့ပြင် အောက်ခြေတရားဥပဒေစိုးမိုးရေးကို ဖြည့်ဆည်းပေး ရမည့် အုပ်ချုပ်ရေးဆိုင်ရာအဖွဲ့အစည်းများ (ဥပမာ-ရဲဌာန)၏ စွမ်းရည် တွေကလည်း အားနည်းနေသေးသည်ဟု ဦးဌေြး<ွကယ်က ဆိုသည်။
''ပြည်သူလူထုကိုခြိမ်းခြောက်ဖို့မဟုတ်ဘဲနဲ့ ပြည်သူလူထုကို ကာကွယ်ပေးမယ်ဆိုတဲ့အစိုးရတစ်ရပ်မျိုးအထိသွားနိုင်ဖို့ လိုအပ်ပါ တယ်''။

သမ္မတ၏ အားသာချက် (သို့) အကျိုး

မိမိတို့ရန်ကုန်တိုင်းမ်မှတွေ့ဆုံမေးမြန်းခဲ့သူများ၏ အဆိုအရတော့ ဦးသိန်းစိန်အစိုးရ၏ လုပ်ဆောင်ခဲ့သမျှထဲ တွင် နိုင်ငံရေးအကျဉ်းသားများလွတ်ငြိမ်းချမ်းသာခွင့်ပေး ခဲ့သည့်လုပ်ရပ်သည် အအောင်မြင်ဆုံးဖြစ်သည်ဟုဆိုသည်။

''လွတ်ငြိမ်းချမ်းသာခွင့်ကိစ္စတွေဆိုရင် တော်တော် ထင်သာမြင်သာရှိတဲ့လုပ်ဆောင်ချက်ကောင်းပါ''ဟု ပြည်သူ့ လွှတ်တော်ကိုယ်စားလှယ် ဦးရှိန်ကျော်ဝင်းက ပြောသည်။
နိုင်ငံတော်အစိုးရအနေဖြင့် နိုင်ငံရေးပြုပြင်ပြောင်း လဲမှုပြုလုပ်ရာတွင် ပါဝင်သင့်သူနိုင်ငံသားအားလုံးပါဝင် နိုင်စေရန်အတွက် နိုင်ငံရေးယုံကြည်ချက်ကြောင့် အကျဉ်း ကျခံရသူများအပါအဝင် ပြစ်ဒဏ်မှလွတ်ငြိမ်းချမ်းသာခွင့် အကြိမ်ပေါင်း(၄၉)ကြိမ်ခွင့်ပြုခဲ့ရာ အကျဉ်းသားပေါင်း ၆၈ဝဝဝ ကျော် လွတ်ငြိမ်းချမ်းသာခွင့်ရခဲ့သည်ဟု ပြီးခဲ့သည့် မတ်၂၄ ရက်တွင် ဦးသိန်းစိန်ကထုတ်ပြောခဲ့သည်။
ထို့ပြင်အကြောင်းအမျိုးမျိုးကြောင့် ပြည်ပနိုင်ငံများ တွင်ရောက်ရှိနေသော မြန်မာနိုင်ငံသားများအား မိခင်နိုင်ငံ အတွင်းသို့ပြန်လာနိုင်ရေးအတွက် ဖြေလျှော့မှုများပြုလုပ် ခဲ့သည့်လုပ်ရပ်ကိုလည်း မြန်မာ့နိုင်ငံရေးလေ့လာသူ ဦးကျော် လင်းဦးကကြိုဆိုသည်။

အလားတူ အမျိုးသားပြန်လည်သင့်မြတ်ရေးလုပ်ငန်းစဉ်တစ်ရပ်ကို အကောင်အထည်ဖော်ရာတွင်လည်း ယခင်စစ်အစိုးရလက်ထက်က နိုင်ငံရေးရန်ဘက်များဖြစ်ခဲ့ သည့် နိုင်ငံရေးအင်အားစုများကို ပြေလည်အောင်ဆောင် ရွက်နိုင်ခြင်းသည်လည်း ဦးသိန်းစိန်အစိုးရအတွက် အား သာချက်တစ်ခုဖြစ်သည်ဟု ဦးကျော်လင်းဦးက အသိအမှတ် ပြုသည်။
''ရလဒ်ကတော့ အမျိုးသားဒီမိုကရေစီအဖွဲ့ချုပ်ဆို ရင် လွှတ်တော်ထဲတောင် ရောက်နေပြီ။ နိုင်ငံရေးဖြစ်စဉ် တွေထဲမှာ ပါနေပြီ''။

အထူးသဖြင့် သူ့အစိုးရအဖွဲ့လက်ထက်တွင်မှ တစ် ကျော့ပြန်ဖြစ်ပွားခဲ့သည့်ပြည်တွင်းစစ်ကိုရပ်တန့်ဖို့ ဦးသိန်း စိန်အစိုးရ၏ ငြိမ်းချမ်းရေးဖော်ဆောင်ရေးအဖွဲ့နှင့် တိုင်း ရင်းသားခေါင်းဆောင်များအကြား တွေ့ဆုံဆွေးနွေးမှုကို ပိုမိုအရှိန်မြှင့်လာသည်ကို ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ ဦးပြုံးချိုက ထောက်ခံ သည်။

ပြည်တွင်းငြိမ်းချမ်းရေးကိစ္စနှင့် အမျိုးသားစည်းလုံး ညီညွတ်မှုဆိုသည်က သမိုင်းထဲတွင်ပဲမြင်တွေ့ရခဲ့သည်။ ထိုအချိန်က ကိုလိုနီခေတ်တို့၊ ဖက်ဆစ်လက်အောက်က လွတ်မြောက်ဖို့အတွက်ဆောင်ရွက်ရာမှာ စည်းစည်းလုံးလုံး လုပ်ခဲ့ကြတာမို့သာ၊ နောက်ပိုင်းတွင် စည်းလုံးမှုပြိုကွဲကုန် ပြီး ဟာကွက်ပျော့ကွက်တွေပိုများလာသည်ဟု ပြည်သူ့ လွှတ်တော်ကိုယ်စားလှယ် ဦးရှိန်ကျော်ဝင်းက ပြောသည်။

''အစိုးရအနေနဲ့ ငြိမ်းချမ်းရေးကိုရဖို့ဆိုရင် အချိန်ယူ ရမယ်၊ ယုံကြည်မှုရအောင်ယူနေရတော့ ထင်တိုင်းမပေါက် ဘဲ အခြေအနေကောင်းမလိုလိုဖြစ်ခဲ့တယ်။ မျှော်လင့်ချက် တော့ရှိနေပြီ။ အခက်အခဲတော့ရှိနေဦးမှာပဲ''ဟု ဦးရှိန်ကျော် ဝင်းက ယူဆသည်။
ထို့ပြင် သဘာဝပတ်ဝန်းကျင်အရေးကိုအကြောင်းပြ ကာ သူ့သက်တမ်းအတွင်းရပ်ဆိုင်းခဲ့သော မြစ်ဆုံရေအား လျှပ်စစ်စီမံကိန်းနှင့်ပတ်သက်ပြီးလည်း ပြည်သူလူထုနှင့် သဘာဝပတ်ဝန်းကျင်ရေးရာ ပညာရှင်တို့၏ထောက်ခံမှုကို သမ္မတဦးသိန်းစိန်ရရှိခဲ့သေးသည်။ အဆိုပါဆုံးဖြတ်ချက်ကို အမေရိကန်အပါအဝင် နိုင်ငံတကာအသိုင်းအဝိုင်းကလည်း ထောက်ခံအားပေးခဲ့သည်။

ယင်းသို့ သမ္မတဦးသိန်းစိန်၏လုပ်ဆောင်ချက်များ အနက် အသိအမှတ်ပြုဖွယ်ရာများမြင်တွေ့ရသလို မအောင် မြင်မှုများ၊ အားနည်းချက်များ၊ အပြောနှင့်အလုပ် ရှေ့နောက် မညီမှုများကလည်းရှိနေသေးသည်။

သမ္မတ၏ အားနည်းချက်(သို့) အပြစ်

''သူပြောခဲ့တဲ့ ကောင်းမွန်တဲ့အုပ်ချုပ်ရေးနဲ့ သန့်ရှင်း တဲ့အစိုးရ ပုံစံဖြစ်အောင်လုပ်မယ်ဆိုတဲ့ကိစ္စကတော့ ခုထက် ထိ ဖြစ်ဖို့ခဲယဉ်းနေသေးတယ်ဆိုတာပဲ''ဟု မြန်မာ့နိုင်ငံရေး လေ့လာသူ ဦးကျော်လင်းဦးက ထောက်ပြသည်။

၁၉၆၂ ခုနှစ်ကစပြီး စစ်အာဏာသိမ်းအစိုးရလက် ထက်အဆက်ဆက်တွင် တိုင်းပြည်၏အုပ်ချုပ်ရေးယန္တရား ကြီးတစ်ခုလုံးပျက်စီးသွားခဲ့တော့ လပိုင်း၊ နှစ်ပိုင်းအတွင်း ပြုပြင်ဖို့မလွယ်ကူသည်ကို နားလည်သော်လည်း ဦးသိန်း စိန်အစိုးရအနေဖြင့် ဖြစ်နိုင်ခြေရှိမည့်ပုံစံကောင်းအချို့ ရရှိအောင်သာ ဆောင်ရွက်နိုင်မည်ဟုသူက ယူဆသည်။

တစ်ချိန်တည်းတွင် သန့်ရှင်းသောအစိုးရတစ်ရပ်ဖြစ် ဖို့ဆိုရင်လည်း အစိုးရအဖွဲ့ဝန်ထမ်းတွေအားလုံးသည် အဂတိ တရားကင်းရှင်းဖို့၊ လာဘ်ပေးလာဘ်ယူမှုကင်းရှင်းဖို့လို အပ်သည်။ သို့အတွက် ဝန်ထမ်းများကို နိုင်ငံတကာအဆင့် လုပ်ခလစာနှုန်းထားပေးနိုင်ဖို့သည် သမ္မတဦးသိန်းစိန်အ တွက် မဟာအခက်အခဲတစ်ရပ်ဖြစ်နေသည်ဟု ဦးကျော် လင်းဦးက သုံးသပ်သည်။

သူ့ရဲ့သမ္မတသက်တမ်းစကတည်းကပြောဆိုခဲ့သည့် ဆင်းရဲနွမ်းပါးမှုလျှော့ချရေးလုပ်ငန်းစဉ်သည်လည်း အကောင် အထည်မြင်တွေ့ရန် မှုန်ဝါးနေဆဲဖြစ်သည်ကို ¤င်းကယခု လိုပြောသည်။
''အချို့လဲပြောကြတယ်။ ဒီမိုကရေစီပြုပြင်ပြောင်းလဲ ရေးက ထိပ်ပိုင်းမှာပဲရှိနေပြီး အောက်ခြေမှာ ဘာမှမပြောင်း လဲဘူးတဲ့။ အောက်ခြေလူတန်းစားတစ်ရပ်လုံးမှာ ဆင်းရဲမွဲ တေမှုမလျှော့ချနိုင်သေးဘူး၊ ဆင်းရဲနေတုန်းပဲ''။

ဆင်းရဲမွဲတေမှုလျှော့ချဖို့အတွက်ဟုဆိုကာ နိုင်ငံတကာ အကူအညီများကိုအသုံးပြုရာတွင်လည်း တကယ်တမ်းအ ချက်အလက်များဖြင့် ပွင့်လင်းမြင်သာမှုရှိရှိကိုင်တွယ်ဖြေ ရှင်းသည်ကိုမတွေ့ရဟု စီးပွားရေးပညာရှင် ဦးတင်သန်းဦး ကဆိုသည်။
''ဆိုလိုတာက နိုင်ငံတကာအကူအညီတွေကိုလိုချင်လို့ အမည်ခံ လိုက်လုပ်ပေးနေရတဲ့ပုံစံမျိုးဖြစ်နေတာ။ တကယ့် အတွင်းကျကျ ရည်ရွယ်ချက်နဲ့ပြောင်းလဲစေတဲ့လုပ်ငန်းစဉ် နဲ့ ဆင်းရဲသားတွေခံစားရတာ မရှိဘူး''ဟု ¤င်းက ဆိုသည်။

ဦးသိန်းစိန်အစိုးရသည် ဆင်းရဲသားများဝင်ငွေတိုး တက်ဖို့ကိုဆောင်ရွက်နေသည်ဆိုသော်လည်း သိသာသော တိုးတက်ပြောင်းလဲမှုကို ယနေ့ထိမမြင်တွေ့ရသေးဟု ဦးဌေး ကြွယ်ကဝေဖန်သည်။ အလားတူ ပညာရေးကဏ္ဍ၊ ကျန်း မာရေးကဏ္ဍတို့တွင်လည်း ပြုပြင်ပြောင်းလဲမှုမလုပ်နိုင် သေးဟု ¤င်းကဆိုသည်။

ကျေးလက်ဖွံ့ဖြိုးရေး၊ လျှပ်စစ်မီးရရှိရေး၊ ဆင်းရဲသား ပပျောက်ရေး၊ မူလတန်းကျောင်းတွေ အဆင့်တိုးမြင့်ရေး စသဖြင့်ရည်မှန်းချက်များထားကာ ပြောဆိုလုပ်ကိုင်နေပေ မယ့် သီးခြားရန်ပုံငွေသုံးစွဲနိုင်မှုနည်းပါတာ၊ ပူးပေါင်းဆောင် ရွက်နိုင်မှုအားနည်းတာတွေကြောင့် ယခုချိန်အထိ ထိထိ ရောက်ရောက်လုပ်နိုင်သည်ကို မတွေ့ရသေးဟု ဦးဌေးကြွယ် က ဆိုသည်။

''အထူးသဖြင့် နိုင်ငံရေးအကျဉ်းသားတွေလွှတ်ပေး တယ်ဆိုပြီး နောက်ထပ်နိုင်ငံရေးအကျဉ်းသားတွေ ဖြစ် လာအောင် ပိတ်ပင်ထားတဲ့၊ ခွင့်ပြုပေးထားတဲ့ ဥပဒေ တွေကို ပြင်ဆင်ဖို့ကိစ္စတွေမှာ အားနည်းနေတယ်။ မလို အပ်တဲ့ဥပဒေတွေကို ဖျက်သိမ်းနိုင်ဖို့ဆိုတဲ့ကိစ္စတွေမှာ တော်တော်ကြီးကို နှေးနေတယ်''ဟု ¤င်းက ဦးသိန်းစိန် အစိုးရ၏ အားနည်းချက်များကို ထောက်ပြသည်။

ယခုလိုဦးသိန်းစိန်အစိုးရ၏အားနည်းချက်များအ ပြင် ¤င်းအစိုးရအဖွဲ့၏ကျန်ရှိနေသေးသော နှစ်နှစ်တာ သက်တမ်းအတွက် အကြီးမားဆုံးဖြေရှင်းရမည့် စိန်ခေါ် မှုများလည်း ရှိသေးသည်။
သမ္မတဖြေရှင်းရမည့်

အကြီးမားဆုံးပြဿနာများ

မြန်မာတစ်နိုင်ငံလုံးရှိ ပြည်သူများ အဓိကကြုံတွေ့ နေရသည့် လယ်ယာမြေသိမ်းဆည်းခံရမှုပြဿနာသည် ဦးသိန်းစိန်အစိုးရအတွက် စိန်ခေါ်မှုအရှိဆုံးပြဿနာ ဖြစ်သည်ဟု မြန်မာ့နိုင်ငံရေးလေ့လာသူ ဦးကျော်လင်းဦး က ဟောကိန်းထုတ်သည်။
အဆိုပါပြဿနာများသည် ပြီးခဲ့သော စစ်အစိုးရ လက်ထက်က မတရားအရမ်းကာရော၊ စွတ်လုပ်ခဲ့သည့် လုပ်ရပ်များ၏ရလဒ်ဖြစ်သည်။

''တိတိကျကျ အထောက် အထားနဲ့သိမ်းခဲ့တာမဟုတ်ဘဲ သိမ်းချင်တာ လက်ညှိုးထိုး ပြီးအတင်းလုပ်ခဲ့တာ။ အခုပွင့်လင်းလာတဲ့ အစိုးရသစ် လက်ထက်မှာတော့ လယ်သမားတွေက ငုံ့မခံတော့ဘဲ ပြန် တောင်းဆိုကြတော့ ပြန်ပေးမယ်လုပ်တဲ့အခါ စာရင်း ဇယားတွေကအများကြီး ရှုပ်ထွေးနေတယ်''ဟု ဦးကျော် လင်းဦးက ဆိုသည်။ ¤င်းက ယခုလိုလည်း ဥပမာပေးပြီး သုံးသပ်ပါသေးသည်။

''ဥပမာ- စစ်တပ်ဆိုရင် တပ်မြေအတွက် မြေသိမ်း ရင် သူတို့လိုအပ်တာထက် ငါးဆလောက်ပိုသိမ်းထားတာ မျိုးတွေရှိတယ်။ မြေယာပြဿနာဟာ ဦးသိန်းစိန်အစိုးရ အတွက် တော်တော်ကိုကြီးတဲ့ပြဿနာကြီးဖြစ်သလို တော် တော်နဲ့ဖြေရှင်းဖို့မလွယ်တဲ့ ပြဿနာကြီးပဲ။ လာမယ့်ရွေး ကောက်ပွဲမှာ ဦးသိန်းစိန်အနေနဲ့ပဲဖြစ်ဖြစ်၊ ကြံ့ခိုင်ရေးပါတီ အနေနဲ့ပဲဖြစ်ဖြစ် ရွေးကောက်ပွဲမှာမဲရှုံးရင် အဲဒီကိစ္စကြောင့် ရှုံးတာပဲဖြစ်လိမ့်မယ်''။
ပြည်သူ့လွှတ်တော်ကိုယ်စားလှယ် ဦးရှိန်ကျော်ဝင်း ကလည်း ထိုအယူအဆနှင့်ဥပမာကို လက်ခံသည်။ မြေ သိမ်း ယာသိမ်းကိစ္စရပ်များသည် တိုင်းပြည်လူဦးရေ၏ ၇ဝ ရာခိုင်နှုန်းခန့်ရှိသော တောင်သူလယ်သမားများ၏ စီးပွားရေးကိစ္စဖြစ်သောကြောင့် ဦးသိန်းစိန်အစိုးရအ နေဖြင့် ¤င်းပြဿနာကိုမဖြေရှင်းနိုင်ပါက နိုင်ငံရေးအရ စည်းရုံးရေးလုပ်ငန်းစဉ်များတွင် အခက်အခဲတစ်ရပ်ဖြစ် လာနိုင်သည်ဟု ဦးရှိန်ကျော်ဝင်းကယူဆသည်။

ယင်းသို့ မြေသိမ်းယာသိမ်းအမှုများတွင် မူလပိုင် ရှင်များကိုပြန်ပေးနိုင်ဖို့အတွက် ပီပြင်သည့်လယ်ယာမြေ ဥပဒေမရှိသေးဟု ၈၈ မျိုးဆက်ငြိမ်းချမ်းရေးနှင့် ပွင့်လင်း လူ့အဖွဲ့အစည်းမှ ဦးဌေးကြွယ်ကယူဆသည်။ လယ်လုပ် သူသည် တကယ်ပဲလယ်ပိုင်ခွင့်ရှိသလား၊ လယ်လုပ်ပိုင် ခွင့်ပဲရှိတာလားဆိုသည်က ပီပြင်မှုမရှိသေးဘဲ ကြားအ ဖြေတစ်ခုဖြစ်သည့် မှတ်ပုံတင်ခွင့်ပေးသည့် အဆင့်သာရှိ သေးသည်ဟု ဦးဌေးကြွယ်ကဆိုသည်။
''အထူးသဖြင့် တကယ်နစ်နာတဲ့သူတွေကို ဖြည့် ဆည်းမှုပေးတဲ့အပိုင်းတွေ၊ ညှိနှိုင်းမှုပေးတဲ့အပိုင်းတွေမှာ အစိုးရအဖွဲ့ရဲ့ဖြေရှင်းနိုင်မှု အားနည်းနေပါတယ်''။

နောက်ထပ်ဦးသိန်းစိန်အစိုးရအတွက် ရင်ဆိုင်ဖြေ ရှင်းရမည့် အကြီးမားဆုံးသောပြဿနာသည် ပြည်တွင်း ထိပ်ပိုင်းစီးပွားရေးလုပ်ငန်းရှင်ကြီးများက လက်ဝါးကြီး အုပ်ထားသော စီးပွားရေးပုံစံပင်ဖြစ်သည်ဟု ဦးကျော် လင်းဦးကဆိုပါသည်။
သမ္မတဦးသိန်းစိန်ကတော့ မြန်မာနိုင်ငံ၏ စီးပွား ရေးမူဝါဒကို ဈေးကွက်စီးပွားရေးစနစ်ဟု ပြောဆိုခဲ့သော် လည်း လက်တွေ့တွင် ယခင်အစိုးရနှင့်ပတ်သက်ဆက် နွှယ်နေသောလုပ်ငန်းရှင်ကြီးများ၊ နီးစပ်သူများကသာ ငွေကြေးကို အခြေခံ၊ တိုင်းပြည်၏ စီးပွားရေးလုပ်ငန်း လုပ်ကွက်ကြီးများတွင် လက်ဝါးကြီးအုပ်ထားသည်ဟု သူကဆိုသည်။
''အဲဒီလက်ဝါးကြီးအုပ်ထားတာကို ပြန်ပြီးထိန်းချုပ် ဖို့၊ ကန့်သတ်ဖို့က လက်ရှိအစိုးရမှာအခက်အခဲတွေရှိနေ တယ်''ဟု ဦးကျော်လင်းဦးက ယူဆသည်။

ထိုအရေးကိုဖြေရှင်းဖို့ ထွက်ပေါက်တစ်ခုအဖြစ် နိုင်ငံ ခြားသားရင်းနှီးမြှုပ်နှံသူများကိုဖိတ်ခေါ်ကာ လွတ်လပ် သောရင်းနှီးမြှုပ်နှံမှု၊ ရောင်းဝယ်ဖောက်ကားမှုနှင့် စားသုံး သူတွေကို လွတ်လပ်စွာရွေးချယ်နိုင်သည့် ဈေးကွက်ပုံစံ မျိုးကိုပုံဖော်ဖို့ ဦးသိန်းစိန်အစိုးရ ကြိုးပမ်းခဲ့သည်။ သို့ သော် ထိုသို့သောတံခါးကျယ်ကျယ်ဖွင့်သည့် ဦးသိန်းစိန် ၏အစိုးရအဖွဲ့ကို အဓိကဆန့်ကျင်နေသည်က လွှတ်တော် ဖြစ်နေသည်။
အဘယ်ကြောင့်ဆိုသော် လွှတ်တော်ဥက္ကဋ္ဌ ကိုယ် တိုင်က ''ကိုယ့်တိုင်းပြည်မှာရှိတဲ့ စီးပွားရေးလုပ်ငန်းရှင် တွေက မတည်ငြိမ်သေးဘူး။ မအောင်မြင်သေးတဲ့အခြေ အနေမှာ ဈေးကွက်ကိုတံခါးဖွင့်ပေးလိုက်ရင် နိုင်ငံခြား က လာမယ့်အရင်းအနှီးအလုံးအရင်းတွေကြောင့် ပြည် တွင်းလုပ်ငန်းရှင်တွေကို နစ်နာသွားမှာကို စိုးရိမ်တယ်''ဆိုသည့်သဘောမျိုးပြောလာတော့ ဈေးကွက်ဖော်ဆောင် ရေးလုပ်ငန်းစဉ်တွေအပေါ် အဟန့်အတားအများကြီး ဖြစ်စေသည်ဟု ¤င်းကဆိုသည်။

''လက်ဝါးကြီးသာ အုပ်ထားတယ်၊ စားသုံးသူတွေ အတွက် ကျေနပ်လောက်တဲ့ဝန်ဆောင်မှုတွေကို မပေး နိုင်ဘူး။ တယ်လီဖုန်း၊ အင်တာနက်နဲ့ တခြားလုပ်ငန်းတွေ ကအစဆိုတော့ ဈေးကွက်စီးပွားရေး ပီပြင်တယ်လို့ကို ပြောလို့မရဘူး''။

ဈေးကွက်စီးပွားရေးဆိုသည်က ပြည်ပရင်းနှီးမြှုပ်နှံ သူတွေကို ဖိတ်ခေါ်ရမည်၊ လွတ်လပ်စွာယှဉ်ပြိုင်ခွင့်ကို အားပေးရမည်၊ လွတ်လပ်စွာယှဉ်ပြိုင်မှုအတွက် လိုအပ် သည့်ပံ့ပိုးမှုတွေကို အစိုးရနှင့်လွှတ်တော်က ပူးပေါင်းလုပ် ဆောင်ရမည့်သဘောရှိသည်။

လက်ရှိမြန်မာနိုင်ငံ၏ စီးပွားရေးလုပ်ငန်း နယ်ပယ် အဝန်းအဝိုင်းထဲတွင် လုပ်ငန်းရှင်များကိုယ်တိုင်က လွှတ် တော်ကိုယ်စားလှယ်များဖြစ်နေသည်။ အစိုးရအဖွဲ့တွင် လည်း လုပ်ငန်းရှင်ကြီးများကိုယ်တိုင်က ဝန်ကြီးအဆင့်၊ ဒုဝန်ကြီးအဆင့်များဖြစ်နေသည်။ သို့အတွက် လုပ်ငန်း ရှင်ကြီးများ၏ လက်ဝါးကြီးအုပ်လိုမှုသည် လွှတ်တော်မှ ထွက်လာသည့် ဥပဒေများတွင်ရော၊ အစိုးရအဖွဲ့မှ ထွက် လာသည့်ဥပဒေများ၊ မူဝါဒများအပေါ်တွင်ပါ လွှမ်းမိုးမှု အများဆုံးရှိသည်ဟု ဦးကျော်လင်းဦးက ယူဆသည်။
''နိုင်ငံတကာလုပ်ငန်းရှင်တွေ မလာသရွေ့ကတော့ လုပ်ငန်းရှင်တွေရဲ့ လက်ဝါးကြီးအုပ်မှုကို ပြည်သူလူထုအ နေနဲ့၊ စားသုံးသူတွေအနေနဲ့ ခါးစည်းပြီးခံနေရဦးမှာပဲ''။

ထို့အပြင် တိုင်းပြည်အတွင်းဝင်ရောက် ရင်းနှီးမြှုပ်နှံ ဖို့အတွက် နိုင်ငံတကာလုပ်ငန်းရှင်ကြီးများကို ဖိတ်ခေါ် နေသည်ဆိုသော်လည်း တရုတ်လွှမ်းမိုးနေသည့် စီးပွား ရေးစာချုပ်များရှိနေသဖြင့် နောက်ထပ်ဆန့်ကျင်ဘက် စီးပွားရေးလုပ်ငန်းများ၏ အခွင့်အလမ်းနည်းပါးမှုကိစ္စ သည်လည်း အကြီးဆုံးပြဿနာတစ်ရပ်ဟု စီးပွားရေးပညာ ရှင် ဦးတင်သန်းဦးကဆိုသည်။

မြန်မာနိုင်ငံသည် ကမ္ဘာ့လူဦးရေအများဆုံးနိုင်ငံ နှစ်ခု(တရုတ်၊ အိန္ဒိယ)အကြားတွင်ရှိနေသည့်အတွက် ကုန်ပစ္စည်းထုတ်ကုန်များကို အဓိကဖြုန်းတီးနိုင်မည့် ဧရာမ ဈေးကွက်ကြီးတစ်ခုဖြစ်ကြောင်း နိုင်ငံတကာလုပ်ငန်း ရှင်ကြီးများက သိကြပါသည်။ သို့သော် ပြည်တွင်းရေး မတည်ငြိမ်၊ မငြိမ်းချမ်းမှု၊ စာရင်းဇယားမရှိဘဲ ဟိုလူ့ပေး ရ၊ ဒီလူ့ပေးရသည့် ကုန်ကျစရိတ်တွေ ပိုများနေခြင်းက သူတို့(နိုင်ငံခြားသားရင်းနှီးမြှုပ်နှံသူတို့)အတွက် ဝင်ရောက် ရင်းနှီးမြှုပ်နှံဖို့ တွန့်ဆုတ်နေရခြင်းဖြစ်သည်ဟု ဦးတင် သန်းဦးက ယူဆသည်။

''နိုင်ငံတကာမှာမရှိတဲ့ တရားမဝင်ကုန်ကျစရိတ်က မြန်မာပြည်မှာ အကြီးမားဆုံးသောပြဿနာပဲ''။ ထို့ပြင် သမ္မတဦးသိန်းစိန်အတွက် တခြားသောပြဿနာရပ်များ ကလည်း ဒုနဲ့ဒေးရှိနှင့်နေသေးသည်ဟု ¤င်းက ဆိုသည်။

သမိုင်းလှအောင် ရေးမည်

သမ္မတဦးသိန်းစိန်ကတော့ သူတာဝန်ထမ်းဆောင် စဉ်အတွင်း တိုင်းပြုပြည်ပြု ဘယ်လောက်စွမ်းဆောင်နိုင် ခဲ့တယ်ဆိုတာကိုသမိုင်းတင်ခဲ့မည်ဖြစ်ကြောင်း သူ့ရဲ့သမ္မတ သုံးနှစ်ပြည့်သက်တမ်းတွင်ထည့်ပြောခဲ့သည်။ ညင်သာ သောဒီမိုကရေစီအပြောင်းအလဲကို တည်ငြိမ်အေးချမ်းစွာဖော်ဆောင်ခဲ့တယ်ဆိုတဲ့ လှပတဲ့သမိုင်းကို ရေးထိုးနိုင် ဖို့ သူ့တွင် ဆန္ဒရှိနေသည်။

ငြိမ်းချမ်းရေးလုပ်ငန်းစဉ်ဖြစ်သော အမျိုးသားပြန် လည်သင့်မြတ်ရေးဆိုသည့်အပိုင်းသည် မြန်မာနိုင်ငံ၏ သမိုင်းတွင် အဓိကဖြေရှင်းရမည့်ကိစ္စဟု ၈၈ မျိုးဆက် ကျောင်းသားဟောင်း ဦးဌေြး<ွကယ်က ပြောသည်။ ငြိမ်း ချမ်းရေးနှင့်အမျိုးသားပြန်လည်သင့်မြတ်ရေးမရှိဘဲ တိုင်း ပြည်ဖွံ့ဖြိုးတိုးတက်ဖို့ဆိုသည်က ဘယ်လိုမှမဖြစ်နိုင်ဟု သူက ယူဆသည်။

''ပြည်သူကနေ ရွေးချယ်တဲ့အရပ်သားအစိုးရတက် နိုင်ဖို့၊ ပြည်သူရဲ့အဆုံးအဖြတ်ကိုခံနိုင်ဖို့၊ ဒီမိုကရေစီပြုပြင်ပြောင်းလဲရေးမှာ ချောမွေ့နိုင်ဖို့ဆိုရင် အမျိုးသားပြန် လည်သင့်မြတ်ရေးကိုအဓိကဖြေရှင်းရမှာပါ''ဟု ဦးဌေးြ<ွကယ်က တိုက်တွန်းသည်။

မည်သို့ဆိုစေ လက်ရှိသမ္မတဦးသိန်းစိန်၏ အစိုးရ အဖွဲ့ကြုံတွေ့နေရသောလုပ်ငန်းစဉ်များ၊ ပြဿနာများ သည်ကား သူ၏ငါးနှစ်တာသက်တမ်းဖြင့် ဖြေရှင်းနိုင်ရန် မလွယ်ကူပါ။ သို့နှင့် ၂ဝ၁၅ ခုနှစ်အလွန်တွင် သူပဲ အစိုးရ ဆက်ဖြစ်မလား၊ တခြားတစ်ယောက်ပဲ အစိုးရဖြစ်လာ မလားဆိုသည်က ယခုထိဝေဝေဝါးဝါးရှိနေဆဲ။ အကယ် ၍သာ သမ္မတဦးသိန်းစိန်က အစိုးရဆက်မဖြစ်ခဲ့လျှင် လက်ရှိသူလုပ်နေသည့် လုပ်ငန်းများကပုံစံပြောင်းသွား နိုင်မလားဆိုသည်က စောင့်ကြည့်ရမည်ဖြစ်သည်။

ငြိမ်းချမ်းရေးဖြစ်စဉ်ကိုသာကြည့်လျှင် လက်ရှိအခြေ အနေအရ နီးနီးစပ်စပ်ဖြစ်နေပေသော်လည်း ဦးသိန်းစိန် အစိုးရဆက်မဖြစ်တော့ပါက ပြည်တွင်းငြိမ်းချမ်းရေးနောက် ကြောင်းပြန်ဆုတ်သွားမလားဆိုသည်ကို ဘယ်သူမှ တပ် အပ်ပြောနိုင်မည်မဟုတ်ဟု မြန်မာ့နိုင်ငံရေးလေ့လာသူ ဦးကျော်လင်းဦးက ဆိုသည်။

''ဦးသိန်းစိန်က တိုင်းရင်းသားတွေအပေါ်မှာ ကတိ ကဝတ်တွေထားခဲ့ပေမယ့် နောက်တက်လာမယ့်အစိုးရက အဲဒီ ကတိကဝတ်တွေကိုဖျက်သွားလိုက်ရင် ပြည်တွင်း စစ်ကဆက်ဖြစ် တစ်ကျော့ပြန်လာနိုင်တဲ့ အနေအထားမျိုး တွေရှိနေတယ်''။ ။

ကော်ဖီမစ်အိတ်ခွံဖြင့် ဖျာရက်လုပ်ပြီးစီး



Yangon Media Group

မင်းကွန်း မင်းဧကရီအိမ်တွင်းလက်မှုလုပ်ငန်းမှ ကော်ဖီမစ်အိတ်ခွံဖြင့် ဖျာရက်လုပ်ပြီးစီး
*********************************************
ရန်ကုန်တိုင်းမ် ဂျာနယ် အတွဲ (၁၀) အမှတ် (၁၅)

လှိုင်ထွေးအောင် ၊ မန္တလေး၊

စစ်ကိုင်းမြို့နယ် မင်းကွန်းရှေးဟောင်း ယဉ်ကျေးမှုဒေသပုထိုးတော်ကြီးအနီး စစ်ကိုင်း- မင်းကွန်းသွားလမ်းဘေးရှိ မင်းဧကရီအိမ်တွင်း လက်မှုအခမဲ့သင်တန်းမှ စူပါကော်ဖီမစ်အိတ် ခွံဖြင့် ဖျာတစ်ချပ်ရက်လုပ်ရာ သင်္ကြန်အကြို နေ့က ရက်လုပ်ပြီးစီးကြောင်း အဆိုပါဖျာရက် လုပ်သူ ဒေါ်ယဉ်ယဉ်ထွန်းက ပြောသည်။

စူပါကော်ဖီမစ်အိတ်ခွံ ၁ဝ၁ဝ၄ ခွံကိုစု ဆောင်း၍ ဒီဇင်ဘာလမှ စတင်ရက်လုပ်ရာ အလျားခြောက်ပေ၊ အနံသုံးပေရှိ ချိတ်ဒီဇိုင်း ဖျာကို ပစ္စည်းစုဆောင်းမှုအပါအဝင် ငါးလ ကြာ ရက်လုပ်ရခြင်းဖြစ်ကြောင်း သိရသည်။

''ကျွန်မအနေနဲ့ သဘာဝပတ်ဝန်းကျင်ထိန်း သိမ်းရေးကို ပြသချင်လို့ စွန့်ပစ်ကော်ဖီမစ် အိတ်ခွံတွေကို စုဆောင်းပြီး လက်ကိုင်အိတ်၊ ရေဘူးအိတ်၊ လွယ်အိတ်၊ ဆလင်းဘက်အိတ်၊ ဦးထုပ်တွေ ရက်လုပ်ရောင်းချခဲ့ပါတယ်။ ရေ သန့်ဘူးခွံများကိုလဲ ပန်းအိုး၊ ပန်းစိုက်ခြင်းတွေ ရက်လုပ်ခဲ့ဖူးပါတယ်။ အခုရက်လုပ်တဲ့ စူပါ ကော်ဖီမစ်အိတ်ခွံဖျာက ဒုတိယမြောက် ဖျာ ပါ။

ပထမဆုံးကော်ဖီမစ်အိတ်ခွံဖျာကို အိတ်ခွံ တံဆိပ်မျိုးစုံ ၁၁၄ဝဝ နဲ့ စတင်ရက်လုပ်ခဲ့ပါ တယ်။ ပစ္စည်းစုဆောင်းချိန်နဲ့ ရက်လုပ်ချိန် တစ်နှစ်ကြာမြင့်ခဲ့ပါတယ်။ မင်းကွန်းလာတဲ့ နယူးဇီလန်နိုင်ငံသား ခရီးသည်တစ်ဦးက ကော် ဖီမစ်အိတ်ခွံဖျာကို ဒေါ်လာ ၂ဝဝနဲ့ပေးဝယ် တာ ကျွန်မတစ်နှစ်ကျော် အချိန်ယူရက်ခဲ့တာ မို့ မရောင်းဖြစ်ခဲ့ပါဘူး''ဟု ဒေါ်ယဉ်ယဉ်ထွန်း ကပြောသည်။

ဒုတိယမြောက် ရက်လုပ်ပြီးစီးသည့် စူပါ ကော်ဖီမစ်အိတ်ခွံဖျာကို မန္တလေးမြို့ရှိမိတ်ဆွေ တစ်ဦး၏မှာကြားချက်အရ ရက်လုပ်ခဲ့ရာ ပထမ ပြီးစီးသွားသည့် ကော်ဖီမစ်အိတ်ခွံတံဆိပ်မျိုးစုံ ပါသောဖျာထက် ရက်လုပ်မှုခက်ခဲသော်လည်း လက်ရာမှာ ပိုမိုကောင်းမွန်လာကြောင်း သိရ သည်။

အဆိုပါဖျာကို ရန်ကုန်မြို့ရှိ စူပါကော်ဖီ မစ်ကုမ္ပဏီသို့ မန္တလေးမိတ်ဆွေမှ တစ်ဆင့် ပေးပို့မည်ဖြစ်ကြောင်း သိရသည်။

Wednesday, April 23, 2014

ဝမ်းနည်းမှတ်တမ်း

ဒီနေ့ဖြန့်ဝေတဲ့ဟံသာဝတီ ဦးဝင်းတင် ၏ ကိုယ်ရေးအထုပ္ပတ္တိ အကျဉ်း

ဒီနေ့ကာတွန်း

မန္တလေးတွင် နေ့အပူချိန်မြင့်တက်၍ တစ်ရက်အတွင်း ခြောက်ဦးသေဆုံး



The Voice Weekly

မြန်မာတစ်နိုင်ငံလုံးတွင် ခရမ်းလွန် ရောင်ခြည် အညွှန်းကိန်းတန်ဖိုးများ လွန်ကဲအဆင့်သို့ ရောက်ရှိနေပြီး မန္တလေးတ်ိုင်း ဒေသကြီး၏ နေ့အပူချိန်မှာ ဧပြီလအတွင်း မြင့်တက်လာသဖြင့် အပူဒဏ်ကြောင့် ဧပြီလ၂၁ ရက်နေ့ တစ်ရက်အတွင်း လူခြောက်ဦး သေဆုံးခဲ့ကြောင်း မန္တလေး ပြည်သူ့ဆေးရုံကြီးနှင့် တိုင်းဒေသကြီး ရဲတပ်ဖွဲ့မှူးရုံးထံမှ စုံစမ်းသိရှိရသည်။

ယင်းအပြင် အပူဒဏ်ကြောင့် ဧပြီလ ၂၁ ရက်နေ့တွင် လူခြောက်ဦး၊ ဧပြီလ ၂၂ ရက်နေ့တွင် လူငါးဦး စုစုပေါင်း ၁၁ ဦး မန္တလေး ပြည်သူ့ဆေးရုံကြီးတွင် ဆေးကုသမှု ခံယူနေကြောင်း အဆိုပါ ဆေးရုံကြီး ဆေးနှင့် လူမှုဆက်ဆံရေး အရာရှိ ဦးမင်းလွင်က ပြောကြားသည်။

“အဓိက ဖြစ်တဲ့သူတွေကတော့ နေပူထဲမှာ လုပ်ကိုင်တဲ့ လက်လုပ်လက်စားတွေ၊ နေပူထဲမှာနေတဲ့ ကလေးငယ်လေးတွေ၊ အရက်သမားတွေ သူတို့တွေက ပိုပြီး အဖြစ်များတယ်” ဟု ၎င်းကဆိုသည်။

ဧပြီလ ၂၁ ရက်နေ့တွင် မန္တလေး ပြည်သူ့ဆေးရုံကြီးသို့ မန္တလေးမြို့ပေါ်မှ အရက်အလွန်အကျွံ သောက်သုံးသူနှင့် နေပူထဲတွင် အလုပ် လုပ်ကိုင်သည့် လူရှစ်ဦး ရောက်ရှိလာကာ နှစ်ဦးမှာအပူရှပ် (Heat Stroke) သေဆုံးပြီး ရောက်ရှိလာခဲ့ကြောင်း ဦးမင်းလွင်က ထပ်မံပြောကြားသည်။
“မနေ့က နေတော်တော်လေး ပူတယ်။ ချွေးတွေထွက် မူးလဲပြီး ဆေးရုံ ရောက်လာတာ” ဟု မန္တလေး ဆေးရုံကြီးသို့ ဧပြီလ ၂၁ ရက်နေ့တွင် ရောက်ရှိကာ ဆေးကုသမှု ခံယူနေသည့် မန္တလေးမြို့ခံ ကျပန်း အလုပ်လုပ်ကိုင်သူ အသက် ၈၃ နှစ် အရွယ်ရှိ ဦးငွေအောင်က ဆိုသည်။

အပူရှပ်ခြင်းကြောင့် ဆေးရုံသို့ ရောက်ရှိလာသူ များသည် အသက် ၂၀ နှစ်မှ ၈၀ နှစ်ကျော်များ ဖြစ်ကြပြီး သေဆုံးသူ နှစ်ဦးသည် အသက် ၃၀ နှစ်ခန့် ရှိကြောင်း ဦးမင်းလွင်က ပြောဆိုသည်။
“ဧပြီ ၂၁ ရက်နေ့ ညနေ ၆ နာရီခွဲလောက်မှာ ရောက်လာတယ်။ အပူကြောင့် သေဆုံးသွားတဲ့ အလောင်းနှစ်လောင်းပါ ရောက်လာတယ်။ ယောက်ျားလေး တစ်ယောက်၊ မိန်းကလေးတစ်ယောက် သေတာ။ ကျန်တဲ့သူတွေကတော့ လူနာရဲ့ အခြေအနေပေါ်မှာ မူတည်ပြီး ဆေးရုံမှာ ဆက်ထားသွားမှာ။ ကျွန်တော်တို့ဆေးရုံ အနေနဲ့ကလည်း ရေခဲတွေ၊ လိုအပ်တဲ့ ဆေးဝါးတွေ၊ လူအင်အားတွေကို အဆင်သင့် လုပ်ထားပါတယ်” ဟု ၎င်းကထပ်မံဆိုသည်။
မန္တလေးခရိုင် မဟာအောင်မြေ မြို့နယ်တွင် ဧပြီလ ၂၁ ရက်နေ့ ညနေ ၄ နာရီ ၃၀ မိနစ်ခန့်က အခြေအနေမဲ့ သွားလာနေထိုင်နေသည့် အမျိုးသမီး တစ်ဦးသည် အရက်အလွန်အကျွံ သောက်စား၍ လမ်းဘေးတဲ အတွင်းတွင် သေဆုံးနေကြောင်း၊ အဆိုပါ နေ့ရက်တွင်ပင် အမရပူရမြို့နယ် ရှမ်းလေးကျွန်း ကျေးရွာထိပ် လမ်းလယ်ကျွန်းပေါ်တွင် အသက် ၃၇ နှစ်အရွယ် အမျိုးသား တစ်ဦးသည် အစာရေစာ ပြတ်လပ်၍ အပူကြောင့် အင်အားချိနဲ့ သေဆုံးနေကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံး မှတ်တမ်းများအရ သိရသည်။

ယင်းနေ့တွင်ပင် မိတ္ထီလာမြို့ မြင်းကန်ကျေးရွာ အနီးတွင် အသက် ၄၀ နှစ်အရွယ်ရှိ အမျိုးသား တစ်ဦးသည် အရက်အလွန်အကျွံ သောက်ပြီး သေဆုံးခဲ့ကြောင်း၊ ယင်းအပြင် မြင်းခြံမြို့နယ်ရှိ ဘုန်းကြီးကျောင်း အတွင်းတွင် အသက် ၈၀ နှစ်အရွယ်ရှိ အမျိုးသမီးကြီး တစ်ဦးသည် ပြင်ပဒဏ်ရာ မရှိဘဲ သေဆုံးနေခဲ့သဖြင့် အဆိုပါ သေမှုသေခင်းနှင့် ပတ်သက်ပြီး သက်ဆိုင်ရာမြို့နယ် ရဲတပ်ဖွဲ့စခန်းတွင် အမှုဖွင့်စစ်ဆေးလျက် ရှိကြောင်း အဆိုပါ ရုံးမှတ်တမ်းအရ ထပ်မံသိရသည်။

ရာသီဥတု ခန့်မှန်းချက်အရ လက်ရှိ နှစ်နွေရာသီတွင် အပူလွန်ကာလ ဖြတ်သန်းရဖွယ် ရှိသဖြင့် ရာသီဥတု ပူပြင်းသော အချိန်တွင် အပူလွန်ရောဂါများ၊ အပူရှပ်ခြင်း (Heat Stroke) ဖြစ်ပွားလာပါက အဆင်သင့် ကုသနိုင်ရန် မန္တလေး ဆေးရုံကြီးတွင် ဆေးဝါးများ၊ ရေခဲများ၊ အခန်းများကို မတ်လ တတိယ အပတ်မှစတင်ပြီး ကြိုတင် ပြင်ဆင်ထား ခဲ့ကြောင်း မန္တလေး ဆေးရုံကြီးဆေးနှင့် လူမှုဆက်ဆံရေးအရာရှိ ဦးမင်းလွင်က The Voice သို့ ပြောကြားထားသည်။

Heat Stroke ဖြစ်၍ ရောက်လာသော လူနာများအတွက် မန္တလေးတိုင်းဒေသကြီး ကျန်းမာရေး ဦးစီးဌာနနှင့် လူမှုကူညီရေး အသင်းများက ကူညီဆောင်ရွက်ပေးခြင်းအပြင် အရေးပေါ် လူနာကုသဌာနတွင် ဝန်ထမ်းအင်အား ၈၀ ကျော် ထားရှိထားကြောင်း မန္တလေး ပြည်သူ့ဆေးရုံကြီး မှတ်တမ်းများအရ ထပ်မံသိရသည်။

အပူရှပ်ခြင်း (Heat Stroke) ဖြစ်ပွားပါက အပူချိန် ကျသွားစေရန် ရေစိမ်ထားသည့် တဘက်ဖြင့် ခန္ဓာကိုယ်ကို ပတ်ထားခြင်း၊ လေအေးပေးစက် ဖွင့်ထားစေခြင်း၊ နေရောင်ခြည်ဖြင့် တိုက်ရိုက် မထိတွေ့စေခြင်းတို့ ပြုလုပ်ရန် လိုအပ်ကြောင်း မန္တလေး ပြည်သူ့ဆေးရုံကြီး ဆေးနှင့် လူမှုဆက်ဆံရေး အရာရှိ ဦးမင်လွင်က ထပ်မံပြောကြားသည်။

ပြီးခဲ့သည့်၂၀၁၀ ပြည့်နှစ် မေလက ပြင်းထန်သော အပူချိန်ကြောင့် မန္တလေးတိုင်းဒေသကြီးတွင် လူရာချီ သေဆုံးခဲ့သည်။ မန္တလေးတိုင်းဒေသကြီးတွင် အမြင့်ဆုံး နေ့အပူချိန်မှာ ဧပြီလ ၂၁ ရက်နေ့ တိုင်းတာချက်အရ မန္တလေးမြို့တွင် ၄၂ ဒသမ ၂ ဒီဂရီစင်တီဂရိတ်၊ ပြင်ဦးလွင်တွင် ၃၃ ဒသမ ၅ ဒီဂရီစင်တီဂရိတ်၊ ကျောက်ဆည်တွင် ၄၁ ဒသမ ၆ ဒီဂရီ စင်တီဂရိတ်၊ မြင်းခြံတွင် ၄၁ ဒသမ ၆ ဒီဂရီစင်တီဂရိတ်၊ ညောင်ဦးတွင် ၄၁ ဒသမ ၅ ဒီဂရီစင်တီဂရိတ်၊ ရမည်းသင်းတွင် ၄၀ ဒသမ ၆ ဒီဂရိစင်တီဂရိတ်တို့ ရှိကြောင်း မန္တလေးတိုင်းဒေသကြီး မိုးလေဝသနှင့် ဇလဗေဒ ညွှန်ကြားမှု ဦးစီးဌာနထံမှ စုံစမ်းသိရှိရသည်။

သင်္ကြန်ကာလ အပြီးတွင် အပူချိန် သိသိသာသာ မြင့်တက်လာမှုကြောင့် မိုးရွာစေရန် မန္တလေးမြို့တော်တွင် မိုးခေါ် လွန်ဆွဲပွဲများ ကျင်းပလျက် ရှိသည်။

ဟံသာဝတီ ဦးဝင်းတင်ရဲ့ ငယ်ဘ၀ ဖြတ်သန်းမှု

video